[1587/7/134]*[print] [email] [cite] [preceding] [following]
†Oure soverane lord, efter his lauchfull and perfite aige of xxj yeiris compleit and generall revocatioun, has ratifiit and apprevit and, be the tennour heirof, ratifiis and apprevis and, for his hienes and his successouris, perpetuallie confermis the charter and infeftment underwrittin maid, gevin and grantit be his hienes to the provest, baillies, counsall and communitie of the burgh of Montrois and thair successouris off all and sindrie the landis, tenementis, housis, yairdis, orcheardis, acres, croftis, chappellis, milnes, fischeingis, with the fermes, teyndis, custumes, annuelrentis, dailsilver, anniversaries, and utheris respective mentionat in the said charter, quhilkis pertenit to the freris, chapellanriies and prebendariis specefiit thairin, and quhairof thai wer in possessioun and use to lift of befoir, as alsua with the superiorities, properties, tennentis and tennendriis of the landis foirsaidis belanging to the said freris, chappellanis and alterages, to the effect mentionat in the said infeftment and na utherwyse; and willis, decernis and ordanis the said charter and infeftment to be insert and incorporat in this present act of parliament to have the strenth thairof in tyme cuming, and lettres and executoriallis to pas thairupoun eftir the forme specefiit thairin, off the quhilk charter and infeftment the tennour followis:
Jacobus Dei gratia rex Scotorum omnibus probis hominibus totius terre clericis et laicis salutem. Sciatis quia nos moti pietate ac vero Dei timore et zelo eius glorie miseratique pauperes mutilatos impotentes miserabiles personas orphanos et parentibus destitutos infantes et alia egentia membra Jesuu Christi infra burgum nostrum de Montrois ac pro ipsorum perpetua suppeditatione et hospitalis adiumento pro perpetuo cum consensu et assensu quondam charissimi aui nostri Mathei comitis de Lennox domini Dernlie etc. nostri legittimi tutoris et liegiorum et regni nostri regentis, cumque avisamento dominorum secreti nostri consilii per aliam nostram cartam sub magno sigillo libere dedimus concessimus et disposuimus ac pro nobis et successoribus nostris pro perpetuo confirmavimus preposito ballivis consulibus et communitati dicti nostri burgi de Montrois ac ipsorum successoribus ad effectum infra scriptum et non alias omnes et singulas firmas lie canis et alia devoria omnium et singulorum tenementorum domorum edificiorum hortorum pomariorum croftarum acrarum et piscariarum que quondam fratribus predicatoribus dicti nostri burgi pertinebant seu pertinere quovismodo dignoscebantur una cum omnibus et singulis annuis redditibus fructibus devoriis proficuis emolumentis lie dailsilver obitibus anniversariis que ad ipsos spectabant ubicunque locorum infra nostrum regnum cum omnibus et singulis terris tenementis domibus edificiis ecclesiis capellis hortis pomeriis acris croftis annuis redditibus fructibus devoriis emolumentis lie dailsilver obitibus anniversariis quibuscunque que ad quascunque capellanias alteragiave cum omnibus terris annuis redditibus pomeriis hortis et aliis deuoriis eisdem pertinentibus cum omnibus aliis in dicti burgi ecclesia parrochiali fundata, fratrum capellas et alias ecclesias infra dictum nostrum burgum libertatem et parrochiam eiusdem per quemcunque patronum fundatas et dotatas et quarum dicti fratres capellani et prebendarii earundem in possessione perprius fuerunt, ubicunque eadem tenementa domus edificia pomeria horti acre annui redditus crofte anniversaria fructus proventus emolumenta jacent aut levari solita fuerant respective, cum ipsa ecclesia dictorum fratrum ac omnibus et singulis annuis redditibus solitis aut que per quamcunque aliam ecclesiam aut capellaniam extra dictum nostrum burgum a preposito et ballivis de communi redditu eiusdem pro suffragiis celebrandis demandare potuerunt, una cum omnibus et singulis terris tenementis infra dictum nostrum burgum et libertatem eiusdem ut dictum est jacentibus unacum omnibus annuis redditibus de quacunque domo tenemento terra ubicunque infra eundem jacentibus quibuscunque capellaniis alteragiis vicariis ecclesiis mortuariis et anniversariis concessis dotatis seu fundatis; tenendas et habendas de nobis et successoribus nostris imperpetuum in pura elimosina cum diversis etiam aliis [consulibus]† ad effectum suprascriptum prout in dicta carta de data apud Edinburgh primo die mense Januarii anno Domini millesimo quingentesimo septuagesimo desuper confecta latius continetur, ac etiam per unam aliam cartam cum avisamento prescriptorum nostro sub magno sigillo prefatis preposito ballivis consulibus et communitati dicti nostri burgi de Montrois et eorum successoribus dedimus et concessimus ad effectum suprascriptum; omnes et singulos annuos redditus firmas et devorias, omnium et singularum terrarum et annuorum reddituum olim fratribus carmelitariis de Inuverb[erv]ie pertinentium extendentium ad summam quadraginta quinque mercarum quinque solidorum et quatuor denariorum pro quibus magistro Davidi Lyndesay ministro in feudifirma perprius locate fuerunt, tenende simili modo de nobis et successoribus nostris in pura elimosina ut superius imperpetuum, prout in dicta altera carta de data vicesimo tertio die mense Junii anno Domini millesimo quingentesimo septuagesimo primo nobis ostensis et productis latius proportant; igitur nos intelligentes prefatas cartas et donationes in eisdem contentas pro bonis et piis causis suprascriptis datas et concessas eiusmodi etiam nunc voluntatis et mentis existentes ad easdem non solum in forma suprascripta continuandas et observandas verum etiam pro temporibus affuturis ad prefatas pias causas amplificandas, nunc post nostram legittimam etatem in parliamento nostro declaratam et post nostram generalem revocationem in eadem factam non solum easdem cartas et dispositiones in eisdem contentas absque revocatione ulla per nos et successores nostros imposterum faciendas, renunciando eisdem imperpetuum tenore presentis carte nostrae; ratificamus approbamus ac pro nobis et successoribus nostris pro perpetuo confirmamus usui predicto tantummodo secundum earundem tenorem in omnibus et pro omnia prout in eisdem continetur, sed etiam de novo post nostram perfectam et legittimam etatem et generalem revocationem suprascriptam ex nostris certis scientiis et motivis ad effectum suprascriptorum damus et concedimus ac pro nobis et successoribus nostris pro perpetuo confirmamus preposito ballivis consulibus et communitati dicti nostri burgi de Montrois et eorum successoribus omnes et singulas terras tenementa domos hortos pomeria acras croftas capellas molendina piscationes unacum firmis decimis custumis annuis redditibus lie dailsilver anniversariis et aliis respective suprascriptis que ad dictos fratres capellanias et prebendas spectabant et in quorum possessione et levandi usu dicti fratres capellani et prebendarii perprius fuerant una etiam cum superioritatibus proprietatibus tenentibus et tenendriis terrarum subscriptarum ad prefatos fratres capellanos et alteragia spectantium; tenendas de nobis et successoribus nostris imperpetuum in pura elimosina, prout jacent in longitudine et latitudine cum libera introitu et exitu, ac cum omnibus aliis et singulis libertatibus et commoditatibus proficuis et asiamentis ac justis suis pertinenciis quibuscunque tam non nominatis quam nominatis tam subtus terra quam supra terram procul et prope ad predictas firmas lie canis et alia devoria particulariter respective prescripta cum suis pertinentiis spectantia seu juste spectare valentia quodlibet in futurum libere quiete et plenarie integre honorifice bene et in pace absque revocatione contradictione impedimento aut obstaculo quocunque; considerantes etiam quanta fraude dicta fratrum prebendariorum et capellanorum prescriptorum qui post immutationem religionis ingentem numerum terrarum annuorum reddituum tenementorum et piscationum ipsorum capellaniis prebendis et locis perprius mortificata disposuerunt alienarunt et in manibus quorundam particularium huiusmodi extradonarunt; ac etiam plerique liegii nostri quarundam terrarum tenementorum piscationum et annuorum reddituum per ipsorum predicessores ipsis fratribus capellaniis et prebendis mortificata jus sibi acclamarunt et per brevia capelle nostre aut alias sasinam tanquam heredes suorum predicessorum recuperarunt que partim officiariorum negligentia dicti nostri burgi et partim collusione dictorum fratrum capellanorum et prebendariorum evenisse videtur, quocirca nos post nostram legittimam etatem in parliamento nostro decretam omnes eiusmodi alienationes et sasinas quibus primum prepositum et animus fundatorum infringitur deducendo easdem in particulares usus eo quod ad effectum suprascriptum converti non potuerint, tenore presentis carte nostrae rescindimus et adnihilamus, quamquidem hanc nostram declarationem tanti volumus esse roboris et efficacie ac si persone que easdem retinuerunt particulariter citate fuissent ipsorumque infeofamenta secundum iuris processum rescissa; volumus etiam quod unica sasina per prefatos prepositum et balliuos aut ipsorum aliquem dicte communitatis nomine apud pretorium dicti burgi semel accepta tam sufficiens erit pro perpetuo ac si eadem super particulares terras ad dictos fratres capellanos et prebendarios pertinentes aut ipsos in prefatos annuos redditus anniversaria firmas proficua et devoria prescripta non obstante loci distantia sumeretur; precipimus itaque nostrorum computorum rotulatoribus presentibus et futuris ipsorumque collectoribus factoribus et aliis quorum interest in genere necnon in specie quis eorum presumat possidere prefatas terras aut aliquam earundem partem seu piscationes neve recipere aut levare dictos fructus particulariter suprascriptas pro quovis tempore preterito aut futuro, ne impediant memoratos prepositum balliuos consules et communitatem aut ipsorum successores in pacifica earundem possessione et levatione; requirimus etiam nostri consilii dominos quotinus literas nostras in omnibus quatuor formis ad instantia dictorum prepositi balliuorum et communitatis et ipsorum successorum ad effectum suprascriptum in forma usitata dirigant. In cuius rei testimonium huic presenti carte nostrae magnum nostrum sigillum apponi precipimus, testibus predilectis nostris consanguineis et consiliariis Joanne domino Hammiltoun etc. commendatario monasterii nostri de Abirbrothok, Archibaldo Angusie comite domino Dowglas Dalkeyth et Abirnethie etc., Domino Joanne Maitland de Thirlstane milite cancellario et secretario nostro, reverendissimo ac venerabili in Christo patribus Patricio Sancti Andree archiepiscopo, Waltero, priore de Blantyre nostri secreti sigilli custode, dilectis nostris familiaribus et consiliariis Alexandro Hay de Eister Kennat nostrorum rotulorum registri ac consilii clerico, Ludovico Ballenden de Auchnoull milite nostrae justiciarie clerico et magistro Roberto Scott nostrae cancellarie directore, apud Halyruidhous vicesimo nono die mensis Julii anno Domini millesimo quingentesimo octuagesimo septimo, et regni nostri vicesimo primo.