[1585/12/9]*[print] [email] [cite] [preceding] [following]
†Forsamekle as in the troublous tymes bypast, dyvers of oure soverane lordis liegis hes takin on thame a licentious libertie and presumptioun to speik and wryte mony thingis of his majestie uncumlie and na wayis allowable in any Christiane realme or commoun welth, quhilk hes bene in tyme past and may be in tyme cuming the occasioun of disordour and inquietnes, gif the like salbe sufferrit heirefter unpunissit, thairfoir oure soverane lord, with advyse of his thrie estaittis convenit in this present parliament, statuittis and ordanis that all his hienes subjectis contene thame selffis in quietnes and dewtifull obedience to his hienes and his auctoritie, and that nane of thame presume or tak upoun hand publictlie to declame or privatlie to speik or wryit ony purpos of reproche or sclaunder of his majesteis persoun, estait or governament, or to deprave his lawis and actis of parliament or misconstrue his procedingis, quhairby ony misliking may be moved betuix his hienes and his nobilitie and loving subjectis in tyme cuming, under the pane of deid; certifeing thame that dois in the contrair, thay salbe repute as sedicious and wicked instrumentis, enemeis to his hienes and the commoun weill of this realme, and the said pane of deid salbe execute upoun thame with all rigour in example of utheris.