[1592/4/74]*[print] [email] [cite] [preceding] [following]
†Oure soverane lord and the estaitis of parliament, understanding that the fabricating, forgeing and devysing of fals evidentis and wreittis within this realme produceit and furnessit innumerable and infinite actionis and pleyis amongis his leigis to the hurt and prejudice of his hienes faithfull and trew subjectis, for remeid and eschewing quhairof oure said soverane lord, with advise and consent of his saidis estaitis and haill bodie of this present parliament, findis, decernis and declaris that it sall not be lesum to ony persoun or personis within this realme, thair airis and successouris or utheris personis quhatsumevir having richt proceding fra thame to persew for reductioun or utherwayis to call in questioun ony decreit of redemptioun of landis, teindis, coillis, coilheuchis, woddis, mylnis, fischingis, castellis, towris, fortalices or ony pairt thairof obtenit at the instance of quhatsumevir persoun or personis, aganis quhatsumevir persoun or personis at ony tyme befoir the dait heirof, be vertew or under pretext of quhatsumevir dischargis of reversioun or reversionis, posteriour infeftmentis, or utheris contractis quhatsumevir quhilkis may evacuat and tak away the saidis decreittis of redemptioun or ony of thame and this act onlie to have place in decreittis of redemptioun proceding upoun lauchfull premonitioun maid be the parties lauchfull contradictouris, quhilkis wer also deulie summond to the geving of the saidis decreittis; and for obedience thairof hes lauchfullie renunceit the landis and utheris specifiet in the same decreittis of redemptioun and quha hes bene at sindrie tymes summond and convenit befoir the lordis of sessioun at the instance of his hienes advocattis and partyis for thair entres for productioun and improbatioun of all dischargis of reversioun or reversionis, posteriour infeftmentis, utheris richtis and securities quhatsumevir quhilkis micht prejuge or mak dirogatioun to the reversioun or reversionis quhairupoun the saidis decreitis of redemptioun, or ony of thame, hes followit, and producit na dischargis, posteriour infeftmentis nor na utheris wreittis quhilkis micht tak away or reduce the saidis decreittis of redemptioun or prejuge or mak dirogatioun to the reversioun or reversionis quhairupoun the saidis decreittis of redemptioun or ony of thame proceidit, sua that the saidis personis lauchfullie warnit and summond in maner foirsaid micht pretend na ignorance of the saidis decreittis of redemptioun.