[1592/4/54]*[print] [email] [cite] [preceding] [following]
†Anent the complaint gevin in to his majestie and estaitis of parliament be his hienes comptrollar, makand mentioun that dyvers and sindrie infeftmentis of his hienes propirtie hes past the seillis without the said comptrollaris knawlege or consent, quhairthrow he is nocht able to knaw his majesties tennentis nor thair yeirlie dewtie; for remeid quhairof, our soverane lord and estaitis of this present parliament declaris and ordanis all infeftmentis of fewferme or confirmatiounis of the propre landis pertening to his hienes croun that ar maid sen the entrie of this present comptrollar to his office, or to be maid in tyme cuming, without the expres consent and knawlege of the said comptrollair the tyme of the making thairof and subscriptioun of his hand and passing his registrar, quhairby the estait of the saidis landis ar onywayis alterit or innovat, to be null and of nane availl in all tyme cuming, albeit the same be past throw all the seallis, becaus the comptrollair suld knaw quhen ony tennent is alterit or newlie enterit to the kingis propirtie, and that the wanting of the comptrollaris subscription to the signatour, quhilk is the warrand of the said originall charter, salbe ane sufficient caus of reductioun.
[1592/4/55]*[print] [email] [cite] [preceding] [following]
†Oure soverane lord, with avise of his estatis, considdering the greit skaith done to his parkis and forrestis be the libertie that everie man usurpis be the imputting of all kind of guidis in thame but ony licience haid and obtenit thairto, quhairthrow the saidis parkis and forrestis ar alluterlie destroyit and maid unproffitable for his majesties use, thairfoir, it is statute and ordanit that quhatsumevir guidis not imput be the comptrollair, or ony havand his power, salbe at ony tyme eftir this present parliament fund pasturing within ony his majesties parkis and forrestis, it salbe lauchfull to the comptrollar or ony haveand oure soverane lordis power to intromett with the samyn, escheit and inbring thame to his majesties use, without ony danger of law or perrell to follow thairupoun; and that lettrez be direct heirupoun be the lordis of secreit counsaill, sessioun or chekker chargeing all and sindrie within ten dayis warning to red and remove thair haill guidis out of the saidis parkis, with certificatioun and thay failyie, the said ten dayis being bypast, thay salbe escheitit and inbrocht to his majesties† behuif, and that publicatioun be maid heirof at the paroch kirkis and mercat croces of the burrowis nixt adjacent to the saidis parkis and forrestis.