[1592/4/139]*[print] [email] [cite] [preceding] [following]
†Oure soverane lord, with avise of the estaitis of this present parliament, understanding that his hienes umquhile darrest father and mother, of moist noble memorie, king and quene of this realme, disponit to Maistir David Chalmer of Ormon, ane of the ordiner senatouris of the college of justice, his aris and assignais in fewferme, all and haill the toun and landis of Casteltoun and boittis thairof, Balmaduchie, Ochterflo and Mekle Suddie, with the mill, millandis, ailhoussis and ailhous croft thairof, lyand within the lordschip of Ardmnoche and sherefdome of Invernes, to be haldin of our saidis umquhile soveranis lord and lady, his majesties predicessouris and thair successouris for yeirlie payment conforme to the auld rentall, with ane yeirlie augmentatioun contenit in the said Maister Davidis charter of fewferme of the dait at Striviling, the tuentie thre day of December, the yeir of God jM vC threscoir sex yeiris, quhilk wes deulie ratifiit and apprevit be hir majestie, with avise of the haill estaitis of hir parliament haldin at Edinburgh, the xix day of Aprile, the yeir of God jM vC threscoir sevin yeiris, in hir hienes perfite aige, lyk as oure soverane lord, efter his perfite aige of tuentie fyve yeiris compleit, under the testimonie of his greit seill, hes ratifiet and confermit the said infeftment (cum clausula de novo damus); togidder with the said act of parliament of the daittis respective foirsaidis, lyk as the said confirmatioun of the dait at Edinburgh, the secund day of Julii, the yeir of God jM vC fourscoir ellevin yeiris, with the said infeftment and act of parliament beris; lyk as also his majestie in his perfite aige of tuentie ane yeiris and act of annexatioun, annexing the spirituall landis to the crown, disponit to the said Maistir David heretablie all and haill the gleibis and mansis of the chancellarie of Ross and vicarage of Suddie, all and haill the gleib, mansis and kirklandis of Kynnettis (cum decimis inclusis) lyand in the Channonrie of Ross at the kirkis of Suddie and Kynnettis respective within the diocie of Ross and schirefdome of Invernes; siclyk and all and haill tua oxingang of Nauitie, with the pertinentis, lyand within the schirefdome of Cromertie, boundit, to be haldin and for payment respective specifiit in the said Maistir Davidis infeftmentis maid thairanent. And attour, his majestie hes gevin, grantit and disponit to the said Maistir David, his aris and assignais, all and haill the tenement of land bak and foir, under and abone, with the pertinentis, lyand within the burgh of Edinburgh on the southsyd thairof at the heid of the cloise callit Stewartis Cloise, dotit of auld to the college kirk of Creichtoun and pertening to oure said soverane lord be vertew of the said act of annexatioun, quhilkis infeftment, with the saidis gleibis, mansis, kirkland, tua oxingang of land of Nauitie, togidder with the said tenement of land lyand as said is, his hienes, efter his perfite aige of tuentie fyve yeiris compleit, hes ratifiet, approvin and of new gevin as his grace dispositioun thairof of the dait at Edinburgh, the secund day of Julii, the yeir of God jM vC fourscoir ellevin yeiris, at mair lenth proportis. And seing this is the first parliament efter his majesties perfite aige of tuentie fyve yeiris compleit, his majestie, with avise of the estaitis of this present parliament, ratifies, apprevis and confermis the foirsaidis dispositionis, infeftmentis and act of parliament off the daittis and tenouris abone mentionat, for geving of the same farther strenth, force and effect, gif ony farther richt, consent or authorizement may be found neidfull thairunto in ony tyme heireftir; and willis that this present ratificatioun be extendit and interpreit in als ample forme as the said act maid in the said Maistir Davidis favouris and ratifiit in parliament, haldin be his hienes umquhile darrest mother, with all and sindre pointis, articles and clausis specifit in the samyne.
[1592/4/140]*[print] [email] [cite] [preceding] [following]
†Oure soverane lord and his estaitis of parliament ratifies and apprevis the infeftmentis maid be oure said soverane lord to his lovit Alexander Hume of Northberuik, his aris and assignais thairin specefiit, of the baronie of Northberuicke, landis, mylnis, fischingis, housis, yardis, mansionis, fewfermes, tennetis, tennandries and service of frie tennentis of the samyne, advocatioun, donatioun and richt of patronage of the parsonage and vicarage of the paroche kirk of Northberuik thairin contenit: the ane thairof maid be oure said soverane lord efter his perfite aige of xxj yeiris, the uther efter his perfite aige of xxv yeiris compleit, baith contening libertie of frie baronie, as the samyn at mair lenth proportis; quhilkis infeftmentis oure said soverane lord and his estaitis of this present parliament, decernis and ordanis to stand in full force, strenth and effect, and nawyis to be comprehendit under ony of his hienes revocationis, ather in generall or in speciall, fra the quhilkis and everie ane of thame, oure said soverane lord and his saidis estaitis hes declarit and declaris the saidis infeftmentis to be exceptit.
[1592/4/141]*[print] [email] [cite] [preceding] [following]
†Oure soverane lord and his estaitis of parliament ratifies and apprevis the first originall infeftment maid be oure soverane lord efter his perfite aige of tuentie ane yeiris compleit to his weilbelovit Schir Robert Melvill of Murdocarny, knicht, his hienes thesaurair, his aris and assignais and successouris thairin specefiit, off all and haill the woid of Garvok and manurit landis thairof, mansioun and housis of the samyne; and als of all and haill the baronie of Bruntiland and landis annext thairto, with the castell and fortalice of the samyne, advocatioun, donatioun and richt of patronage of the benefices, with procurationis and instrumentis of resignatioun quhairupoun the samyn procedit, togidder with dyverse utheris infeftmentis of the samyn landis and baronie maid to the said Schir Robert and Robert Melvill, his lauchfull sone, and thair aris thairin mentionat, speciallie the last infeftment maid thairof to thame be oure said soverane lord in his perfite aige; and findis and declaris the samyne to have orderlie procedit and to have bene justlie and weill gevin and grantit to the said Schir Robert, his said sone, thair aris and successouris thairin mentionat, for the reasonis and causis specefiit in thair saidis infeftmentis. And thairfoir, his majestie and his saidis estaitis of parliament hes ratifiet and apprevit and, be the tennour of thir presentiz, ratifies and apprevis the saidis infeftmentis, with the procuratories and resignationis quhairupoun the samyn procedit, in all heidis, clausis, articles and circumstancis thairof, and declaris, decernis and ordanis the samyn to stand in full force, strenth and effect to the said Schir Robert, his said sone, thair aris and successouris thairin contenit, for bruiking of the said baronie, landis and utheris annexit thairto in all tyme cuming, nochtwithstanding ony statute and ordinance, generall or speciall revocatioun maid in this present parliament, or at ony tyme befoir the dait heirof.
[1592/4/142]*[print] [email] [cite] [preceding] [following]
†Oure soverane lord, efter his lauchfull and perfite aige of tuentie fyve yeiris compleit, with avise of his estaitis in this present parliament, ratifies, apprevis and confermis the lettres of gift maid, gevin and grantit be his hienes, with avise and consent of his trustie and weilbelovit counsellouris, Schir Johnne Maitland of Thirlestane, knicht, chancellair, Thomas, maistir of Glammis, thesaurair, Schir Lues Bellenden of Auchnoule, knicht, justice clerk, Schir Robert Melvill of Murdocarny, knicht, thesaurair depute, and Maistir Robert Douglas, provest of Lincluden, collectour generall and thesaurair of the new augmentationis, to his dalie servitour, Andro Melvill of Garvok, his majesties maistir houshald, during all the dayis of his lyftyme, off all and haill ane yeirlie pensioun of all and sindre the few males and annuelrentis of the temporall landis of the abbacie of Corsraguell pertening to his hienes be vertew of the act of annexatioun of temporall and kirklandis to the croun, extending yeirlie to the sowme of four hundreth markis monie of this realme, salvo justo calculo, togidder with aucht chalderis aittis yeirlie to be uptakin furth of the thrid of the auld assumptioun of the aittis off the bischoiprik of Sanctandrois at the termes of payment usit and wont in all and sindre pointis, articles and clausis thairof; decerning and ordaning that the said gift is nocht, nor sall nocht, be comprehendit in ony his bypast revocationis or to cum, bot speciallie exceptit and reservit furth of the same.
[1592/4/143]*[print] [email] [cite] [preceding] [following]
†Oure soverane lord and estaitis of this present parliament, havand consideratioun of the guid, trew and thankfull service done to his majestie and his predicessouris, speciallie tending to the setting fordwart of the commoun weill of this realme be his hienes familiare servitour Schir Johnne Murray, ane of his majesties maistir houshalders, and his predicessouris thir mony yeiris bygane, sufficientlie knawin to his majestie, thairfoir ratifies, apprevis and confermis the charter and infeftment maid be his majestie efter his hienes lauchtfull and perfite aige of tuentie fyve yeiris compleit and generall revocatioun maid of befoir, to the said Schir Johnne Murray of Tullibardin and his aris maill, lauchfullie gottin or to be gottin of his bodie, quhilkis falyeing to his narrest and lauchfull aris maill quhatsumevir berand the surname and armes of Murray, off all and sindre the landis and lordschip of Balquhidder, with castellis, touris, mylnis, woddis, fischingis and utheris thairof particularlie contenit in the said charter, contening thairintill ane unioun of the samyn, with his majesties promeis to mak this present ratificatioun, and all and sindre utheris pointis, articles, heidis and clausis contenit in the said charter and infeftment efter the forme and tennour thairof in all pointis, as the samyne of the dait at Halyruidhous, the xiiij day of October, the yeir of God jM vC lxxxxj yeiris, beris.
[1592/4/144]*[print] [email] [cite] [preceding] [following]
†Forsamekle as oure soverane lord in the moneth of Januar the yeir of God jM vC fourscoir aucht yeiris, efter his perfite aige of xxj yeris, gaif and grantit to Schir Johnne Cokburne of Ormeistoun, knicht, and Dame Jonet Hume, his spous, the langer levair of thame tua, and the aris maill lauchfullie gottin or to be gottin betuix thame, quhilkis failyeing, to the said Schir Johnne, his aris maill and assignais, all and haill the baronie of Ormeistoun, with annexis, connexis, partis, pendicles thairof speciallie mentionat in the said infeftment quhilk procedit upoun the said Schir Johne his awin resignatioun in oure said soverane lordis handis for the said new infeftment to be grantit in frie blench, quhair as the saidis landis and baronie wer haldin of befoir be service of ward and releif, and siclyk be the said new infeftment the advocationis, donatioun and richt of patronage of the paroche kirk of Ormeistoun is unite and annext to the said baronie, as the said infeftment at mair lenth proportis. And oure said soverane lord and his saidis estaittis of parliament, having consideratioun of the guid, trew and thankfull service done to his hienes be the said Schir Johnne, in the quhilk he hes bene oftymes imployit sen his majesties coronatioun, to his greit chargis and expensis, haif ratifiet and apprevit and, be thir presentis, our said soverane lord, for his hienes and his successouris, confermis the said infeftment in all clausis and circumstances thairof, ordaning the same to stand in full effect, force and strenth to the said Schir Johnne, his said spous, thair airis and assignais foirsaidis in all tyme cuming, nochtwithstanding of the change of the ward service in frie blenche and richt of patronage, and nochtwithstanding of quhatsumevir revocationis maid be oure said soverane lord befoir the dait heirof.
[1592/4/145]*[print] [email] [cite] [preceding] [following]
†Oure soverane lord, with avise of the estaitis of this present parliament, hes declarit and, be the tennour heirof, declaris that the benefite of pacificatioun, restitutioun and abolitioun maid in favouris of the barnis and aris of umquhile Patrik Quhitlaw of that Ilk at ony tyme heirtofoir, or that salhappin to be maid or grantit in thair favouris at ony tyme heireftir, sall nawyis be extendit to the landis of Eist Fentoun, commonlie callit Fentoun Toure of Over Sydserff, with the tour, fortalice, maner places, housis, biggingis, yardis and pertinentis of the same quhatsumevir, lyand within the constabularie of Hadingtoun and schirefdome of Edinburgh, bot that the saidis landis and utheris abonewrittin, with thair pertinentis, sall pertene to his hienes and his successouris as fallin and becum in his hienes handis throw the proces and dome of foirfaltour led and deducit aganis the said Patrik Quhitlaw of that Ilk, to be usit and disponit be his hienes and his successouris in all tyme cuming at his plesir, nochtwithstanding quhatsumevir pacificatioun, restitutioun, abolitioun or uther act of parliament quhatsumevir grantit or to be grantit that may be extendit or interpreit in the contrair, quhilk his hienes in that pairt expreslie revoikis, casis and declaris to be null and of nane availl; and that oure said soverane lord, with avise foirsaid, revoikis, casis and annullis all infeftmentis, giftis and dispositionis maid be his hienes of the saidis landis, tour, fortalice and utheris abonewrittin, with thair pertinentis, to quhatsumevir persoun or personis heirtofoir preceidand be reasone of the said foirfailtour, or be quhatsumevir uther maner of way with all that hes followit or may follow thairupoun.
[1592/4/146]*[print] [email] [cite] [preceding] [following]
†Oure soverane lord, with avise of the estaitis of this present parliament, efter his lauchfull and perfite aige of tuentie fyve yeiris compleit, hes declarit and, be the tennour heirof, declaris that the benefite of pacificatioun, restitutioun and abolitioun maid and grantit in favouris of Johnne Mosman, goldsmith, burges of Edinburgh, at ony tyme heirtofoir, or that salhappin to be maid and grantit in his favouris at ony tyme heireftir, sall nawyis be extendit to the landis of Langhirdmeistoun, Curry and mylne thairof, nor to annuelrentis furth of the same, quhilkis pertenit to umquhile James Mosman, lyand within the schirefdome of Edinburgh principall, bot that the saidis landis, annuelrentis and utheris abonewrittin, with thair pertinentis, sall apertene to oure said soverane lord and his hienes successouris as fallin and becum in his hienes handes throw the proces and dome of foirfaltour led and deducit aganis the said umquhile James Mosman, goldsmith, to be usit and disponit be his hienes and his successouris in all tyme cuming at his plesir, nochtwithstanding quhatsumever pacificatioun, restitutioun, abolitioun or uther act of parliament grantit or to be grantit that may be extendit or interpreit in the contrair, quhilkis oure said soverane lord in that pairt expreslie revoikis, casis and declaris to be null and of nane availl; lyk as his hienes, with advise foirsaid, revoikis, casis and anullis all infeftments, giftis and dispositionis maid be his hienes of the foirsaidis landis and annuelrentis, with thair pertinentis, to quhatsumever persoun or personis at ony tyme heirtofoir preceidand be reasone of the said foirfaltour or be quhatsumever uther maner of way with all that hes followit or may follow thairupoun.
[1592/4/147]*[print] [email] [cite] [preceding] [following]
†Oure soverane lord, remembring that his majestie, upoun ane speciall, guid consideratioun mentionat in the infeftment efter specefeit, with advise of Andro Wod of Largo, his hienes comptroller for the tyme, in the moneth of Januar jM vC fourscoir fyve yeris, gaif and disponit heretablie in fewferme to his graces lovit Maistir Gilbert Moncreif, his hienes mediciner, his aris and assignais, all and haill the landis of Myrsyd and Bachiltoun, with thair partis, pendicles and pertinentis, lyand in the lordschip of Methven and schirefdome of Perth, to be haldin of his majestie and his successouris in fewferme, for payment of certane yeirlie dewtie specefiit in the infeftment grantit thairupoun to the augmentatioun of his hienes rentall; and als that his hienes, respecting the particuler caus mentionat in the said former infeftment in the moneth of Julii, fourscoir sevin yeiris, efter his majesties perfite aige of xxj yeris compleit and generall revocatioun maid in parliament, with avise of his grace comptrollair for the tyme, gaif and disponit in fewferme to the said Maistir Gilbert, his aris and assignais heretablie, all and hail the saidis landis of Myresyd and Bachiltoun with thair partis, pendicles and pertinentis lyand within the lordschip and schirefdome foirsaidis, to be haldin of his hienes and his successouris in fewferme; and siclyk that his majestie, in the moneth of September, fourscoir ellevin yeris, efter his hienes lauchtfull and perfite aige of tuentie fyve yeris compleit, with advise of David Seytoun of Parbroth, comptrollair, upoun the said Maistir Gilbertis resignatioun, not onlie gaif and disponit heretablie in fewferme to the said Maistir Gilbert Moncreif, his aris and assignais quhatsumevir, all and haill the foirsaidis and pertinetis lyand within the lordschip and schirefdome abone rehersit, bot als for the guid and thankfull service done and to be done be the said Maistir Gilbert to his hienes, off sure knawlege and frie will off new, gaif and disponit to the said Maistir Gilbert, his aris and assignais, all and haill the saidis landis of Myresyd and Bachiltoun, with housis, biggingis, yardis, partis, pendicles, anexis, connexis, toftis, croftis, outsettis and all thair pertinentis, togidder with all richt, tytill, entress, clame of richt alsweill petitour as possessour, quhilkis his hienes, his predicessouris or successouris haid, hes or onywyis micht clame or haif thairto or ony pairt thairof or to the few males, few fermes, proffittis and dewties of the samyn, off quhatsumevir yeiris and termes bygane be ressone of ward, nonentres, releif, escheit, foirfaltour, recognitionis, purprusionis, disclamationis, bastardrie, provisionis of tailyie, reductionis of infeftmentis, seasingis or retouris, alienatioun of haill or maist pairt, or for quhatsumevir uther caus, actioun or occasioun bigane, renunceand and dischargeand the samyn with all actioun and instance thairof for his grace and his successouris to the said Maistir Gilbert, his aris and assignais, for than and evir cum pacto de non petendo, and with supplement of all faultis, alsweill not namit as namit, quhilkis his hienes hes haldin as expressit in the said last infeftment, to be haldin of his majestie and his successouris in fewferme for payment of the yeirlie ferme and dewtie contenit in the first and secund infeftmetis, nawyis to the diminutioun of his hienes rentaill, bot to the augmentatioun thairof, as in the saidis thre infeftmentis of fewferme under the greit seill and seasingis respective following thairupoun is at mair lenth contenit; thairfoire oure said soverane lord, considdering the lang, guid, trew and faithfull service done to his hienes and his graces darrest cousing Ludovic, duke of Lennox, at his hienes speciall comand and directioun, quhair of his majestie hes guid experience, and willing to gif him the better occasioun to continew thairin in tyme cuming, with avise of the estaitis and haill bodie of this present parliament, ratifies, apprevis and, for his hienes and his successouris, perpetuallie confermis the haill thre infeftmentis of fewferme respective abonewrittin maid and grantit be his majestie, with avise of his graces comptrollaris, to the said Maistir Gilbert Moncreif, his aris and assignais quhatsumevir, off all and haill the saidis landis of Myresyd and Bachiltoun, with housis, biggingis, yardis, partis, pendiclis, annexis, connexis, toftis, croftis, outsettis and all thair pertinentis lyand within the lordschip and schirefdome foirsaidis, haill articles, clausis and conditionis specefiit and contenit in the samyn infeftmentis of fewferme, togidder with the seasingis respective following thairupoun efter the formes and tennouris thairof; and willis and grantis and, for his hienes and his successouris, perpetuallie decernis and ordanis that this present generall ratificatioun, approbatioun and confirmatioun is, and salbe, als sufficient as gif the foirsaidis infeftmentis and seasingis respective following thairupoun wer at lenth, word be word, insert heirintill for the said Maistir Gilbert, his aris, successouris and assignais better securitie of the premissis.
[1592/4/148]*[print] [email] [cite] [preceding] [following]
†Oure soverane lord, willing that the gift and lettre of pensioun of tuentie chalderis wictuall to be takin furth of the superplus of the thriddis of the priorie of Sanctandrois maid and gevin be his hienes to Patrik Hume, apperand of Polwart, and Patrik Murray, his domesticke servitouris, salbe effectuall in all tyme cuming, with avise of the estaitis of this present parliament, ratifies and apprevis the said lettre of pensioun and speciall assignatioun thairin contenit, of the dait the xviij day of October, the yeir of God jM vC fourscoir nyne yeiris, and of new gevis and disponis the same to thame conforme to the former gift in all pointis; and willis, statutis and ordanis that the said lettre of pensioun and assignatioun foirsaid be nawyis hurt nor prejugeit be ony erectioun of the kirklandis of the said priorie in ane temporall lordschip, bot thai peceablie to bruik the same nochtwithstanding thairof and of all uther actis maid in the contrair, to the quhilk thir presentis makis expres dirogatioun. And seing the said pensioun hes bene bruikit and possest be the saidis Patrik Hume and Patrik Murray be vertew of thair said gift, as ane part of the superplus of the thriddis of the said priorie thir dyverse yeris bygane, quhilk was reservit to his hienes and unassignit to the ministrie, thairfoir his hienes lykwayis willis and ordanis that the same sall at all tymes heireftir remane as ane pairt of the said superplus, to be frie of all assignationis maid or to be maid to the ministrie of ony pairt of thair stipendis and of all uther impedimentis that in onywayis may stop or truble thame in the peceable bruiking and joysing of the same.
[1592/4/149]*[print] [email] [cite] [preceding] [following]
†Oure soverane lord and estaitis of parliament hes ratifiit and apprevit and, be thir presentis, oure said soverane lord, for his hienes and his successouris, ratifies, apprevis and perpetuallie confermis the pensioun and lettrez of gift grantit be oure said soverane lord to his hienes lovit servitour Thomas Erskin of Gogar, eldest lauchtfull sone to umquhile Alexander Erskin of Gogar, and to Maistir George, James, and Archebald Erskynnis, also his lauchtfull sonnes, proportionallie amongis thame, as is contenit in the said gift, off all and haill the yeirlie pensioun of money and wictuall thairin contenit, quhilk gift is under the privie seill of the dait the sext day of September, the yeir of God jM vC fourscoir ellevin yeiris, in all and sindre pointis, articles and clausis thairof; and decernis and declaris that this present ratificatioun of the said gift in this generall forme salbe als sufficient as gif the said lettre of gift wer insert in thir presentis. And forder oure said soverane lord, with avise of his saidis estaitis, for his hieres and his successouris, declaris and decernis that the said lettre of gift salbe ane full richt to the saidis Thomas, Maistir George, James and Archebald Erskynnis, and everie ane of thame, for bruiking of the saidis pensionis proportionallie in maner and forme specefiit in the said gift during thair saidis lyftymes, nochtwithstanding of ony of his hienes revocationis, ather in generall or in speciall, fra the quhilkis, and everie ane of thame, oure said soverane lord and his saidis estaitis hes declarit and declaris the said gift salbe exceptit, as als nochtwithstanding of the act of revocatioun maid in the moneth of Februar, the yeir of God jM vC fourscoir yeris, to the quhilkis thir presentis sall mak expres dirogatioun.
[1592/4/150]*[print] [email] [cite] [preceding] [following]
†Oure soverane lord the kingis majestie and estaitis, understanding and considdering that in respect of the lang service of his lovit Thomas Lindsay, Snadoun herauld, collector depute within the boundis of Lowthian and Merse, and for sindre ressonable and guid caussis moving his majestie, he gaif, grantit and disponit to the said Thomas and Bernard Lindsay, his sone, during all the dayis of thair lyftymes respective and successive efter utheris, all and haill sex chalderis, four bollis beir yeirlie to be upliftit of the best and reddiest of the superplus of the thriddis, fermes and dewties of the abbacie of Ferne, and tuentie bollis horse corne also to be uptakin be thame of the thriddis and superplus of the deanrie of Restalrig, teyndis and fermis thairof, conforme to the gift and dispositioun maid be his hienes thairupoun, as the samyne at lenth beris, quhilkis sex chalderis, four bollis beir abone specefiit the said Thomas haid of befoir assignit and disponit to him in yeirlie fie for his service, quhairof he hes bene in possessioun thir dyverse yeris bypast, lyk as he yit is; and that sen the gift thairof foirsaid maid to the saidis Thomas and his sone thair is ane heretable infeftment and dispositioun maid be his majestie to Patrik Gordoun of Letterfurie off all and sindre the landis and possessionis pertenin to the said abbay of Ferne, and that the tyme of the granting thairof to him, it was his majesties mynd and intentioun that thairby the saidis Thomas and his said sone nawayis be hurt nor prejudgeit anent thair pensioun of the wictuall foirsaid, bot that the gift thairof suld remane effectuall to thame during thair lyftymes, lyk as the said Patrik faithfullie promittit to his hienes, befoir the subscryving of the said infeftment, that the samyn suld nawyis hurt nor prejuge the said Thomas and his sone anent the gift foirsaid of the wictuall abone writtin, and his majestie being yit of the samyn mynd and intentioun, be thir presentis declaris his will thairanent; thairfoir, with advise of his saidis estaitis in plane parliament, hes ratifiet, apprevit and confermit and, be the tennour heirof, ratifies, apprevis and confermis the gift and dispositioun foirsaid maid to the said Thomas and Bernard, his sone, of the wictuall abone mentionat in all pointis, efter the forme and tennour thairof, and of new gevis, grantis and disponis to thame and ather of thame respective and successive efter utheris during thair lyftymes, all and haill the wictuall abonewrittin sua that they sall peceablie ressave, intromett and uplift the samyn during all the dayes of thair lyves without ony impediment, questioun or contradictioun quhatsumever; and decernis and declaris the gift foirsaid to have full force, strenth and effect in tyme cuming, nochtwithstanding quhatsumevir infeftment, richt, title or dispositioun maid be his hienes to the said Patrik Gordoun of the abbacie foirsaid, landis and possessionis thairof, or ony utheris dispositionis maid of the samy in onywayis, or ony revocatioun maid or to be maid be his hienes thairof; quhilk infeftment and dispositioun maid to the said Patrik in safar as the samyn may be hurtfull or prejudiciall to the said pensioun allanerlie, his majestie, with avise foirsaid, revoikis, casis and annullis, and als willis and declaris that this present ratificatioun and approbatioun of the gift above writtin of the wictuall above expremit is, and salbe, als guid, valide and sufficient in all respectis as gif the same haid bene speciallie exceptit and reservit in the saidis infeftmentis and dispositionis.
[1592/4/151]*[print] [email] [cite] [preceding] [following]
†Oure soverane lord and estaitis of this present parliament, respecting the gude, trew, thankfull and acceptable service done to his hienes thir mony yeris bygane be his weilbelovit servitour Maistir George Young, archedene of Sanctandrois, in greit and wechtie effayres of his estait, baith within and without the realme, quhairof he hes worthelie dischargit him to his hienes honour and contentment; and finding it, in that respect, maist ressonable that the pensionis within mentionat ather grantit to him immediatlie be his hienes in a remembrance of his said service, or gevin to him be uthris and confirmed be his majestie, suld be the approbatioun of the saidis estaitis in parliament be maid effectuall and valide to him and his according to the content and tennour thairof in all pointis; thairfoir his hienes, with avise foirsaid, ratifies and apprevis the gift of pensioun of tua hundreth pundis granted be his majestie and oftymes confirmed to the said Maistir George and utheris within mentionat, furth of the reddiest custumes of the burgh of Edinburgh, datit at Falkland, the [...] day of Junii 1591, the pensioun granted lykwyis be his majestie of the sowme of fourscoir pundis to be pait to him yeirlie be the commendater of Glenluce, as the dewtie quhairin he is addettit yeirlie to his hienes for the dispositioun maid to him be his majestie of his awin monkis portionis, togidder with the pensioun and assignatioun thairin contenit, maid, gevin and grantit to the said Maistir George and utheris within specefiit be umquhill Robert, commendater of Dumfermling, and Patrik, maistir of Gray, likwise commendater thairof for the tyme respective, furth of the reddiest fruittis of the said leving; and for his better securitie furth of the reddiest dewtie of the tak of the kirk of Carnebie, willing and granting and, for his hienes and his successouris, decerning and ordaning all and sindrie the saidis pensionis and assignationis foirsaidis to be and remane valide and effectuall to the said Maistir George and utheris specifiet thairin in all and sindre pointis, clausis and articles thairof induring thair lyvetymes; and this present act to be als largelie interpreit and extendit in favouris of the said Maistir George and his foirsaidis as gif the saidis pensionis wer at lenth herin insert; and decerning the same to be gude, valide and sufficient to him and thame for bruiking and joysing of the saidis haill pensionis and assignatounis foirsaidis according to the tennour thairof in everie point, nochtwithstanding of the act of repossessioun extendit in favouris of Maistir George Durie, or ony clame maid be him to the said personage of Carnebie; to the quhilk his majestie and estaitis foirsaidis willis and ordanis this present act to mak expres dirogatioun sa far as concernis the assignatioun foirsaid, decerning and ordaning that notwithstanding of the said act of repossessioun, or ony uther that may be interpreit or extendit to the prejudice of the said assignatioun, the said Maistir George and his foirsaidis sall bruik the same unalterit or tane away, siclyk as the same haid nevir bene maid.
[1592/4/152]*[print] [email] [cite] [preceding] [following]
†Oure soverane lord, with avise of the estaitis in parliament, havand consideratioun that his hienes familiar and domestick servitour, Alexander Young, yscheare, depute of his hienes chalmer, hes bestowit the haill tyme of his youth in his hienes service, awaiting continwallie upoun his majesties persoun fra tyme of his hienes infancie to this hour, and calling to remembrance that the said Alexander, pairtlie be his hienes gift and liberalitie, pairtlie be his awin travell and industrie, hes conquest the richtis of the rowmes and possessionis efter specefiit, hes thairfoir, of his hienes certane knawlege, in recompance of the said service and to gif the said Alexander the better occasioun to continew in tyme cuming for guid causis and considerationis knawin to his hienes, and foirsene to the saidis estaitis, efter his hienes perfite aige of tuentie fyve yeiris compleit and his hienes generall revocatioun, ratifiet and apprevit and, be the tennour heirof, ratifies and apprevis all and sindrie infeftmentis, donationis, dispositionis, confirmationis, giftes of pensionis and utheris richtis and securities quhatsumevir maid be his hienes of befoir to the said Alexander Young, his aris and assignais specefiit thairinto, of the landis of Inche; and of dyvers tenementis of land, yardis and aikaris lyand within the lordschip of Pettinweyme and schiredome of Fyff; the toun landis and fisching of Litle Kethik and quarter landis of Kincarne, lyand within the lordschip of Dunkeld and schiredome of Perth; and the tenementis of land, croftis and annuellis quhilkis pertenit to the channonis and chaiplanis of the cathedrall kirk of Elgin, lyand within the schiredome of Murray; and of certane townis, landis and pensionis furth of the bischoiprik of Ross within the schiredome of Invernes; and willis and grantis and, for his hienes and his successouris, decernis and ordanis that this present act salbe als largelie interpreit and extendit in favouris of the said Alexander and his foirsaidis as gif all the saidis infeftmentis, giftes, donationis, confirmationis, utheris richtis and securities wer at lenth insert heirinto with all the headis, articles and clausis thairof, and that the same salbe guid, valide and sufficient to the said Alexander and his foirsaidis for bruiking and joysing of the saidis landis, rowmes, possessionis, croftis, annuellis and pensionis according to the tennour of the saidis richtis, notwithstanding the act maid anent the annexatioun of the haill kirklandis within this realme to his hienes croun, or quhatsumevir heid or claus thairin contenit, and nochtwithstanding quhatsumever uther act maid in this present parliament, or in ony uther parliament preceding the samyne, or that salhappin to be maid heireftir, quhilkis his hienes, with avise foirsaid, declaris sall nawyis be extendit to ony thing that may hurt or prejudge his hienes foirsaid servitour and his aris anentis the premisis, or ony pairt thairof, bot for his hienes and his successouris dispensis with thame thairanent be thir presentis for evir.
[1592/4/153]*[print] [email] [cite] [preceding] [following]
†Oure soverane lord and estaitis of parliament hes sene and considderit ane charter and infeftment of fewferme grantit be Johnne Stewart, sone lauchtfull to Frances, sumtyme erll Bothuill, and commendater of the abbay of Coldinghame, convent and yconomus thairof; as als with consent of oure said soverane lord and of the said sumtyme erll and of certane utheris to Schir George Hume of Prymroknow, knicht, his aris and assignais, off all and haill the landis of Horsley, with thair pertinentis, lyand within the baronie of Coldinghame and schiredome of Beruik, to be haldin of the saidis commendater and convent and thair successouris in fewferme and heretage, as the said infeftment beris; quhilk infeftment, with the seasing and all that hes followit thairupoun, oure said soverane lord and his saidis estaitis hes ratifiit and apprevit and, be thir presentis, ratifies, apprevis and confermis in all pointis, clausis and articles thairof, and the said ratificatioun in this generall forme to be als sufficient as gif the said infeftment wer at lenth insert in thir presentis. And forder oure said soverane lord, with advise of the saidis estaitis, for his hienes and his successouris, declaris and decernis that the said infeftment grantit to the said Schir George and his foirsaidis salbe ane full and sufficient richt to thame for bruiking and joysing of the saidis landis conforme to the tennour thairof, nochtwithstanding quhatsumevir procesis of foirfaltour led, or to be led, aganis the said Frances, sumtyme erll Bothuill, or quhatsumevir sentence or jugement gevin, or to be gevin, aganis the inhabilitie of his aris and posteritie, and speciallie aganis the said Johne Stewart, commendater foirsaid, that thai sall bruik na landis, heretages, rowmes, benefices or possessionis within this realme, and nochtwithstanding quhatsumevir uther reasone that may be opponit aganis the said infeftment and validitie thairof in onywayis.
[1592/4/154]*[print] [email] [cite] [preceding] [following]
†Oure soverane lord, remembring the lang, guid, trew and faithfull service done to his majestie, alsweill in his hienes minoritie as majoritie, be his grace dalie servitour Johnne Gib, ane of the wallettis in his graces chalmer, and willing to gif him the better occasioun to continew thairin in tyme cuming, with avise and consent of the estaitis of this present parliament and haill body of the same, ratifies, apprevis and, for his majestie and his successouris, perpetuallie confermis the lettres of constitutioun and ordinatioun maid and grantit be oure soverane lord and lady, with ane expres consent and assent to the said Johnne Gib and James Gib, his sone and apperand air, and the langest levair of thame tua successive, during all the dayis of thair lyftymes, makand, constituand and ordinand thame keparis of the place and yardis of Dumfermling, alsweill vacand be deceise of umquhile Robert, commendater of Dumfermling, and monkis departit this present lyff, or quhen the samyne sall vaik be deceis of ony of the monkis, present possessouris thairof, and gevand to thame and ilk ane of thame the office thairof for all the dayis of thair lyftymes, with power to the said Johnne Gib and James, his sone, and ilk ane of thame, to mak depuittis for keping of the foirsaid place and yardis for quhome thai salbe haldin to anser. And for keping of the quhilk place and yardis, and useing of the office thairof, oure said soverane lord and ladie gaif, grantit, disponit and speciallie assignit to the saidis Johnne and James, and the langest levair of thame tua during thair lyftymes, all and haill the few males of the toun and landis of Mastertoun, with the pertinentis, being ane pairt of the patrimonie of the said abbacie of Dumfermling, togidder with the haill teynd wictuall, teynd stray extending to fourtie thraiffis, canys, reikfowlis, custumes and utheris dewties quhatsumevir, quhairof the fewaris and possessouris of the foirsaid toun and landis hes bene in use of payment to the commendateris of the said abbacie and thair chalmerlanis in thair names sen the setting of the samyn landis in few, to be payit to the saidis Johnne and James, and ilk ane of thame respective during thair lyftymes, at the termes of payment usit and wount at the croip and yeir of God jM vC fourscoir ellevin yeiris, and sua furth yeirlie in tyme cuming during the spaces respective abonespecefiit, haill pointis, articles, clausis, conditionis and circumstances quhatsumever mentionat in the saidis lettres of constitutioun and ordinatioun, as in the samyne under the privie seill off the dait at Halyruidhous, the auchtene day of Merch, fourscoir ellevin yeris, is at mair lenth contenit; and willis and declaris and, for his hienes and his successouris, with avise and consent foirsaid, decernis and ordanis that the saidis lettres of constitutioun and this his majesties ratificatioun grantit thairupoun is, and salbe, sufficient richt and title to the saidis Johnne Gib and James, his sone, and the langest levair of thame, during thair lyftymes, for using and exerceing of the foirsaid office, intrometting with and uplifting of the few males, teynd wictuall, teynd stra, canys, reik fowlis, custumes and utheris dewties respective abone mentionat, speciallie disponit and assignit thairfoir, but ony clame, questioun or contradictioun to be maid or movit be the saidis Johnne and James, or ony of thame during the space abone specifiet.
[1592/4/155]*[print] [email] [cite] [preceding] [following]
†Forsamekle as oure soverane lord understandis that his hienes darrest mother of guid memorie gaif and disponit heretablie efter hir perfite aige and generall ratificatioun heretablie in fewferme to his hienes lovit servitour Johnne Cheisholme, comptrollar of his hienes artalyearie, all and haill his hienes landis callit the Kingis Wark in Leith, with housis, biggingis, cloisis and all uther places and pertinentis thairof, bak and befoir, lyand within the said toun of Leith and schiredome of Edinburgh, as at mair lenth is contenit in the infeftment maid to him thairof off the dait at Edinburgh, the xxj day of October, the yeir of God jM vC threscoir foure yeiris, and of his motheris regne the xxij yeir, the quhilk infeftment and dispositioun maid as said is his hienes darrest mother of guid memorie ratifiet and apprevit to the said Johne, his aris and assignais efter hir said perfite aige, in all pointis, clausis and articles, as the said act of parliament haldin at Edinburgh, the xix day of Aprile, the yeir of God jM vC threscoir sevin yeiris, in it self at lenth proportis; the quhilkis infeftment of few ferme maid to the said Johnne, his aris and assignais, and ratificatioun and confirmatioun of the daitis respective foirsaidis, oure soverane lord hes ratifiet and apprevit in all and quhatsumevir clausis, conditionis and articles, as his hienes charter under his greit seill of the dait at Halyruidhous, the xxij day of Maii, the yeir of God jM vC lxxxviij yeris, at mair lenth beris; thairfoir his hienes, with advise of his estaitis in this present parliament, for the ressonable causis contenit in the said first infeftment and ratificatioun thairof, and for the guid and faithfull service done to him be the said Johnne, ratifies, apprevis and confermis the said first infeftment gevin and disponit to him, his aris and assignais, and the said act of parliament and ratificatioun of the said infeftment contenit thairin, togidder with his said hienes charter of confirmatioun of the premisis of the daittis respective abonewrittin, in all and sindre pointis, passis, privilegis, clausis and conditionis contenit thairin, or ony ane thairof; and statutis and ordanis that the said Johnne and his foirsaidis sall bruik and joyse in all tyme heirefter the foirnamit landis callit the Kingis Wark, with all boundis, methis and merchis, efter the forme and tennour of his said first infeftment, but ony revocatioun, contradictioun or impediment to be maid to him or thame in ony wayis in tyme cuming, renunceand, quiteclamand and dischargeand, for his hienes and his successouris, all actioun and instance his hienes haid, hes or may have aganis the said Johnne or his foirsaidis anent the premisis for evir be thir presentis; and mairower, ordanis thir presentis to be of als greit force and effect to the said Johnne and his foirsaidis as gif the said first infeftment grantit to him be his hienes darrest mother, and the said act of parliament contenand the ratificatioun and confirmatioun thairof, togidder with the confirmatioun grantit be his hienes of the said infeftment and act of parliament, haid bene word be word and expreslie insert heirintill.
[1592/4/156]*[print] [email] [cite] [preceding] [following]
†Oure soverane lord and estaitis of this present parliament, remembring the guid, trew and thankfull service done to his hienes be his lovit Williame Betoun, browdinstar, ratifies, apprevis and, for his hienes and his successouris, perpetuallie confirmis the office of browdinsterschip and keping of his hienes wardrop disponit of auld be his hienes to the said Williame, and ratifiet thaireftir upoun the xxiiij day of Januar, jM vC lxxxviij yeris, with the speciall feall of the sowme of xxx lib. money assignit to him in the said gift to be payit to him yeirlie out of the reddiest of the custumes of the trone of Edinburgh be the custumer thairof during all the dayis of the said Williame his awin lyftyme allanerlie; and ordanis oure soverane lordis comptrollair present and to cum and utheris addettit and in use of payment of the foirsaidis feall, and of all uther casualities and dewties belanging and pertening to the said office, to anser and mak thankfull payment of the same to him during his lyftyme as said is.
[1592/4/157]*[print] [email] [cite] [preceding] [following]
†Oure soverane lord, havand consideratioun of the lang and trew service done be his lovit domestick servitour Maistir Henrie Keir of Grenelaw, alsweill to his majesties self as to his umquhile darrest mother, but especiallie to his darrest cousing, Esme, umquhile duk of Lennox, for quhais effayres the said Maistir Henrie maid greit debursementis and advancementis of silver as yit nocht refoundit unto him, and quhairof he hes na securitie, bat onlie ane infeftment maid to him and his aris of the manis and mylne of Darnelie, lyand within the baronie of Darnelie and schiredome of Renfrew, and his majestie, nawyis willing that the said Maistir Henrie be prejugeit in the securitie of his advancementis foirsaidis, quhilkis wer maid for the maist part at his maieties awin command, thairfoir, with avise of the estaitis of this parliament, ratifies and apprevis the infeftment maid be his said umquhile darrest cousing Esme, duke of Lennox, to the said Maistir Henrie and his aris contenit thairinto, off all and haill the manis and mylne of Darnelie lyand as said is, togidder with the seasing following thairupoun, in all the pointis, clausis and articles thairof, and declaris that the samyn nather cumis under his majesties revocatioun, nor na uther revocatioun maid be his hienes of befoir, bot that the said infeftment sall stand in the full force and effect from the beginning and in all tymes cuming unquarrellit or challengit be his hienes, or ony uther haveand richt or power of his majestie in ony maner of way; lyk as also his majestie, with advise of his saidis estaitis, hes ratifiet and apprevit the uther infeftment maid be his majestie to the said Maistir Henrie and his aris foirsaidis of the saidis landis efter his hienes first generall revocatioun maid in the parliament haldin in Julii 1587 and his perfite aige of xxj yeris at that tyme compleit; as alsua ratifies and apprevis the last infeftment maid to the said Maistir Henrie and his aris abone specefiit of the samyn landis in the moneth of December last, efter his majesties perfite aige of tuentie fyve yeris and efter the new generall revocatioun maid be his majestie in the moneth of August of befoir; fra the quhilkis revocationis oure said soverane lord, with advise of the saidis estaitis of parliament, declaris the saidis infeftmentis maid to the said Maistir Henrie and his aris baith of befoir and now, to be expreslie exceptit and nocht to be comprehendit within the boundis thairof, bot the samyn to be valide and effectuall in all tymes cuming as said is, but prejudice alwayes of the reversioun of tua thowsand pundis grantit be the said Maistir Henrie to the said duke of Lennox for redemptioun of the saidis landis and mylne of Darnelie.
[1592/4/158]*[print] [email] [cite] [preceding] [following]
†Oure soverane lord, understanding that umquhile Euphame MacKalyeane, dochter and air to umquhile Maistir Thomas MacCalyeane of Cliftounhall, wes laitlie for certane crymes of witchcraft and tressone alleagit committit be hir convict and foirfaltit in ane justice court haldin at Edinburgh, in the moneth of [...], the yeir of God jM vC fourscoir ellevin yeiris; nochtwithstanding quhairof, his majestie tuichit in honour and conscience and now being of mynd that the said foirfaltour and convictioun sold onnawyis hurt or prejuge hir posteritie, to witt, Martha, Elizabeth and Ewphame MacCalyeanis, hir dochteris and apperand aris, in thair wardlie honour, name, fame, estimatioun and richt of successioun to quhatsumever landis, heretages, annuelrentis, takis, steddingis, rowmes and possessionis quhairto thai, or ather of theme, may succeid, or hes succedit as dochteris and aris to thair saidis mother, or to umquhill Maistir Thomas MacCalyeane, thair guidschir, or ather of thame, bot that thai and thair aris may bruik, joyis and posses thair saidis landis and heretages, and succeid thairin to thair saidis umquhile mother and guideschir and utheris thair predicessouris as gif the said umquhile Euphame haid deceissit naturallie, and that the said pretendit foirfaltour haid nevir intervenit; thairfoir, his majestie, with advise of the estaitis and haill bodie of this present parliament, hes restorit and rehabilitat and presentlie restoris and rehabilitattis the saidis Martha, Elizabeth and Ewphame MacCalyeanis, dochteris and aris foirsaidis, aganis the said pretendit convictioun and foirfaltour with all penalties and sequellis depending thairupoun, and to thair wardlie honour, name, fame, and richt of successioun foirsaid as gif sic fairfaltour haid nevir intervenit. Lyk as his majestie and estaitis foirsaidis decernis and ordanis that the samyne foirfaltour, with the pretendit proces quhairupoun the samyn procedit, sall nevir be usit in jugement nor outwith jugement, and reducis, retreittis, casis and annullis all and quhatsumevir deducit thairanent, decernis and declaris the samyn to have bene fra the beginning, baith presentlie and in all tyme cuming, null and of nane availl, force nor effect, with all that hes followit, or may follow thairupoun, and for his hienes and his successouris, renuncis and dischargis all actioun, persute or instance that may be competent be vertew of the said sentence and dome of foirfaltour; and lykwayes, reducis, retreittis etc. all giftis and dispositionis, infeftmentis, charteris, preceptis, instrumentis of seasing, presentationis and utheris grantit to quhatsumevir his hienes leigis of ony pairt or portioun of the said umquhile Euphamis landis or heretage to burgh or land, falling or depending upoun the said pretendit foirfaltour, or to the richt of quhatsumevir reversionis, takis, steddingis, rowmes or possessionis pertening to the said umquhile Euphame; and willis and declaris that it salbe lauchfull to the saidis Martha, Elizabeth and Ewfame Makcalyeanis, barnis, dochteris and aris foirsaidis, to enter thairto frelie, but obstacle or impediment, be brevis of his hienes chappell or utherwayis as accordis of law. And finallie his hienes, with advise foirsaid, ordanis the memorie of the said pretendit foirfaltour to be damnit and put in oblivioun for evir, provyding alwayes that Patrik MacCalyeane, spous to the said umquhile Euphame, be satisfiit be the saidis dochteris and apperand aris of the said umquhile Euphame off the sowme of fyve thowsand merkis payit and deliverit be the said Patrik to our said soverane lord and his hienes donatour for the gift of foirfaltour of the said umquhile Euphame. And for the said Patrik his better securitie, oure said soverane lord and estaitis foirsaidis decernis and ordanis the saidis dochteris and apperand airis foirsaidis to content, pay and thankfullie deliver to the said Patrik, thair father, the said sowme of fyve thowsand merkis, payit and deliverit be him in maner foirsaid, sua that the said sowme be tane upoun the said umquhile Euphammis heretaige be the saidis dochteris and apperand airis, with consent of the said Patrik; exceptand and reservand the landis of Cliftounhall, with the mylne, myllandis, housis, biggingis and pertinentis thairof, to Schir James Sandelandis of Slamanno, knicht, his aris and assignais provydit thairto be his majestie, as fallin in his hienes handes be ressone of escheat throw the said proces and dome of foirfaltour led aganis the said umquhile Euphame MacCalyeane, to stand in the samyn strenth, force and effect as gif this restitutioun haid nevir bene grantit, sua that the said Schir James, his aris and assignais, may bruik the saidis landis of Cliftonhall, mylne, myllandis and pertinentis thairof be vertew of his infeftment grantit unto him of the samyn upoun the foirfaltrie of the said umquhile Euphame in all tyme cuming; and als reservand to the said Schir James and his foirsaidis all actioun, entres and clame quhilk the said umquhile Euphame haid aganis Maistir Henrie MacCalyeane and all uthris quhatsumevir, for redemptioun of the saidis landis of Cliftonhall, mylne, myllandis and pertinentis thairof, and all uther actioun quhilk wes competent in hir persoun aganis the said Maistir Henrie for the saidis landis and proffittis thairof, baith bygane and to cum, ony uther maner of way, to be persewit, callit and obtenit be the said Schir James and his foirsaidis, siclyk and in the same maner as the said umquhill Ewfame micht have done in hir lyftyme befoir the said foirfaltor; and siclyk exceptand and reservand the servitude, altius edes non tollendi prospectui et luminibus non officiendi, constitute and imposit upoun ane tenement of land now pertening to Maistir Johnne Nicolsoun, advocat, lyand within the burgh of Edinburgh upoun the north syd of the Kingis Streit thairof, maid and grantit be quhatsumevir heretouris and proprietaris thairof to the said umquhile Maistir Thomas MacCalyeane, father to the said umquhile Euphame, or to quhatsumevir uther his predicessouris heretouris of the tenement or tenementis of land within the said burgh, liand upoun the north syd of the Kingis Streit thairof, and contigue adjacent to the said Maistir Johne Nicolsonis landis upoun the eist syd thairof, and all uther servitude quhatsumever quhilk the said umquhile Maistir Thomas, Euphame, his dochter, and quhatsumevir uther thair predicessouris heretouris of the said land, micht or may in onywayis acclame to be imput and constitut upoun the said Maistir Johnne, his hous, tenement of land, yard thairof and pertinetis be vertew of ony contract, band or obligatioun or be quhatsumevir uther maner of way. Quhilk constitutioun, band or obligatioun, or quhatsumevir uther richt of servitude imposite upoun the foirsaid tenement and utheris foirsaidis, oure said soverane lord and estaitis abonewrittin casis, annullis and dischargis simpliciter, and decernis the same to be of nane availl, force nor effect in all tyme cuming, sua that the said Maistir Johnne, his aris and successouris salhave edes liberas ab omni servitute that may be acclamit thairof in one maner of way be the said Patrik and his saidis tua youngest dochteris, and be the said Martha and Maistir David Ogilbie, hir spous, in ony tyme heireftir, to the quhilkis exceptionis and reservationis particularlie foirsaidis maid, alsweill in favouris of the said Schir James Sandelandis as of the said Maistir Johnne Nicolsoun, the said Patrik MacCalyeane, spous to the said umquhile Euphame, for him self and as father and lauchtfull administratour to the saidis Elizabeth and Ewphame MacCalyeanis, his tua youngest dochteris, as alsua the saidis Maistir David Ogilbie for him selff and in name and behalf of Martha MacCalyeane, his spous, consentit and aggreit.
[1592/4/159]*[print] [email] [cite] [preceding] [following]
†Oure soverane lord and estaitis of parliament, understanding that be act and ordinance of secreit counsaill and act of parliament ratifeand the samyne, the keping of the place of Robertland wes comittit to Robert, maistir of Eglintoun, during the tyme it suld happin David Cuninghame of Robertland to remane at the horne and nocht to underly the law for airt and pairt of the slauchter of umquhile Hew, erll of Egglintoun, and ay and quhill it suld pleis his majestie to declair his expres will in the contrair, and for the better keping thairof, assignand monethlie to the said Robert, maistir of Egglintoun, and sex keparis of the samyne, everie ane of the saidis sex personis sex pundis monethlie out of the reddiest of his leving, as the said act of the dait the xiij day of August, the yeir of God jM vC lxxxvj yeiris at mair lenth proportis; and seing that sensyne it hes pleasit his majestie upoun dyverse greit motives and respectis to ressave him in the nowmer of his majesties subjectis, to relax him fra the said proces of horne and to grant him remissioun thairfoir, and that he in consideratioun thairof offerit, as he yit dois, to abyde the tryall of the lawis for the cryme foirsaid, thair wes ane speciall act of secreit counsaill maid and sett doun in his favouris thairanent, decerning and declaring in effect baith the saidis actis of secreit counsaill and parliament, and all thingis that followit thairupoun, to ceise and have na executioun at ony tyme thaireftir safar as the samyn is or may be extendit to the said toure, fortalice and maner place of Robertland and uptaking of the said Davidis leving or ony pairt thairof for the keping of the same, to the effect that he micht enter thairto, peceablie bruik and joyse the samyn; togidder with his haill landis, takkis, steddingis, rowmes and possessionis quhatsumevir, but stop, truble or impediment to be maid to him, his tennetis or servandis be the said maistir of Eglintoun or his servandis in his name at ony tyme heireftir be vertew of the saidis actis or utherwayis; and als ordinand lettres to be directit aganis him for randering thairof in maner specefiit in the said act of secreit counsaill, as in the samyn of the dait at Edinburgh, the xxiiij day of Merche, the yeir of God jM vC lxxxxj yeiris, at mair lenth is contenit. And now his majestie, alwayes willing that the samyn act sall ressaif the awin effect and executioun, and that the foirsaidis uther anteriour actis baith of secreit counsaill and parliament sett down in favouris of the said maistir of Eglintoun as said is, salbe cleine abolischit and altogidder takin away, thairfoir his hienes, with advise of the saidis estaitis, hes ratifiet and approvin and, be the tennour heirof, ratifies and apprevis the foirsaid act of secreit counsaill maid in favouris of the said David Cuninghame of Robertland as is abonewrittin, of the dait abonespecefiit, in all and sindre pointis, heidis, pasis, articles, clausis and circumstances thairin contenit efter the forme and tennour thairof in all pointis; and willis and declaris that this present ratificatioun is, and salbe, als sufficient as gif the samyne act wer at lenth ingrossit heirin. Lyk as alsua his hienes, with avise foirsaid, ratifies quhatsumevir lettres of grace, remissionis or relaxationis grantit to the said David for the slauchter foirsaid; and als willis and declaris that the samyn ar and salbe valide and sufficient to him for saiftie of his lyf, bruiking of his hous foirsaid, and all utheris his housis, landis, heretages, takis, steddingis, rowmes and possessionis haid and to be haid in all tyme cuming at his plesir, nochtwithstanding the foirsaidis actis of secreit counsaill and parliament maid in favouris of the said Robert, maistir of Eglintoun, as said is, quhilkis ar, and salbe, be vertew of thir presentis, alluterlie removit and perpetuallie abolissit as gif the samyn haid nevir bene maid, safar as the samyn extendis or may be extendit to the said lard of Robertland, his said tour, fortalice and maner place of Robertland, and uptaking of ony pairt of his leving for keping thairof allanerlie, with speciall provisioun that the said David Cuninghame, befoir the extracting of this act, grant and subscrive sufficient dischargis to the said Robert, maistir of Eglintoun, his cautionaris, assisteris and partakaris, of all his intromissioun with the said place of Robertland, rentis and dewties of his leving quhatsumever intromettitwith be the said maistir of Eglintoun or ony utheris in his name, and of all utheris thair procedingis thairanent proceding the day and dait heirof; and als the said David Cuninghame findand sufficient cautioun actit in the buikis of counsaill under the pane of [...] that nane of the personis committaris of the slauchter of the said umquhile erll of Eglintoun salbe ressett within the said place of Robertland at na tyme heireftir. And forder, his hienes and estaitis foirsaidis declaris that it salbe lesum to the said David Cuninghame to intromettwith and uptak the haill bygane males, fermes and dewties of the landis and leving of Robertland, restand as yit in the tennentis handes, unupliftit be Robert, maistir of Eglintoun, his servandis and doaris, to be disponit be the said David as he sall think expedient in tyme cuming.