[1587/7/154]*[print] [email] [cite] [preceding] [following]
†Oure soverane lord, with advise and consent of the thrie estaittis of this present parliament, hes gevin and grantit power and commissioun to the richt honorable Robert, lord Boyde, Williame Cunynghame of Capringtoun and Hew Campbell of Terringane, or ony tua of thame conjunclie, to pas to the burgh of Irwing ony tyme thai pleis appoint to that effect, and thair to visie and considder the watter mouth, heavin port and herbrie of the said burgh quhair thair schippis and barkis wont to repair lose and ladin, and thairupone to confer with the maist honest and ancient burgesis of the said burgh and landit gentilmen duelland nixt adiacent thairto and sie gif the said herbrie possiblie may be helpit, and quhat sowmes and moyen wald help the samyn, and to report thair opinioun and procedingis in the premisis to the lordis of secreit counsall; and incais efter the said report the said hevin and herbrie beis fundin remedable, oure said soverane lord, with advise and consent of the saidis thrie estaittis, gevis and grantis full power and commissioun to the saidis lordis of secreit counsall to grant and appoint ane ressounable generall stent and taxatioun upone sic pairtis of the cuntrie as thai sall think maist expedient for the speciall help and support of thair said decayit herbrie and heavin, and to mak speciall act and ordinance upone the said taxatioun contening the forme and ordour of the payment and ingaddering of the samin for thair said support, siclyk and in the samin maner as the saidis thrie estaittis micht have done thame selffis in this present parliament; and ordanis lettrez to be direct heirupone, gif neid beis, in forme as effeiris.