Procedure: protest
Protestation of Frances, erll of Erroll, constable of Scotland

The quhilk day Frances, erll of Erroll, lord Hay, constable of Scotland, declairit in presens of the kingis majestie and thrie estaittis of this present parliament that thair wes of auld one contentioun betuix the constable and admirall for the prioritie of thair voit and place in parliament in the dayis of umquhile Mary, quene dowriare and regent of this realme, at the quhilk tyme it wes concludit that the constable sould first voit in parliament, notwithstanding that he satt not amang the rest of the erllis, bot for doing of his office in parliament satt laich doun in the parliament hous, and thairfoir except the kingis majestie and estaittis restorit him to the ancient degrie and prioritie in voiting quhilk his predicessouris had, refusit to voit in this present parliament, and protestit that althocht Frances, now erll Bothuile at this tyme hes voittit befoir him, that it hurt nor prejudge not him.

  1. NAS, PA2/13, f.35r. Back
  2. 'P.O.' written in margin. Back