[1587/7/144]*[print] [email] [cite] [preceding] [following]
†In the parliament haldin at Edinburgh, the twenty nynt day of Julii the yeir of God jM vC foure score sevin yeris, the quhilk day oure soverane lord, with avise of the thre estaittis of his realme in this present parliament, ratefeis, apprevis and, for his hienes and his successouris, perpetuallie confirmis the twa charters and infeftmentis thairof underwrittin, maid, gevin and grantit be his hienes efter his perfyte aige of twenty ane yeris compleit, decernit and declarit in this present parliament to his weilbelovit familiar counselloure Mark, lait commendater of Newbottill, now barroun of Newbottill, his airis maill and assignais heritablie, viz., the ane of the saidis charters maid, gevin and grantit be his hienes to the said Mark, his airis maill and assignais, of the superioritie of all and sindrie the landis of Prestoungrange and utheris mentionat thairin, unitit and incorporat in ane temporall fre barony callit the barony of Prestoungrange, as the said charter of the dait at Halyrudehous, the twenty aucht day of Julii the yeir of God jM vC fourescoir sevin yeris, at mair lenth beris, and the uther charter maid be his hienes to the said Mark, his airis maill and assignais, off the maner place of Newbottill, of auld callit the abbay of Newbottill, with all and sindrie utheris landis, lordschippis, baronyes, kirkis, benefices, proffites, rychtis, emolumentis and utheris pertening or that justlie may belang to the said abbacy and patrimony thairof and quhairof the abbattis and conventis wer in possessioun in ony tyme bygane, at lenth specifeit and contenit in the said charter, unitit and incorporat in ane uther frie barony callit the barony of Newbottil, as the said charter of the dait at Halyrudehous, the twenty viij day of Julii the yeir of God jM vC fourescoir sevin yeris, at mair lenth beris, notwithstanding oure soverane lordis revocatioun maid in this present parliament or tobe maid heirefter, under the quhilk the saidis infeftmentis sall nevir be comprehendit; commanding the clerk of register to insert the saidis charters and infeftmentis at lenth in this present act ad perpetuam rei memoriam. Off the quhilkis charters and infeftmentis, the tennouris followis:
Jacobus Dei gratia rex Scotorum omnibus probis hominibus totius terre sue clericis et laicis salutem. Sciatis nos post nostram perfectam etatem viginti unius annorum completam intelligentes superstitionem monasticam sublatam esse, ita ut necesse non sit ut monasteria in statu solito permaneant, ac etiam perpendentes partem magnam terrarum ac reddituum terrarum temporalium monasterii nostri de Newbottill cum suis pertinentiis inferius specificatis ad predilectum familiarem consiliarium nostrum Marcum nunc commendatarium eiusdem monasterii antea hereditarie pertinere que in emphiteosim predecessoribus eius longo tempore preterito locate essent, quorum jus hereditarium in ipsum divolutum est, ac per nos et quondam charissimam nostram matrem debite et legitime confirmatum; ac memorie recolentes longum bonum fidele et gratuitum servitium nobis nostris annis teneris ac dicte nostre quondam charissime matri aliisque nostris progenitoribus optime memorie per quondam Marcum commendatarium de Newbottle qui ultimo obiit, ac per dictum Marcum nunc commendatarium antedictum prestitum et impensum; cui servitio tempus magnum impendebant ut in continua attentatione et negotiorum nostrorum et progenitorum nostrorum administratione tam sedulo curabant ut eo honore vocati nobis a secretis consiliis essent; ac etiam quod dictus Marcus commendatarius antedictus et conventus monasterii antedicti per eorum literas sub suis subscriptionibus et sigillo communi superioritatem omnium et singularum terrarum baroniarum molendinorum siluarum piscationum carbonum carbonariarum mansionum manerierum pomariorum turrium fortaliciorum hortorum pratorum tenentium tenendriarum liberetenentium servitiorum ac aliorum particulariter subscriptorum in manibus nostris resignarunt renunciarunt extradonarunt et dimiserunt ad effectum infrascriptum pro erectione earundem in unam temporalem et liberam baroniam ut sequitur. Ad hunc finem ut infeofamentum nostrum subscriptum effectum fortiatur et non aliter, prout in dicta dimissione latius continetur; ac nos scientes rentale nostrum in summis subscriptis augeri, cum nihil inde commodi nos aut nostri predicessores de prenominatis terris et aliis supraspecificatis antea percepimus, ad hec considerantes quae pro presentis infeofamenti confectione dictus Marcus Ker nunc commendatarius de Newbottill nobis magnam pecunie summam persoluit; ideo nunc post dictum nostram perfectam etatem viginti unius annorum per hanc presentem cartam declaratam dedimus concessimus et disposuimus ac tenore presentis carte nostre damus concedimus et disponimus prefato Marco Ker heredibus suis masculis et assignatis hereditarie superioritatem omnium et singularum terrarum baroniarum molendinorum terrarum molendinariarum multurarum silvarum parcarum piscationum carbonum carbonariorum carbofodinarum lapicidiorum mansionum manerierum pomariorum hortorum pratorum turrium fortaliciorum manerierum lie peilhousis tenentium tenendriarum liberetenentium servitiorum ac aliorum particulariter inferius specificatorum, viz terrarum de Prestoungrange cum manerie et villa earundem, domibus edificiis pomariis hortis carbonibus carbonariis lapicidiis pendiculis et pertinentiis earundem salinis seu salis patellis cum sale lie kayne salt earundem domibus edificiis lie girnelhousis ac aliis domibus eisdem adiacentibus et pertinentiis unacum cuniculario predictis terris de Prestoungrange adiacente, terrarum de Sowtercloute jacentium infra constabulariam de Hadingtoun et vicecomitatum nostrum de Edinburgh; terrarum de Eisthousis et Westhousis cum suis pendiculis et pertinentiis duorum molendinorum granorum eister et wester multurarum earundem unacum molendino fullonum et terris molendinariis eiusdem et suis pertinentiis jacentibus infra villam et territorium de Newbottill cum domibus edificiis hortis pendiculis et pertinentiis earundem, terris ac terris dominicalibus de Newtoungrange cum silvis vocatis Eisthousis woddis et parca eisdem adiacente carbonibus et carbonariis earundem unacum omnibus carbonibus et carbonariis infra baroniam de Newbottill cum suis pendiculis et pertinentiis, quatuor acris terrarum jacentibus in lie schott vocata Craigishill infra baronia de Newbottill, terrarum de Morphattoun cum manerie fortalicio pomariis hortis silvis pratis piscationibus suisque pendiculis et pertinentiis, terrarum de Huntlawcoit Toksydehill Coitlaw Gledhous cum molendino vocato Gledhousmylne terris molendinariis multuris sequelis eiusdem ac omnibus suis pendiculis pertinentiis annexis connexis tenentibus tenandriis liberetenentium servitiis earundem terrarum respective jacentibus infra vicecomitatum nostrum de Edinburgh principalem; terrarum de Lethinghoipis viz terrarum et predii de Cowquhor cum turre et fortalicio earundem, terrarum de Houlehoip cum lie peilhous earundem, terrarum et predii de Ley cum turre et fortalicio earundem, terrarum de Dunslaw cum lie peilhous earundem, terrarum de Hutehope, terrarum de Craighoip, terrarum de Caulwelneis, terrarum de Quhitehoip, terrarum de Kittescleuch, terrarum de Blakhoipbyre et terrarum de Glentress, cum domibus edificiis turribus fortaliciis pomariis hortis silvis pratis infra predictas terras de Lethinghoipis ac omnibus et singulis suis pendiculis et pertinentiis, cum libertate et privilegio decimarum dictarum terrarum de Lethinghoipis respective uti dicte terre solite et in usu fuerunt temporibus preteritis cum annexis connexis tenentibus tenandriis et liberetenentium servitiis earundem jacentium infra vicecomitatum nostrum de Peebles; quasquidem omnes et singulas prenominatas terras baronias molendina terras molendinarias multuras silvas parcas piscationes carbones carbonaria lapicidia mansiones maneries pomaria hortos prata turres fortalicia lie peilhousis tenentes tenandria liberetenentium servicia ac alia particulariter superius specificata nos pro causis antedictis ex nostra certa scientia proprioque motu ereximus univimus et incorporavimus, ac tenore presentis carte nostre erigimus unimus et incorporamus in unam temporalem et liberam baroniam predicto Marco Ker heredibus suis masculis et assignatis hereditarie, cum titulo et nomine baronie de Prestoungrange perpetuo in futurum nuncupande, dando et concedendo prenominato Marco Ker heredibus suis masculis et assignatis antedictis omnibus temporibus futuris titulum honorem et statum liberi baronis et quod eadem baronia insigniis et armis ut moris est ornetur baronia de Prestoungrange in futurum nuncupanda, ac dictus Marcus Ker heredes sui masculi et successores barones de Prestoungrange nominentur; ad quamquidem baroniam omnes et singule terre et alia supraspecificata unite et annexate sunt, ac quibus dictus Marcus Ker heredes sui masculi successores et assignati in futurum possidebunt uti libera temporali baronia pro solutione servitii et annuicensus subscripti tantum, ac absque aliquibus aliis annuo censu aut onere quibus antea lege acto statuto et consuetudine quibuscunque onerari potuisse viderentur; ac etiam decernimus et ordinamus quod terre et alia suprascripta redditus et prouentus earundem taxationibus contributionibus et oneribus regno nostro impositis cum clero ecclesia et statu ecclesiastico minime subiicientur, sed quod eedem omnibus temporibus affuturis cum baroniis et terris temporalibus taxabuntur secundum justum valorem et ratam liberi patrimonii earundem ac iuxta ordinem generalem pro taxatione omnium terrarum infra regnum nostrum suscipienda; et quia intelleximus prefatum Marcum Ker in feudifirma seu emphiteosi in omnibus et singulis prenominatis terris et aliis superius specificatis perprius infeodatum extitisse, igitur volumus et concedimus ac etiam decernimus et ordinamus quod ipse eiusque heredes masculi et assignati in eorum prioribus juribus et infeofamentis de prefatis terris baroniis et aliis suprascriptis ante datum presentium confectis nullatenus prejudicentur. Insuper volumus et concedimus ac pro nobis et successoribus nostris decernimus et ordinamus quod unica sasina apud maneriem de Prestoungrange tradenda predicto Marco Ker heredibus suis masculis et assignatis in feodo et hereditate nunc ac omnibus temporibus futuris sufficiens erit pro prenominatis terris et baronia cum omnibus annexis connexis partibus pendiculis et pertinentiis earundem, non obstante quod invicem contigue non jacent sed in diversis vicecomitatibus ut predictum est; tenendas et habendas omnes et singulas prenominatas terras et baroniam de Prestoungrange comprehendentem speciatim terras et alia supraspecificata particulariter cum annexis connexis partibus pendiculis et pertinentiis suis quibuscunque predicto Marco Ker heredibus suis masculis et assignatis quibuscunque de nobis et successoribus nostris in feodo et hereditate ac libera baronia imperpetuum per omnes rectas metas suas antiquas et divisas prout jacent in longitudine et latitudine, in domibus edificiis boscis planis moris marresiis viis semitis aquis stagnis rivolis pratis pascuis et pasturis molendinis multuris et eorum sequelis aucupationibus venationibus piscationibus petariis turbariis carbonibus carbonariis cuniculis cuniculariis columbis columbariis fabrilibus brasinis brueriis et genestis silvis nemoribus et virgultis lignis tignis lapicidiis lapide et calce, cum curiis et earum exitibus hereyeldis bludeuitis et mulierum merchetis ac cum furca fossa sok sak thole theme infangtheif outfangtheif pitt et gallowis wrak waith wair et vennesoun, cum communi pastura libero introitu et exitu. ac cum omnibus aliis et singulis libertatibus commoditatibus proficuis asiamentis ac justis suis pertinentiis quibuscunque tam non nominatis quam nominatis tam subtus terra quam supra terram procul et prope ad predictas terras et baroniam aliaque particulariter suprascripta cum suis annexis connexis partibus pendiculis et pertinentiis spectantibus seu juste spectare valentibus quomodolibet in futurum libere quiete plenarie integre honorifice bene et in pace, sine aliquo impedimento revocatione contradictions aut obstaculo quocunque. Reddendo inde annuatim predictus Marcus Ker heredes sui masculi et assignati antedicti nobis et successoribus nostris pro omnibus et singulis prefatis terris et baronia de Prestoungrange comprehendentibus speciatim terras et alia particulariter superius specificata cum annexis connexis partibus pendiculis et pertinentiis suis quibuscunque summam centum librarum usualis monete regni nostri nomine albefirme tantum pro omnibus aliis servitiis et oneribus que de predictis terris et aliis suprascriptis per quoscunque juste exigi poterunt quomodolibet vel requiri; ac volentes quod presens carta et infeofamentum omnibus respectibus antedictis erit validi et sufficientis roboris efficacie et effectus prefato Marco Ker heredibus suis masculis et assignatis omnibus temporibus affuturis promittimus verbo principis causandum eandem cartam cum cause cognitione in parliamento nostro ratificari et approbari ut eadem numquam in futurum in questionem seu dubium vocetur. In cuius rei testimonium huic presenti carte nostre magnum sigillum nostrum apponi fecimus. Testibus predilectis nostris consanguineis et consiliariis Joane domino Hammyltoun et commendatario monasterii nostri de Abirbrothok Archibaldo Angusie comite domino Douglas Dalkeith et Abirnethy etc. reverendissimo ac venerabili in Christo patribus Patricio Sanctiandree archiepiscopo Waltero priore de Blantyre nostri secreti sigilli custode dilectis nostris familiaribus consiliariis domino Joanne Maitland de Thirlstane milite nostro secretario Alexandro Hay de Eisterkennet nostrorum rotulorum registri ac consilii clerico Ludovico Bellendenden de Auchnoule milite nostre justiciarie clerico et magistro Roberto Scott nostre cancellarie directore. Apud Halyrudehous vicesimo octavo die mensis Julii anno Domini millesimo quingentesimo octuagesimo septimo et regni nostri vigesimo.
Jacobus Dei gratia rex Scotorum omnibus probis hominibus totius terre sue clericis et laicis salutem. Sciatis quia nos superstitione monastica nunc cessante intelligentes minime necessarium esse monasteria et abbacias in eo statu quo perprius fuerunt remanere, memoria etiam recolentes diuturnum bonum fidele et gratuitum seruitium nobis a nostra infancia et nostre quondam charissime matri aliisque quondam nostris nobilissimis progenitoribus felicissime memorie per quondam nostrum fidum et familiarem consiliarium Marcum ultimum monasterii de Newbottle commendatarium ac per nostrum fidum et familiarem consiliarium Marcum nuper huiusmodi monasterii commendatarium eius filium prestitum et impensum qui attendente servicio in predictis nostris et nostrorum predicessorum negotiis plurimos annos exigerunt, eaque ratione nos nostri predicessores eos eo honore dignati sumus ut in societatem dominorum secreti consilii asciverint, cum etiam prefatus noster consiliarius Marcus Ker nuper commendatarius predicti et eiusdem monasterii conventus omnes et singulas terras cum decimis garbalibus earundem ut sequitur inclusis ac omnia et singula dominia baronias silvas piscarias mansiones maneries firmas annuos redditus census tenementa ecclesias beneficia ac specialiter ecclesiam de Newbottill rectoriam et vicariam eiusdem ecclesiam de Hereot rectoriam et vicariam eiusdem ecclesiam de Cockpen rectoriam et vicariam eiusdem ecclesiam de Bathgate rectoriam et vicariam eiusdem cum aliis particulariter subscriptis ac cum tenentibus tenandriis liberetenentium servitiis earundem pomariis hortis decimis garbalibus aliis decimis ceterisque proficuis juribus et emolumentis dicto monasterio et patrimonio eiusdem spectantibus seu spectare valentibus et de quibus abbates et eiusdem conventus ullo tempore preterito in possessione fuerunt in manibus nostris per suas speciales procuratorii literas suis sub subscriptionibus et sigillo capituli resignarunt renunciarunt simpliciterque dimiserunt, prout in dicta dimissione latius continetur, idque pro hac nova infeodatione nostra subscripta ad effectum et modo subsequenti danda et conficienda et non alias. Nos etiam intelligentes nostrum rentale annuatim in summis subscriptis auctum iri tametsi prius nos nostrive predicessores nullum certum annuum censum de prefatis terris et ecclesiis per ceperimus, considerantesque quod hoc presenti infeofamento effecti sumus immediati superiores prefatarum terrarum sicuti dictus noster consiliarius Marcus Ker immediatus tenens et vassallus earundem terrarum nobis imposterum erit; considerantes etiam quod dictus noster consiliarius magnas pecuniarum summas pro hac nostra infeodatione persolverit; ideo nos nunc post nostram perfectam et legitimam etatem viginti unius annorum completam per presentes declaratam dedimus concessimus et disposuimus tenoreque presentis carte nostre damus concedimus et disponimus prefato nostro consiliario Marco Ker suisque heredibus masculis et assignatis hereditarie omnes et singulas prefatas terras cum decimis earundem inclusis, ac etiam omnia et singula dominia baronias molendina silvas piscarias mansiones maneries census firmas annuos redditus tenementa aliaque particulariter subscripta, cum tenentibus tenandriis et liberetenentium servitiis earundem pomariis hortis aliisque proficuis, juribus et emolumentis dicto monasterio et patrimonio eiusdem spectantibus seu juste spectare valentibus, et de quibus abbates et eiusdem conventus ullo tempore preterito in possessione fuerunt, viz maneriem de Newbottill ab antiquo monasterium de Newbottill nuncupatam, cum domibus edificiis horreis ustrinis granariis molendino pomariis hortis aliisque pertinentiis infra parietes et eiusdem loci precinctum situatis, unam peciam terre lie Anna nuncupata partibus dicti loci proxima adjacentibus, villam de Newbottill, terras de Bryanechapell cum pertinentiis, terras de Maistertoun et Newbyris cum pertinentiis, acras arabiles dicte ville de Newbottill adjacentes, terras de Southsyde, terras de Coittis Eister et Wester cum annexis connexis feudifirme firmis partibus pendiculis carbonibus carbonariis silvis forrestis pratis molendinis multuris aliisque quibuscunque cum pertinentiis jacentibus infra dominium et baroniam de Newbottill; terras dominicales de Dalhoussye cum pertinentiis (excepta mansione et gleba monasterio dicte ecclesie reservuatis), terras de Todhoillis cum pertinentiis, terras de Gilmertoungrange, terras de Craighous cum manerie earundem, terras de Neddir Currie cum annexis connexis feudifirme firmis partibus pendiculis et pertinentiis quibuscunque, terras de Heringden cum turre fortalicio earundem, terris de Mauldeslie cum lie peilhous earundem, terras de Toksydehoill, terras de Toksyde Neddir, unam quarteriam terrarum de Toksydehill per Joannem Lawsoun occupatam, terras de Spurlandis, terras de Kirklandhill cum annexis connexis feudifirme firmis partibus pendiculis et earundem pertinentiis molendinis multuris tenentibus tenandriis et liberetenentium servitiis omnium et singularum predictarum terrarum jacentium infra nostrum vicecomitatum de Edinburgh principalem; terras de Saltprestoun perprius dicto monasterio de Newbottill spectantes, cum dimidietate ville de Saltprestoun domibus edificiis et hortis eiusdem cum acris arabilibus dicte ville adjacentibus et suis pertinentiis, ac cum molendino terrisque molendinariis prope Prestoungrange unacum portum lie Aitchesonis heavin nuncupatum cum duobus granorum molendinis eisdem adjacentibus lie Seymylnis nuncupatis et suis pertinentiis, cum lie linkis mari adjacentibus annexis connexis feudifirme firmis tenentibus tenandriis liberetenentium servitiis earundem, terras de Cowthroppill cum mansionibus maneriebus earundem et suis pertinentiis, sexaginta quatuor acras terrarum arabilium ex occidentali latere de Prestoungrange jacentes per Jacobum Adamesoun burgensem burgi nostri de Edinburgh et suos subtenentes presenter occupatas, terras de Barfurd, terras dominicales vulgo lie manis eister et wester cum decimis garbalibus earundem inclusis unacum molendino lie Monkmylne nuncupato, terris molendinariis multuris sequelis earundem cum decimis garbalibus inclusis, ac cum terris [de] Eister et Wester Monkriggis cum decimis garbalibus earundem inclusis, terras de Coitwallis cum decimis garbalibus earundem inclusis, terras de Cutleris Croft et lie manis landis cum decimis garbalibus earundem inclusis, terras de Puro et Fentoun cum decimis garbalibus earundem inclusis annexis connexis feudifirme firmis tenentibus tenandriis et liberetenentium servitiis partibus pendiculis et omnibus suis pertinentiis jacentes infra constabulariam de Hadingtoun et vicecomitatum de Edinburgh antedictum; terras de Kynnard cum pendiculis pertinentiis feudifirme firmis tenentibus tenandriis liberetenentium servitiis earundem et omnibus suis pertinentiis jacentes infra vicecomitatum nostrum de Striveling; terras ecclesiasticas de Bathcat cum annexis connexis feudifirme firmis et omnibus suis pertinentiis (excepta mansione et gleba earundem ministro eiusdem ecclesie reservatis) jacentes infra vicecomitatum nostrum de Linlythgow; terras de Williameshoip cum pertinentiis, terras de Romannogrange et Plewlandis cum villa de Romannogrange et villa de Plewlandis, terras de Cowthcoit cum manerie earundem, terras de Eister Denishous, terras de Wester Denishous cum annexis connexis feudifirme firmis tenentibus tenandriis liberetenentium servitiis earundem et omnibus suis pertinentiis jacentes infra vicecomitatum nostrum de Peblis; terras et baroniam de Craufurdmure alias Freirmure nuncupatas cum pertinentiis, terras et predium de Schortcleuch, terras et predium de Glenuniquhair, terras et predium de Paudoven, terras de Fingland, terras et predium de Smythwod et Cownie, terras de Over Glengonar, terras de Neddir Glengonar, terras de Glencappill, terras de Glengeicht unacum mansione domibus hortis croftis et prato in Craufurdmuir per quondam dominum Michaelem Wichtman capellanum occupatis et possessis cum pertinentiis, terras et baroniam de Monkland, terras et predia de Auchingray Garthscharrymanis Crumlat et Blaiklandis, terras de Caldercruikis, terras de Arbouchling, terras de Peddarisburn, terras de Brounsyde, terras de Foskane, terras de Gairthlie Ronschello cum molendino terris molendinariis multuris earundem et suis pertinentiis, terras de Airdrie cum molendino terris molendinariis multuris earundem, terras de Ryyardis, terras de Coittis et Garturk, terras de Neddir Coittis, terras de Coittis et Overhous, terras de Dundovane, terras de Haggis cum molendino lie Hagmylne nuncupato terris molendinariis et multuris earundem, terras de Ryden Drumgray Garturk cum terris brueriis vulgo lie brewlandis et omnibus suis pertinentiis, terras de Soutarhousis, terras de Kirkwod et Drumpendar, terras de Padovane, terras de Denbank, terras de Gilgairt, terras de Ardmwyeis, terras de Karling Croft, terras unius partis de Gairthscharry tennendrie per Joannem Craig et Willelmum Salmont occupatas, terras de Gartwerrie et Gartluskan, terras de Gartmyllane, terras de Inschennok et Gayne, terras de Mydrois, Mywat, Gartingawak, Blairlynes eister et wester, terras de Myddiltoun cum molendino de Calyeokclair terris molendinariis et multuris earundem, terras de Glenhuiff, terras de Glencoris, terras de Rouchsoillis, terras de Kipbyre, terras de Brydenhill, terras de Kippis et terras de Holenehirst cum annexis connexis feudifirme firmis prefatarum terrarum et baroniarum respective partibus pendiculis tenentibus tenandriis liberetenentium servitiis molendinis terris molendinariis multuris sylvis forrestis parcis pomariis hortis pratis carbonibus carbonariis et aliis pertinentiis quibuscunque prefatis terris et baroniis respective spectantibus jacentibus infra vicecomitatum nostrum de Lanerk; unum tenementum terre cum domibus edificiis pheristerio et horto per Jacobum Adamesoun possessis jacens infra burgum nostrum de Edinburgh ex boreali parte vici nostri eiusdem situatis inter tenementa per Henricum Charters burgensem de Edinburgh occupata et tenementum terre domino Willelmo Lauder de Haltoun militi spectans ex orientali ac tenementum terre et pheristerium Johanni Young scribe spectante ex occidentali partibus ab una et aliis, unum tenementum terre cum domibus edificiis et horto eiusdem jacens in villa de Leith ex boreali parte aque eiusdem inter tenementum quondam Patricii Clerk alias Myllar ex orientali, tenementum quondam Joannis Downye ex occidentali publicam viam nostram ex australi et lie grene ex boreali partibus ab una et aliis; aliud tenementum terre jacens in villa de Leyth ex australi parte aque et propugnaculi vulgo lie schore eiusdem inter communem viam ex occidentali communem venellam et publicam viam ex orientali terras quondam Thome Thomesoun ex australi et commune viam nostram super dicta lie schoir ex boreali per Joannem Thomesoun sartorem in Leith presenter occupatum; unum tenementum terre jacens in burgo nostro de Linlythgow per quondam Patricium Tailyeoure olim occupatum cum horto eiusdem jacens ex boreali parte vici nostri regii eiusdem inter tenementum quondam Patricii Hall ex occidentali tenementum terre Joannis Gibsoun ex orientali publicam nostram viam regiam ex australi et lacum de Linlythgow ex boreali partibus ab una et aliis; unum tenementum terre jacens in burgo nostro de Hadingtoun cum horto eiusdem jacens ex australi parte vici nostri prope crucem dicti burgi per quondam Willelmum Kemp olim occupatum; unum tenementum terre cum domibus et horto eiusdem jacens in burgo nostro de Carraill ex parte australi vici foralis eiusdem inter communem venellam ex orientali et terras quondam Richardi Balcolmye ex occidentali; unum annuum redditum trium librarum sex solidorum et octo denariorum annuatim levandum de terris de Kilpount prope Strabrok jacentibus; unum annuum redditum quadraginta sex solidorum et octo denariorum annuatim levandum de terris Jacobi Ballantyne de Pendreich nuncupat jacentibus infra vicecomitatum nostrum de Edinburgh; unum annuum redditum trium librarum sex solidorum et octo denariorum annuatim levandum de molendino de Clerkingtoun et terris molendinariis eiusdem domino Corstorphin spectantibus jacentibus infra predictum nostrum vicecomitatum; unum annuum redditum quadraginta solidorum annuatim levandum de terris de Carlinglippis jacentibus infra vicecomitatum nostrum predictum; unum annuum redditum tredecim solidorum quatuor denariorum annuatim de domo et terra jacentibus infra burgum nostrum de Edinburgh levandum Joanni Robertsoun mercatori spectantibus jacentibus ex boreali parte vici nostri eiusdem burgi in clausura Magistri Alexandri King, unum annuum redditum duodecim solidorum annuatim de una terra in villa de Leith jacente levandum per quondam Gilbertum Wilsoun doliarium olim occupata, unum annuum redditum quique solidorum annuatim de una terra jacente infra burgum nostrum de Hadingtoun levandum olim Willelmo Ogill et nunc Roberto Borthuik scribe pertinente; salinarum patellas infra baroniam de Saltprestoun dicto monasterio perprius spectantes unacum firmis censibus ac decimis salis dictarum salis patellarum; quasquidem omnes et singulas prefatas terras cum decimis inclusis ac etiam dominia baronias molendina terras molendinarias multuras silvas piscarias carbones carbonaria maneries salis patellas decimas salis census firmas annuos redditus tenementa pomaria hortos et alia particulariter predicta cum tenentibus tenandriis et liberetenentium serviciis aliisque juribus proficuis et emolumentis dicto monasterio et patrimonio eiusdem spectantibus seu juste spectare valentibus et de quibus abbates et eiusdem conventus ullo tempore preterito in possessione fuerunt (exceptis prefatis ecclesiis parochialibus suprascriptis et aliis decimis eisdem spectantibus) nos pro causis predictis ex certa scientia et proprio motu in unam liberam baroniam ereximus univimus et incorporavimus, tenoreque presentis carte nostre erigimus unimus et incorporamus prefato nostro consiliario suisque heredibus et assignatis hereditarie baroniam de Newbottill imposterum nuncupandam ita ut deinceps dictus Marcus Ker heredes sui et assignati predicti barones de Newbottill nuncupabuntur; ac ad hunc effectum presentis carte nostre tenore dissoluimus et suppressimus prout tenore presentis carte nostre dissoluimus et supprimimus dictam abbaciam et monasterium de Newbottill prefatasque ecclesias redditus decimas proficua et commoditates eidem spectates ac specialiter ecclesias supraspecificatas viz ecclesiam de Newbottil rectoriam et vicariam eiusdem ecclesiam de Hereot rectoriam et vicariam eiusdem ecclesiam de Cokpen rectoriam et vicariam eiusdem ecclesiam de Bathcat rectoriam et vicariam eiusdem infra diocesim Sanctiandree jacentes, sic quod nulla pars patrimonii dicte abbacie et monasterii imposterum erunt, nec ulla memoria monasterii vel status monastici in eodem imposterum erit, nec successor ullus per dimissionem decessum seu aliter quovismodo ad dictum monasterium providebitur, sed omnes et singule predicte terre que dicuntur temporalitas dicti monasterii cum prefato nostro consiliario Marco Ker suisque heredibus masculis et assignatis in futurum remanebunt, ac fructus redditusque dictarum ecclesiarum et decimarum pro sustentatione ministrorum cure in eisdem ecclesiis inservientium imposterum applicabuntur, apud quasquidem ecclesias parochiales et unaquamque earum unam rectoriam seu personatum ereximus tenoreque presentis carte nostre erigimus decernimusque et ordinamus unum rectorem unicuique dictarum ecclesiarum presentare et provideri, sicut etiam dedimus concessimus et disposuimus tenoreque presentis carte nostre damus concedimus et disponimus prefato nostro consiliario Marco Ker suisque heredibus masculis et assignatis predictis plenum jus patronatus advocationem et donationem dictarum ecclesiarum rectoriarum et vicariarum earundem, ac unimus et annexamus dictum jus patronatus dicte baronie cum eadem omni tempore affuturo remanendum, et preterea nunc post dissolutionem et suppressionem prefati monasterii ac terrarum eiusdem erectionem in unum temporale dominium et liberam baroniam ut premissum est quo parochiam dictarum ecclesiarum parochialium nullo modo solamine pastoris ad predicandum Dei verbum et sacramenta ecclesie ministranda sufficientis destituantur, decernimus et ordinamus dictum nostrum consiliarium Marcum Ker qualificatas personas ad prefatas rectorias et vicarias infra sex menses proxime sequentes ad personas potestatem habentes ipsos admittere presentare, et similiter omni tempore affuturo toties quoties huiusmodi vacare contigerint ob decessum dimissionem depositionem deprivationem aut ob quamcunque aliam causam; et preterea respectu dissolutionis et suppressionis dicti monasterii et erectionis terrarum eiusdem cum advocatione donatione et jure patronatus ecclesiarum antedictarum in unum temporalem dominium et liberam baroniam pro annua devoria et servitio subscripto nobis persolvendo, nos cum avisamento nostri thesaurarii et generalis collectoris renunciavimus et exoneravimus tenoreque presentis carte nostre pro nobis et successoribus nostris renunciamus et exoneramus omne jus et titulum quod habuimus habemus seu pretendere possumus ad tertiam partem fructuum dicte abbacie monachorum portiones eiusdem et omne aliud jus nobis spectans per quascunque leges parliamenti acta seu consuetudines sic quod nos noster thesaurarius et generalis collector nullam tertiam partem fructuum nec ullas monachorum portiones eiusdem ullo tempore affuturo percipiemus, inhibendo dictis thesaurario et collectori presentibus et affuturis de omni levatione eiusdem simpliciter et imperpetuum; necnon decernimus et ordinamus feudifirmarios hereditariosque tenentes antenominatarum terrarum decimarum et aliarum prescriptarum suosque heredes et successores suas devorias et servitia in eorum infeofamentis contenta dicto nostro consiliario Marco Ker suisque heredibus masculis successoribus et assignatis prompte solvere et respondere de quo Marco Ker heredibus suis et assignatis predictis dictas suas terras in feudifirma immediate tenebunt, per quos etiam dicti feudifirmarii in predictis suis terris intrabunt et investientur, et easdem de ipsis simili modo et adeo libere tenebunt, sicuti prefatas terras de commendatariis abbatibus et conventibus dicti Monasterii perprius tenuerunt; ita que dictus noster consiliarius suique heredes masculi et assignati predicti domini erunt superiores dictarum terrarum adeo libere in omnibus respectibus sicuti aliqua superioritas infra nostrum regnum quibuscunque dominis superioribus adversus vassallos et tenentes suos per leges vel regni consuetudinem competere potest. Ac etiam nos pro nobis et successoribus nostris ordinamus quod prefate terre redditus et earundem devorie non taxabuntur in taxationibus contributionibus seu oneribus super statu ecclesiastico imponendis cum clericatu ecclesie presente statu ecclesiastico sed quod eedem omni tempore affuturo cum baroniis et temporalibus dominiis taxabuntur secundum justum valorem et ratam liberi patrimonii et redditus (vulgo lie Leving) sicuti generalis ordo pro taxatione omnium terrarum infra regnum nostrum statuetur, ex quibus taxationibus unusquisque feudifirmarius et hereditarius tenens suam propriam partem proportionabiliter persoluet. Insuper volimus et concedimus ac pro nobis et successoribus nostris declaramus decernimus et ordinamus quod unica sasina nunc prefato nostro consiliario et omni tempore affuturo suis heredibus predictis danda apud mansionem et maneriem de Newbottill stabit et sufficiens erit sasina pro omnibus et singulis prefatis terris particulariter supraspecificatis cum decimis inclusis et omnibus suis pertinentiis non obstante quod eedem non jacent insimul et contigue sed in diversis vicecomitatibus ut premissum est; tenendas et habendas omnes et singulas prefatas terras et baroniam de Newbottill antenominatas terras cum decimis earundem inclusis tenementis annuis redditidibus advocationibus et donationibus prefatarum ecclesiarum parochialium rectoriarum et vicariarum earundem predictarum aliisque particulariter supraspecificatis specialiter comprehensis cum annexis connexis partibus pendiculis tenentibus tenandriis liberetenentium servitiis earundem et omnibus suis pertinentiis prefato nostro consiliario Marco Ker suisque heredibus masculis et assignatis predictis de nobis et successoribus nostris in feodo hereditate et libera baronia imperpetuum per omnes rectas metas suas antiquas et divisas prout jacent in longitudine et latitudine in domibus edificiis boscis planis moris marresiis viis semitis aquis stagnis rivolis pratis pascuis et pasturis molendinis multuris et eorum sequelis aucupationibus venationibus piscationibus petariis turbariis carbonibus carbonariis cuniculis cuniculariis columbis columbariis fabrilibus brasinis brueriis et genestis silvis nemoribus et virgultis lignis tignis lapicidiis lapide et calce, cum curiis et earum exitibus hereyeldis bludeuitis et mulierum marchetis, cum communi pastura liberoque introitu et exitu, cum furca fossa sok sak thole theme wrak wair vennesoun infangtheif outfangtheif pitt et gallowis, ac cum omnibus aliis et singulis libertatibus commoditatibus proficuis et asiamentis ac justis suis pertinentiis quibuscunque tam non nominatis que nominatis, tam subtus terra quam supra terram, procul et prope ad predictas terras et baroniam cum pertinentiis spectantibus seu juste spectare valentibus quomodolibet in futurum libero quiete plenarie integre honorifice bene et in pace, absque villa revocatione contradictione impedimento aut obstaculo quocumque; reddendo inde annuatim dictus noster consiliarius suique heredes masculi et assignati predicti nobis et successoribus nostris pro tota et integra dicta baronia et dominio de Newbottill antenominatas terras cum decimis inclusis tenementa annuos redditus salinarum patellas advocationes et donationes dictarum ecclesiarum parochialium rectoriarum et vicariarum earundem aliasque particulariter supraspecificatas cum tenentibus tenandriis et libere tenentium servitiis annexis connexis partibus pendiculis et omnibus suis pertinentiis specialiter comprehensis ut premissum est, summam tricentarum librarum usualis monete regni nostri nomine albifirme tantum pro omni alio onere exactione questione demanda seu seruitio seculari que de predictis terris et baronia cum pertinentiis per quoscunque juste exigi poterint quomodolibet vel requiri. Idque quia consideravimus presentem statum feudifirme firmarum et devoriarum predictarum terrarum baroniarum tenementorum et annuorum reddituum suprascriptorum, suscepta etiam diligenti cognitione quod de eisdem magnam summam expendere dictus noster consiliarius Marcus Ker et heredes sui tenebuntur pro solutione feodorum et devoriarum hereditariis ballivis baroniarum de Newbottill Craufurdmure et Monkland annuatim debeta et pro feodis aliorum ordinariorum seruitiorum ac etiam pro collectione et importatione dictarum firmarum feudifirmariarum prefatarum terrarum in variis et longinquis partibus nostri regni situatarum, attento maxime quod magna pars earundem terrarum jacet in huiusmodi regni partibus que sunt rapinis furtis et direptionibus maxime obnoxie, ac idcirco dictarum firmarum collectio dicto nostro consiliario Marco Ker heredibus suis masculis et assignatis predictis laboriosior periculosior sumptuosior et difficilior erit, et nihilominus idem tempore presentis infeofamenti gratuitam solutionem dicte annue summe nobis et successoribus nostris facere tenebuntur, quam etiam summam nos acceptamus tanquam sufficientem annuam devoriam pro predictis terris non solum propter rationes supradictas sed etiam quia certum est nobis quod terre supradicte in presentiarum sunt sicuti per longum spacium futurum erunt diversis pensionibus onerate de eisdem terris soluendis, preterea nos volentes hanc presentem nostram cartam et infeodationem sufficientis valoris validitatis et efficacie prefato nostro consiliario suisque heredibus masculis et assignatis imposterum fore in verbo principis fideliter promittimus quod idem infeofamentum in omnibus eiusdem punctis articulis et circumstanciis cum cognitione cause in proximo nostro parliamento per tres regni nostri status ratificabitur et confirmabitur, ita ut numquam imposterum in dubium revocetur. In cuius rei testimonium huic presenti carte nostre magnum sigillum nostrum apponi precepimus, testibus predilectis nostris consanguineis et consiliariis Joanne domino Hadingtoun etc. commendatario monasterii nostri de Abirbrothok, Archibaldo Angusie comite domino Douglas Dalkeith et Abirnethye etc., reverendissimo ac venerabili in Christo patribus Patricio Sanctiandree archiepiscopo Waltero priore de Blantyre nostri secreti sigilli custode, dilectis nostris familiaribus et consiliariis Joanne Maitland de Thirlstane milite nostro secretario, Alexandro Hay de Eister Kennet nostrorum rotulorum registri ac consilii clerico, Ludovico Bellenden de Auchnoule milite nostre justiciarie clerico, et Magistro Roberto Scott nostre cancellarie directore. Apud Halyrudehous vicesimo octavo die mensis Julii anno Domini millesimo quingentesimo octuagesimo septimo, et regni nostri vicesimo.