[1585/12/17]*[print] [email] [cite] [preceding] [following]
†Oure soverane lord and thrie estaitis of this present parliament, considering the greit harme and inconvenient quhilk diverse of his hienes guid subjectis hes incurrit and daylie sustenis throw chargeis purchast aganis thame be the inoportuitie and unressonable suit of previe personis to compeir befoir his hienes and his secreit counsale to anser de super inquirendis under the paine of rebellioun, and gif thai failyie, to put thame to the horne, or to do ony deid under the paine of tressoun or rebellioun, and gif thay failye, immediatlie to denunce thame to the horne, na cognitioun tane in the cause, or enter thame selffis in waird in sum of his hienes castellis or presonis in schort space under the panis of tressoun or horning, without ony calling or cagnitioun takin gif the caus for quhilk sic lettres ar direct be tressoun or of uther greit importance concerning the kingis majesties persoun or proper estait, bot rather oftintymes sic lettres ar purchast to satisfie sum pairtie of the malice of the pairtie, purchessar thairof, to the wrak and havie truble of thair pairtie or nichtbour for thair particular and civile causis that aucht to be decidit be the ordinar jugeis of this realme, abusand the ordour of justice and makand a cloik of his hienes name and auctoritie indirectlie and to collour thair privet rewenge, to the offence of God and greit contempt of his hienes gif tymous remeid be not providit; thairfoir, our soverane lord, with advise of his saidis thrie estaitis, statutis and ordanis that his hienes secretair or his deputis, keiparis of the signetis, pas na maner of sic lettres to charge ony personis to compeir super inquirendis, or to enter thair personis in waird, or to do ony deid under the panis of tressoun or rebellioun; and incaice of failyie, to denunce without calling or cognitioun tane of befoir, notwithstanding the subscriptioun of his hienes or ony twa or ma of his counsale, except the same lettres be speciallie subscrivit be the chief officiaris of the estait, at the leist be four of thame, quhairof the chancellar, thesaurair or secretair salbe allwayis ane, and sall perfytly understand and anser that sic lettres ar advisedlie directit for materis being in thame selffis tressoun in deid, or otherwayis of heichast importance concerning his hienes persoun and proper estait, that may suffer na delay; and that the secretair admonishe all his deputis and writtairis to the signet that nane of thame tak upon hand to writt or put in forme onie maner of signatour or lettre to be past his majesties hand that contenis novaltie or informalitie contrair the lovable and accustumat style and forme, notwithstanding the desir of ony pairtie under the pane of deprivatioun; and that everie writtair subscrive his name on the bak of the signatour or lettre as allowit be him that it is writtin according to the ordiner stile and forme; and that na signatour or lettre† unallowit or subscrivit be the writtar, as said is, as they will anser thairupoun at thair heichest charge and parrell.
[1585/12/18]*[print] [email] [cite] [preceding] [following]
†Oure soverane lord, with advise of his thrie estaitis of parliament, ratefeis and apprevis the act maid befoir in the parliament haldin at Edinburgh, the xxiiij day of October, the yeir of God jM vC lxxxj yeiris, and the repetitioun of quhatsumevir landis or sowmes of money gevin to the keiparis of oure soverane lordis castellis and fortalices to the keiparis therof in his hienes minoritie and les age, being constranit thairto be the foirsaidis keiparis befoir the saidis castellis and fortalices micht be relevit furth of thair handis, as the said act in it selff at mair lenth beiris, in all pointis and clausis thairof, with this additioun: that the said act salbe extendit to all personis, quhilkis, in the regnne of oure soverane lordis dearest mother, beiring auctoritie for the tyme, ressavit landis, guidis, sowmes of money, band, obligatioun or souirtie thairfoir for deliverance of the saidis castellis and fortalices, and that the personis or thair airis oblist athir as principallis or as cautioneris for pament of the sowmes of money, or to mak infeftmentis of landis or to gif ony uther proffeit to the keiparis of the saidis castellis and fortalices, and can verifie and preif that the said obligatioun wes maid for that caus, salhave guid actioun to reduce the said band and obligatioun and ane competent exceptioun be vertew of this present act to mak the same null and of nane availl quhen evir thai salbe callit for the fulfilling thairof; and gif thai persew the said reductioun, thai salbe hard summarlie befoir the lordis of sessioun upoun xv dayis warning but dyet, table or continewatioun of uther summondis.
[1585/12/19]*[print] [email] [cite] [preceding] [following]
†Forsamekle as thair was ane act maid in the last parliament haldin at Edinburgh in the monethe of August fourscoir four yeiris anent decreitis gevin upoun dowble poindingis and horningis, the ane pairt being lauchfullie summond comperis not in that instant and thaireftir desiris to be hard be way of reductioun, thay sall not be hard to retreat and reduce the said decreit, nor yit salbe restorit agane to the samin, nathir yit haif onie actioun for the byrun proffeitis intromettit with be the obtenar of the decreit, as at mair lenth is contenit in the said act, quhilk act is not onlie extendit to all sic questionis as may occur heireftir, bot also in all sic materis of the elike sort bigane, intentit or to be intentit, depending and indecidit, befoir the lordis of sessioun and uther judgeis ordiner, to ane greit hurt and prejudice of ane greit number of oure soveranis subjectis, secluding thame fra thair actionis of reductionis of decreitis, of dowble poindingis and horningis and frome the proffitis resultand thairupoun alreddie intentit and depending lang befoir the making of the said act, quha, of law and equitie, aucht not to be astrictit to observe onie statutes or ordinances befoir the making of the samin, seing lawes suld be extendit ad futura and non ad preterita; thairfoir our soverane lord, with advise of the thrie estaitis of his present parliament, decernis and declaris the foirsaid act of parliament onlie to be extendit to the reductioun of decreitis, of dowble poindingis and horningis as hes, or salbe, obtenit sen the making of the samin, and not to sic as wes intentit and depending lang of befoir; and that in respect oure soverane lordis subjectis culd not observe the said act befoir the making heirof; and ordanis lettres to be direct heirupoun in forme as effeiris.