[A1588/4/1]*[print] [email] [cite] [preceding] [following]
[A1588/4/2]*[print] [email] [cite] [preceding] [following]
Forsamekle as oure soverane lord, his nobilitie, counsall and esteatis presentlie convenit, following the previlege grantit to thame be act of his hienes parliament haldin in the moneth of Julii lastbipast twicheing his majesteis marriage, hes thocht meit, concludit and aggreit that for sustening of the honnourable chargeis and expensis tobe maid upoun the same, his mariage now appointit to be accomplissit with all convenient expeditioun, thair salbe collectit and upliftit ane taxatioun of ane hundreth thowsand pundis and payit at the termes following: that is to say, fifty thowsand pundis betuix and the feist of Martymes nixtocum in this instant yeir of God jM vC fourescoir aucht yeiris; tuentie fyve thowsand pundis betuix and the feist of Martymes thaireftir in the yeir of God jM vC fourescoir nyne yeiris, and tuentie fyve thowsand pundis in compleit payment of the said taxatioun of ane hundreth thowsand pundis betuix and the feist of Martymes nixt and immediatlie thaireftir following in the yeir of God jM vC fourescoir ten yeiris; to the payment quhairof all sortis and degreis of personis without exceptioun salbe subjectit according to thair rentis and habilitie pro rata, nochtwithstanding ony privilege or exemptioun past or grantit of befoir in the contrair, defeasand and allowand sax thowsand pundis of the burrowis pairt thairof advanceit be thame for this purpois of befoir, according to the actis of secrete counsall maid thairanent. And to the effect the same taxt may be collectit to this necessair and honourable use and na uthirwayis applyit nor disponit upoun, his hienes, with avise of the saidis nobilitie, counsall and esteatis, hes alsua concludit and resolved that na preceptis be direct for payment of ony parte of the said taxt to quhatsumevir persoun or personis, nor the same preceptis onywayes answerit be the collectouris quhilkis salbe nominat and appointit be the ambassadouris onlie tobe direct for this purpois, without the same preceptis be subscryvit be ten personis of every estate; for refusing and accepting of the quhilkis preceptis, nochtwithstanding ony lettres or chargeis tobe direct in the contrair, thir presentis sall serve to the saidis collectouris for a sufficient warrand. And becaus his majestie and the saidis lordis findis sum difficultie presentlie in setting and divyding of the said taxt amangis his hienes esteatis be ressoun of the lait act of annexatioun and erectioun of sum pairtis of the kirk rentis in temporall lordschippis, with provisioun that the same salbe taxt with the estate of the barronis in tyme cuming and sindrie uthiris causis, thairfoir ordanis the commissionaris specifeit in his hienes lait act of parliament maid anent the setting and dividing of taxationis, tobe convenit at Edinburgh upoun the xv day of Maii nixttocum be his majesties missive lettrez tobe direct to thame, to considder the occasionis of the complaintis maid be divers his hienes subjectis anent thair unequall stenting in sindrie taxationis that hes bene rased of lait yeiris for his majesteis service and commoun effearis of the realme, and to see the retouris and auld stent rollis, alsweill of the spiritualitie as temporalitie and burrowis, quhat wes the auncient forme of setting of taxationis in tyme bigane and howfar the same differris frome the forme usit within this realme thir few yeiris bigane; and according to thair gude discretioun, to sett doun a forme and ordour how, and in quhat maner, the said taxatioun and all uthiris tobe grantit heireftir salbe sett, collectit and upliftit; and to heir the complaintis of all pairteis haveand interesse in setting the said forme of taxatioun, and to decyde thairintill summarlie as thay sall think maist aggreable, with equitie and justice, according to the previlege gevin to thame be the said act of parliament; and that lettrez be direct to warne all his hienes subjectis haveand interess be oppin proclamatioun at the mercatt croceis of the heid burrowis of this realme tobe present and giff an thair complaintis the said day to the effect thay ressave ansuer and decisioun as appertenis.
[Marginal note]†
[A1588/4/3]*[print] [email] [cite] [preceding] [following]
The kingis majestie, nobilitie, counsall and esteatis presentlie convenit, having hard and considderit the overturis maid be Eustachius Rooghe tending to the advancement and augmentatioun of his hienes rentis and revenewis of his croun abone the sowme of ane hundreth thowsand merkis yeirlie be his moyane, diligence and service, hes concludit and resolved according to his awne desire that quhatsumevir commoditie and proffitt his majestie sall ressave be his said moyane and service salbe appropriat to the croun and revenewis thairof and annext thairto perpetuallie for his majestie and his successouris, and that his hienes thesaurair or his depute, present and to cum, salhave intromissioun thairwith in his majesteis name and to his use, and nawayes applyit nor disponit according to his accustomat liberalitie to ony his hienes favouraris or domestique servandis, deduceand and allowand allwayes the tent pairt of the said proffitt to the said Eustachius, his airis and the narrest of his blude, quhethir thay be men or wemen, quhilk his majestie, with avise of the saidis lordis, gevis and disponis, with titlis of honnour correspondent to this, his service, appointing the same in memorie thairof to remane with him and his posteritie for evir; quhilk tent parte and all uthir guidis, geir, gold, silver, landis, possessionis and utheris quhatsumevir purchest and to be purchest and conqueist be him sall remaine with him and his airis and the narrest of his blude, quhethir thay be men or wemen as said is, for evir, unsubject to confiscatioun or forfaultour for ony caus, cryme or offence quhatsumevir, and the punmishment onlie tobe extendit to thair persone according to the qualitie of the offence; for assureance quhairof and of all and sindrie the premisses for his majesteis parte, his hienes hes ordanit the commissionaris of his burrowis tobe convenit with all convenient expeditioun, quhairthrow thay may be moved to cum cautionaris to this effect. Attour, his majestie promittis to caus justice and punishment be execute on the personis quhilk cruellie murtherit and slew umquhile Nicolas Wanraust, servand to the said Eustache, in his majesties service, that be the example thairof he may have the bettir assuirance of his awne lyffe and not tobe troubled nor hinderit now in this, his hienes service.
[A1588/4/4]*[print] [email] [cite] [preceding] [following]
Forsamekle as oure soverane lord, with avise of his nobilitie, counsall and esteatis presentlie convenit, having concludit and aggreit that for sustening of the taxatioun the honnourable chargeis and expensis tobe maid upoun his majesteis mariage, appointit tobe performit and accomplissit with all convenient expeditioun, thair salbe upliftit ane taxatioun of ane hundreth thowsand pundis, and nochtwithstanding, finding sum difficultie in setting, dividing and collecting of the same amangis his hienes esteatis be ressoun of the lait act of annexatioun and erectioun of sum pairtis of the kirk rentis in temporall lordschippis, with provisioun that the same salbe taxt with the estate of baronis in tyme cuming and sindrie uthir causis, thairfoir, his hienes hes thocht meit that the personis following, to quhome commissioun wes gevin be act of his hienes parliament haldin in the moneth of Julii lastbipast for setting of the said taxt and all utheris tobe grantit heireftir: thay ar to say, Adam, bischop of Orknay, Alexander, commendatar of Pluscardin, Robert, lord Boyd, James, lord of Dun, Maister Johnne Lindsay, persone of Menmure, Maister David Carnegy of Culluthy, Johnne Arnott, provest of Edinburgh, and Williame Flemyng, burges of Perth, sall convene within the tolbuith of Edinburgh upoun the xv day of Maii nixttocum and thair considder the occasionis of the complaintis maid be divers his hienes subjectis toward thair unequall stenting in sindrie taxationis that hes bene rased of lait yeiris for his majesties service and commoun effearis of the realme, see the retouris and auld stent rollis, alsweill of the spiritualitie as temporalitie and burrowis, quhat wes the ancient forme of setting of taxationis in tymes bigane and how far the same differris frome the forme usit within this realme thir few yeiris bigane, and according to thair gude discretioun, to sett doun a forme and ordour how, and be quhat maner the said taxatioun and all utheris tobe grantit heireftir salbe sett, collectit and upliftit, and to heir the complaintis of all pairteis haveand interesse in setting of the said forme of taxatioun and to decyde thairintill summarlie as thay sall think maist aggreable with equitie and justice, according to the previlege gevin to thame be the said act of parliament, and thairfoir ordanis lettres tobe direct to mak intimatioun heirof be oppin proclamatioun at the mercatt croceis of the heid burrowis of this realme and utheris placeis neidfull, quhairthrow nane pretend ignorance of the same; and als to warne all and sindrie his hienes leigis haveand interes tobe present and giff in thair complaintis to the saidis commissionaris the said day, to the effect thay may ressave anser and decisioun as appertenis certefeing thame and thay failye, thay sall not be hard thaireftir.