[1592/4/118]*[print] [email] [cite] [preceding] [following]
†Oure soverane lord and his saidis estaitis of this present parliament hes ratifiet, apprevit and confermit and, be the tennour, with advise foirsaid, for him and his successouris, ratifies, apprevis and perpetuallie confermis the heretable infeftment and charter grantit to umquhile Williame, erll of Gowrie, lord Ruthven and Dirletoun, his aris and successouris thairin specifiet, of the title, erledome and haill leving of Gowrie, landis, lordschippis, baronies, annexis and connexis thairof, speciallie mentionat and contenit in the said infeftment thairof, with all honouris, liberties, fredomes and privilegis of the samyn, with the confirmatioun thairof grantit in the parliament haldin at Edinburgh, the [...] day of November, the yeir of God jM vC fourscoir ane yeiris. And forder oure said soverane lord, now efter his perfite aige of tuentie fyve yeris compleit and generall revocatioun, hes of new erectit and, be thir presentis, erectis the landis, lordschippis and baronies foirsaidis with all annexis, connexis, dependances thairof in the said erll of Gowrie, with the samyn honoris, liberties, privilegeis that ar contenit in the saidis infeftmentis; and, for him and his successouris, will and grantis that the samyn sall remane with Johnne, now erll of Gowrie, lord Ruthven and Dirletoun, his aris and assignais, eftir the forme and tennour of the said infeftment, and utheris his richtis and titillis maid to him thairupoun as air to umquhile James, erll of Gowrie, his brother. And siclyk oure said soverane lord, with advise of his saidis estaitis, declaris that the foirsaidis landis, lordschippis and baronies, annexis and connexis of the said erledome ar nocht, nor sall nocht be, comprehendit in the generall annexatioun of kirklandis to the croun, bot ar, and salbe in all tyme cuming, alluterlie excludit thairfra, to remane with the said Johnne, erll of Gowrie, his aris and successouris for evir; and ordanis the same to be extendit in the best forme with all clausis neidfull.
[1592/4/119]*[print] [email] [cite] [preceding] [following]
†Oure soverane lord, with avise of his estaitis in this present parliament, now eftir his perfite aige of tuentie fyve yeiris compleit, ratifies and apprevis and, for his hienes and his successouris, perpetuallie confirmis the gift and donatioun maid be his majestie befoir to Johnne Ruthven, sone lauchtfull of his umquhile richt traist cousing and counsallour Williame, erll of Gowrie, lord Ruthven and Dirletoun, off the gift of the abbacie of Scone, haill fruittis, proffeittis and emolumentis thairof, for all the dayis of his lyftyme, quhilk is of the dait at the castell of Striviling, the sevint day of Maii, the yeir of God jM vC fourscoir yeiris. And forder, oure said soverane lord, now with avise foirsaid, gevis, grantis and disponis to the said Johnne, now erll of Gowrie, for all the dayis of his lyftyme the said abbacie with all fruittis, proffeittis and emolumentis thairof in the estait quhairin the samyn now standis, to be bruikit be him during the space foirsaid but ony revocatioun. And forder, oure said soverane lord ratifies, apprevis and, for his hienes and his successouris, peretuallie confermis the act of parliament maid at Edinburgh, the penult day of November, the yeir of God jM vC fourscoir ane yeiris, intitulat 'Anent the alteratioun of the assumptioun of the thrid of the abbacie of Scone', with the decreit and ordinance of the lordis auditouris of the chekker following thairupoun, quhilk decreit is of the dait the tuentie day of Aprile, the yeir of God jM vC fourscoir sex yeiris; quhilk act of parliament and act and decreit of the saidis lordis of chekker following thairupoun, oure said soverane lord and his saidis estaitis of parliament ratifies and apprevis. Mairattour, oure said soverane lord, with avise foirsaid be the auctoritie of this present parliament, statutis and ordanis that the said act of parliament and act and ordinance of the saidis lordis of chekker following thairupoun and the act of parliament maid at Edinburgh upoun the tuentie nynt day of Julii, the yeir of God jM vC fourscoir sevin yeiris, sall stand in full force, strenth and effect in all tyme cuming according to the tennour thairof in all pointis.
[1592/4/120]*[print] [email] [cite] [preceding] [following]
†Oure soverane lord, with avise and consent of his hienes estaitis and haill body of this present parliament, ratifies, apprevis and perpetuallie confermes the chartour of fewferm maid and grantit be umquhile Maistir Roger Gordoun, deane of Dumblane, to George Drummond of Balloche and umquhile Marganet Drummond, his spous, and to the airis gottin betuix thame, quhilkis falyeing to the aris and assignais of the said George quhatsumeir, off all and haill the fewfermes of the landis of Kercandoche, als Keirblane, now commonlie callit the Deanis Keir, with the pertinentis, lyand within the stewartrie of Stratherne and schirefdome of Perth, with the precept and instrument of sasing following thairupoun, togidder with oure soverane lordis chartour and precept of confirmatioun, confirmand the said charter of fewferme with all and quhatsumevir dispositionis, infeftmentis and alienationis maid be the said George Drummond of Balloche to Johnne, erll of Montrois, lord Grahame, or to ony of his barnis, of the saidis few landis in all the pointis, heidis, articles, clausis and conditionis thairof.
[1592/4/121]*[print] [email] [cite] [preceding] [following]
†Oure soverane lord, remembring the guid, trew and thankfull service done to his hienes be his richt traist cousing and counsellour Johnne, erll of Montrois, lord Grahme, and to gif better occasioun to him, and to Johnne, maistir of Grahame, his eldest sone and apperand air, to continew in the lyk service, with expres advise and consent of the estaitis of his present parliament, hes ratifiit, approvin and confermit and, be the tennour heirof, for his hienes and his successouris, ratifies, apprevis and perpetuallie confermis the tua severall charteris efter following maid, gevin and grantit be his majestie to the said Johnne, maistir of Grahame, and certane aris maill and of talyie thairin specefiit, off all and haill the landis and baronie of Kincardin, particuler landis lyand within the samyn and united thairto, off all and haill the landis and baronie of Athera, with the salmond fisching upoun the watter of Ellone, with power to big cruvis thairupoun, off all and haill the landis of Rathernis, Urchill and Garvokis, with thair pertinentis, contenit in ane of the saidis charteris; and of all and haill the landis, baronie and erledome of auld Montrose, off all and haillis the land and baronie of Kynnaber, off all and haill the landis of Wardropertoun, off all and haill the landis and baronie of Mukdok and Dundasmuir, off all and sindre the landis of Mekle Balmoir and Eister Bedven, the landis and baronie of Abruthen, the landis of Kilpont and Eleistoun, togidder with touris, castellis, fortalices, mylnis, salmond fischingis, woddis, advocatioun and donatioun of benefices, alterages, prebendaries and chaiplanries and utheris privilegis and liberties quhatsumevir pertening to the saidis landis, baronies and erledome, or ony pairt thairof expressit in the foirsaidis charteris, or ather of thame, and speciallie the tailyie and successioun thairin mentionat, with the new gift and dispositioun, unioun and annexatioun contenit in ather of the saidis tua charteris in all heidis, articles, clausis and conditionis thairin contenit, as the saidis charteris, baith of the dait past under his hienes greit seill at Halyrudhous, the xxiij day of Maii, the yeir of God jM vC fourscoir ane yeris, in thame selffis respective at mair lenth proportis. And siclyk oure said soverane lord, with avise and consent of his saidis thrie estaitis and haill bodie of this present parliament, ratifies, apprevis and, for his hienes and his successouris, perpetuallie confermis ane uther charter grantit and maid be his majestie to the said Johnne, maistir of Grahame, his aris and assignais, off all and haill the landis particularlie under mentionat, viz: of all and haill the landis of Touruchan, of all and haill the landis of Craginquhillich, off all and haill the landis of Thomartly, off all and haill the landis of Eister, Wester and Midle Drumquhances, off all and haill the landis of Benebeg and of the ward of Mwthill, off all and haill the landis of Glenyeochen, and of all and haill the landis of Braco and utheris specefiit in the said charter of the dait at Falkland, the [...]† day of August, the yeir of God jM vC fourscoir sevin yeiris, togidder with all precepentis and instrumentis of seasing past upoun the saidis charteris and ilk ane of thame; togidder with the act of parliament maid at Edinburgh, the tuentie nynt day of Julii, fourscoir sevin yeiris, ratifeand the foirsaidis tua first charteris. Lyk as oure said soverane lord and thre estaitis foirsaidis, be the tennour heirof, findis and declaris that the foirsaidis charteris, preceptis and instrumentis of seasing following thairupoun ar guid, lauchfull and valide in thame selffis to the said Johnne, maistir of Grahame, his aris and assignais thairin mentionat, for bruiking of the landis, baronies, lordschippis and utheris at mair lenth specefiit in the same charteris, nochtwithstanding quhatsumevir actis of parliament, lawis and constitutionis of this realme and nochtwithstanding quhatsumevir revocatioun generall or speciall maid be oure said soverane lord at ony tyme befoir the dait heirof, to the quhilkis oure said soverane lord, with avise foirsaid, decernis and ordanis thir presentiz to mak expres, full and speciall derogatioun, and, gif neid beis, ordanis ane chartour to be maid under the greit seill in the mair forme, ratifeand and apprevand the foirsaidis thre charteris, with the precepentis and instrumentis of seasing following thairupoun, contenand the haill landis, baronies, lordschippis, erledomes and utheris specefiit contenit in the samyne charteris, with all clausis and provisionis thairof; and that this present act of parliament be ane sufficient and immediat warrand thairto at the greit seill, but passing signet or privie seill and to be extendit in the best forme with all clausis neidfull.
[1592/4/122]*[print] [email] [cite] [preceding] [following]
†Oure soverane lord, with avise of his estaitis in parliament, hes ratifiet and apprevit and, be this present act, ratifies and apprevis the infeftment, gift and dispositioun thairin contenit maid and grantit be his hienes efter his perfite aige of tuentie fyve yeiris compleit and revocatioun generall to his richt traist cousing James, lord Lindsay of the Byris, and to the aris maill lauchfullie gottin or to be gottin of his bodie, quhilkis failyeing to his narrest and lauchfull airis maill quhatsumevir, off all and sindrie the landis, baronies and utheris undirwrittin, viz: all and sindrie the landis and baronie of the Byres, with manis, castell, tour, fortalice, orcheardis, yardis, ducattis, partis and pendicles thairof; the landis of Caldrow, with all thair pertinentis, lyand within the constabularie of Hadingtoun within the schirefdome of Edinburgh; the landis and baronie of Petcruvie, with castell, tour and fortalice thairof; the landis of Merkinche, with the corn mylnis and walk mylnes of the samyne; the landis of Piotistoun; the landis of Monischeill; the tua pairt landis of Edindownie; the tua pairt landis of Cassindillie; the landis and baronie of Pitlessie with the mylnes thairof; the landis of Hiltoun of Binyeane; the landis of Dunnyhaggittis, with all thair pertinentis, lyand within the schirefdome of Fyff; the landis of Duddingstoun; the landis of Newtoun; the landis of Duntarvie, with the marres thairof; the landis of Santserfislawes, with the law grein; the landis of Philpistoun, with the pertinentis; the landis of Gallouscruik; the landis of Duntarvie Craig; the landis of Dogland; the landis of Bynnis; the landis of Manerstoun, with the tour of the samyn; the landis of Eister Scottistoun; the landis of Wester Scottistoun; the mure of Scottistoun als Murieleys Mure; the landis of Mureleyis; the landis of Flodderis; the landis of Medoip, with the toure and fortalice thairof and thair pertinentis, lyand within the baronie of Abircorne within the schirefdome of Linlithgw; the landis of Dene, with the mylnes and mure thairof and thair pertinentis, lyand within the schirefdom of Edinburgh principall; the manys of Drym; the landis of Drymhill; the landis of Coittis; the landis of Midle Thride and Coitakaris under Drym; the landis of Sanyngis; the landis of Muirtoun; the landis of Mungosswallis; the landis of Garbiltoun†; the landis of Harvistoun, with all thair pertinentis, lyand within the said constabularie of Hadingtoun within the schirefdome of Edinburgh foirsaid; the landis of Glendowane; the landis of Glenscherop; the landis of Eister and Wester Quhithill, with the mylnes thairof and thair pertinentis, lyand within the stewartrie of Stratherne within the schirefdome of Perth, with castellis, touris, fortalices, mylnis, fischingis, woddis, forrestis, maner places, partis, pendicles, outsettis, annexis, connexis, tennentis, tennandries, service of frie tennentis, advocationis, donationis and richtis of patronages of kirkis and chaiplanries off all the saidis landis and baronies respective foirsaidis, procedand upoun his said traist cousingis awin resignatioun, togidder with his hienes new gift and dispositioun specefiit in the said infeftment, unione and annexatioun contenit in the same, to be haldin of oure said soverane lord and his hienes successouris in fre heretage, frie baronies and forrestis for evir, for payment yeirlie to his hienes and his successouris for the saidis landis and baronie of the Byres, with the castell, for fortalice, orcheardis, yardis, dowcoittis, partis and pendicles thairof, and for the saidis landis of Caldraw, with thair pertinentis, off ane pair of gilt spurris at the castell and message of the Byres in the day of Sanct Johnne the Baptist in name of blenchferme gif the same be askit allanerlie; and for all and sindrie the uther landis and baronies abonewrittin, with castellis, touris, fortalices, mylnis, woddis, fischingis, schawes, forrestis, marresis, grenis, mures, maner places, partis, pendicles, outsettis, annexis, connexis, tennentis, tennandries, service of frie tennentis, advocationis, donationis, richtis of patronages of kirkis and chaiplanries of the samyn, and all thair pertinentis, thre suittis at thre heid courtis of the schirefdome of Fyff; togidder with service of ward, releif and mariage quhen the samyn salhappin, and taxand the dewtie of the saidis landis in the tyme of the ward and nonentrie thairof to ane hundreth pundis usuall monie of this realme to be payit yeirlie for the samyn at tua termes in the yeir, Witsonday and Martymes in winter, be equall portionis, and ane thowsand markis to be payit for the mariage of the air quhen the samyn salhappin, as in the foirsaid infeftment past under his hienes greit seill off the dait at Edinburgh, the xxv day of Junii, the yeir of God jM vC fourscoir ellevin yeiris, and of his hienes regne the xxiiij yeir at mair lenth is contenit. Attour, oure said soverane lord, with avise foirsaid, willis and grantis and, for his hienes and his successouris, decernis and ordanis that this present ratificatioun salbe als gude, valide and sufficient to said traist cousigne, his aris and assignais abonewrittin as gif the said infeftment wer at lenth insert and ingrossit heirinto.
[1592/4/123]*[print] [email] [cite] [preceding] [following]
†Oure soverane lord and estaitis of this present parliament, having consideratioun of the dalie, trew and thankfull service done to his hienes be his richt traist cousing and counsellour Alexander, lord of Spynie, and for the uther causis contenit in the gift of pensioun under mentionat, now red, sene and considderit be his majestie and estaitis abone rehersit, thay have ratifiit and approvin and, be the tennour heirof, ratifies, apprevis and confermis ane lettre of pensioun gevin and granted be his majestie, with avise and consent of his officeris of estait thairin nominat, under his hienes privie seill, to the said Alexander, lord Spynie, his aris and assignais, off ane yeirlie pensioun of ane hundreth fourtie aucht pundis fourtene schillingis sex penneis and thrid part pennie monie, tua chalderis, tuelf bollis, thre firlottis, tua peckis beir, and aucht chalderis, aucht bollis, tua peckis and tua part peckis meill, to be yeirlie liftit furth of the reddiest and best payment of the superplus of the thrid of the priorie of Quhithorne unassignit, quhair thai sall pleis chuis, for the space of nyntene yeiris nixt efter the dait of the said lettre of pensioun, and forther, yeirlie thaireftir, quhill the said Alexander, lord of Spynie or his foirsaidis be compleitlie payit off the sowme of thrie thowsand markis monie thairin mentionat, as the samyne lettre of gift maid thairupoun contening sindrie uther heidis and privilegis off the dait at Edinburgh, the xij day of September, the yeir of God jM vC fourscoir aucht yeiris, at mair lenth proportis; togidder with the decreittis, lettrez and all utheris following and that sall follow thairupoun in all pointis, heidis and articles of the samyne efter the tennour thairof. And oure soverane lord, with the estaitis of parliament abone rehersit, findis, decernis and declaris that the foirsaid gift of pensioun wes, is and salbe guid and sufficient richt and title to the said Alexander, lord of Spynie, his aris and assignais quhatsumevir, to bruik, joyis, intromettwith and uptak, use and dispone at thair plesir, the foirsaid haill victuall and silver thairin contenit during the space abonewrittin als frelie in all respectis as oure said soverane lord and his collectouris generall micht have done or may do thame selffis, gif the said lettre of gift haid nevir bene maid nor granted, and that nochtwithstanding quhatsumevir actis of parliament or uther actis, statutis, ordinances, constitutionis and decisionis of counsell, sessioun and of chekker, or ony thairof maid or to be maid in the contrair, and namelie nochtwithstanding of the act and ordinance maid be oure soverane lord, with avise of the lordis of his hienes secreit counsaill, sessioun and chekker, in the moneth of Februar, the yeir of God jM vC fourscoir sevin yeiris, anent the thriddis of benefices thairin mentionat; and also nochtwithstanding of quhatsumevir decreittis, sentences and interloquitouris gevin and pronuncit in prejudice of the said lettre of pensioun or ony pairt thairof; and siclyk nochtwithstanding of quhatsumevir revocationis speciall or generall maid or to be maid be oure soverane lord, quhilk micht or may be interprite in the contrair, lyk as his majestie and estaitis foirsaidis decernis and declaris that the said lettre of pensioun sall nawayis be comprehendit under ony of the saidis revocationis, bot is and salbe exceptit, lyk as thai declair the samyne, be thir presentis, to be expreslie exceptit furth of all the saidis revocationis, actis and ordinances abone mentionat. And for the better securitie, oure soverane lord, with avise and consent of the foirnamit estaitis of new, be the tennour heirof, gevis, grantis and disponis to the said Alexander, lord of Spynie, his aris and assignais, all and haill the yeirlie pensioun of monie and wictuall abonespecefiit, to be yeirlie liftit and uptakin during the yeiris and space abonewrittin furth of the first, reddiest and best payment of the superplus of his hienes thriddis of the said priorie of Quhithorne, quhair thai pleis to chuis yeirlie, restand unassignit to the ministeris in thair stipendis possest be thame of befoir, dischargeing heirfoir, be the tennour of this act, oure soverane lordis collectouris generall, thesauraris of augmentatioun and thair depuittis present and to cum, and lykwayes his hienes advocat and all uther officeris and juges, off all trubling, chargeing, poynding or persewing of the said Alexander, lord of Spynie, his aris or assignais, in uptaking of the said yeirlie pension, or yit of quhatsumevir tennentis, parochinaris or utheris addettit in payment of the foirsaid monie and wictuall disponit and assignit thairfoir during the yeris and spaces abonewrittin, and of thair offices in that pairt simpliciter; and ordanis lettres of horning upoun ane semple charge of ten dayis, poynding and all uther executioun neidfull, the ane but prejudice of the uther, to be direct be the lordis of sessioun or eschekker, for caussing of the said Alexander, lord of Spynie and his foirsaidis be anserit end obeyit of the said yeirlie pensioun conforme to the said gift and this present act in dew forme as efferis.