Ratificatioun of the frerlandis and annuellis of Aberdene to the hospitall thairof

Oure soverane lord, with advise and consent of the thrie estatis of this present parliament, ratefeis, apprevis and confermis the gift and dispositioun maid be our said soverane lord, with advise of the lordis of his hienes secrete counsell, of all and haill the landis quhilkis pertenit to the freris of Aberdene, gevin and disponit to the hospitall of the said burgh for sustentatioun of the pure, and decernis and declaris the same to have full strenth, force and effect in all pointis, clausis and articles thairof; and also declaris be thir presentis that the foirsaidis landis, with thair pertinentis, nor na part thairof, is not, nor salbe, ony wayis comprehendit under our soverane lordis revocatioun to be ratefeit in this present parliament, bot that the samyn is, and salbe, exceptit, likas his hienes, with advise foirsaid, be the tennour heirof, exceptis the samyn furth of the said revocatioun; and alsua decernis this present declaratioun and exceptioun is, and salbe, of als greit force, strenth and availl as gif the samyn had bene contenit and insert thairin, to the effect that the puir men of the said hospitalitie may peceablie bruik and jois the saidis landis, with thair pertinentis foirsaidis, conforme to thair provisioun in all pointis.

  1. NAS, PA2/12, ff.132r-v. Back