[1584/5/5]*[print] [email] [cite] [preceding] [following]
Parliamentum currens excellentissimi principis Jacobi Scotorum regis illius nominis sexti tentum apud Edinburgh xxij die mensis Maii, anno Domini millesimo quingentesimo octuagesimo quarto per dictum supremi domini nostri regem ipso presente cum tribus regni statibus unacum Francisco feodatario dominii de Erroll comparente pro se, et Andrea comite de Erroll domino Hay etc., eius patre constabulario, Georgio comite Mariscalli mariscallo, Francisco comite de Bothuill vicecomite de Edinburgh, et Andrea Lyndsay adjudicatore officiariis parliamenti.
[1584/5/6]*[print] [email] [cite] [preceding] [following]
Rege presente
[1584/5/7]*[print] [email] [cite] [preceding] [following]
Oure soverane lord, with avise of his thrie estatis convenit in this present parliament, hes ratefeit and apprevit and, be the tennour heirof, ratefeis and apprevis the libertie of the preching of the trew word of God and administratioun of the sacramentis in puritie and synceritie according to the Confessioun of the Faith receavit and auctorizit be parliament in the first yeir of his majesties regnne.
[1584/5/8]*[print] [email] [cite] [preceding] [following]
Forsamekle as syndrie personis being laitlie callit befoir the kingis majestie and his secrete counsell to answer upoun certane pointis to have bene inquirit of thame, concerning sum treasounable, seditious and contumelious spechis utterit be thame in pulpet, scolis and utherwayis, to the disdane and reproche of his hienes, his progenitouris and present counsell, contemptuouslie declinit the jugement of his hienes and his said counsell in that behalf, to the evill exemple of utheris to do the like gif tymous remeid be not providit, thairfoir our soverane lord and his thrie estatis assemblit in this present parliament ratefeis and apprevis and perpetuallie confirmis the royall power and auctoritie over all statis, alsweill spirituall as temporall, within this realme in the persoun of the kingis majestie, our soverane lord, his airis and successouris, and als statutis and ordinis that his hienes, his said aris and successouris, be thame selffis and thair counsellis, ar and in tyme to cum salbe juges competent to all personis, his hienes subiectis of quhatsumevir estate, degrie, functioun or conditioun that ever they be of, spirituall or temporall, in all materis quhairin they or ony of thame salbe apprehendit, summound or chargeit to answer to sic thingis as salbe inquirit of thame be our said soverane lord and his counsell, and that nane of thame quhilkis sall happin to be apprehendit, callit or summound to the effect foirsaid, presume or tak upoun hand to decline the jugement of his hienes, his airis or successouris or thair counsell in the premisis, under the pane of treasoun.
[1584/5/9]*[print] [email] [cite] [preceding] [following]
The kingis majestie, considering the honour and the auctoritie of his supreme court of parliament continewit past all memorie of man unto thir dayis, as constitute upoun the frie votis of the thrie estatis of this ancient kingdome, be quhom the same under God ever hes bene uphaldin, rebellious and traterous subjectis punisit, the guid and faithfull preservit and mantenit and the lawis and actis of parliament (be quhilkis all men ar governit) maid and establisit, and finding the power, dignitie and authoritie of the said court of parliament of lait yeris callit in sum doubt, at least sum curiouslie travelling to have introduceit sum innovatioun thairanent, his majesties firme will and mynd alwayis being as it is yit, that the honour, authoritie and dignitie of the saidis thrie estatis sall stand and continew in the awin integritie, according to the ancient and lovable custome observit in tyme bygane, without ony alteratioun or diminutioun; thairfoir it is statute and ordinit be our said soverane lord and his thrie estatis assemblit in this present parliament that nane of his liegeis and subjectis presume or tak upoun hand to impugne the dignitie and authoritie of the saidis thrie estatis or to seik or procur the innovatioun or diminutioun of the power and auctoritie of the same thrie estatis or ony of thame in tyme cumming, under the pane of treasoun.
[1584/5/10]*[print] [email] [cite] [preceding] [following]
Forsamekle as in the trublous tymis during thir xxiiij yeris bypast, syndrie formis of jugementis and jurisdictionis, alsweill in spirituall as temporall causis, ar enterit, in the practis and custome quhairby the kingis majesties subjectis ar oftymis convocat and assemblit togidder and panis, alsweill civill and pecuniall as ecclesiasticall, injonit unto thame, proces led and deduceit, sentences and decreitis gevin and the same put in executioun, na sic ordour as yit being allowit of and approvit be his majestie and his thrie estatis in parliament contrare the custome observit in ony uther Christiane kingdome or weill governit commoun weill and to the diminissing of the force and power of his hienes awin lawis, be the quhilkis his majesties subjectis aucht to be rewllit, and speciallie his hienes and his estatis considering that in the saidis assembleis certane his subjectis have takin upoun thame to justifie and auctorize the fact perpetrate aganis his hienes persoun and estate at Ruthven and prosecutit thairefter, quhill his majestie at Goddis pleasour recoverit his libertie, having in thair pretendit maner maid actis thairupoun, kepis the same in register and as yit semis to allow the said attemptat, althocht now publictlie condampnit be his hienes and estatis as treasounable, nane of the authoris thairof having cravit his hienes pardone; thairfoir; for remeid quhairof in tyme cumming, sua that according to the lovable act of his darrest guidschir, King James the Ferd of worthie memorie, all his hienes liegeis (being under his obeissance) man be rewllit be his awin lawis and the commoun lawis of this realme and be nane uther lawis, oure soverane lord and his thrie estatis assemblit in this present parliament dischargeis all jugementis and jurisdictionis, spirituall or temporall, accustomat to be usit and execute upoun ony of his hienes subjectis quhilkis ar not approvit be his hienes and his saidis thrie estatis convenit in parliament, and decernis the same to ceis in tyme cumming, quhill the ordour thairof be first sene and considerit be his estatis† in parliament, and be allowit and ratefeit be thame, certefeing thame that sall proceid in using and exerceing of the saidis jugementis and jurisdictionis or in obeying of the same, not being allowit nor ratefeit as said is, they salbe repute, haldin, callit, persewit, and punissit as usurparis and contempnaris of his hienes auctoritie, in exemple of utheris. And als it is statute and ordinit be our said soverane lord and his thrie estatis that nane of his hienes subjectis, of quhatsumever qualitie, estate or functioun they be of, spirituall or temporall, presume or tak upoun hand to convocat, convene or assemble thame selffis togidder for halding of counsellis, conventionis or assembleis, to creat, consult and determinat in ony mater of estate, civill or ecclesiasticall (except in the ordinare jugementis), without his majesties speciall comandement, expres licence had and obtenit to that effect, under the panis ordinit be the lawis and actis of parliament aganis sic as unlawfullie convocatis the kingis liegeis.
[1584/5/11]*[print] [email] [cite] [preceding] [following]
Oure soverane lord and his thrie estatis assemblit in this present parliament, willing that the word of God salbe prechit and sacramentis administrat in puritie and synceritie, and that the rentis quhairon the ministeris aucht to be sustenit sall not be possest be unworthie personis neglecting to do thair dewties for quhilkis they accept thair benefices, being utherwayis polluted be the fraill and enorme crymis and vices efterspecifeit, it is thairfoir statute and ordinit be his hienes, with avise of the saidis thrie estatis, that all personis, ministeris or reiddaris, or utheris providit to benefices sen his hienes coronatioun (not having vote in his hienes parliament) suspectit culpable of heresie, papistrie, fals and erroneous doctrine, commoun blasphemie, fornicatioun, commoun drunkinnes, non residence, pluralitie of benefices having cure, quhairunto they ar providit sen the said coronatioun, symonie and dilapidatioun of the rentis of benefices, contrare the lait act of parliament, being lawfullie and ordourlie callit, tryit and adjugeit culpable in the vices and causis abonewrittin, or one off thame, be the ordinare bishop of the diocie or utheris, the kingis majesties comissionaris to be constitute in ecclesiasticall causis, salbe deprivit alsweill fra thair functioun in the ministerie as fra thair benefices, quhilkis salbe thairby declarit to be vacand, to be presentit and conferrit of new, as gif the personis, possessouris thairof, had bene naturallie dead; and that it salbe estemit and jugeit not residence quhair the persoun being in the functioun of the ministerie, providit to ane benefice sen the kingis majesties coronatioun, makis not residence at his mans, gif he ony hes, and, falyeing thairof, at sum uther duelling place within the parochin, but remanis absent thairfra and from his kirk and using of his office be the space of four Sondayis in the haill yeir, without lawfull caus and impediment allowat be his ordinare; and quhair ony persoun is admittit to ma benefices havand cure sen oure soverane lordis coronatioun, the acceptatioun of the last salbe sufficient caus of deprivatioun from the remanent, sua that he be providit to tua or ma benefices havand cure sen the tyme of the said coronatioun; and nevertheles this present act sall not extend to ony persoun providit to his benefice befoir the said coronatioun, nather sall the bruking of the said office quhairunto he wes providit of befoir induce pluralitie of benefices in this cace, bot he sall alanerlie tyne his richt of the benefice quhairunto he wes providit sen the said coronatioun alanerlie, and unioun of kirkis to ane benefice not to be jugeit pluralitie, quhill farder ordour be establissit and providit in that behalf; likas alsua the personis being in the functioun of the ministrie that sall happin to be lawfullie and ordourlie convicted befoir our soverane lordis justice generall or utheris, thair jugeis competent of criminall causis, sic as treasoun, slachter, mutilatioun, adulterie, incest, thift,† perjurie or falset, they being likewayis lawfullie and ordourlie deprivit fra thair functioun in the ministerie be thair ordinare or the kingis commissionaris in ecclesiasticall causis, the benefices possest be the saidis personis to vaik be reasoun of the said convictioun and deprivatioun and this to have effect and executioun onlie for crymis, vicis, faltis and offenceis that sall happin to be committit efter the dait heirof.
[1584/5/12]*[print] [email] [cite] [preceding] [following]
The kingis majestie and his thrie estatis assemblit in this present parliament, earnistlie desirous that all his loving and guid subjectis salbe faithfullie instructit in the doctrine of thair salvatioun and that the ministeris of Godis word and sacramentis may the better and mair diligentlie attend upoun thair awin chargeis and vocatioun, thairfoir statutis and ordinis that all the saidis ministeris sall lawfullie await thairupoun, to the comfort and edificatioun of the flokis committit unto thame, and that nane of thame presentlie being in that functioun, or that salbe admittit thairto in tyme cumming, sall in ony wayis accept, use or administrat ony place of judicature in quhatsumevir civill or criminall causis, not to be of the college of justice, commissionaris, advocatis, court clerkis or notaris in ony materis (the making of testamentis onlie exceptit) under the pane of deprivatioun from thair benefices, levingis and functioun; and gif they failyie heirin, being callit, tryit† adjugeit culpable be thair ordinaris or the kingis majesties commissionaris in ecclesiasticall causis, they sall then tyne thair saidis benefices and levingis and utheris qualefeit personis salbe presentit and providit thairto, as gif they wer naturallie dead.
[1584/5/13]*[print] [email] [cite] [preceding] [following]
The kingis majestie and his thrie estatis assemblit in this present parliament ratefeis and apprevis and, for his hienes and his successouris, perpetuallie confirmis the declaratioun underwrittin maid be his hienes, with avise of his saidis estatis convenit in counsell, upoun the sevint day of September last bypast, of the quhilk the tennour followis:
Albeit the lait surprise and restraint of our maist noble persoun, perpetrat in August now bygane a yeir, wes ane crime of lesemajestie, haynous in it self, of dangerous sequell and maist pernicious exemple, meriting to be the mair aggravat that the greittest pairt of the committaris thairof, besidis thair allegeance and commoun dewtie of subjectis wer speciallie bound to us be monyfald benefitis and particulair obligationis, deserving thairby the grittar severitie and mair grevous punisment; yit we, being naturallie inclinit to mercie and according to our naturall dispositioun alwayis resolvit be clemencie to gif thame occasioun mair willinglie to returne to thair dewtie and be lufing and gentle demeanour, as it wer to deserve a mair assurit and voluntare obedience, and thairfoir have not onlie abstene from all rigour, bot also beside the custome of a maist clement prince, in privat spechis, publict answeris to severall ambassadouris directit towardis us be our darrest sister, the Quene of England, be our ambassadouris sent to hir, be diversis resolutionis in counsell and publict proclamationis, utterit our clemencie, promisit impunitie, offerit pardoun and full securitie of lyvis, landis and guddis to sic as wald akknawlege thair offence and returne to thair dew obedience, fullie satisfeand our selffis with sa moderat and slender declaratioun thairof as wes na wayis to thair hurt, lose or detriment, relenting the tymis† prefixt thairto and prorogating the same from tyme to tyme, and rather as ane fader seikand to recover his childrene, then ane soverane prince in ane comoun weill respecting his estate and suirtie, efter thair manifest disobedience, without ony proceding aganis thame, permittit sum of the ministeris and weill affectit baronis deall with thame, entrate thame and persuade thame thair dewtie, continowing (notwithstanding the wecht of thair crime and disobedience) of full intentioun that, be thair penitence, thair former offence and contempt suld altogidder be extinguissit and buriit in oblivioun. And albeit our clemencie and lang suffering hes not produceit sic effect, nor bene sua respectit be thame as they aucht, we have thocht guid to assemble oure nobilitie and estatis, be thair advise the mair solempnitlie to reiterat and fullie performe quhatsumevir we had in the word of a prince, and be advise of our counsell heirtofoir promittit and be thair advise to provyd substantiouslie, alsweill thair impunitie and full assurance with our honour and suirtie of† persoun and estate, and also to beir record of oure mercie and longanimitie, quhatsumevir sall happin heirefter be the behaviour of the saidis personis to ensew. And seing we have omittit na guid meanis nor left ony thing undone that culd be wissit in a godlie, maist cairfull and maist clement prince, we and our nobilitie and estatis have resolvit and heirby do declair that quhasoevir sall heirefter repyne, continow in thair disobedience and contemne oure clemencie and sa lang suffering, we, oure saidis nobilitie and estatis presentlie assemblit will tak sic ordour as oure honour, suirtie of persoun and estate sall require and thair stubburnes and proud contempt sall deserve, and sall prosecute the said crime and sequell thairof aganis all sic that ather hes or sall stubburnlie repyne, persist in thair disobedience, contemne our clemencie or refuse to aknawlege thair offence, and thair assistaris, fautouris and pairtakeris quhatsumevir, quhilk we do promit in the word of a prince, and oure nobilitie and estatis have solemnitlie sworne to hald hand and assist to thair uttermest, quhilk we will be enacted and registrat in the bukis of our previe counsell and publissit at all mercatt croces and utheris placeis neidfull of our realme; and that the samyn may have the better auctoritie, we and our nobilitie hes subscrivit thir presentis at Haliruidhous, the vij day of December 1583 yeiris. And als it is statute†be our soverane lord and his thrie estatis in this present parliament that nane quhilkis wer authoris or of the foirknawlege of the said maist treasounable deid sall presume in tyme cumming to occupy or bruik place in his hienes previe counsell or college of justice or in ony publict office of the estate of this comoun weill, or repair unto his hienes court and presence, not being expreslie send for be his majestie under the pane of incurring of his hienes† indignatioun. And becaus the lait treasounable rebellioun attemptit aganis his hienes persoun and estate is the sequell of the former committit at Ruthven, it is also statute and ordinit be his hienes, with advise of his saidis thrie estatis, that nane of his hienes subjectis in tyme cumming presume or tak upoun hand, be word or writt, to justefie and allow the said maist treasounable attemptat at Ruthven, or to keip in register or stoir ony bukis, ryme, act, band or writt quhatsumevir tending to the allowing and approbatioun of the same attemptat at Ruthven in ony sort, bot that the havaris of the saidis bandis, bukis, actis and registeris in thair handis bring in and present the same to his hienes and previe counsell betuix the dait heirof and the first day of Julii nixtocum, to be delete and cancellit under the pane of treasoun, with certificatioun to thame that faillies, panis of treasoun salbe execute aganis† thame without favour in exemple of utheris. Attour, forsamekle as the lait maist treasounable conspiracie and rebellious attemptat at the burgh of Sterling, and intendit to have bene farder execute and prosecute aganis his hienes persoun auctoritie and estate and the comoun quietnes of the haill guid subjectis within this realme, was unpossible to be interprisit and set furtherwart be the few numer that kythit and planelie shew thame selffis authouris and avowaris of that wikit deid, wer not the reset, supplie, confort, intercomoning and countinenceis of utheris, thair favoraris and conspiratouris in the samyn cryme, thairfoir, in horrour of the said treasounable fact and terrour to utheris to attempt the like, it is statute and ordinit be oure soverane lord and his† estatis assemblit in this present parliament that all personis that† hes reset, suppleit, intercomonit with the rebellis or† conspiratouris that laitlie in the moneth of Aprill last bypast surprisit his hienes castell and burgh of Striveling, or sic as wer with thame and publictlie assistit thame in thair rebellioun during thair abyding within the said burgh and castell, or efter the cumming of the Erll of Mar and Master of Glammes furth of Irland, and quhill thair fleing and intering agane within the realme of England, or hes sensyne or sall heirefter deall with thame, or that efter thair resait hes not nor sall not tak and present thame befoir his majestie and counsell, or quha hes writtin or ressavit writt or word fra thame be ony organe or instrument, direct or indirect, knowing of thair hant, moyan or traffique and kepit it secrete and unrevelit with all guidlie diligence, and all that hes aydit thame with horsis, viveris, cumpanie or convoy or reset thame in thair housis, ministring to thame help the better to accompleis thair foirsaid treasoun aganis his hienes persoun, nobilitie, counsell and croun, sall now, and in all tyme cumming, be esstemit, haldin† and adjhiugeit giltie of the treasounable deidis of the saidis rebellis, tratouris and conspiratouris and as committaris of the cryme of treasoun, and salbe callit, persewit and punissit thairfoir with all rigour, in exemple of utheris.
[1584/5/14]*[print] [email] [cite] [preceding] [following]
Forsamekle as it is understand to our soverane lord and his thrie estatis assemblit in this present parliament quhat great harme and inconvenient hes fallin in this realme, cheiflie sen the beginning of the civill trublis occurrit in the tyme of his hienes minoritie, throw the wikit and licentious publict and privat spechis and untrew calumneis of diversis his subjectis, to the disdane, contempt and reproche of his majestie, his counsell and procedingis, and to the dishonour and prejudice of his hienes, his parentis, progenitouris and estate, stering up his hienes subjectis thairby to mislyking, seditioun, unquietnes and to cast of thair dew obedience to his majestie, to thair evident perrell, tinsall and destructioun, his hienes continowing alwayis in luif and clemencie toward all his guid subjectis and maist willing to seik the saiftie and preservatioun of thame all, quhilkis wilfullie, neidles and upoun plane malice, efter his hienes mercie and pardone oftymis afoir grantit, hes not procurit to thame selffis be thair treasounable deidis to be cut of as corrupt memberis of this comoun weill; thairfoir it is statute and ordinit be our soverane lord and thrie estatis of this present parliament that nane of his subjectis (of quhatsumevir functioun, degrie or qualitie in tyme cumming) sall presume or tak upoun hand, privatlie or publictlie, in sermonis, declamationis or familiar conferencis, to utter ony fals, untrew or slanderous spechis to the disdane, reproche, and contempt of his majestie, his counsell and procedingis, or to the dishonour, hurt or prejudice of his hienes, his parentis and progenitouris, or to midle in the effairis of his hienes and his estate, present, bygane and in tyme cumming, under the panis contenit in the actis of parliament aganis makaris and tellaris of lesingis, certefeing thame that salbe tryit contravenaris thairof, or that heris sic slanderous spechis and reportis not the same with diligence, the said pane salbe execute aganis thame with all diligence,† in exemple of utheris. Attour, becaus it is understand unto his hienes and to his thrie estatis that the buikis of the Cronicle and De Jure Regni apud Scotos, maid be umquhill Maister George Buchannan and imprentit sensyne, contenis syndrie offensive materis worthie to be delete, it is thairfoir statute and ordinit that the havaris of the saidis tua volummis in thair handis inbring and deliver the same to my lord secretare or his deputis within fourtie dayis efter the publicatioun heirof, to the effect that the saidis tua volumis may be perusit and purgit of the offensive and extraordinare materis specifiit thairin, not meit to remame as accordis of treuth to the posteritie, under the pane of tua hundreth poundis of everie persoun failleing heirin; and quhair ony ar not responable to pay the said sowme, to be punisit in thair personis at our soverane lordis will. And to the effect that this ordinance may cum to the knawlege of all our soverane lordis liegeis, ordinis publicatioun to be maid heirof at the mercat croces of the heid burrowis of the schiris and utheris placeis neidfull, that nane pretend ignorance thairof, and the penaltie contenit thairin to be execute with all rigour aganis the havearis of the saidis bukis, the said space of fourtie dayis being bypast efter the publicatioun and proclamatioun of the said act in everie shire as said is.
[1584/5/15]*[print] [email] [cite] [preceding] [following]
Forsamekle as for the better triall of the last† maist treasounable conspiracie and rebellioun attemptit aganis our said soverane lord, his persoun and estate be Archibald, erll of Angus, Johne, erll of Mar, Maister Thomas Lyoun of Baldukie, maister of Glammes, and thair complices, and repressing of thair insolence efter thair taking of his majesties burgh of Sterling, his hienes, be avise of his counsell and officiaris of his estate resident with him for the tyme, directit syndrie proclamationis, lettres, chargeis and commissionis for convening of his subjectis in armis for recovering and taking of howsis, apprehending of personis giltie and suspect, and syndrie uther thingis maist necessar for the advancement of his hienes service for the tyme, quhill, at Goddis pleasour, the pretence of his disloyall subjectis was disapointit be the executioun of justice upoun sum to the deith, according to thair just deservingis, the remanent escaping and fleing out of the realme or as yit remaning coverit within the samyn; quhairfoir, the kingis majestie and his thrie estatis assemblit in this present parliament, findis and declaris the procedingis of his majestie, his counsell, and of officiaris usit and maid in the triall, prosecutioun and punisment of the said lait rebellioun attemptit aganis his hienes and his auctoritie as said is to be dewlie, worthelie and sufficientlie done and performit, and that his said counsell, officiaris and utheris guid subjectis assisting thame in the premisis hes done to his hienes guid, trew and thankfull service in that behalf.
[1584/5/16]*[print] [email] [cite] [preceding] [following]
Forsamekle as albeit the maist odious and treasounable crymis of the restraint and captivitie of the kingis majesties maist noble persoun, committit at Ruthven upoun the xxiij day of August, the yeir of God 1582 yeiris, and prosecute at diversis uther places thairefter quhill his hienes, be Goddis providence, relevit him self of that thraldome upoun the xxvj day of Junii, the yeir of God 1583 yeris, hes bene gratiuslie pardonit and forgevin be his hienes to the authoris and committaris thairof, nevertheles the principallis of thame conspiring of new in the monethis off November, December, Januar, Februar, Marche and Aprill last bypast, maist treasounablie consultit, intercomonit, devisit and concludit upoun the surprysing and taking of his hienes persoun, to have him of new in their handis and power, to be usit aganis his awin mynd and guid liking at thair will and appetite, and upoun the slauchter and destructioun of diverse noble men and utheris, his hienes counsalouris and faythfull subjectis, to the greit perrell of his persoun and subversioun of his estate and authoritie; and efter syndrie secrete conspiraciis, geving and ressaving of lettres, messages and intelligences for advancement of their maist wikit and treasounable conjuratioun, at last assemblit thame selffis and their complices in armis at the burgh of Sterling in the moneth of Aprill last bypast, seasit and surprisit the same, tuik and maid prisoneris of the baillies and magistratis thairof, fortefeit the stepill, brig, portis and dyverse utheris placeis of the said burgh, and stuffit and furnisit the same with men of weir, asseagit his hienes castell of Striveling, constraning the few numer of personis being thairin unprovidit to render the same, threatining thame with danger of present deith, and taking, using and keping of thame as prisoners, stoppit and impedit his hienes herauldis and utheris officiaris of armis directit to have proclamit and execute his hienes letteris at the mercat croce of Striveling to use the samyn lettres and reft and tuik thame fra the saidis officiaris, making seditious proclamationis of thair awin at the said mercat croce, full of untrewthis and calumneis, and for uptaking of bandis of men of weir to serve thame in their seditious and maist treasounable rebellioun, and in the end, fleing furth of the realme, left the said castell of Striveling stuffit and garnisit with men, munitioun and victuallis aganis his hienes and his authoritie, manifesting be thair actionis thair indurit, obstinat and malicious continowance in thair former maist treasounable attemptat of the surprise, restraint and keping captive of his hienes maist noble persoun, contemning and disdaning his graceis pardone and favour shawin to thame; quhairfoir our soverane lord, with avise of his thrie estatis in this present parliament, decernis and declaris that all alienationis, resignationis, dimissionis and utheris dispositionis quhatsumevir maid or to be maid be ony persoun or personis convict or that heirefter sall happin ony wayis to be convict or foirfaltit for airt and pairt of the treasounable withaulding and taking of his majesties toun and burgh of Sterling and castell thairof aganis his hienes and his auctoritie, of quhatsumevir landis, heretageis, offices, rowmis, benefices, takis set, or to be set, to thame or thair wyffis, bairnis, brether, sisteris or ony uther personis quhatsumevir, be colorit meanis and titillis, in defraud of oure soverane lordis eschaet, sen the tyme of the said treasounable surprise, restraint and captivitie of his hienes maist noble persoun attemptit at Ruthven upoun the xxiij day of August, the yeir of God jM vC fourscoir tua yeris foirsaidis, with all confirmationis, infeftmentis or utheris giftis maid and grantit be his hienes or ony uther superiouris thairupoun, betuix that day and his majesties releif foirsaid upoun the said xxvj day of Junii, the yeir of God jM vC lxxx and thrie yeris foirsaidis, ar and salbe of thame selffis null, and of nane effect, strenth, force nor availl in tyme cuming, with all that hes followit or that sall happin to follow thairupoun. Likas his majestie, with advise of his thrie estatis, decernis and declaris all giftis, provisionis and dispositionis of prelaciis, abbaciis, prioreis and nunreis, maid and grantit be his hienes to quhatsumevir personis, his hienes subjectis, upoun the resignationis or dimissionis of the present possessour of the same prelaciis, abbaciis, prioreis and nunreis, with reservatioun of thair awin lyfrentis during the tyme of his hienes restraint and captivitie foirsaid committit upoun the said xxiij day of August, the yeir of God jM vC lxxxij yeris, quhill his majestie, at Goddis pleasour, acquirit his awin libertie upoun the said xxvj day of Junii thairefter, to be likwyis null and of nave availl, strenth, force nor effect with all that hes followit or may happin to follow thairupoun.
[1584/5/17]*[print] [email] [cite] [preceding] [following]
The kingis majestie, remembering of the mony rebellious and treasounable deidis perpetrat aganis his majestie and thair† maist noble progenitouris, with the grittar audacitie and contempt, for that they have found the foirfaltouris led aganis sum personis, authoris of the like treasonis of befoir, reduceit and takin away in the minorities of his hienes and of the quene, his darrest mother, upoun the pretence of sum allegeit nullities found in the procesis, the principall causis and crymis, for quhilkis the saidis personis wer foirfaltit, not being purgit; for remeid of the quhilk abuse, and that all men may rather eschew to incur the feirfull spot of treasoun to thame selffis, thair housis, and posteritie in tyme cumming, it is statute and ordinit be our soverane lord and his thrie estatis in this present parliament that na process of foirfalture for treasoun comittit aganis the king and his estate alreadie standand in force, or that sall happin to be deduceit aganis ony personis for crymis of lesemajeste in tyme cumming, sall at ony tyme heirefter be reduceit for ony pretendit caus of nullitie that may be allegeit to be in the process, quhill first the caus and cryme for the quhilk the foirfalture wes led be frelie remittit to him be our soverane lord, or that he be purgit effectuallie and the partie tryit and found acquyt thairof; bot in cace it sall pleis his hienes or his successouris at ony tyme heirefter to restoir ony foirfaltit personis or thair posteritie, that sall onlie be grantit to thame be way of grace, and that na advocatis, writtaris or utheris, his hienes liegeis, presume or tak upoun hand to travell, solist or gif counsall in contrare the ordour appointit in this present act, without speciall warrand of his hienes and his thrie estatis in parliament, under the pane to be reput as favouraris and pairtakaris with tratouris and to underly the pane and punisment dew thairfoir.
[1584/5/18]*[print] [email] [cite] [preceding] [following]
The kingis majestie, considering that slauchteris, fire rasing and utheris odious crymis hes bene sa commounlie committit throw all the pairtis of this realme, and a greit part of the occasioun thairof supposit to be the ready granting of his hienes respettis and remissionis to the committaris thairof, upoun inoportune sutis maid to his majestie; thairfoir his hienes, remembring how grevous sic slauchteris, fire rasingis and utheris odious crymis ar in Goddis sicht and how offensive to the estate of the comoun weill of this realme, followand the guid and maist lovable exemple of his progenitouris† in like cace, at the instant requeist of his thrie estatis assemblit in this present parliament, and for the better eschewing of trespasis and enormities, the saiftie of his liegis and comoun proffit of his realme, of his speciall grace and favour, hes grantit and in the word of a king promittit to clois his handis and ceis fra granting of ony respettis or remissionis for ony maner of slauchteris, fire rasing and utheris odious crymis that sall happin to be committit for the space of thrie yeris nixtocum efter the dait heirof, that in the meantyme his realme may be put in peax and rule, and his liegis leif in suirtie; and gif ony remissionis beis gevin or grantit for auld actionis, that it salbe expremit and providit in the same that the trespas wes committit befoir this present parliament, and that his hienes and thesaurare† hes sene quhair the partie is assythit, and gif the contrare beis found, the remissioun or respet to be of nane availl.
[1584/5/19]*[print] [email] [cite] [preceding] [following]
The kingis majestie, with avise of the thrie estatis of this present parliament, having considerit how necessar it is to have ane reasounable numer of gentilmen to attend continowallie upoun his hienes persoun as his gard, hes thocht the numer of fourtie personis meit to be electit and interteneit for that effect, hable, honest and weill horssit and having sum reasounable levingis of thair awin, quhilkis, being sworne and admittit in his hienes service, sall be unremovable thairfra during thair lyftymis, without upoun worthie and greit causis they salbe justlie deprivit, everie ane of quhilkis fourtie personis sall have tua hundreth poundis†for thair intertenement thankfullie pait to thame at tua termes in the yeir, Witsounday and Martimes in winter, be equall portionis, beginnand the first termis pament at the feist of Martimes nixtocum in this instant yeir of God jM vC lxxxiiij yeris; and for suir pament of thair saidis wagis and intertenement, that thei sall† in defalt thairof be compellit to neglect or leif his hienes service, or his majestie to be frustrat and destitute of the samyn, his hienes, na wayis willing to lay the burding of thair said intertenement upoun his people be ony taxatioun or impositioun to be rasit upoun thame, quhairof he is maist willing to eis and releiff thame, bot to provyid the said intertenement utherwayis; thairfoir, with avise of his saidis thrie estatis, decernis, declaris, statutis and ordinis that of all the prelaciis and utheris inferiour benefices within this realme (lawit patronageis exceptit) now vacand or that heirefter sall happin to vaik, his majestie and his successouris sall have the first yeris fructis efter the deceis, foirfalture or deprivatioun of the last possessour, according as the said benefice salbe valuit in his hienes chekker be the auditouris thairof, to quhom, or ony fyve of thame, his hienes gevis and grantis full power, commissioun and authoritie to mak and set the extent and valew of all the benefices, small and great, within this realme in money, according to the quhilk the said first yeris fructis salbe pait, and that the haill yeir efter the vacance be expirit or than the first yeris fructis instantlie pait befoir ony gift, provisioun or presentatioun of the benefice be grantit; and als decernis, declaris, statutis and ordinis that of everie benefice valued to ane thowsand poundis in the yeir now vacand, or that sall happin to vaik heirefter, his majestie and his successouris sall have frelie pait to thame yeirlie twa hundreth poundis, beside the ordinare thrid, at the termes of Witsounday and Martimes, be equall portionis, and sua proportionally of everie benefice, alsweill abone as benethe the valew of ane thowsand poundis; and befoir ony persoun nominat to quhatsumevir benefice heirefter sall have his presentatioun exped and past the register or seallis, he sall find guid souirtie for pament, alsweill of the first yeris fructis as of the soume dew to be pait be him yeirlie to his hienes and his thesaurare in his majesties name, to his use and effect abonespecifiit; and during the haill space of the vacance of the saidis benefices, the said thesaurare to intromet and uptak the haill rentis, fructis proffitis and dewties thairof. Bot becaus the saidis first yeris fructis of the benefices presentlie vacand and sowmis appointit to be pait furth of the same yeirlie will not serve nor extend presentlie to the pament of the wages of his hienes gard, his majestie and estatis, considering of the nixt best help and provisioun and understanding that the conventis of the abbayis, prioreis and nunreis quhilkis of auld wer ordinit and accustomit to be sustenit upoun the rentis and fructis thairof ar, for the maist part, departit this lyf sen the yeir of God jM vC threscoir yeiris, nane or few utheris presentit be his majestie being enterit in thair places, bot thair portionis be thair deithis accrescing to the priouris, abbotis, commendataris or possessouris of the saidis abbayis, prioreis and nunreis be na law nor constitutioun yit establissit be his hienes and his saidis estatis, it is thairfoir found, declarit, statute and ordinit be his hienes and his saidis thrie estatis that, as the presentationis, giftis and dispositionis of his saidis prelaciis pertenis to his hienes be the richt and privilege of his croun, sa hes he guid richt and interes to crave, ressave, intromet and uptak all the portionis of the personis of the conventis of the saidis abbais, prioreis and nunreis that hes decessit sen the said yeir of God jM vC threscoir yeris, or that sall happin to deceis heirefter, quhill the same abbayis, prioreis and nunreis sall vaik and becum† in his hienes handis and dispositioun be deceis, foirfaltour or lawfull deprivatioun of the present possessouris thairof; and that his majestie, and his thesaurare in his name, hes, and sall have, guid actioun be law to crave, ressave, intromet and uptak the portionis of the personis of the saidis conventis alreadie decessit as said is, of the crop and yeir of God jM vC fourscoir thrie yeris last bypast and in tyme cuming, quhill the saidis benefices sall happin to vaik, siclike as the saidis personis micht have done thame selffis being on lyf; and that the lordis of counsell and sessioun or chekker direct sik lettres at the instance of the said lord thesaurair for answering and obeying to him of the portionis of the saidis personis decessit as is grantit for pament of the superplus of the thriddis of benefices.
[1584/5/20]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, hes ratefeit and apprevit and, be the tennour heirof, ratifiis and apprevis the act and statute underwrittin, and decernis the same to have strenth, force and effect of ane act of parliament, of the quhilk the tennour followis:
At Edinburgh, the penult day of Maii, the yeir of God jM vC fourscoir thrie yeiris, the quhilk day, in presence of the kingis majestie sittand in jugement and lordis of his hienes counsell and sessioun, comperit Maister David MacGill of Neisbit, advocat to his majestie, and in name of his hienes maist faithfull, humble and obedient subjectis, exponit and declarit how in the parliament haldin at Edinburgh the xx day of Junii anno lv yeris, be his majesties umquhill darrest guiddame Marie, quene dowriar and regent of this realme for the tyme, ane ordinance and act of parliament wes maid anent the slauchter of pairties in persute and defence of thair actionis, quhilk act, albeit in the self maist proffitable and necessare to have bene ane perpetuall law in all tyme cumming for repressing of proud and undantonit braggaris, boistaris and oppressouris of thair parties, yit wes the same onlie temporall for the space of thrie yeris efter the making thairof, quhilk act the said advocat, in name and for the caussis foirsaidis, desirit to be renewit and establissit in ane perpetuall law in all tymis cumming with the augmentationis following; upoun the quhilk desire our soverane lord, willing to follow the guid exemple and intentioun of his predicessouris for the reverence and incresce of justice and assurance of parties in persute and defence of thair actionis and executionis of the same, hes, with avise of the saidis lordis of his counsell and sessioun, ordinit, decernit and declarit that fra this day furth, in all tymis cumming, gif it sall happin ather the defendar or persewar to sley or wound to the effusioun of bluid, or utherwayis to invade ane of thame ane uther in ony sort, quhairupoun they may be criminallie accusit efter the rasing of summoundis or preceptis and lawfull executioun thairof, or in ony tyme befoir the compleit executioun of the decrete to be gevin thairupoun, the committar of the slauchter, blude or invasioun foirsaid, or being art, pairt, red or counsell thairof, gif it be the defendar, salbe condampnit at the instance of the persewar, or, incase of his deceis, of the narrest of the kin of him that is slane, woundit to the effusioun of his bluid or invadit, haveand richt thairto, without ony probatioun of the libell persewit, excepted summar cognitioun to be tane of the slauchter, bluidshed or invasioun befoir the justice or uther criminall juge competent thairto, be convictioun or being fugitive and put to the horne; and gif the decrete be gevin, the same to be unreduceable for evir; and gif the persewar sley, wound to the effusioun of bluid or invaid the defendar as it is abonewrittin, or be airt, pairt, red or counsall thairof, cognitioun being tane as said is, in that cace the defender, or in cace of his deceis the narrest of his kin hable to succeid in that richt, sall have absolutioun fra the libell of the persewair simpliciter, aganis the quhilk the persewair nor na uther be his richt sall ever be hard be way of reductioun or restitutioun in integrum in ony tyme theirefter, quhair† aige, conditioun or qualitie that ever the sleyar, drawar of the bluid or invadar foirsaid be of, the proces of transfering in the causis abonewrittin respective to be upoun ane fyvetene dayis wairning, but dyet, table or continewatioun of utheris summoundis; and gif the sleyar, sheddar of bluid or invadar as said is have landis and lyfrentis and beis denunceit rebell and put to the horne for non finding of souertie or non comperance to underly the law for the said slauchter, bluidshed or invasioun, in that cace the sleyar, sheddar of bluid or invadar incontenent efter the denunciatioun sall tyne the lyfrent of his landis, benefice, office and utheris rentis end commodities quhatsumevir for his lyftyme, without ony farder delay of yeir and day as in uther causis of tinsell of lyfrentis throuch being yeir and day at the horne. Attour, our soverane lord, be the faith and dewtie of ane Christiane prince, promisis to gif na respect nor remissioun to the offendaris in sic causis; and gif his majestie or his successouris dois in the contrare (as is not belevit), the using of the said respett or remissioun be ony of the saidis parties, persewar or defendair, salbe the like caus and of the samyn effect as thair convictioun for the caus abone specefeit; and this act and ordinance to induir for the space of sevin yeris immediatelie thairefter, and to be confermit in his hienes nixt parliament, to have the strenth and effect of ane act thairof and to be observit as ane perpetuall law in tyme cumming.
[1584/5/21]*[print] [email] [cite] [preceding] [following]
Oure soverane,†with avise and consent of his hienes thrie estatis of this present parliament, hes ratefiit and apprevit and, be the tennour heirof, ratefiis and apprevis the act and statute underwrittin, and decernis and declaris the same to have strenth, force and effect of ane act of parliament, of the quhilk the tennour followis:
At Edinburgh, the xxiij day of Marche the yeir of God jM vC fourscoir twa yeris, the quhilk day, in presence of the kingis majestie sittand in jugement and lordis of his hienes counsell and sessioun, comperit Maister David MacGill of Neisbit, and in his awin name, as advocat to his hienes, and in name of his majesties maist faithfull, humbill and obedient subjectis of his realme, exponit and declarit how it wes hevelie meanit be his majesties said subjectis that efter the tedious, chargeable and langsum persute in obtening of thair decreitis, the malice of personis had daylie sua increscit be making of simulat and fals assignationis of thair movable guidis, fraudfull and privat alienationis of thair possessionis, landis and heretageis that the executioun of the decreitis gevin be quhatsumevir jugeis within this, his hienes realme, althocht obtenit be maist langsum proces, wer altogidder frustrat, at leist sua delayit that parties wer in na better cace efter the obtening of thair saidis decretis, nor gif the samyn had not bene gevin, the saidis manifest fraudis and daylie inventit collusionis being the stay of justice, quhairof the principall pairt standis in executioun; for remede of the same, consideratioun being tane be his majestie, with avise of the lordis of his hienes counsell and sessioun, to quhome be his majesties maist noble progenitouris, King James the Fift of guid memorie, serectar of the college of justice, with consent of parliament, the concluding upoun rewllis, statutis and ordinancis for expeditioun of justice wes comittit, thairfoir, his hienes, with advise and consent foirsaid, hes statute and ordinit that for executioun of all decreitis, alsweill gevin be the saidis lordis in ony tyme bygane as to be gevin in tyme cumming, and siclike of decretis gevin or to be gevin be quhatsumevir jugeis within this, his majesties realme quhairunto the authoritie of the saidis lordis of sessioun hes bene or sall happin to be interponit, that lettres alsweill of horning as poinding, the ane not prejudiciall to the uther, salbe directit at the will and pleasir of the pertie obtenar of the decrete, quhidder the same be gevin upon liquidat sowmis, or that the executioun thairof utherwayis consist in facto, and that na suspensioun be grantit upoun the executioun of the saidis decreittis without reall offer be first maid to the pairtie in quhais favouris the executionis of the saidis decreittis is directit, and the pairties refuis sufficientlie verifiit to the saidis lordis, consignatioun alwayis being maid as use is; and that according to thair lait statute and ordinance, quhilk his majestie, with all utheris thair statutis and ordinancis maid for expeditioun and executioun of justice, ratefeit and apprevit, providing alwayis that consideratioun be had upoun the space and dayis of the chargeis, and that according to the distance of the defendaris duelling places and the quantitie of the sowmis contenit in the saidis decreittis.
[1584/5/22]*[print] [email] [cite] [preceding] [following]
Oure soverane lord, with avise of his thrie estatis convenit in this present parliament, ratefeis, apprevis and, for his hienes and his successouris, confermis his hienes nominatioun and constitutioun of his richt traist cousigne and counsallour James, erle of Arrane, lord Avane and Hammyltoun, to use and exerce the office of chancellarie of this realme, alsweill in parliamentis, previe counsell as sessioun, during the absence and nonresidence of Coline, erll of Argyill, lord Campbell and Lorne, his hienes chancellare, and siklike ratefeis, apprevis and confermis the gift and commissioun gevin and grantit be his majestie to his richt traist cousigne and counsallour Johne, erll of Montroise, lord Grahame, of the office of thesaurare of this realme, and to Schir Robert Melvill of Murdocarnie, knicht, of the office of deputrie and clerkship in the said office of thesaurarie, and of the gift and commissioun of the office of secretarie maid be his majestie to his trustie and weilbelovit counsalour Schir Johne Maitland of Thirlstane, knycht; and willis and ordinis thame to use and exerce the saidis offices, everie ane in his awin place, faithfullie and diligentlie, induring thair lyftymis, according to the giftis maid unto thame, as they will answer to God and his majestie thairupoun; and decernis and declaris that they sall not be removable from thair saidis offices in tyme cumming, bot for just and worthie causis tryit be his hienes and his estatis in parliament.
[1584/5/23]*[print] [email] [cite] [preceding] [following]
Oure soverane lord and his thrie estatis assemblit in this present parliament ratefeis and apprevis and, for his hienes and his successouris, perpetuallie confermis the act maid be King James the Secund of worthie memorie, intitulit 'That na man cum to courtis bot in sober maner', as also the uther act maid in the regiment of his darrest guiddame, Marie, quene dowriar and regent of this realme, anent the cumming to the bar in† persute and defence in criminall causis, and ordinis the saidis actis to be inviolablie kepit and to be put to executioun in tyme cumming, with this additioun: that nane of his hienes subjectis repair to courtis, and in speciall to his hienes justice court, or utheris justices quhatsumevir, for criminall causis, bot be sic numer and cumpanie as the saidis actis providis, under pane of incurring of the cryme of convocatioun of our soverane lordis liegis, to be execute alsweill upoun the personis quha sall happin to mak the said convocatioun or quha salbe convocat, with all rigour; and forder, for reformatioun of the trublis and tumultis quhilk hes fallin out and continowallie growis be the assembling of our soverane lordis liegeis, to fortifie and assist the persute and defence of criminall causis movit befoir oure soverane lordis justice, quhairupoun great inconvenientis hes followit, to the contempt of justice, hinder of the cours of the commoun law and punisment of offences, it is statute and ordinit in all tyme cumming, quhen ony lettres sall happin to be direct for ony cryme or offence to ane particulair dyett, that the partie, raseris and purchessaris thairof, at the finding of thair cautioun, report the lettres dewlie execute and indorsat at the day appointit sall also find cautioun to the justice clark and his deputtis actit in the bukis of adjornall, that thei sall not enter in the tolbuithe or place quhair the said justice court salbe haldin, bot accumpaneit with the numer of personis specifiit in the former act of parliament maid thairanent, comptand thairin thair prelocutouris, quha alanerlie sall remane with thame quhill thair departing furth of the place of justice, under the like pane quhilk they wald and suld have incurrit incace the saidis lettres had not bene reportit dewlie at the day dewlie execute and indorsit, and siclike that the saidis lettres to be rasit to particulair dyettis for causis criminall bear this claus, commanding the officiar to charge the personis dilatit and complenit upoun to find sikker souertie to the said officiare, executour, within sex dayis nixt efter they be chargeit that they sall compeir the day and place contenit in the saidis letteris, accumpaneit in sober maner with thair domestique and howshald servandis, and that in the toun of the resort of the said justice they sall behave thame selffis in quyett maner, onlie accumpaneit as said is, and enter in the tolbuithe or place quhair justice salbe haldin accumpaneit onlie with the† personis specifeit alanerlie in the former act of parliament, comptand thairin thair preloquutouris, quha sall onlie remane with thame in the said tolbuith or place quhair justice sall be haldin, quhill the court be endit, quhilk souertie salbe takin under this conditioun: that gif the pairtie, defendair, utherwayis compeir or present him self in the place of justice and be found with ony grittar numer nor is befoir specifiit, their souerties salbe unlawit as gif they had not comperit, and the parties, defendaris, quha hes found the said souertie salbe adjugeit fugitive fra the law and put to the horne, and thair eschaetis inbrocht be reasoun of the exces of the said numer in the samyn maner as gif they had not comperit; and siclike quhatsumevir personis salbe found in the said tolbuithe or place quhair justice sall be haldin, the justice and his deputtis for the tyme sall mak record in the bukis of adjornall of thair presence in companie with ony of the parties attour the said numer apointit, and immediatlie thairefter sall direct his precept to denunce the saidis personis rebellis and put thame to the horne and ordine thair movable guidis to be eschaet and inbrocht to our soverane lordis use for thair contemptioun; and als it is statute and ordinit that in all the premisis the denunciationis to be maid at the marcat croce of the heid burgh of the shire quhair the said justice court salbe haldin alanerlie, and the proces of horning registrat in the bukis of adjornall salbe als sufficient as gif the said denunciatioun wer maid at the marcat croce of the heid burgh and as gif the said proces of horning wer registrat in the shereffis bukis of the shire quhair the personis denunceit dwellis, notwithstanding the act maid of befoir anent the registratioun of horning in the parliament haldin at Edinburgh, the xxiiij day of October, 1579.
[1584/5/24]*[print] [email] [cite] [preceding] [following]
The kingis majestie and his thrie estatis of parliament, upoun great and wechtie considerationis moving thame tending to the repressing of treasounable attemptatis and punisment of the committaris of treasoun, and upoun consideratioun how rigoruslie the same hes bene punissit, as clearlie appearis be diversis actis and constitutionis maid in his awin tyme and in the dayis of his hienes maist noble predicessouris, speciallie in the dayis of King James the Secund of maist noble memorie, not onlie be tinsell of lyif, landis, guddis, honour and dignitie in the personis of the committaris thairof, but also of the posteritie begottin of thame, that thair bairnis, ather naturall or lawfull, suld nawayis be hable to clame ony landis, rowmis nor possessionis within this realme, nor be ony wayis hable to succeid to ony persoun in thair landis or heretageis, as in the act maid in the tyme of the said King James the Secund in his parliament haldin and begun at Edinburgh, the nynt day of Junii, the yeir of God jM iiijCfiftie fyve yeris, and of his regnne the xix yeir, and in the act maid be our soverane lord and his thrie estatis in the parliament begun at Edinburgh, the xx day of October, the yeir of God ane thowsand fyve hundrethe thriescoir nyntene yeris, ratefeit and apprevit in his last parliament haldin and begun at Edinburgh, the xxiiij day of October, the yeir of God ane thowsand fyve hundrethe fourscoir ane yeris, with certane additionis specefeit thairin at mair lenth is contenit; quhilkis actis and constitutionis his majestie, with avise of his saidis thrie estatis, hes ratefiit and apprevit and, be the tennour heirof, ratifiis and apprevis in all clausis, pointis and articles of the samyn concerning the personis standing under the sentencis of foirfalture specifiit in the saidis actis†to have full executioun and force aganis the bairnis quhatsumevir, naturall or lawfull, ingenerit and begottin of Williame, sumtyme erll of Gowrie, quha wes laitlie convict for certane crymis of treasoun and lesemajestie committit be him, as in the said proces and dome of foirfalture, ratifiit and apprevit in this present parliament, at mair lenth is contenit, that thei nor nane of thame salbe hable in ony tyme cumming to bruik, injoy or clame ony landis, heretageis, benefices, rowmis and possessionis, honouris, dignities or offices within this realme, howsoevir and quhensoevir the samyn wes conqueist and providit to thame befoir the dait heirof, and that they ar and salbe unlawfull† to succeid to ony utheris in ony landis, heretageis or possessionis quhatsumevir maner of way, and that all and syndrie landis, heretageis, benefices, rowmis and possessionis quhatsumevir to the quhilkis the bairnis of the said posteritie presentlie hes or may pretend richt, or to the quhilkis they or ony of thame may succeid heirefter, appertenis and sall appertene to our said soverane lord† be full richt, and that his hienes may frelie dispone thairupoun in the same maner and be all thingis as gif the said umquhill Williame, sumtyme erll of Gowrie, the tyme he wes convict of the saidis crymis of treasoun, had him self bene in title thairof, and that the benefices, giff ony be possessit be the bairnis of the said posteritie, ar presentlie vacand in his hienes handis be thair inhabilitie, and that his hienes hes full richt and power to dispone thairupoun be the same maner and conditioun in all respectis as gif the personis of the said posteritie, present possessouris thairof, wer naturallie dead.
[1584/5/25]*[print] [email] [cite] [preceding] [following]
Item, our soverane lord, with avise of the thrie estatis of this present parliament, ratefiis and apprevis all and syndrie†statutis maid be his hienes and his predicessouris concerning the measure of salmound, hering and quheit fish, gageing, burning and measuring thairof, and to the effect the saidis actis may be the better kepit, and for eschewing of defraud of the saidis measuris and of fals and unjust paking of salmound, hering and quhit fish, quhilk is mekle usit be unfremen, fisharis and utheris slayaris of the said fische, to the great hurt of unfremen,† burgesis and merchandis and haill commoun weill of this realme; thairfoir it is statute and ordinit that thair be ane just measure and standert for the salmound maid be the burrowis, conforme to the auld actis of parliament, and the samyn to remane at the burgh of Aberdene, and siclike that thair be ane just standert and measure for hering and quheit fish, quhilk salbe brint and remane in the keping of the provest and baillies off Edinburgh, and that all salmound treis, hering treis and quheit fish treis universallie throw the realme salbe of the measure and gage foirsaid, and that ilk burgh sall ressave ane patroun of the gage and measure foirsaid and sall caus thair cowparis within thair boundis to mak thair treis conforme to the said measure, and the same to be brint be the toune irne and cowparis irne on baith the endis and upoun the stop beside the bung; and incace ony salmound, hering or quheit fish be pakit in uther treis nor of the just gage foirsaid, brint and markit as said is, the samyn salbe eschaet to our soverane lord; and ordinis the principall stapill of salmound fra Die northe to be at the burghis of Aberdene and Elgine, and the principall stapill of hering and quheit fish slane be the inhabitantis within the watter of Forthe to be in Leithe, within the privilege and fredome of the burgh of Edinburgh, and within the port and hevin of Creill, and the stepill of salmound hering and quheit fish slane benorthe Fyvisnesis to the watter of Die to be at Dundie or Perth, and that the saidis proveist and baillies of Edinburgh, Aberdene, Craill, Elgine, Perthe and Dundie sall appoint ane discrete man to be visitour, wraker, gagear and birnar of the saidis treis, and appoint to him ane ressounable duetie for† ilk last thairof for his lawbouris, that all unfremen, fisharis and slayeris of hering and quhytfish duelland within†the watter of Forthe on baithe the syidis to the watter mouth of Tay bring thair hering and quheit fishe to be slane be thame in tyme cumming to the portis of Leithe or Craill, and at the west syid to Air and Dumbritane, devidand the boundis betuix and the Clochestane, thair to be gageit, markit and sawld to the frie burgesis of this realme, and that na fisharis or utheris unfremen sell thair said hering or quheit fishe to ony strangeairis or unfremen, or carie the same furth of this realme to ony uther cuntreis to be sauld be thame selffis, under the pane of eschaeting of all thair movable guidis, the ane half to oure soverane lordis use and the uther half to the burrowis quha sall convict thame be vertew of thair commissionis.
[1584/5/26]*[print] [email] [cite] [preceding] [following]
Oure soverane lord and his thrie estatis of parliament, statutis and ordinis that Patrik, archiebischop of Sanctandrois, and utheris, the bishopis within this realme usand and exerceand the functioun and auctoritie of bishoppis, with sic utheris as salbe constitute the kingis majesties commissionaris in ecclesiasticall causis, sall and may direct and put ordour to all materis and causis ecclesiasticall within thair dioceisis, viset the kirkis and state of the ministerie within the same, reforme the collegeis thairin, resave his hienes presentationis to benefices and gif collationis thairupoun as they sall find the personis presentit qualefeit and worthie, and mak report of sic as they find insufficient in dew tyme; and that na presentationis to benefices be directit in tyme cumming to ony utheris, and that commissionis be extendit particularlie heirupoun in sik maner as his hienes and previe counsell† sall think expedient, under his majesties great seall, quhill his hienes nixt parliament and† ay and quhill the same be speciallie dischargeit to indure.
[1584/5/27]*[print] [email] [cite] [preceding] [following]
Forsamekill as in the parliament haldin at Edinburgh, the xx day of October the yeir of God jM vC lxxix yeris, thair wes ane statute maid for punisment of rebellis contempnantlie remanand at the horne, in the quhilk it wes ordinit that all horningis execute befoir the dait of the said actis, within xv dayis efter the publicatioun thairof, and all horningis to be execute theirefter within xv dayis efter the denunciatioun, suld be dewlie registrat in the shereff clarkis bukis of the shirefdome quhair the said denunciatioun is maid, markit and signit be the said shereff clerk and deliverit agane to the partie, with expres provisioun contenit in the said actis that horningis not registrat efter the forme and tennour thairof suld mak na faithe nor be of ony force nor effect, as the said act at mair lenthe proportis; be the generalitie quhairof, syndrie doubtis arrisand, it wes proponit to our soverane lord and desirit to be declarit be his thrie estatis in parliament gif the provisioun of nullitie of horning thairin contenit for non registratioun thairof, according to the forme prescrivit in the said first act, suld have place in horningis execute at the instance of ane persoun decessit lang befoir the making of the said act, quhair the persoun denunceit wes also departit this lyf befoir the making of the same act, the purchessaris of the letteris of horning beand donatour to the eschaet and the gift of the said eschaet having takin full effect in the donatouris persoun lang of befoir, and thairthrow the donatour and purchessar of the letteris being satisfiit of his debt and the rebell punissit and departit this lyf befoir the said statute, quhilk culd na wayis be extendit to the personis quhilkis wer decessit befoir the making thairof and quhilkis wer punissit for thair said rebellioun; the kingis majestie, with avise of his saidis thrie estatis off parliament, being ryplie advisit thairwith, hes declarit and declaris that the said act off parliament is not nor sall not be heirefter extendit to sic horningis as wer execute at the instance of ony persoun depairtit this lyf befoir the dait thairof aganis the rebell quha decessit befoir the dait of the said act, and speciallie quhair the eschaet falling be the said horning wes disponit and the donatour had intromettit with the guddis, takis and possessionis contenit within the gift, bot that the said horning in the caus foirsaid, albeit the same be not registrat, hes bene and salbe in all tyme cumming of full force and effect. Likas alsua our said soverane lord and saidis thrie estatis foirsaidis declaris that all letteris of horning dewlie execute and indorsat for non compering to underly the law, or for not finding of souertie for†that effect reportit to the justice clerk and his deputtis as said† is, hes bene and salbe als sufficient as gif the same wer registrat in the shireffis buikis quhair the saidis rebellis wer denunceit, and that it salbe sufficient that the horningis within stewartries and regaliteis be registrat within the bukis thairof, and that the horningis execute upoun personis for thair non comperance to beir witnesis sall neid na registratioun.
[1584/5/28]*[print] [email] [cite] [preceding] [following]
Forsamekle as in our soverane lordis last parliament haldin and begun at Edinburgh, the xxiiij day of October, the yeir of God jM vC lxxxj yeiris, thair is a speciall act maid anent provisioun of ministeris and certane stipendis appointit for thame at all paroch kirkis and appointing of commissionaris for ordouring thairofm, quhilk act as yit hes tane litle executioun be occasioun of the trublis intervenit sen the making thairof, and now his majestie and thrie estatis, finding be guid pruif and experience the skaith and inconvenient, quhilk alsweill his hienes as the maist part of the ministrie sustenis thairby, they being yeirlie withdrawin fra thair kirkis to attend a large space upoun the getting of the assignationis of thair levingis and stipendis modefiit to thame, and his hienes being frustrat of the superplus of the thriddis of benefices dew unto him for the supplie of the necessare effairis of his estate; thairfoir, and for eschewing of the said abuse and inconvenient in tyme cumming, our soverane lord, with avise of his thrie estatis in this present parliament, grantis and gevis full power and commissioun to the lordis auditouris of his hienes chekker to convene how sone convenientlie they may efter the end of this present parliament, and to considre, appoint and ordour the estait of the kirkis and stipendis of ministeris within this realme and to sett and appoint certane indifferent and comoun prices als neir as may be to the feiris of the cuntreis, alsweill upoun all victuallis to be assignit to the saidis ministeris in thair levingis and stipendis as upoun that quhilk sall fall and apertene properlie to his hienes as superplus, quhairthrow the greit inequalitie now standing in the forme of the modificatioun of stipendis throw the diversitie of prices may be avoidit, and that the said superplus being certane, his hienes may knaw his apparent commoditie thairof in tyme cumming; and that the saids auditouris of his hienes chekker at thair guid discretioun and chois, considre, appoint and ordour the estatis of the saidis kirkis and stipendis, and sett and appoint the saidis prices of victuallis as the samyn sall stand of the onlie yeir and crop jM vC lxxxiiij yeiris instant, or for the same yeris and utheris yeiris to cum quhill forder ordour be tane be his hienes, with avise of his estatis in parliament.
[1584/5/29]*[print] [email] [cite] [preceding] [following]
In presence of the kingis majestie and thrie estatis convenit in this present parliament Maister David MacGill, advocat to our soverane lord, for his hienes, at his speciall command, schew and declarit how thair is certane domes of foirfalture gevin aganis certane personis for crymis of lesemajestie, speciallie aganis umquhill James, sumtyme erll of Mortoun, and Williame, sumtyme erll of Gowrie, and becaus the memorie of tratouris suld remane to the shame and slaunder of thame that ar cum of thame, and to be terrour to utheris to commit the like crymis in tyme cumming, and becaus the buikis of adjornall may be tint and be oft handeling be worne away and utherwayis the saidis domes of foirfalture be destroyit, desiring thairfoir that it wald pleis his majestie and the saidis thrie estatis to command the saidis domis of foirfalture to be drawin out of the buikis of adjornall and attentictlie copeit and the kingis majesties great seall to be hung to the same, and siclike that the saidis thrie estatis suld append thair seallis thairto for the fortificatioun, approbatioun and confirmatioun thairof; the quhilk desyir the saidis thrie estatis thocht verie reasounable and be sensament of parliament thocht the same to be done and grantit to append thair seallis to the attentick extract of all foirfalturis baith gevin in parliament and justice courtis. Then incontenent Schir Leves Ballenden of Achnoull, knycht, justice clerk to our soverane lord, produceit the attentick extractes of the domes of foirfalture gevin aganis the saidis umquhill James, sumtyme erll of Mortoun, and William, sumtyme erll of Gowrie, to the effect that the samyn may be put and registrat in the buikis of parliament, to be extractit under oure soveran lordis great seall and the seallis of the thrie estatis as said is. And attour our soverane lord, with advise and consent of the saidis thrie estatis, gaif command to Alexander Hay of Eister Kennett, clerk of his hienes register, to gif out the attentict copy of the saidis domis of foirfalture to pas as said is, under his hienes great seall and under the saidis thrie estatis, of the quhilkis decretis of foirfalture gevin in our soverane lordis justice courtis present it as said is, and subscrivit be the said Schir Leues Ballenden, clerk of justiciarie, and Williame Stewart, youngar, clerk, be commissioun for the tyme respective, the tennour followis.
Curia justiciarie, supremi domini nostri regis tenta et inchoata in pretorio burgi de Edinburgh primo die mensis Junii anno Domini millesimo quingentesimo octuagesimo primo per honorabiles et discretos viros Jacobum Striveling de Keir militem et magistrum Joannem Grahame commissarios in hac parte per commissionem supremi domini nostri regis ac dominorum eius secreti consilii specialiter constiututum ad effectum subscriptum, sectis vocatis et curia legitime affirmata, Jacobus comes de Mortoun dominus de Dalkeith etc. accusatus, calumniatus de arte, parte prescientia, concelatione et non revelatione proditorie murthure quondam nobilissimi et charissimi Henrici regis Scotorum, patris supremi domini nostri regis Jacobi sexti, nomina assise electus, juratus, et admisse super prefato Jacobo comite de Mortoun, viz, Colinus comes Argadie, Joannes comes de Montroise, Andreas comes de Rothes, Jacobus comes de Glencarne, Hugo comes de Eglintoun, Alexander de Suthernland comes, Joannes dominus Maxwell, Georgius dominus Setoun, Jacobus dominus Ogilvie, Jacobus dominus Innermeith, Hugo dominus Somervell, Alexander magister de Levingstoun, Joannes Gordoun de Locchinvar miles, Patricius Hepburne de Wachtoun, Patricius Lermonth de Daruesie miles, Willelmus Levingstoun de Kilsyth miles.
The quhilk day the said James, erll of Mortoun, being indytit and accusit that in the monethis of Januar and Februar in the yeir of God jM vC lxvj yeris, he, accumpaneit with umquhill James, sumtyme erll Bothuell, James Ormistoun, sumtyme of that Ilk, Robert, als Hop, Ormistoun, his fader brother, Johne Hay, sumtyme of Tallo, youngar, Johne Hepburne, callit Johne of Bewtoun, and diversis utheris, his complices, craftelie and secretlie conspirit amangis thame selffis, tratit, devisit and maliciouslie concludit the maist schamefull, detestable and unnaturall murthour and patricide of our soverane lordis umquhill darrest father, Henry, king of Scottis, lawfull spous for the tyme to his hienes darrest mother Marie, than quene of Scotland, and that within the burgh of Edinburgh, palace of Halieruidhous and utheris placeis thairabout; and to the end he micht bring his wikit, filthie and execrable attemptat better to pas, he, with the remanent personis afoirnamit be thame selffis, thair servandis, complices and utheris in thair namis of thair causing, command, hounding, sending, pairtaking, assistance and ratihabitioun upoun the tent day of the said moneth of Februar 1566 yeris at twa houris efter midnycht or thairby, come to the lugeing beside the Kirk of Feild within the said burgh of Edinburgh, quhair oure said soverane lordis darrest fader wes lugeit for the tyme, and thair, be way of hame sukkin, brigancie and forthocht fellony, maist vyldlie, unmercifullie and treasounablie slew and murtherit him, with Williame Tailleour and Andro MacAige, his cubicularis, quhan as they buriit in sleip wes takand the nichtis rest, brint his haill lugeing foirsaid, and rasit the same in the air be force of gun pulder, quhilk alitill befoir wes placeit and inputt be him and his foirsaidis under the ground and angular stanis and within the voltis laiche and darne partis and placeis thairof to that effect and rycht, sua he, with the remanent personis afoirnamit, marrowis of his mischeiff be thame selffis, thair servandis, complices and utheris in thair namis, of thair causing, commanding, hounding, sending and airt, partaking, assistance and ratihabitioun at the tymis foirsaidis respective, gaif thair favour, counsell and help to the preparatioun of the said horrible crymis, and ay sensyne hes simulat, hid, concelit the samyn in maist treasounable and secrete maner, and thairthrow had incurrit the panis of lesemajestie and suld have bene punissit thairfoir with all rigour be tynsell† landis and guidis and be extinctioun of fame, titillis, honour and memorie conforme to the lawis of this realme, likas the remanent personis afoirnamit, his complices and conspiratouris with him in this, his treasounable impieties, wer alreadie tryit and foirfaltit for the same selff hienous and detestable crymis and for the maist part as they culd be apprehendit had sufferit maist shamefull dead thairfoir, according to thair deserving, as at mair lenth is contenit in the dittay gevin in anent the premisis with the takinis and probationis produceit and usit thairwith. Quhilkis being red to the said James, erll of Mortoun, and he answerand thairto, denyit the samyn, be reasoun quhairof the saidis justice deputtis referrit the samyn to the knawlege of the inqueist and assise abonewrittin, quha wes sworne, resavit and admittit in presence of the said erll, and they being furth of court removit and ryplie advisit with the said dittay, takinis infallible and maist evident, with the probationis produceit and usit for verefeing thairof, and thairefter enterand agane in court, they all in ane voce be the pronunceing of the mouth of Johne, erll of Montroise, chancellair, chosin be the said assise, fyllit the said James, erll of Mortoun, of airt, part, foirknawlege and conceling of the treasounable and unnaturall murthour foirsaid. Efter the quhilk convictioun, the saidis justice deputtis, be pronunciatioun of Andro Lyndsay, dempstar of the said court, adjugeit and for dome gaif that the said James, erll off Mortoun, suld be had to ane geibbett beside the mercatt croce of the said burgh of Edinburgh and thair hangit quhill he wer dead, and thairefter drawin, quartarit and demanit as ane tratour, and that all his landis, heretageis, offices and possessionis, takis, stedingis, cornis, cattell, actionis, debtis, obligationis, guidis movable and unmovable, and utheris quhatsumevir quhilkis pertenit to him suld and aucht apertene to our soverane lord and to be applyit to his use be reasoun of escheat of foirfalture, to be uptakin, usit and disponit be his hienes at his pleasour; upoun the quhilk premisis Maister Robert Crychtoun of Eliok, advocatt to oure soverane lord, askit instrumentis and actis of court. Extractum ex actis curie justiciarie antedicte per me Willelmum Stewart juniorem notarium publicum et clericum dicte curie per commissionem dicti supremi domini nostri regis antedicti specialiter electum et juratum sub meis signo et subscriptione manualibus. Ita est Willelmus Stewart junior notarius publicus ac scriba dicte curie. Curia justiciarie supremi domini nostri regis tenta in edificio domine Mar infra burgum de Striveling quarto die mensis Maii, anno Domini millesimo quingentesimo octuagesimo quarto per discretum virum magistrum Joannem Grahame de Halyairdis justiciarum in hac parte virtute commissionis supremi domini nostri regis specialiter constitutum, sectis vocatis et curia legitime affirmata.
†The quhilk day, Williame, erll of Gowrie, lord Ruthven, being presentit and enterit upoun pannell in presence of the said justice and put to the knawlege of ane condigne assise of the rycht honorable personis following, to witt, Coline, erll of Argyill, David, erll of Crawfurd, Johne, erll of Montroise, James, erll of Glencarne, Hew, erll of Eglintoun, James, erll of Arrane, George, erll of Mershell, Alexander, lord Saltoun, Hew, lord Somervell, James, lord Downe, Williame, lord Levingstoun, Patrik, lord Drummound, James, lord Ogilvie, Alexander, maister of Elphingstoun, and Schir Johnne Murray of Tillibardin, knycht, as dilatit and accusit of the treasounable crymis following, wes, be thair deliverance pronunceit be the mouth and deliverance of George, erll of Mershell, chancellair of the said assise, found and declarit culpable and convicte that forsamekill as in the beginning of Februar last wes Maister David Home, servitour to the Erll of Angus, and Maister James Erskyne, servitour to the Erll of Mar, come to him privilie under silence of nycht within the toun of Perth and declarit to him how they wer directit be the saidis tua erllis to certifie unto him that they wer baith of ane mynd in following out and executing of thair treasounable devise in taking of the kingis burrowis of Sterling and Perth, at lest the ane or the uther of thame, at the quhilk tyme he aggreit with thame in maner of the saidis erllis to rin thair cours in taking and fortefeing of the townis foirsaidis, at the least ane or uther off thame; quhair efter the said Maister James Reid bak agane to the said Erll of Angus and assurit him that he had aggreit to thair maist treasounable interprise, and thairthrow he hes committit maist manifest treasoun, not onlie in conceling of ane treasounable purpos of sa greit consequence, bot also mekill mair in consenting and aggreing. Item, fyllit and convict that forsamekill as he understanding that Maister James Erskyne, servand to the Erll of Mar, wes travelland throw the cuntrie in Stratherne, Strivilingshire and Angus, treatand and consultand with the partakeris and assistaris, with the saidis Johne, erll of Mar, Archibald, erll of Angus, Thomas Lyoun, maister of Glammis, and Johnne Carmichaell of that Ilk, youngar, upoun thair treasounable interprise in taking of the kingis majesties frie burgh and castell of Striveling and dyvere uther treasounable purpose, he layit the wayis for the said Maister James and garrit await for him be his servandis that the said Maister James micht be convoyit to him, and efter his cumming to him the said erll enterit in conference with him towardis the treasounable interprise attemptat be the personis abonewrittin towardis the said treasounable surprising and taking of the said [...] and castell, quhilk treasounable interprise they brocht to effect and treasounablie tuik [...] said toun and castell of Striveling, fortefeit and furnissit the said castell with men and [...] quhairthrow he assistit thame in thair treasounable deid foirsaid and wes foirknawin of the samyn, and wes art, part, red and counsell thairof, at least treasounablie concelit the same fra his majestie, contrair to his dewtie and dew obedience. Item, of the disobedience maid be him in not randering of Williame Drummoundis hous in Dundie to my lord of Pettinweme, ane of our soverane lordis previe counsell and capitane of his hienes garde, efter the intimatioun of oure soverane lordis commissioun to him, maid be the said lord commissionair, bot keping the same be the space of thrie houris or thairby thairefter. Item, of committing of ane maist hie treasoun in conceling of ane purpos of wechtie importance, quhairthrow the lyif and estait not onlie of oure soverane lord bot also of his darrest mother be perrellit, quhilk had fallin out gif he had not stayit and impedit it; and sua not onlie maist unnaturallie and treasounablie committing maist hie treasoun in conceling of ane purpois of sa wechtie importance, bot also persisting in the said treasoun be continowance of his silence and not declaring of the said purpos, tending to the perrell of his majesties lyf and estate and, thairfoir, the sentence and dome of foirfalture wes pronunceit aganis the said erll be the mouth of Robert Scott in Striveling, dempstar of the said court, that the said erll suld be tane to the skaffald beside the mercatt croce of Striveling and thair his heid strikkin fra his body and demanit as ane tratour, and that he hes foirfaltit and tint all his landis, heretageis, possessionis, takis, stedingis, offices, lyfrentis, actionis, debtis and utheris guidis, movable and unmovable, to be applyit, uptakin and disponit be our soverane lord at his pleasour and to remane with him and his successouris for ever be reasoun of eschaet and foirfalture, as the proces maid thairupoun beris. Exractum de libris actorum adjornalis dicti supremi domini nostri regis tanquam sententia forisfacture dicti comitis per me Ludovicum Bellenden de Achnoull militem clericum justiciarie eiusdem generalem sub meis signo et subscriptione manualibus, Ludouicus Bellenden clericus justiciarie.
[1584/5/30]*[print] [email] [cite] [preceding] [following]
Forsamekle as be act of parliament it is providit that gif ony persoun or personis beis slanderit or suspect of treasoun, they salbe tane and remane in firmance and thair guidis under suir borrowis quhill the tyme they have tholit ane assise quhidder they be quyt or foull; and trew it is and of veritie that Archibald, erll of Angus, Johnne, erll of Mar, Maister Thomas Lyoun of Baldukie, maister of Glammes, with thair complices, quhilk laitlie tuik and detenit his hienes burgh and castell of Striveling, rasand oppin weir aganis his hienes and his auctoritie, ar sensyne pairtlie fled and remanis out of this realme and pairtlie remanis hid and coverit within the same, unapprehendit as yit; quhilkis having committit sa great and heiche treasounis as to be persewit and punissit thairfoir according to the lawis, bot becaus of the present difficultie to apprehend thair personis and that it is requisit that sic as ar out of the realme suld be sumound on thrie scoir dayis and sic as ar within upoun fourtie dayis warning to his hienes parliament to heir and sie thame decernit to have incurrit the crime of treasoun and lesemajestie, and thairfoir thair guidis, movable and unmovable, alsweill landis, benefices and offices as utheris thingis belangand to tham, to be confiscat to our soverane lord and thair personis to underly the panis of treasoun and last punisment appointit be the lawis of this realme; and they and thair freindis and favoraris in the meantyme sellis, annaleis, disponis, cancellis and puttis away thair guidis, geir and debtis, and gevis acquittancis and dischargeis to thair dettouris in manifest defraud of our soverane lord anent thair eschaetis, sua that litill or na thing thairof salbe left to cum to his hienes use and behalff gif the intromissioun of the samyn be left quhill they be convict or put to the horne for the said treasounable crymis; thairfoir our said soverane lord, with avise of his thrie estatis, hes statute and ordinit that all the guddis, gear and debtis, maillis, fermis, rentis, proffittis and dewties of landis and benefices pertending to the saidis personis, rebellis and conspiratouris and thair complices delaitit and suspectit as culpable of the said treasounable attemptatis, alsweill being outwith as within the realme, with the maillis, fermis, proffittis and dewties of thair landis, levingis, benefices, rentis and possessionis quhatsumevir of the terme of Witsounday nixtocum and siclike in tyme cumming, quhill farder ordour be takin, and the restis of all yeiris and termis preceding, salbe arreistit, uptakin and intromettit with be his hienes thesaurare, his deputtis and officiaris to be directit to that effect havand his power and commissioun, and that the same sall remane sequestrat in the handis of the said lord thesaurair ay and quhill the saidis personis culpable and suspect salbe tryit quite or fowll of the saidis treasounable crymis; with power alsua to the said lord thesaurare, be him selff and his saidis deputis and officiaris, to caus sell and mak pennie of sic of the eschaet guidis as can not be keipit without skaith or tynsell, and to caus charge, call and persew, poynd and distrenyie for the saidis debtis and maillis, fermis, proffitis and dewties of the landis, levingis, benefices, rentis and possessionis foirsaid of the said terme of Witsounday nixtocum and restis of the yeris and termis preceding, that he may be redelie answerit, obeyit and pait thairof, to remane sequestrat in his handis as said is quhill efter the said tryall, that incace the saidis personis salbe quyt of the saidis crymis thair awin guidis and geir or the availl thairof may be randerit and deliverit agane to thame, or utherwayis gif they be convict as fowll, that the saidis eschaet guidis intromettit with may be applyit to our soverane lordis use and maid compt of in his chekker, providing that na guidis, debtis nor rentis salbe intromettit with be the said thesaurare, his deputtis or officiaris belanging to ony personis that being chargeit, enteris and comperis personallie quhill first they be convict and proces ordourlie led aganis thame.
[1584/5/31]*[print] [email] [cite] [preceding] [following]
The kingis majestie and his thrie estatis assemblit in this present parliament, considering the daylie incresce of the chargeis and expense of his hienes hous and the diminutioun of the rentis of his majesties proprietie, quhairon his said hous aucht to be intertenyit, hes thairfoir thocht convenient, statute and ordinit that the landis, lordshipis, baroneis and utheris rentis alreadie fallin, or how sone the same sall happin to fall and becum in his hienes handis be vertew of the eschaet throw the process and domis of foirfalture ordourlie led and deduceit aganis the personis found, or that heirefter sall happin to be found, culpable of the lait maist treasounable rebellioun and conspiracie attemptat and interprysit aganis his hienes persoun and estate, salbe annext unto his majesties croun, and presentlie, now as then and then as now, annexis the same thairto, followand the guid exemple of his predicessouris for the honorable support of his estate; and the saidis landis, lordshippis, baroneis and utheris rentis heirefter specifeit to remane perpetuallie with the croun may nather be gevin away in fie, franktenement in pensioun or ony uther disposition to ony persoun of quhat estate or degrie that ever they be of, without avise, decreit or deliverance of the haill parliament and, for great reasounable cause concerning the weilfair of the realme, first to be advisit and digestlie considerit be the haill estatis, and that alwayis sic infeftmentis as sall happin to be maid or grantit be his hienes of ony of the saidis landis and lordshippis salbe onlie in fewferme, for pament of sic yeirlie fewferme as his hienes and his counsell sall think reasounable, with the haill canis, customis and small dewties aucht and wont to be pait be the present tennentis and occupiaris to the proprietaris thairoff, for the better furnessing and sustentatioun of his hous; and albeit it sall happin oure soverane lord that now is, or ony of his successouris, kingis of Scotland, to annalie or dispone the saidis lordshippis, landis, castellis, townis, donationis and advocatioun of kirkis and hospitallis, with the pertinentis annext to the croun, as said is, utherwayis that the same alienationis and dispositionis sall be of nane availl, bot it salbe lefull to his hienes and his successouris to receave the same landis and rentis to thair awin hous quhairever it lykis thame, without ony proces off law, and the takis to refound and pay all proffittis that they have takin up agane to his hienes and his successouris use for all the tyme that they have had thame, with sic uther restrictionis as ar contenit in the actis of parliament maid be his maist noble predicessouris, kingis of Scotland, in thair annexationis to the croun.
[1584/5/32]*[print] [email] [cite] [preceding] [following]
The kingis majestie, sittand in jugement, exponit and schew to his thrie estatis assemblit in this present parliament how his hienes, now approchand to the xviijth yeir of his aige, having considerit the estait of his rentis and expensis, findis him self sa enormelie hurt be dispositioun maid be his hienes in tyme bygane, throw importune and indiscrete sutaris, that without present remedie and guid provisioun for the eschewing of the like in tyme cumming, nather ar his hienes debtis alreadie contractit hable to be relevit and pait, nor his majestie servit heirefter, according to his honour; and, thairfoir, his majestie presentit unto his thrie estatis the lettre underwrittin, subscrivit be his hand, desiring the same to be actit and registrat in the buikis of parliament, to have the strenth and force of ane act and decrete of parliament, and the authoritie of the saidis thrie estatis to be interponit thairto; the quhilk desire the saidis thrie estatis thocht reasounable and, thairfoir, decernis and ordinis the said lettre to be actit and registrat in the saidis buikis, to have the strenth of ane act and decreit of parliament, and hes interponit and interponis thair authoritie and consent thairto, to have full effect and force in tyme cumming, and decernis and declaris lettres and executoriallis of publicatioun to be directit thairupoun in maner specefeit thairintill, of the quhilk the tennour followis respective.
†Rex. We, remembering how efter our diverse revocationis maid of befoir, as being found necessare for us and allowit and confirmit in our parliament, yit taking litle or nane effect throw new dispositionis, ratificationis, exceptionis grantit be importune sutis, at last we maid oure revocatioun upoun the viij day of November last bypast, as the samyn at mair lenth proportis, quhilk now we ratefie, appreve and confirme be thir presentis, decerning the same to have full force, strenth and effect sen the dait thairof and in tyme cumming, notwithstanding ony giftis, dispositionis or exceptionis not expressit thairin maid and past be us sensyne to ony persoun or personis of quhatsoevir rentis, fructis, proffeittis or dewties, ather of our proprietie, casualitie or collectorie, that fell and become in our handis be vertew of our said revocatioun of the terme of Martimes last bypast and crop of the yeir of God jM vC lxxxiij yeris and in tyme cumming, and speciallie revokis all giftis, grantis and promisis gevin be us, alsweill be consent of our estatis in parliament as utherwayis to Annabell, countes of Mar, Margaret, countes of Cassillis, the wyffis and bairnis of the Erllis of Mar and Gowrie, Thomas, maister of Glammis and utheris, thair complices, culpable as art or part of the treasounable conspiracie and rebellioun attemptit aganis us and our auctoritie at Striveling in the moneth of Aprill last bypast, or to the wyffis and posteritie of quhatsumevir utheris personis standing under the proces of foirfalture for treasounable crymis, notwithstanding ony grace, favour or privilege grantit to thame be act of parliament in tyme bygane; quhilkis giftis and dispositionis and exceptionis we declair and decerne to have bene wranguslie and unordourlie purchest be conceling the treuth from us, we not knawing bot that sufficient provisioun and assignatioun had bene maid for the furnessing of oure hous and utheris the maist necessar affairis of oure estate and croun, and the signaturis, quhairby the saidis giftis and dispositionis past, not being presentit to us be our ordinar officiaris unto quhais office properlie they belangit and be quhom we mycht have bene informit of the treuth howfar the granting thairof wes to our prejudice and detriment; and thairfoir decernis and declaris the saidis giftis and dispositionis to be null and of nane availl, strenth, force nor effect without ony forther proces of law; as alsua decernis and declaris that all infeftmentis, takis or utheris dispositionis of our proprietie or collectorie, sett or grantit befoir our saidis revocationis or sensyne, and likwayis all infeftmentis and presentationis of landis or rentis cumming in oure handis be reasoun of foirfalture or bastardrie, and all commoun kirkis, landis or rentis quhairof we and our predicessouris hes bene in possessioun be setting of takis heirtofoir, fallis now under oure revocatioun, without ony cognitioun or speciall reductioun (sufficient stipendis being alwayis assignit to the ministeris serving at the saidis commoun kirkis). Likas we, be the tennour heirof, speciallie revokis the samyn, commanding oure thesaurare, comptrollair and collectour generall to crave, ressave, intromett and uptak all and syndrie the saidis fructis, rentis, proffitis and dewties of oure proprietie, casualiteis and collectorie, alsweill that fallis and becummis in oure handis be vertew of oure said revocatioun as utherwayis, notwithstanding the saidis pretendit giftis, dispositionis and exceptionis past upoun ony part thairof sensyne, quhairupoun we will not that ony lettres salbe grantit for answering and obeying of the saidis personis quhatsumevir, purchessaris thairof, nor yit that ony suspensionis salbe grantit aganis oure utheris lettres past or to be past at the instance of our saidis thesaurare, comptrollair and collectour for answering, obeying and pament making of the same to thame to oure use, dischargeing and inhibiting thame, and everie ane of thame, as alsua the maister of oure cunyiehous, oure customaris and chalmerlanis and receaveris of our propertie and the deputtis of our collectouris and utheris, the intromettouris with oure rentis quhatsumevir, of all answering and obeying of quhatsumever preceptis past and subscrivit be us in ony tyme bygane preceding the dait heirof, quhill the samyn preceptis salbe first sene and considerit be our saidis thesaurare, comptrollair and collectour generall and sik utheris auditouris of our chekker as we have directit to assist thame, and appoint speciallie and certanlie quhat pensionis, feis and wageis salbe allowit and pait in the saidis thrie offices of the yeir of God jM vC lxxxiij yeris and in tyme cumming, to the effect that the thingis commandit to be answerit be reasounable, and that the same possiblie may be pait without oure hurt and inconvenient; and for the better eschewing of our skaith in tyme cumming, and releiff off oure saidis officiaris that they sall not be burdenit with debursing of grettar sowmes nor they have ressavit, and to stop the importune and unreasounable desyris of shameles askeris be quhom we have bene movit in tyme bygane to grant thair sutis sa far to our awin hurt, thairfoir our will is and we command yow that na signaturis of giftis and dispositionis of onie pairt of our proprietie casualitie or collectorie, pensionis or feis out of the same or preceptis to be answerit of ony sowmis of money or uther thing quhatsumevir belanging to ony of the offices of our saidis thesauraire, comptrollair and collectour generall salbe presentit to us to be presentit in tyme cumming be ony uther personis then our saidis officiaris thame selffis, thair deputtis and clerkis, and that the same be first subscrivit be thame befoir the same be presentit to us to be past our hand, quhairthrow they may understand our commoditie or detriment in granting of the same and thair awin habilitie to answer and mak pament off ony thing commandit as they will answer to God and us; and incase ony signaturis, letteris or preceptis sall pas utherwayis, wanting the subscriptioun and consent of oure officiaris unto quhais charge and office the mater properlie belangis, we will and ordinis that the samyn salbe na sufficient warrand to the keipparis of oure signet, previe or great seallis, nor to quhatsumevir utheris havearis of oure rentis in thair handis, notwithstanding the subscriptionis of us and of ony numer of our counsell, or that the namis of our counsell, present at the granting thairof, salbe writtin on the bak of ony sic lettres, quhilkis nevertheles wanting the subscriptionis and consentis of the officiaris unto quhais charge it propirlie belangis salbe null and of nane availl, and we declair thame, than as now and now as than, to be of na force nor effect be thir presentis; and that na infeftment, tak, exceptioun or dispositioun quhatsumevir maid or to be maid be us of our said propirtie, collectorie or falling to us be casualitie, and being of it awin nature and according to the lawis of our realme subject to revocatioun, howevir it be past, salbe valiable in tyme cumming without a triall preceding tane be the lordis of our counsell and sessioun, our saidis thesaurare, comptrollair and collectour being callit, quahirthrow it may be understand to thame that it is not to our enorme lesioun, bot for the sene weill of us, our estate and croun; and incace the saidis lordis decerne utherwayis be importune solistatioun, that they be answerable thairfoir upoun thair allegeance and dewtie and interesse, that we may sustene be that fact quhenever we sall pleis to call thame to mak accompt thairfoir. And becaus it is weill knawin to us and our secrete counsell, as alsua to the lordis of oure counsell and sessioun, that be reasoun of the great multitude of causis depending befoir thame, proces ar langsum and parties subject to lang and incertane attendance, and the actionis concerning us, oure rentis and leving sa protractit as it is great hinder to us, for remede quhairof we have resolvit and concludit, be avise and consent of our thrie estatis in parliament, that na suspensionis nor lettres conforme salbe grantit nor deliverit in ony materis concerning us in oure propertie, casualities or collectorie bot be sic off the numer of oure college of justice as ar constitute auditouris of oure chekker, and that the same suspensionis and actionis for lettres conforme for breking of arreistmentis or deforceing of officiaris in the premisis, or in ony thing depending thairupoun, salbe discussit befoir our chekker in oure chekker hous, quhilk chekker we have appointit and appointis and ordinis to convene and sit ordinarlie for the effect foirsaid everie Tyisday and Furisday in the efternone in tyme of sessioun, and alwayis quhen they pleis in tyme of vacance; and decernis and declaris the decisionis and decreittis of the saidis auditouris thairof, being fyve at leist in numer, to be als valiable and effectuall in all respectis as gif the samyn wer gevin and pronunceit be a full and haill numer of the saidis lordis of counsell sittand in the tolbuith of Edinburgh. Attoure, we have supersedit and, be the tennour heirof, supersedis the pament of all great pensionis and feis, albeit the same salbe allowit in the comptis of our thesaurare, comptrollair and collectour generall now shortlie to be maid for the space of ane yeir efter the dait heirof, that the better provisioun may be maid for the pament thairof and utheris oure debtis in the meantyme. Attoure, in furtherance of the said collectour and his office foirsaid, forsamekle as it is understand to our soverane lord and his thrie estatis that all and haill the thriddis of the benefices within this realme, being appointit and ordinit be actis of parliament ordinit befoir to apertene to the ministrie, and the superplus by and attour thair sustentatioun to be applyit to our soverane lord, his comoun affairis, ar now waistit altogidder and dilapidat be reasoun of takis, pensionis and utheris dispositionis maid thairof, partlie be oure soverane lordis darrest mother, partlie be his regentis being in auctoritie for the tyme and partlie be his majestie sen the acceptatioun of the governament upoun his persoun, quhairthrow is the ministerie not onlie defraudit of thair just patrimonie and rent, bot alsua oure soverane lord can ressave na commoditie nor proffit of the saidis thriddis for furthsetting of his hienes comoun effairis according to the meaning and intentioun of the actis of parliament maid thairanent for [...]it is statute, ordinit and declarit be oure soverane lord and thrie estatis of this present parli[...] that all and quhatsumevir giftis, pensionis, takis and utheris dispositionis quhatsumevir of the thriddis of benefices within this realme, or onie part or portioun thairof, togidder with all takis of comoun kirkis, infeftmentis of freris landis and utheris dispositionis of the rentis and fructis ecclesiasticall pertening to our soverane lord be reasoun of the comoun ordour takin and ressavit anent the thriddis, quhilkis wer grantit and disponit ather be our soverane lordis darrest mother and sensyne confirmit in parliament or utherwayis be his hienes selff or regentis during his minoritie, ar, and salbe, comprehendit under his hienes lait revocatioun maid at Halieruidhous, the viij day of November, the yeir of God jM vC lxxxiij yeris foirsaid, and thairefter affirmit, ratefeit and apprevit be the lordis of sessioun, as thair decrete interponit thairto at mair lenth proproportis; quhilk revocatioun, in all and be all thingis as is thairin contenit, his majestie, with avise and consent of his thrie estatis, ratifeis and apprevis in all pointis efter the forme and tennour thairof, and thairfoir decernis and declaris all and haill the foirsaidis giftis, pensionis, takis of comoun kirkis, togidder with all takis of benefices sett be the possessouris thairof in prejudice of the thrid sen the first assumptioun, with the confirmationis thairof, and utheris dispositionis and takis of the saidis thriddis or ony part thairof grantit be his hienes darrest moder or be his majesties selff or utherwayis his hienes regentis, alsweill confirmit in parliament as unconfirmit, to be of nane availl, force nor effect but ony forder declaratour or proces of reductioun; and to the effect that his hienes collectour generall, present and to cum, may the better understand the estate of all and haill the benefices within this realme and quhen thai sall happin to vaik, quhat the yeirlie rentis thairof ar worth and how the samyn ar conferrit and disponit, and speciallie to tak ordour with the chaiplanreis, alterageis and utheris small benefices within this realme quhilkis ar alreadie disponit to studentis and bursaris, contrare the tennour and meaning of the act of parliament maid thairanent, it is concludit and ordinit that all provisionis and presentationis to benefices, baith great and small, to be purchessit efter the dait heirof, togidder with all giftis, takis, pensionis and utheris dispositionis quhatsumevir of the thriddis of the saidis benefices or ony part thairof, or of comoun kirkis, of freris landis and utheris dispositionis of the fructis and rentis ecclesiasticall pertening and belanging to our soverane lord, salbe subscrivit be his hienes collectour generall and utherwayis the samyn to be of nane availl, force nor effect, dischargeing the keipparis of our seallis to pas the saidis giftis and utheris dispositionis foirsaidis, except the same be subscrivit be his hienes collectour generall in maner abonespecifiit; with power alsua to the said collectour generall, present and to cum, to call, follow and persew all and syndrie the saidis studentis and bursaris for productioun the saidis giftis befoir the chekker, to be sene and considerit gif the samyn be conferrit and disponit according to the meaning of the act of parliament maid thairanent, and utherwayis to tak ordour thairwith gif the samyn chaiplanreis, alterageis and utheris prebendareis disponit to quhatsumevir personis, contrare the tennour of the said act of parliament, be imbrocht to our soverane lordis use and be disponit to qualifiit personis according to the comoun ordour, providing alwayis that the same revocationis, declaratioun and ratificatioun foirsaidis, nor na thing contenit in the act abone specifiit or ony part thairof, sall extend to the exceptionis speciallie contenit in the said revocatioun maid the aucht day of November last bypast, nor to ony infeftmentis, takis, giftis or dispositionis maid be his hienes to his darrest cousigne Lewes, now duik of Levenax, or to his darrest and onlie great uncle Robert, erll of Marche, his richt traist cousignis and counsallouris and utheris efterspecifiit: they ar to say, Robert, erll of Orknay, Frances, erll Bothuell, James, erll of Arrane, and his brether, James, erll of Glencarne, Johnne, erll of Mortoun, Andro, lord Dingwell, Williame, commendatair of Pettinweme, capitane of his hienes gardis, Walter, priour of Blantyir, kepar of our previe seall, the barnis of Alexander Erskyne of Gogar, capitane of the castell of Edinburgh, Schir Robert Melvill of Murdocarnie, thesaurare deput and clerk, James Meldrum of Segie, Williame Stewart, writtar, and Maister Petre Young, his hienes preceptour and eleemosynar; all quhilkis infeftmentis, takis, giftis and dispositionis maid to the personis speciallie abonewrittin our soverane lord will nor salbe comprehendit under his said revocatioun, nor yit that the same salbe prejudiciall to lawit patronis nor to ony thing disponit to the ministerie of Edinburgh or to the hospitallis over all the realme, and that lettres be directe for publicatioun of the premisis be oppin proclamatioun at the mercatt croce of Edinburgh and all utheris places neidfull, that nane pretend ignorance thairof.
[1584/5/33]*[print] [email] [cite] [preceding] [following]
Oure soverane lord and his thrie estatis convenit in this present parliament, being informit of the plaintis and lamentationis of syndrie his guid subjectis, of sic enormiteis, corruptionis and delayis usit in the sessioun and college of justice, to the great prejudice of his majestie and haill estatis, quhilk being indeid as the informationis have bene maid, deservis spedie and guid reformatioun or utherwayis that seit, having sic credit, honour and auctoritie, to be relevit of the slander; for the better triall of the treuth and circumstancis quhairon the saidis complaintis procedis, his majestie, with avise of his saidis thrie estatis, gevis and grantis full power and commissioun to his richt traist cousignis and counsallouris, Coline, erll of Argyill, lord Campbell and Lorne, his hienes chancellair and justice generall, and James, erll of Arrane, lord Avane and Hammiltoun, now chancellair the tyme of the said Erll of Argyillis non residence, Johne, erll of Montroise, lord Grahame, his hienes thesaurare, and Schir Johne Maitland of Thirlstane, knycht, his majesties principall secretare, or ony thrie thairof, that thei, be thame selffis and sic utheris of best fame and experience as they sall call unto thame, try and cognosce the veritie of the saidis enormiteis, corruptionis and unnecessare delayis, as alsua quhat personis now being of the sessioun ar evill affectit to his majestie, his present estate and procedingis, and to gif thair advise and opinioun quhom they think metast to be displaceit and dischargeit, that they may be removit furth of the said sessioun; and to gif his majestie also thair trew advise and opinioun of the maist worthie and qualifeit personis to be placeit of new in thair rowmis; as alsua to prescrive and appoint sic guid rewllis and constitutionis as they sall think maist requisit for reformatioun of sic enormiteis, corruptionis and delayis as they sall try to have bene in the sessioun and college of justice in tyme bygane, to the effect that his majestie and his said college of justice may ratifie, approve and auctorize the same to have bene of full effect and force heirefter, that the saidis commissionaris present the effect of this present act to executioun betuix and the xij day of December nixtocum, as thei will answer to his hienes upoun thair diligence and obedience.
[1584/5/34]*[print] [email] [cite] [preceding] [following]
Forsamekle as efter guid consideratioun had be the kingis majestie, his nobilitie and estatis assemblit in the moneth of December, the yeir of God jM vC lxxxiij yeris, of the great skaith and inconvenient quhilk his hienes and the commoun weill sustenit throw diversitie of pryces of sylver of syndrie peceis of allayit money current amang his liegeis, be reasoun quhairof ane great quantitie of the same, and namelie of the tuelf pennie peceis, babeis and auld plakis, is found now to be decayit and wanting, previe personis frustrating his majestie of his richt and proffite (being ane of the speciall partis of the rentis and casualities pertening to the croun) in the unlawing, transporting, breking downe and fyning of the foirnamit kyndis of allayit money, alsweill furth of the realme as within the samyn; for remede quhairof, they have ordinit and concludit that all the tuelff pennie peceis, babeis and plakis, with the thrie pennie grottis and half plakis now current, suld be brocht in to the cunyey hous (not being fals and counterfitt) and brokin downe with all guidlie diligence, and thairof new money to be cunyeit of thrie pennie fyne in grottis at aucht penneis the pece, and halff grottis for four penneis, with twa granis of remede of fynes, alsweill abone as under; and that thair be ane hundreth threttie fyve of the saidis aucht pennie grottis or tua hundreth thriescoir and ten of four penny grottis in the merk wecht of the said money, with allowance of viij of the said viij d. grottis or sextene of the four penny grottis for remeid of wecht, alsweill havie as licht, upoun everie merk wecht of the said money passand the irnis, as the act maid thairupoun of the dait the [...] day of the moneth of December, the yeir abonewrittin and proclamatioun past thairupoun at lenth beris; of the quhilkis peceis ordinit to be cunyeit be the said act, wecht and fynes thairof thair hes bene sufficient pruiff and tryall takin and the assay thairof is extant in the handis of his majesties advocatt, being alreadie tryit and found guid, sua that the samyn correspondis in wecht and fynes to the tennour of the said act; in consideratioun quahirof, and that the samyn hes bene tryit and foundin guid as said is, our soverane lord and his thrie estatis in this present parliament ratifeis and apprevis the act foirsaid efter the forme and tennour thairof in all pointis.
[1584/5/35]*[print] [email] [cite] [preceding] [following]
†Forsamekle as it is understand that the ancient and auld gold within the cuntrie hes bene and is fra hame transportit be strangearis, passingearis and utheris, sua that presentlie litill remanis within the cuntrie, quhairthrow his majesties subjectis ar endampnageit and the gold of utheris princes and cuntreis hes cours within this realme, at the pleasour of sic as byis and sellis and not according to ressonable prices at the jugement of his majestie and estat[...] being remedit may import great inconvenient and his majestie frusstrat of his hienes comm[...], thairfoir it is thocht guid, statute and ordinit be our soverane lord and his thrie [...] in this present parliament that thair salbe cunyeit twa peceis of gold, the ane of sex peceis [...] unce and of the fynes of xxj carrettis, and ane halff to have cours and passage for thrie poundis fyvetene shillingis; the uther of nyne in the unce of the wecht of the croun and of the fynes foirsaid, and to have cours of fiftie shillingis; and toward the forme and circumscriptioun thairof, with the remedie of wecht and fynes, his majestie and estatis remittis the same to the lordis of his hienes secrete counsell, and, be the tennour heirof, gevis and grantis commissioun to tak ordour thairanent as they sall think expedient.
[1584/5/36]*[print] [email] [cite] [preceding] [following]
Oure soverane lord, with advise of his thrie estatis of parliament, remembring that be the ordinance maid be his hienes and lordis of previe counsell at Striveling immediatlie efter the recovering thairof, it wes ordinit that na signature of infeftment, confirmatioun or richt of ony landis quhairby his majestie mycht be interessit suld be exped but advise of his secrete counsall sittand, and that Adame Hepburne of Ballinhard hes obtenit ane confirmatioun of the infeftment of fewferme maid to him be umquhill Patrik, bishop of Murray, commendatare of the abbay of Scone for the tyme, off all and haill the landis of Durdeis and utheris contenit thairin, lyand within the regalitie of Scone and sherefdome of Perth, quhilkis ar ane part of the landis laitlie annexit to the erldome of Gowrie, now becummand in his majesties handis be proces and dome of foirfalture ordourlie led aganis umquhill Williame, sumtyme erll of Gowrie, lord Ruthven and Dirltoun, quhilk confirmatioun his hienes and thrie estatis foirsaidis have considerit to be purchessit contrare the forme and tennour off the said ordinance and to the great prejudice and hurt of our soverane lord; and thairfoir his majestie, with avise of his hienes thrie estatis, decernis and declaris the said confirmatioun, with all that followit or may follow thairupoun, to be null and of nane availl.
[1584/5/37]*[print] [email] [cite] [preceding] [following]
Anent the supplicatioun presentit to the kingis majestie and his thrie estatis be Maister Robert Montgomerie, makand mentioun that quhair he, havand faithfullie travellit in the ministrie of the evangell sen the reformatioun of the religioun and being ane pasture almaist the space of xxij yeris bypast, it pleasit our soverane lord gratiouslie to bestow upoun the said Maister Robert the archiebishoprik of Glesgow, then vacand be deceis of umquhill Maister James Boid of guid memorie, at the quhilk tyme the said Maister Robert, humblie craving of the ministeris, his fellow lawboraris, to have obtenit thair consent and agriement thairunto, conforme to his hienes lawis, not onlie wes delayit in that point contrare to equitie and justice, bot likwayis wes in ane pretendit maner excommunicat be Maister Johne Davidsoun, minister at Libertoun kirk, be ane pretendit allegeit commissioun from the generall assemblie to that effect; efter that, his majestie, with avise of the lordis of his hienes secrete counsell, be ane expres act, the parties having interes being callit, comperand and thair reasonis and allegationis hard and considerit, dischargeit the pretendit presbytereis of Edinburgh, Linlithgow and Dalkeyth and all utheris presbytereis, eldershippis, generall and synodall assembleis of all proceding aganis the said Maister Robert for allegeit aspyring of the said bishoprik of Glesgow or trubling or persewing of his brethir for the same or for ony promis maid be him thairanent or ony uther thing depending thairupoun in tyme bygane and of thair offices in that part; and albeit thir yeris bypast the said Maister Robert hes maid maist ernist and humble suit to the said generall assemblie to have bene absolvit fra the foirsaid pretendit sentence, yit wald he not at ony tyme be hard, for quhat caus he is ignorant; thairfoir his majestie and thrie estatis, being assemblit as the soverane jugement of his estate, and the speciall confort and releif to the afflictit and oppressit hes maist humblie suppliit to tak consideratioun of his petious complaint, and speciallie quhen besyid all guid ordour usit in onie reformit estate or be ony warrand of the word of God he wes in pretendit maner foirsaid excommunicatt, albeit in verie deid the said Maister Johne Davidsoun did at na tyme admonis the said Maister Robert to amend or repair ony offence committit be him aganis the law of God and his halie commandementis, with the breking quhairof he wes na wayis chargeit be the said ministrie, bot onlie upoun ane pretendit act of the generall assemblie, quhairby the estate of bischopis is be thame in thair pretendit maner declarit unlawfull, to the quhilk, becaus the said Maister Robert wald not subscrive and renunce oure soverane lordis benefice bestowit upoun him, he wes at that tyme sua wranguslie entraitit, the quhilk he sufferit with the grittar patience becaus our said soverane lord and his maist honorable previe counsell wes at that same verie tyme chargeit in ane presumptuous maner be certane pretendit commissionis, as from the kirk, that his hienes suld not in ony tyme cumming appoint onie bischopis to beir rule or charge in the kirk or comoun welth, threatning the same sentence aganis his hienes and counsell quhilk wes pretenditlie execute aganis the said Maister Robert, quhilk sentence albeit he had justlie deservit be his stubburne disobedience as he hopis, in Goddis merceis, nevir to do, yit guid ordour wald haif requirit that efter diversis admonitionis he suld had bene denunceit at his awin paroche kirk quhair he duellis and not in ane furtiuus maner at the paroch kirk of Libertoun, quhairof he culd haif na knawlege to provyid ony lawfull or godlie remeid thairfoir; and seing the sentence of excommunicatioun is maist feirfull and terrible and be his hienes lawis men thairby debarrit from all civill societie and benefite of his hienes lawis, it appertenis cheiflie to his princelie cair to sie that the same be not abusit to serv the indiscrete appetite of ony men under quhat cullour or pretext so evir; in respect quhairof, fallin downe maist humblie at the feit of his majesties clemencie and wisdome of his thrie estatis, craving that be gratious consideratioun of the treuth he may be relevit and fred from the said pretendit sentence and declarit be his majestie and his estatis capable sum benefice as he, off his gratious guidnes, pleisis to bestow upoun him, likas at mair lenth is contenit in the said supplicatioun. Oure soverane lord and his thrie estatis, efter mature deliberatioun of the contentis thairof, decernis and declaris that his majestie and previe counsell procedit ordourlie in commanding the censure of the ministeris upoun the said Maister Robert to be stayit during his hienes will, for syndrie great and wechtie considerationis moving him, conforme to the said act of secrete counsell; and sen the estate of bishopis is establissit now of new in this present parliament, it is found and declarit be our soverane lord and his estatis that the excommunicatioun deduceit aganis the said Maister Robert, in contempt of our soverane lordis foirsaid act of counsell, is null and of nane availl, force nor effect, and that he may bruik all honouris, dignities and benefices as gif the samyn had never bene done. Alwaysis to tak away all excuis, it is statute and ordinit that the bishoppis and commissioneris to be appointit be his majestie for deprivatioun of ony unworthie in the charge sall try the said Maister Robert in all uther thingis that may be layit to his charge; as alsua it is ordinit and statute that as his majesties counsell did in this mater, sa sall his hienes, his successouris and previe counsell heirefter haif power to stay and suspend the decreittis of ony jugementis inflicting pane and punisinent, alsweill ecclesiasticall as temporall, for ane certane space, upoun speciall causis knawin to him and his foirsaid previe counsell.
[1584/5/38]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, upoun wechtie and guid considerationis tending to the establissing of peax and quietnes and universall obedience of his hienes auctoritie within this realme, hes gevin and grantit and, be the tennour heirof, gevis and grantis to his weilbelovit cousigne Johne, lord Flemyng, the like favour, grace and benefite of pacificatioun sua that he may bruik and jois the like privilege and conditionis as ar contenit in the pacificatioun maid and accordit upoun at the burgh of Perth the xxiij day of Februar, the yeir of God jM vC lxxij yeris; and hes declarit the same pacificatioun to be als largelie and favorablie extendit and interprete in favouris of the said lord for suirtie of him selff, his lyff, landis, heretageis and possessionis, or as gif he had bene speciallie nominat or comprehendit thairin, or as gif the haill articles, clausis and conditionis of the samyn pacificatioun wer expreslie specefeit thairin; thairfoir, our said soverane lord, with avise of his saidis thrie estatis, hes ratefeit, confermit and apprevit and, be the tennour heirof, ratefeis, apprevis and confermis the foirsaid pacificatioun gevin and grantit to the said Johne, lord Flemyng, in maner abonewrittin, efter the forme and tennour thairof, and decernis the samyn to have full strenth, force and effect in all tyme cumming; and forder declaris the samyn pacificatioun to be extendit als largelie and favorablie to the said lord as to ony uther personis, obtenaris of the like benefite, of befoir, in ony of oure soverane lordis parliamentis preceding, to the effect the said lord may obtene and get siclike possessioun, richt and titill to all landis, heretageis, takis, stedingis, rowmis, possessionis, teyndis and utheris quhatsumevir takis quhilkis pertenit to umquhill Johne, sumtyme lord Flemyng, his fader, at the feild of Carbarrie Hill, as gif he had never bene foirfaltit of befoir; and ordinis the lordis of counsell to direct lettres to that effect in forme as effeiris.
[1584/5/39]*[print] [email] [cite] [preceding] [following]
Oure soverane lord, for diverse and guid considerationis moving his hienes tending to the quietnes of his realme and universall obedience thairof, hes gevin and grantit and, be the tennour heirof, gevis and grantis to Schir Johne Maitland of Thirlstane, knicht, his hienes secretare, the like favour, grace, privilege and benefite of pacificatioun concludit at Perth, the xxiij day of Februar, in the yeir of God jM vC lxxij yeiris, and ratefeit and apprevit in parliament haldin at Edinburgh in the moneth of Aprill nixt thairefter in the yeir of God jM vC lxxiij yeris, and willis the samyn be als amplie extendit†in his favouris in all respectis, conditionis, clausis, circumstanceis and privilegeis thairof as gif the said Schir Johne had bene expreslie comprehendit thairin; and also we will and grantis that the same pacificatioun be maist amplie interprete and extendit to him in all clausis thairof that may tend to his securitie, notwithstanding of ony restrictioun or limitatioun comprehendit thairin, and speciallie that the samyn be sufficient to rescind, retract, casis and annull, likas his majestie be thir presentis retratis, casis and annullis the proces and dome of foirfalture led and pronuncit aganis the said Schir John for quhatsumevir crymis of quhatsumevir wecht, committit, done or assistit be him in ony sort, and to restore and reintegrat the said Schir Johne aganis the samyn, siklike and als frelie in all respectis as gif the said proces of foirfalture had nevir bene led and dome of foirfalture had never bene gevin nor pronuncit againis him; and will and grantis that thir presentis be als sufficient and valiable in all respectis as gif everie claus of the said pacificatioun had bene heirin contenit and expreslie comhendit, quhilk his majestie haldis heirin for expressit, fullie rehabiliting, reintegrating and restoring the said Schir Johne to his same honour, heretageis, offices, rowmis, takis and possessionis quhatsumevir, the priorie and benefice of Coldinghame onlie exceptit, remitting and for his hienes and his successouris frelie forgeving all crymis, transgressionis and offenceis of quhatsumevir wecht, lesemajestie and utheris committit, perpetrat, done or assistit to be him fra the moneth of Junii, the yeir of God jM vC lxvij yeris to the moneth of November in the yeir of God jM vC lxxiiij yeris, providing alwayis that thir presentis be not extendit to the murthouris of the kingis father and twa regentis.
[1584/5/40]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, upoun guid and wechtie considerationis tending to the establissing of peax and quietnes and universall obedience of his hienes auctoritie within this realme, hes gevin and grantit to Marie Flemyng, relict of umquhill Williame Maitland, youngar, of Lethingtoun, secretare to our soverane lord, James Maitland, thair sone, and the remanent of the said umquhill Williamis bairnis, and ilk ane of thame, to have, bruik and injoy the same and like favour, grace and privilege and conditioun as is contenit in the pacificatioun maid and accordit upoun at Perthe, the xxiij day of Februare, the yeir of God jM vC lxxij yeris, and ratefeit and apprevit sensyne in parliament, as at mair lenth is contenit in the said pacificatioun; thairfoir, our said soverane lord, with avise and consent of his saidis thrie estatis, hes ratefeit and apprevit and, be the tennour heirof, ratefeis and apprevis the said pacificatioun maid and grantit to the said Marie, hir said sone and remanent personis in all pointis, efter the forme and tennour thairof, and declaris the same pacificatioun and ratificatioun thairof foirsaidis to be als largelie and favorablie extendit and observit to thame and ilk ane of tham in all respectis as gif the said umquhill William or that had bene speciallie comprehendit and namit thairin, and as gif the haill clausis, conditionis and articles thairof wer expreslie expressit and mentionat in thir presentis; and decernis and declaris the samyn to have full effect for saiftie of thame and ilk ane of thame in bodie, landis and guddis; and ordinis the lordis of counsell to direct lettres for repossessing of thame, according to the accustoumat use, in forme as effeiris.
[1584/5/41]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, upoun wechtie and guid considerationis tending to peax and quietnes and universall obedience of his hienes auctoritie within this realme, hes gevin and grantit to umquhill Patrik, bischop of Murray, commendatar of the abbay of Scone, his airis and bairnis procreat of his body, the benefite, richt, privilege and libertie of our said soverane lordis pacificatioun maid and concludit upoun at the burgh of Perth, the xxiij day of Februar, the yeir of God jM vC lxxij yeris, quhilk is ratefiit and apprevit be his hienes and thrie estatis thairefter in parliament; and forther, our said soverane lord and thrie estatis, for him and his successouris, hes grantit that the airis of the said umquhill Patrik, bischop of Murray, salbe enterit and servit be brevis of his hienes chancelarie to all landis and annuelrentis in the quhilkis the said umquhill Patrik deit vest and sesit, and sall succede to him to all his debtis and movable guddis and bruik all honouris, privilegeis, dignities quhilkis they micht have brukit befoir the proces of foirfalture led aganis the said umquhill Patrik; and that all infeftmentis, fewis, dispositionis, pensionis, takis and utheris richtis maid be the said umquhill bischop to quhatsumevir persoun or personis during his lyftyme salbe als valiable to thame and thair airis as gif the said proces of foirfalture had never bene led aganis the said umquhill Patrik, bischop of Murray, and gif his name had bene expreslie specefeit in the said pacificatioun as at mair lenth is contenit thairin. Thairfoir, our said soverane lord, with avise of his saidis thrie estatis, hes ratefeit and apprevit and, be the tennour heirof, ratefeis and apprevis the said benefite of pacificatioun gevin and grantit to the said umquhill Patrik, bischop of Murray, his airis and bairnis in maner abonewrittin in all pointis, efter the forme and tennour thairof, and declaris the samyn to have full force, strenth and effect in all tyme cumming, safaras the same concernis all landis, annuelrentis, debtis and movabill guddis pertening to the said umquhill bischop and utheris abonewrittin concerning the said bischoprik of Murray alanerlie.
[1584/5/42]*[print] [email] [cite] [preceding] [following]
Oure soverane lord, with avise and consent of the thrie estatis in this present parliament, ratefeis, apprevis and confermis the benefite of pacificatioun gevin and grantit be his hienes to Margaret Borthuik, dochter and air apperand to umquhill James Borthuik, apperant for the tyme of Newbyris, willing and declaring that the same pacificatioun salbe als larglie and favorablie extendit to the saidis umquhill James and Margaret, his dochter, as gif thair namis wer speciallie nominat thairin, in all pointis and conditionis thairof, as the samyn gift of the dait the xvj day of Maii instant at mair lenth proportis; likas alsua our said soverane lord, with avise of his saidis thrie estatis foirsaidis, be thir presentis, willis, decernis and declaris that the reservatioun, exceptioun or provisioun contenit in ane formar benefite of pacificatioun grantit to the said umquhill James in his tyme (with provisioun it suld not be extendit to the soum of thrie thowsand and four hundreth poundis money disponit as ane pairt of his eschaet of befoir to umquhill Maister James MacGill of Rankelour Nethir, clerk of register, than consignit for redemptioun of certane landis of Arnolstoun) sall not be, nor is not allowit nor apprevit in this present benefite of pacificatioun and ratificatioun thairof, bot that the said reservatioun and exceptioun in the uther pacificatioun salbe null and of nane effect, and that this pacificatioun and ratificatioun of the samyn salbe als valiable and effectuall to the said Margaret tueching the bruking and joising of the full liberties, benefites, privilegeis and conditionis of the said pacificatioun, without ony exceptioun or derogatioun to be opponit or admittit in the contrare, quhairby the said Margarettis, dochter and apparent air foirsaid, may succeid to bruik, jois, intromet with and call for all and quhatsumevir landis, guddis, geir and sowmis off money, conforme to the said pacificatioun, quhilkis ony wayis appertenit or micht appertene to the said umquhill James, hir fader, als largelie and without ony exceptioun as ony utheris quhomto the said benefite of pacificatioun hes evir bene grantit, and als frelie as gif the said exceptioun or reservatioun of the samyn abonespecifeit had not bene reservit nor exceptit in the said first benefit of pacificatioun grantit to the said umquhill James of befoir as said is; quhilk exceptioun or reservatioun our said soverane lord, with avise and consent foirsaid, be thir presentis, revokis, annullis and simpliciter dischargeis in favouris of the said Margaret, incace the said sylver wes not tane up befoir the said pacificatioun accordit upoun at Perth, the xxiij day of Februar, the yeir of God jM vC lxxij yeris, be the said umquhill Maister James MacGill; and ordinis lettres to be direct to mak publicatioun heirof, gif neid beis.
[1584/5/43]*[print] [email] [cite] [preceding] [following]
†Oure soverane lord, understanding that Maister David Chalmeris of Ormount hes obtenit his hienes pacificatioun, restorand him thairby to all landis, rowmis, possessionis, offices, benefices, lyfrentis, takis, dignities, honouris and privilegeis quhilkis pertenit or ony wayis micht pertene to him befoir the dome of foirfaltour led aganis him for ony caus or occasioun preceding the dait of the said pacificatioun, quhilk is at Falkland, the fourt day of September, the yeir of God jM vC lxxxiij yeiris, promisand in the said act and benefite to ratefie and appreve the samyn in the nixt parliament, for his better securitie, as the said benefite in the self mair fullely [...]; thairfoir our soverane lord, with avise of the saidis thrie estatis of this present parliament, hes ratefiit and apprevit and, be the tennour heirof, ratefeis and apprevis the said benef[...] pacificatioun gevin and grantit to the said Maister David in maner foirsaid, and willis and grantis the samyn to be als sufficient and to have the like force, strenth and effect in all thingis to the said Maister David and to be als largelie and favorablie extendit to him for bruking and possessing of quhatsumevir landis, rentis possessionis, rowmis, housis, benefices, offices, lyfrentis, honoris, privilegeis and dignities quhilkis he usit at ony tyme befoir quhatsumevir proces of foirfaltour led aganis him, for ony caus or occasioun bygane preceding the dait heirof, or utherwayis as gif the same wer speciallie mentionat and comprehendit in the said pacificatioun, or as gif the haill clausis, articles and conditionis thairof wer heirin expressit and contenit; and alsua ordinis the lordis of counsell to direct lettres at his instance to that effect siklike and in the samyn maner as utheris obtenaris of the like benefite hes gottin of befoir, and lettres of publicatioun to be direct heirupoun in forme as effeiris, providing alwayis that the granting of the said pacificatioun on na wayis extend to the odious murthouris of oure soverane lordis darrest fader and tua regentis, bot be thir presettis speciallie and expreslie exceptis the samyn.
[1584/5/44]*[print] [email] [cite] [preceding] [following]
Oure soverane lord, understanding that David Melvill of Newmylne obtenit his hienes benefite of pacificatioun, restorand him thairby to all landis, rowmis, possessionis quhilkis pertenit to him or ony wayis micht pertene to him befoir the dome of foirfalture led aganis him for ony caus or occasioun preceding the dait of the said act of pacificatioun, and also hes grantit the lik grace, favour and privilege and benefite as is contenit in the pacificatioun maid and accordit upoun at Perth, the xxiij day of Februar in the yeir of God jM vC lxxij yeiris, ratifiit and confermit in parliament haldin at Edinburgh in the moneth of Aprill nixt thairefter, thairfoir our said soverane lord, with avise of the saidis thrie estatis off parliament, hes ratefeit and apprevit and, by the tennour heiroff, ratifeis and apprevis the said benefite of pacificatioun gevin and grantit to the said David in maner foirsaid, and ordinis the samyn haill clausis and articles thairof to be als largelie and favorablie extendit in favouris of the said David and his airis as he wer speciallie nominat and comprehendit thairin, or as gif the saidis haill articles and clausis of the samyn wer herein expreslie contenit; and decernis and declaris the samyn to have full effect and force for saiftie of him in body, landis and guddis, and siclik for repossessing of him to quhatsumevir his landis, rowmis or possessionis quhilk he had befoir the tyme of his foirfalture, providing that the granting of the said pacificatioun on na wayis extend to the odious murthouris of our soverane lordis darrest fader and tua regentis, bot be thir presentis speciallie and exceptis the samyn; and ordinis lettres of publicatioun to be direct heirupoun in forme as effeiris.
[1584/5/45]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, hes ratefeit and apprevit and, be the tennour heirof, ratifeis and apprevis the remissioun grantit and gevin be our said soverane lord under his hienes great seall to George, erll of Huntlie, lord Gordoun and Baidyenoch etc., in maner and forme underwrittin, and declaris and decernis the samyn to have full faith, strenth and effect in jugement and outwith in all tyme cumming, efter the forme and tennour of the samyn in all pointis, off the quhilk the tennour followis:
Jacobus Dei gratia rex Scotorum omnibus probis hominibus [suis]† ad quos presentes litere pervenerint salutem. Sciatis quia nos intelligentes post diutinas disturbationes et civile bellum que in hoc nostro regno in nostra tenera etate evenerunt facta et conclusa fuit pacificatio apud burgum nostrum de Perth vigesimo tertio die mensis Februarii anno Domini millesimo quingentesimo septuagesimo secundo, ratificata et approbata in nostro parliamento apud Halieruidhous tento duodecimo die mensis Aprilis† proxime sequentis in favorem quondam nostri consanguinei Georgii comitis de Huntlie domini Gordoun et Baidyenauch suorum hominum domesticorum amicorum seruorum vassalorum et tenentium continens certas exceptiones et limitationes que tanti ponderis et importantie judicate non absolute remittebantur Sed promissum fuit quicquid nostra charissima soror regina Anglie princeps in hoc seculo nobis tam consanguinitate et habitatione propinquior penes eadem auisaret et consuleret sed† cum consensu nostri parliamenti pro nostra utilitate et universali obedientia totius regni nostri performari obseruari et perimpleri, et dicta nostra soror et consanguinea Anglie regina suo consilio et avisamento materiam nobismet remittens ad in hoc faciendum quod nobis conveniens appareret eo tempore quo ex etate et per leges et regni nostri consuetudinem gubernationem in nostra propria persona acciperemus, ac nunc favore omnipotentis dei gubernatione nostri regni in nostra propria persona accepta, et eadem per trium annorum spatium nunc preteritorum accepta et administrata, recordantes bonum fidele et egregium seruitium nostris nobilissimis progenitoribus per antecessores dilecti nostri consanguinei Georgii nunc comitis de Huntlie, domini Gordoun et Baidenauch etc., factum tam in defensione huius regni nostri contra forinsecorum inimicorum invasionem quam in assistentia supremorum principum huius regni nostrorum progenitorum predictorum in repressionem insolentie et rebellionis suorum rebellororum et inobedientium subjectorum pro quibus honorabilibus monumentis pro suis premiis et favoribus gaudent et possident, nos ob hec et desiderantes stabilitatem et continuationem antiquarum dominorum nostrorum nobilitatum et procerum de nostro sanguine seu stirpe processorum, ac moti ex nostri speciali gratia, misericordia et clementia ob etatem et innocentiam dicti nostri consanguinei Georgii nunc comitis de Huntlie infantis tempore dictarum disturbationum et civilis belli existentis, respectu etiam sue ardentis affectionis erga nos nostrumque servitium commodum et preservationem geste seu habite, cum avisamento et consensu dominorum nostri secreti consilii volumus et concedimus, ac pro nobis et nostris successoribus [pro] perpetuo declaramus quod beneficium dicte pacificationis est et erit omni tempore affuturo adeo ample et favorabiliter extensum et interpretatum in favorem dicti nostri consanguinei Georgii nunc comitis de Huntlie pro sua plena securitate et remissione de omnibus actionibus criminibus, proditionibus, transgressionibus et offensionibus cuiuscunque ponderis et qualitatis de quibus dictus quondam suus pater ex arte seu parte quouismodo fuit, seu sibi quovismodo ullo tempore preterito imputare potuisset absque omnibus exceptione, limitatione, restrictione seu reservatione temporum aut persone, ac sicuti eadem pacificatio ad primum prefato quondam suo patri per parliamentum simpliciter et absolute pro quibuscunque criminibus commissis dictam pacificationem precedentibus facta, acta, et ratificata extitisset, ac uti nos pro nobis et successoribus nostris declaramus eandem adeo validam et sufficientem dicto nostro consanguineo et sue posteritati suisse et fore pro omnibus proditionibus et offensis quibuscunque per dictum quondam suum patrem aut ullos alios progenitores aut per seipsum ullo tempore preterito diem date presentium precedentem commissis. Necnon nos pro nobis et successoribus nostris ratificavimus, approbavimus, et confirmavimus tenoreque presentium ratificamus, approbamus et affirmamus dictum nostrum consanguineum Georgium nunc comitem de Huntlie tanquam propinquiorem et legitimum heredem dicti quondam sui patris et aliorum suorum predicessorum quorumcunque quibus propinquior attingit, ac concedimus, decernimus et ordinamus quod ipse et eius posteritas ipsis et dicta sua posteritas et successores sui suisque agnatis et cognatis quibus ipse aut ipsi propinquiores de sanguinitate erint succedent in omnibus et singulis terris, hereditatibus, officiis, honoribus, dignitatibus et possessionibus et sua posteritas ipsis in eisdem succedere simili modo et adeo libere in omnibus sicuti nostri liegii quicunque poterint, non obstantibus quibusuis actis parliamenti seu secreti consilii aliisque legibus seu constitutionibus specialibus aut generalibus factis seu fiendis aut quibusuis provisionibus seu conditionibus specificatis in eisdem vel reservatione vel exceptione in dicta pacificatione limitata, que quovismodo in presentium contraria interpretari poterint. Super quibus nos pro nobis et successoribus nostris per presentes dispensamus ac etiam pro nobis et successoribus nostris nos ex nostris gratia et favore specialibus rehabilitamus, reponimus, restituimus et reintegramus prefatum nostrum consanguineum Georgium nunc comitem de Huntlie adversus omnes forisfacturas, processus et sententias quascunque pronunciatas, divulgatas et deductas contra prefatum quondam suum patrem quovismodo pro quibuscunque criminibus seu offensis per ipsum aut suos predicessores tempore elapso comissis, que prefato nostro consanguineo Georgio nunc comiti de Huntlie aut sue posteritati nullo modo ullo tempore affuturo imputari volumus. Insuper promittimus in verbo regio causare presentes in nostro proximo parliamento ratificari et approbari pro securitate et corraboratione premissorum in effectu et sufficiente validitate imperpetuum omni tempore affuturo stare seu permanere. In cuius rei testimonium presentibus magnum sigillum nostrum apponi precepimus apud Dalkeith decimo sexto die mensis Maii anno Domini millesimo quingentesimo octuagesimo primo regnique nostri anno decimo quarto.
[1584/5/46]*[print] [email] [cite] [preceding] [following]
†Oure soverane lord, with avise and consent of his hienes thrie estatis in this present parliament, hes ratifiit and apprevit and, be the tennour heirof, ratefeis and apprevis the remissioun underwrittin, maid, gevin and grantit to the servandis of umquhill George, erll of Huntlie, lord Gordoun and Baidyenocht contenit thairin under the great seall, and decernis and declaris the same to have full force, strenth and effect in all tyme cumming, of the quhilk the tennour followis.
Jacobus etc. Quia nos cum avisamento dominorum nostri secreti consilii recordantes nostram gratiam et favorem erga fidum nostrum consanguineum Georgium comitem de Huntlie dominum Gordoun et Baidyenocht pro plena sua securitate, remissione et restitutione prius extensam secundum literarum nostrarum tenorem sibi desuper nostro sub magno sigillo concessam, prout huiusmodi litere de data decimo sexto die mensis Maii anno Domini millesimo quingentesimo octuagesimo primo et regni nostri decimo quarto latius proportant ac firmam habentes experientiam de dicti nostri consanguinei propenso animo et affectione erga nos nostram obedienti [...] ac in rempublicam et regni nostri tranquillitatem habito et inclinato nosque eo respectu intenden[...] favorem erga ipsum et pro securitate sue domus amicorum et servorum continuandam, ac m[...] volentes quod tales qui dicti nostri consanguinei quondam patri in sua vita deservierunt, nunc de [...] remaneant sub periculo nostri juris pro his que turbulentis temporibus in nostra minoritate occurre [...] maxime in consideratione nostre gratie et favoris antea dicto nostro consanguineo eorum magistro [...] existente filio et heredi cui illi tunc inserviebant ostense, que gratia et favor als restringi et diminui apparere potuit quamvis nos omnimodo inclinati sumus huiusmodi ipsis libere omnibus procul dubio et ambiguitate concedere, ideo cum avisamento dictorum dominorum nostri secreti consilii remisimus rancorem animi nostri, sectam regiam et omnem actionem quem seu quas concepimus habuimus habemus seu habere vel clamare poterimus adversum Alexandrum Drummound de Medhope, Robertum Bruce, Thomam Ker, Robertum Ker et Patricium Gordoun alias paige existentes domesticos servitores dicti quondam comitis pro tempore sicuti nunc domestici sunt servi dicti nostri consanguinei, pro arte et parte quorumcunque criminum factorum seu offensionum commissorum quando dictus quondam comes de Huntlie presens et super fundo fuit ac ipsi secum fuerunt pro tempore durantibus nuper civilibus turbationibus incipientis decimo quinto die mensis Junii anno Domini millesimo quingentesimo sexagesimo septimo usque ad earundem pacificationem vicesimo tertio die mensis Februarii anno Domini millesimo quingentesimo septuagesimo secundo, ac pro omnibus actione et crimine que inde sequi aut ipsis eorumve alicui ob id imputari poterint, ipsa pacificatione aut quamvis exceptione seu reservatione in huiusmodi limitatis aut quibusuis parliamentorum seu secreti consilii actis aliisque legibus, statutis seu constitutionibus specialibus seu generalibus factis seu fiendis que in contrarium extendi seu interpretari poterint non obstantibus. Super quibus nos pro nobis et successoribus nostris per presentes dispensamus etc., apud Halieruidhous decimoquinto die mensis Februarii anno Domini millesimo quingentesimo octuagesimo secundo et regni nostri decimosexto.
[1584/5/47]*[print] [email] [cite] [preceding] [following]
Oure soverane lord, with avise and consent of the thrie estatis of this present parliament, hes ratefiit and apprevit and, be the tennour heirof, ratefeis and apprevis the remissioun underwrittin, maid, gevin and grantit to Schir Thomas Ker of Farnihirst, knycht, and his servandis contenit thairin under the great seall, and decernis and declaris the same to have full strenth, force and effect in all tyme cumming, of the quhilk remissioun the tennour followis:
Jacobus Dei gratia Rex Scotorum omnibus probis hominibus suis ad quos present es litere pervenerint salutem. Sciatis quia nos cum avisamento dominorum nostri secreti consilii intelligentes ob varietatem et discensionem inter proceres huius regni nostri in tenera etate evenit ut ipsi proceres inter seipsos diversis factionibus divisi inierunt civile bellum idque diversis annis hinc inde prosequebantur omnimodis hostilitatibus ad eorum extraniam potentiam adversus alios utentibus sicuti inter extraneas nationes et inimicos extitisset, in quibus temporibus infelicissime evenit quod noster quondam charissimus avus Mattheus comes de Lennox pro tempore regens occisus erat in conflictu apud Sterling ubi dominus Thomas Ker de Farnihirst miles in societate erat sed, ut notum est, neque consulem prescientem vel inventorem dicte infelicis murthure fuisse, et quod eadem contra suam voluntatem integre commissa erat, ac nunc nos recordantes bonum et gratuitum servitim per dictum dominum Thomam et suos predicessores ante has tribulationes nobis et nostris nobilissimis progenitoribus tam in defensionem regni nostri adversum extraneorum inimicorum invasiones quam in assistentia serenissimorum principum huius regni in repressionem insolentie rebellorum et dissobedientium ipsorum subditorum prestitum, nos potius continuationem quam exitum domus et familie dicti domini Thome volentes, ac etiam pro aliis rationabilibus causis et considerationibus nos moventibus ad universalem obedientiam omnium nostrorum legiorum, et maiorem quietem et commoditatem reipublice tendentibus, igitur nos ex nostris gratia, misericordia et clementia specialibus moti cum avisamento dictorum dominorum nostri secreti consilii remisimus tenoreque presentium remittimus dicto domino Thome et Thome Ker de Caveris, Andree Crichtoun, Joanni Schaw de Tillicultrie, Johanni Ker de Karshesteris, Williamo Ainslie de Falaw, Georgio Pyill de Mylnhuich, Adamo Turnbill de Bullerwell, Thome Kirktoun, Joanni Pyill, Joanni Hall, Georgio Pyill de Lieraw, Williamo Hall, Williamo Weddell, Rodopho Ainslie de Thaksyid et omnibus aliis dicti domini Thome domesticis, tenentibus, seruitoribus, dependentibus, assistentibus et participantibus cum illo in dicto civili bello rancorem animi nostri sectam regiam et omnem actionem quem seu quas erga ipsos concepimus, habuimus, habemus, seu quovis modo habere poterimus pro arte et parte interfectionis quondam nostri charissimi avi et regentis pro tempore predicti infra burgum nostrum de Striviling quarto die mensis Septembris anno Domini millesimo quingentesimo septuagesimo primo commissi, et pro omnibus actione et crimine que desuper sequi vel ipsis vel eorum alicui inde imputari poterint, ac pro omnibus aliis actionibus criminibus proditionibus transgressionibus et offensis quibuscunque per dictum dominum Thomam vel aliquem personarum specialiter vel generaliter predictarum aliquo tempore diem date presentium precedente commissis et perpetratis (proditoria in nostram propriam personam, detestabili murthura et interfectione nostri quondam charissimi patris et quondam nostri charissimi regentis Jacobi comitis de Murray, incantatione, incestu tantummodo exceptis), et supra dictum dominum Thomam ceterasque personas suprascriptas sub firma pace et protectione nostra juste suscipientes firmiter inhibemus ne quis eis occasione predicte interfectionis ac omnium aliarum actionum, criminum, proditionum, transgressionum et offensionum quarumcunque antedictarum malum, molestiam, injuriam aut gravamen aliquod inferre presumat injuste super nostram plenariam forisfacturam aut mortem eis inferat sub pena amissionis vite et membrorum. In cuius rei testimonium has literas nostras remissionis pro toto tempore vite prefatarum personarum duraturas sub nostro magno sigillo eis fieri fecimus patentes apud Halieruidhous vicesimo sexto die mensis Nouembris anno Domini millesimo quingentesimo octuagesimo tertio Et regni nostri decimoseptimo.
[1584/5/48]*[print] [email] [cite] [preceding] [following]
Oure soverane lord, with avise of the thrie estatis of this present parliament, hes ratefeit and apprevit and, be the tennour heirof, ratefeis and apprevis the act of parliament maid in the parliament haldin at Halieruidhous, the last day of Aprill, the yeir of God jM vC lxxiii yeiris,† berand that our said soverane lord, with avise of his saidis thrie estatis, upoun wechtie and guid considerationis moving his hienes tending the furthering of peax and quietnes and universall obedience of his graces authoritie, decernit and declarit that Robert Balfour, son lawfull to Andro Balfour of Montquhanie, suld have, bruik and joy the like benefite, favour, privilege and conditionis as ar contenit in the pacificatioun maid and accordit upoun at the burgh of Perthe in the yeir of God jM vC lxxij yeris, ratefeit and apprevit in the samyn parliament, and that the said pacificatioun suld be als larglie and favorablie extendit and interpret in favouris of the said Robert for the securitie of his lyff, leving, honour and guddis as gif he had bene speciallie nominat and comprehendit thairin, or as gif the haill articles, clausis and conditionis thairof had bene expreslie specifeit in the said act of parliament as the samyn of the dait the xxiij day of Februar, jM vC lxxij yeris, mair fullelie contenis, in all the pointis, articles, clausis, and circumstanceis of the same. And als forsamekle as oure said soverane lord, of his speciall grace, have remittit and forgevin the said Robert all actioun and cryme quhairwith he micht be chargeit for being in cumpanie of thame quhilk chanceit to be at the slauchter of his hienes darrest guidschir, Matthew, erll of Lennox, lord Dernlie, regent to him, his realm and liegeis for the tyme in the moneth of September, the yeir of God jM vC lxxj yeris, for the quhilk procesis and dome of foirfalture wes led and gevin aganis the said Robert in the parliament haldin at Edinburgh, the xx day of October, the yeir of God jM vC lxxix yeris, as in the proces and dome of foirfalture at mair lenth is contenit; in the quhilk parliament it was alsua statute and ordinit be oure said soverane lord, with avise off the thrie estatis thairof, that the bairnis, alsweill naturall as lawfull, suld bruik nor acclame ony heretageis, rowmis nor possessionis within this realme, howsoevir the samyn is or sall happin be acquirit to pertene to the saidis bairnis sen the committing of the said slauchter, as in the said act of parliament and lettres of remissioun of the dait the xxviij day off August, the yeir of God jM vC lxxxiij yeris at mair lenth is contenit; quhilkis lettres of remissioun, in all pointis and clausis thairof, our said soverane lord, with advise of the saidis thrie estatis be thir presentis, ratefeis and apprevis and hes restorit and rehabilitat, likas be thir presentis restoris and rehabilitatis the said Robert, his bairnis, airis and posteritie quhatsumevir aganis the said proces and dome of foirfalture and all that hes followit or may follow thairupoun, restoring and reponing the said Robert and thame to thair same honour, landis, rowmis, possessionis, pensionis and utheris commodities quhatsumevir quhilk the said Robert had or injoyit befoir the dait of the said foirfaltour, and that he, his saidis bairnis, airis, successoris and posteritie may, and salbe, in all tyme heirefter habill to obtene, conqueis, bruik and jois quhatsumevir landis, heratageis, takis, steddingis, rowmis, possessionis and utheris commodities within this realme, and to succeid to ony utheris, thair agnatis or cognatis, or everie ane of thame, to uther siclike and als frelie in all resspectis as ony uther our soverane lordis subjectis within this realme, notwithstanding the saidis proces of foirfaltour led aganis the said Robert and of the act abonespecifeit maid aganis his posteritie as said is, quhilkis, and all utheris actis and constitutionis generallie and speciallie tending to the contrare heirof, the kingis majestie, with avise of the saidis thrie estatis of this present parliament, of certane knawlege, upoun wechtie considerationis and his hienes propre motive, have dispensit and dispensis for ever, providing alwayis that thir presentis be not extendit to repone and restoir the said Robert to ony rycht he hes or may pretend to the provestrie of the Kirk of Feild, sumtyme situat within the libertie of the burgh of Edinburgh, fructis, dewteis and emolumentis thairof quhairsoevir the same ly of, ony termis bypast and to cum, but that the same remane and abyid perpetuallie heirefter with the provest, baillies, counsell and communitie of the said burgh of Edinburgh according to the donationis, richtis and titillis maid be oure said soverane lordis darrest mother and his hienes to thame thairof, secluding the said Robert thairfra and fra all proffitttis and dewties thairof bygane or to cum perpetuallie for ever.
[1584/5/49]*[print] [email] [cite] [preceding] [following]
Oure soverane lord and his thrie estatis in parliament, for the guid, trew and thankfull service done to his hienes and his darrest mother be Schir Johne Maitland of Thirlstane, knicht, now his majesties secretair, ratefeis and apprevis and, for his hienes and his successouris, perpetuallie confermis the charter and infeftment maid be Schir Richard Maitland of Lethingtoun, knycht and barone of the baronie of Blytht, to the said Schir Johne and the airis maill lawfullie to be gottin of his bodie, quhilkis failleand, to Johne Maitland, sone and air apperand to Johne Maitland of Auchingassill and his airis maill lawfullie to be gottin of his bodie, quhilkis failleand, his narrest and lawfull airis maill quhatsumever berand the armes and surname of Maitland, of all and haill the landis and baronie of Blytht, with annexis, connexis, partis, pendiclis, milnis, woddis, tenentis, tenandreis and service of frie tennentis of the samyn and all thair pertinentis, liand within the lordship of Lawderdaill and sherefdome of Berwik, to be haldin of his hienes and his successouris be service of warde and releve, as the said charter of alienatioun and previe venditioun of the dait at Edinburgh, the xv day of Marche the yeir of God jM vC lxxx yeris, at mair lenth bearis, with the instrument of sesing following thairupoun; and siclike the charter of confirmatioun maid be his hienes, with advise of the lordis of secrete counsell under his great seall of the dait the xix day of Marche, the yeir of God jM vC lxxxiij yeiris, ratifeand and apprevand the said infeftment and charter of venditioun and alienatioun maid to the said Schir Johne in maner foirsaid; and siclike his hienes and thrie estatis foirsaidis hes ratefeit and apprevit and, be the tennour heirof, ratefeis and apprevis the uther charter and infeftment under his great seall to the said Schir Johne and Maistres Jeane Flemyng, his spous, the langar levar of thame twa in conjunctfie, and to the airis lawfullie gottin or to be gottin betuix thame, quhilkis failyeand, to the said Schir Johnis airis quhatsumever, off all and haill the landis and baronie of Thankartoun and Biggar, with the partis and pertinentis thairof, liand within the sherefdome of Lanark, and of all and haill ane annuelrent of fiftie poundis money of this realme yeirlie to be upliftit at twa usuall termes in the yeir, Witsounday and Martimes in wynter, be twa equall portionis, of all and haill the landis of Abbottiskers, with thair pertinentis, liand within the sherefdome of Striveling, as the said infeftment of the dait at the castell of Striveling the penult day of October, the yeir of God jM vC lxxxiij yeiris, at mair lenth proportis, with the instrumentis of sesing following thairupoun; and als his hienes and thrie estatis of parliament ratefeis and apprevis and, for his hienes and his successouris, perpetuallie confirmis the charter of alienatioun and venditioun maid be the said Schir Richard Maitland of Lethingtoun, knycht, to the said Schir Johne and his airis maill and of taillie befoir specifeit of all and haill the landis of Lethingtoun, with the tour, fortalice, maner place, orchyairdis and yairdis thairof, with the pleuch of land callit the West Feild, with tenentis, tenandreis, service of frie tennentis and all thair pertinentis, liand within the sherefdome of Edinburgh and constabularie of Hadingtoun, to be haldin of William, lord Hay of Yester, and his airis in frie blanche, as the said infeftment and sesine following thairupoun in like maner at mair lenth proportis, the said William, lord Hay of Yester, his confirmatioun gevin thairefter ratefeand the said infeftment of venditioun and alienatioun thairin contenit in all pointis, clausis and articles of the samyn; and decernis and ordinis that this present ratificatioun in forme of act of parliament is and salbe in all tymis heirefter als valiable and sufficient in all respectis as gif all and syndrie the saidis infefmentis, charteris, confirmationis and sesingis wer at lenth insert thairin, and that, be vertew thairof, the said Schir Johne, his airis, assignais and successouris sall peceablie bruik and jois the landis, baroneis and annuelrent abone specefeit in all respectis as ony utheris, his hienes subjectis, brukis and possesis thair landis and heretageis withi this realme, notwithstanding quhatsumevir sentencis of foirfaltour gevin and pronuncit in ony tym bypast aganis the said Schir Johne and umquhill Williame Maitland, his brother, and als notwithstanding the actis maid in his hienes parliament haldin at Striveling in the moneth of August, the yeir of God jM vC lxxj yeiris, and at Edinburgh in the moneth of November, the yeir of God jM vC lxxix yeris, as alsua at Edinburgh in the moneth of November, the yeir of God jM vC fourscoir ane yeiris, anent the disherising of the posteritie of the personis foirfaltit in the saidis parliamentis or ony uther parliamentis; and notwithstanding quhatsumevir uther lawes, actis and constitutionis of this realme quhairinto his hienes, be avise of the saidis thrie estatis, hes maid and be thir presentis makis plane derogatioun in that behalff.
[1584/5/50]*[print] [email] [cite] [preceding] [following]
†Oure soverane lord, with avise of the thrie estatis of this present parliament, understanding that umquhill Schir James Balfour of Pettindreich, knicht, in the moneth off Maii, the yeir of God jM vC lxxj yeris, in the trublous tyme, throw the questioun of our soverane lordis auctoritie, was foirfaltit in parliament, not onlie for his assistance to that comoun caus, be the quhilk the haill subjectis of this realme war devidit, bot als for the allegit arte and pairt of the devise, knawlege and conceling of the maist horrible and detestable murthour of oure soverane lordis umquhill darrest father of guid memorie as at mair lenth is contenit in the proces and sentence of foirfalture quhilk wes led aganis the said umquhill Schir James the tym foirsaid, quhen he, throw the oppin hostilitie than standing betuix the parteis, micht not compeir nor have access to that jugement for his defence; and thairfoir our said soverane lord in his hienes parliament haldin at Halieruidhous, the last day of Aprill, the yeir of God jM vC lxxiij yeiris, with advise of the thrie estatis and haill body of this realme, efter the appeasing of the foirsaid trublis, upoun wechtie and guid considerationis moving our said soverane lord tending to the furthering and establissing of peax and quietnes and to the universall obedience of his hienes authoritie, decernit and declarit that the said umquhill Schir James suld bruik and jois and injoy the grace, favour, privilege and conditionis contenit in the generall pacificatioun maid and accordit upoun at the burgh of Perth upoun the xxiij day of Februar, the yeir of God jM vC lxxij yeiris, ratefeit and apprevit in the said parliament, and that the said generall pacificatioun suld be als largelie and favorablie interprete and extendit in favour of the said umquhill Schir James for the suirtie of his lyf, leving, honour and guidis as gif he had bene speciallie nominat and comprehendit thairin, and as gif the haill articles, clausis and conditionis of the said general pacificatioun had bene expreslie specifeit in the said act of parliament, be the quhilk the benefite and favour of the said pacificatioun wes grantit to the said umquhill Sir James, as in the said particulair act of parliament maid in his favour at mair lenth is contenit; quhilk generall pacificatioun being in all the clausis, pointis, articles and circumstancis thairof at diverse tymis sene and considerit be our said soverane lord and lordis of his hienes secrete counsell and sessioun, and speciallie that clausis and article thairof proportand that all procesis and sentences of foirfalture led and gevin aganis quhatsumevir personis comprehendit thairin, for ony cryme, actioun or deid done or assistit in the said comoun caus, in tyme of the said comoun truble fra the xv day of Junii, the yeir of God jM vC lxvij yeris, and the xxiij day off Februare, the yeir of God jM vC lxxij yeiris, and for ony uther causis or crymis contenit in the summoundis of foirfalture execute aganis thame and quhairof they wer convict at ony tyme betuix the said xv day of Junii in the yeir of God jM vC lxvij yeris and the said xxiij day of Februar in the yeir of God jM vC lxxij yeris, war decernit and declarit to have bene and to be of nane availl, force nor effect with all that followit or micht follow thairupoun, and the personis quhilkis obtenit the benefite of the said pacificatioun war, be vertew thairof, frelie restorit in integrum aganis the samyn, be the samyn maner and conditioun as the said procesis and sentences of foirfalture had bene speciallie retratit and reduceit, all pairties having interes being speciallie callit thairto, quhairby it was than clearlie understand to the lordis of previe counsell and sessioun, likas now it is clearlie understand to oure said soverane lord, the saidis thrie estatis and haill body of this present parliament that the said umquhill Schir James was fullelie restorit aganis the said sentence of foirfalture gevin contrare him, upoun the knawlege quhairof, cognitioun being takin be the principallis of the said secrete counsell, our said soveran lord ressavit the said Schir James, his wyff and bairnis, thair personis, landis, guidis and geir in his majesties speciall saif garde, protectioun and defence as his loyall subjectis; and, nevertheles, befoir the granting of the said protectioun be ane act of parliament begun at Edinburgh, the xx day of October, the yeir of God jM vC lxxix yeiris, the posteritie of certane personis standand under the sentence of foirfalture of the arte and part of the slauchteris and murthuris of oure said soverane lordis darrest father, umquhill Matthew, erll of Lennox, his hienes guidschir, and umquhill James, erll of Murray, regentis to him, his realme and liegeis for the tyme, ar declarit and decernit to be unhable to bruik ony landis, heretageis, rowmis or possessionis within this realme, howsoevir the samyn wer acquirit sen the committing of the crymis respective foirsaidis; in the quhilk act, the said umquhill Schir James posteritie is expreslie mentionat and comprehendit, makand na difference betuix the saidis utheris personis than, as yit, standand under the rigour of the saidis sentencis of foirfalture gevin aganis thame and the said umquhill Schir James, quha wes fullie restorit aganis the sentence of foirfalture gevin contrare him and the said sentence in all pointis and heidis thairof, but exceptioun, be the foirsaid act of parliament [...] grant of the said pacificatioun was rescindit and retratit, quhilk wes not opin [...] to oure said soverane lord and his thrie estatis the tyme of the making of the saidis ordi[...] said Schir James being then absent and ignorant of ony declaratour to be gevin in prejudice [...] posteritie, quhilk is alwayis now sufficientlie verefeit to our said soverane lord and his thre estatis, likas the samyn wes sufficientlie verifeit to his hienes and to the lordis of his secrete counsell and in like maner to the saidis lordis of sessioun, upoun diversis complaintis maid be the said umquhill Schir James in his tyme and be his relict and bairnis efter his deceis maist humlie craving that they, upoun better knawlege of the treuth, micht be reparit aganis the saidis declarationis maid contrare the posteritie of the said umquhill Schir James; likas Dame Margaret Balfour of Burlie, the relict of the said umquhill Schir James, Michaell, James, Williame, Harie, David, Johne, Marie and Helene Balfouris, his barnis, haif now renewit thair suite, desiring our said soverane lordis declaratioun, be the avise of his thrie estatis of parliament, that the said Schir James at all tymis sen the granting to him of the benefite of the said generall pacificatioun to his deceis remanit his hienes gude lege and subject, and that the said sentence of foirfalture gevin aganis him wes dewlie and lawfullie retratit and rescindit befoir the said act concerning his posteritie now maid or ony uther act following thairupoun, and thairfoir craving that it micht be alsua declarit that his bairnis and posteritie micht bruik and injoy quhatsumever landis, heretageis, rowmis and possessionis appertening to thame, acquirit or to be acquirit be thame, alsweill frelie and quietlie in all respectis as ony uther, oure said soverane lordis lawfull subjectis within this realme, and als that heirefter questioun suld not be movit to thame nor ony of thame for ony of the crymis and causis contenit in the said sentence. Thairfore our said soverane lord, be cognitioun of the caus and for releif of his conscience, be the advise of the saidis thrie estatis of parliament for his hienes and his successouris, decernis and declaris that the process and dome of foirfalture led aganis the said Schir James in maner foirsaid was dewlie and ordourlie retratit be the said pacificatioun ratefeit in the said parliament, and that the said Schir James, fra the tyme of the reductioun thairof to his deceis, abaid and remanit oure said soverane lordis loyall and dewtifull subject, and thairfoir that his bairnis and posteritie micht not be hurt nor harmit be the actis abonewrittin; quhilkis all and syndrie actis, and everie ane of thame, our said soverane lord, be the advise of his saidis thrie estatis, insafaras the samyn comprehendis the bairnis and posteritie of the said umquhill Schir James alanerlie, in likewayis decernis and declaris to have bene and to be of nane availl, force nor effect, abrogating the same in that part alanerlie be this present act for ever, the samyn act, with all uther actis maid to that effect and consequentlie following thairupoun anent the posteritie of the utheris personis mentionat thairin, standing alwayis in full force, strenth and effect; and als decernis and declaris that the bairnis and posteritie of the said umquhill Schir James ar, and sall be, hable to bruik and jois all landis, heretageis, rowmis and possessionis acquirit or to be acquirit be thame, and that they may succede to thair said umquhill fader, mother, or ony of thame, or everie ane of thame as airis to utheris or to quhatsumever utheris personis siclike and als frelie as ony uther oure soverane lordis liegis and subjectis may conqueis and acquire landis, heretageis, rowmis and possessionis or succeid thairto within this realme and as the saidis actis anent the said umquhill Schir James posteritie never had bene maid, to the quhilkis in that part alanerlie our said soverane lord hes maid and makis expres and speciall derogatioun be thir presentis. And farder, his hienes, with advise and consent foirsaid, for him and his successouris, renunceis and dischargeis all actioun that his grace may have or intend aganis the said umquhill Schir James, his memorie, airis or posteritie for the caus foirsaid for ever, as is mair amplie contenit in ane lettre gevin under his hienes great seall at Halieruidhous, the xxj day of December, the yeir of God jM vC lxxxiij yeris; quhilk lettre our said soverane lord, be thir presentis in all pointis, articles, clausis and circumstanceis thairof, ratefeis and apprevis, and that his hienes present ratificatioun be, in all respectis, als sufficient as gif the said lettre wer at lenth ingrossit in this present act, ordining alsua the samyn lettre at the desire of pairtie to be insert and registrat in the bukis of parliament for perpetuall memorie and to have the strenth, force and effect of ane act and decrete thairof; and ordanes lettres to be direct heirupoun, gif neid beis, in forme as efferis.
[1584/5/51]*[print] [email] [cite] [preceding] [following]
Oure soverane lord, with advise and consent of the thrie estatis of this present parliament, ratefeis, apprevis and confermis the gift and dispositioun maid be our said soverane lord, with advise of the lordis of his hienes secrete counsell, of all and haill the landis quhilkis pertenit to the freris of Aberdene, gevin and disponit to the hospitall of the said burgh for sustentatioun of the pure, and decernis and declaris the same to have full strenth, force and effect in all pointis, clausis and articles thairof; and also declaris be thir presentis that the foirsaidis landis, with thair pertinentis, nor na part thairof, is not, nor salbe, ony wayis comprehendit under our soverane lordis revocatioun to be ratefeit in this present parliament, bot that the samyn is, and salbe, exceptit, likas his hienes, with advise foirsaid, be the tennour heirof, exceptis the samyn furth of the said revocatioun; and alsua decernis this present declaratioun and exceptioun is, and salbe, of als greit force, strenth and availl as gif the samyn had bene contenit and insert thairin, to the effect that the puir men of the said hospitalitie may peceablie bruik and jois the saidis landis, with thair pertinentis foirsaidis, conforme to thair provisioun in all pointis.
[1584/5/52]*[print] [email] [cite] [preceding] [following]
Oure soverane lord, with the advise and consent of the thrie estatis of this present parliament, hes ratefeit and apprevit and, be the tennour heirof, ratefeis and apprevis the gift and dispositioun maid to David Murray, brother germane to Schir Andro Murray of Arngosk, knyt, domestique servand to our soverane lord and ane of his hienes maister stablaris, of all and haill the landis of Potie and Colennoqueis, disponit to him heretablie, quhilkis fell and become in his hienes handis throw foirfalture and dome of parliament ordourlie led aganis Gawin Hammyltoun of Reploch, spous to Jane Dishingtoun, ane of the airis of Ardross, as the infeftmentis maid to him thairof proportis in all pointis, articles and clausis contenit thairin, efter the forme and tennour thairof; and decernis and declaris the samyn to have full strenth, force and effect in all tyme cumming to the effect that the samyn landis may remane heretablie with the said David in all tyme cumming, notwithstanding ony privilege, libertie or rehabilitatioun grantit to the said Gawin, or rycht maid be oure said soverane lord to him of the saidis landis sen the said foirfalture; and siclike our said soverane lord, with avise foirsaid, revokis, cassis and annullis all and quhatsumevir rycht maid to the said Gawin of the saidis landis, with all privilegeis grantit to him thairof sen his said foirfaltour and dait of the samyn Williame Murrayis infeftment foirsaid grantit to him thairof to the effect foirsaid.
[1584/5/53]*[print] [email] [cite] [preceding] [following]
Oure soverane lord, be the advise of the thrie estatis of this present parliament, fullelie understanding the privilege grantit unto him alsweill be the comoun law as be the constitutionis, statutis and lawis of this realme in revocatioun of all infeftmentis, heretageis, giftis and dispositionis quhatsumevir, be presentatioun or utherwyis maid be him in his minoritie and les aige to ony persoun or personis of quhatsumevir landis, lordshippis and baroneis becummand in his majesties handis and pertening to his grace as his propertie the tyme of his gift and dispositioun thairof, to his great hurt and detriment of his croun and patrimonie thairof, hes diverse tymis heirtofoir maid publict and generall revocatioun thairof, and speciallie in his hienes parliament haldin and begun at Edinburgh, the [...] day of October, the yeir of God jM vC lxxix yeiris, and in his nixt parliament haldin thairefter at Edinburgh in the moneth of October, the yeir of God jM vC lxxxj yeiris, and now willing that the revocationis maid in the saidis parliamentis suld tak full effect efter the forme and tennour thairof in the speciall infeftmentis efter following maid to the personis underwrittin of the landis efter mentionat, his hienes, with avise of his saidis thrie estatis in this present parliament, hes of new revokit, cassit and annullit and be the tennour heirof cassis, revokis and annullis the infeftment and heretable gift maid be his hienes to Robert Hepburne, sone lawfull to Patrik Hepburne of Wauchtoun, his airis and assignais, of all and haill the landis of Stevinstoun, with the tour, fortalice, mylne and fishingis thairof upoun the watter of Tyne, with the mure of Stevinstoun, advocatioun, donatioun and richt of patronage of the chaiplanrie of Halibluid altar, sumtyme situat within the paroch kirk of Hadingtoun; item, the infeftment and heretable gift maid be his hienes to umquhill Capitane James Hectour, his airis and assignais, of all and haill the half landis of Garvald, extending to fourtie husband landis or thairby, lyand within the sherefdome of Edinburgh and constabularie of Hadingtoun foirsaid; and siclike the infeftment and heretable gift maid be his hienes to Alexander Home, sone and apperant air to Alexander Home of Manderstoun, off all and haill the fyftene husband landis of Simprene and of all and haill the landis of Over and Nether Toftis, with all thair pertinentis, lyand and within the sherefdome of Berwik; and siclike the infeftment and heretable gift maid be his hienes to Schir James Home of Fynlawis, knycht, his airis and assignais, off all and syndrie the landis callit Lady Park, als Lady Pairt, lyand within the baillierie off Lawderdaill and sherefdome of Berwik; and inlykmaner the infeftment and heretabl gift maid be his hienes to Andro Ker of Fawdounsyid, his airis and assignais, off all and haill the thrid part of the landis and baronie of Boltoun, with the haill fortalice, maner place and yairdis thairof, with the thrid of the mylne of Boltoun and multuris of the samyn, with tennentis, lyand within the sherefdome of Edinburgh and constabularie of Hadingtoun, quhilk thrid part and haill fortalice, maner place and yairdis thairof pertenit to umquhill Williame Maitland, sumtyme apperand of Lethingtoun; and siclike the uther infeftment and heretable gift maid be his hienes to umquhill Williame, sumtyme lord Ruthven, lait erll of Gowrie, his airis and assignais, off all and haill uther thrid of the saidis landis and baronie of Boltoun and mylne thairof, with the multuris of the samyn, with tennentis, tenandreis, service of frie tennentis thairof, liand within the said sherefdome of Edinburgh and constabularie of Hadingtoun, haldin be him immediatlie of his hienes as become in his majesties handis be reasoun of escheat throw proces and domes of foirfalture led aganis the said umquhill Williame for certane crymis of treasoun and lesemajestie quhairof he wes convict. And als our said soverane lord revokis in speciall the presentatioun direct to the priores and convent of the landis underwrittin presentand Patrik, lord Lyndsay of the Byris in immediat heretable tennent to thame, off all and haill the landis of the manis of the abbay of Hadingtoun, the landis of Muirtounhall, the landis of Westhopis, the landis of Eisthopis, the landis of Newlandis, the landis off Ryndislaw, the landis of Wodend, the landis of Snawdoun, the landis of Carfra, the landis of Litill Newtoun, with the teyndis thairof includit, with all thair pairtis and pendicles, liand within the constabularie of Hadingtoun and sherefdome of Edinburgh. And als our said soverane lord revokis in speciall the presentatioun direct to the priores and convent off the abbacie of Hadingtoun, presentand umquhill Schir Williame Dowglas of Hawik, knycht, youngar of Drumlanrig, in immediat tennent to thame, of all and haill the landis of Vagbie, with the pertinentis, lyand within the sherefdome of Edinburgh and constabularie of Hadingtoun, as becum in our said soverane lordis handis be the foirfalture of the said umquhill Williame Maitland; and likwyis the presentatioun direct to the commendatar and convent of the abbay of Melrose, presentand Andro Ker of Fawdounsyid in immediat tennent to thame, of all and haill the toun and landis of Darnik, the Smithis Croft, Maisterquharreis land, Teylehous, the sie maisteris croft and land, Markisley, the pertinentis and pendicles of the samyn, viz, the hauch abone the brig and Lochcreist, with the partis, pendiclis and pertinentis tairof, lyand within the lordship and regalitie of Melrose and sherefdome of Berwik, as becum in our said soverane lordis handis be the foirfaltour off the said umquhill Williame; and likwayis the presentatioun direct to the commendatar and convent of the abbay of Dryburght, presentand Robert Home of Reidheuch in immediat heretable tennent to thame, of all and haill the landis of Snawdoun, with thair pertinentis, lyand within the baillierie of Lawderdaill within the said sherefdome of Berwik, as becum in our said soverane lordis handis be the foirfalture of the said umquhill Williame Maitland. And als the presentatioun direct to Henrie, lord Synclair, superiour of the landis and annuelrentis underwrittin, presentand [...] Synclair, sone to the said lord, at least sum uther persoun speciallie nominat in the said presentatioun, in immediat tennent to the said Lord Synclair of all and haill the landis of Balbegy, gevand be yeir fyve chalderis victuall, the twa mylnis of Ryre, gevand be yeir ane hundreth merkis, and ane annuelrent of ane hundreth merkis, to be upliftit at twa termes in the yeir, Witsounday and Martimes in winter, out of all and haill the said Lord Synclaris coilpot in Dysert, and als of all and haill ane house callit the Heremitage, lyand within the burght of Dysert, all lyand within the baronie of Dysert and Reviniscraig respective and sherefdome of Fyiff, as becum in oure said soverane lordis handis be the foirfalture of the said umquhill Williame Maitland, as in the saidis presentationis respective, with the infeftmentis past thairupoun, at mair lenth is contenit; as his hienes, with avise of the thrie estatis of parliament, decernis, ordinis and declaris the saidis infeftmentis, giftis and presentationis, alsweill of the landis haldin of his hienes as of the uther superiouris respective foirsaidis, and everie ane of thame, with all that followit or may follow thairupoun, to be in all tyme cumming of nane availl, force nor effect and the landis, lordshipis and utheris abonespecifeit to be in his hienes handis and that his hienes may set, rais and use the samyn, mak new presentationis and dispone thairupoun als frelie in all respectis and conditionis as his hienes micht have done befoir the granting of the infeftmentis and presentationis abonespecifeit, disponit and maid be him of befoir, as said is; and ordinis lettres to be direct to mak publicatioun heirof in forme as effeiris. Subscrivit be oure said soverane lord at [...] the [...] day of [...] the yeir of God jM vC fourscoir four yeris befoir thir witneses.
[1584/5/54]*[print] [email] [cite] [preceding] [following]
Oure soverane lord, with advise and consent of the thrie estatis of this present parliament, ratefeis, affermis and apprevis the charter and infeftment underwrittin maid, gevin and grantit to Lord Andreas Keyth of Fossa, knycht, his airis maill underwrittin, in few ferme, of all and syndrie the landis specefeit thairin, mylnis, multuris, fishingis, pairtis, pendiclis and service of frie tennentis and all and syndrie thair pertinentis specifeit thairin, and declaris the samyn to have full force, strenth and effect in jugement and outwith in all tym cuming, of the quhilk the tennour followis:
Jacobus Dei gratia rex Scotorum omnibus probis hominibus totius terre sue clericis et laicis salutem. Sciatis quia cum dilectus noster consanguineus Andreas Keith de Forsa miles seu eques aeratus natus ex antiquissima et nobilissima familia et sanguine dilecti nostri consanguinei Georgii comitis Mariscalli domini de Keyth baronis de Inverugie etc., bonis moribus, prudentia et fortitudine tempore pacis et belli Dei optima ex gratia sibi concessis procul ab amicis et patria positus in peregrinis regionibus presertim in regno Suetie benevolentia et liberalitate fratris et consanguinei nostri serenissimi regis Suetie magnos honores et dignitates sibi conciliavit, et ita nobis ac nostris subditis plurima officia fecit patrie vero sue et familie ex qua descendit et sibi emolumento fuit, nos enim nascendi quidem conditione nostrum subditum dignissim' nostro favore et benevolentia quem peregrinum et alienigenum frater noster rex Suetie liberaliter promovit et multis beneficiis affecit, pro fideli servitio suo nobis et charissime nostre matri prestito, et pro multis aliis benemeritis nobis subditis nostris et regno prestitis et pro politia stabilienda et conservanda infra regnum nostrum secundum leges nostras et parliamentorum statuta de terris ad feudifirmam seu emphiteosim dandis per nos et predicessores nostros latas et promulgatas, igitur dedimus, concessimus et disposuimus ac tenore presentis carte nostre cum consensu et assensu nostri computorum rotulatoris damus, concedimus et disponimus prefato domino Andree Keyth de Forsa militi seu equiti aurato, heredibusque suis masculis subscriptis hereditarie et in feudifirma respective modo sequenti, omnes et singulos nostros castrum et maneriem lie wairdis superioritatem piscariam et alia particulariter inferius nominata, viz totem et integrum nostrum castrum de Dingwell cum domibus edificiis et lie wairdis eiusdem una cum omnibus servitiis, commoditatibus et privilegiis ad sustentationem et reparationem earundem usitatis et consuetis superioritatem ville de Dingwall, cum firmis burgalibus eiusdem, terras dominicales vulgo nuncupatas Kyncardie, terras de Glakkis que est quarta pars prefatarum terrarum dominicalium, omnes et singulas terras de Dalmalook, Inchevandie, Ochterneid, Drumglust, Wester Fairbarne, Cumrie, Artoun, Auchnaclerauch et piscariam super aqua de Connan, cum omnibus commoditatibus, libertatibus servitiis et aliis devoriis prefate piscarie rite et legitime pertinentibus seu pertinere valentibus usitatis et consuetis unacum omnibus et singulis earundem prefatarum terrarum et aliarum subscriptarum molendinis, multuris, silvis, nemoribus, partibus, pendiculis, tenentibus, tenandriis et liberetenentium seruitiis et pertinentiis earundem, omnes in comitatu nostro de Ross et infra vicecomitatum de Inverness jacentes. Tenendum et habendum totum et integrum prefatum nostrum castrum de Dingwall cum domibus edificiis et lie wardis eiusdem una cum omnibus servitiis commoditatibus et privilegiis ad sustentationem et reparationem earundem usitatis et consuetis superioritatem prefate ville de Dingwall unacum firmis burgalibus eiusdem, terras dominicales vulgariter nuncupatas Kynnairdy, dictas terras de Clakkis que est quarta pars prefatarum terrarum dominicalium lie manis predictas cum omnibus et singulis earundem partibus, particulis, molendinis, multuris, tenentibus tenandriis et liberetenentium servitiis, silvis nemoribus et aliis suis pertinentiis predictis prefato domino Andree Keyth et heredibus suis masculis de corpore suo legitime procreatis seu procreandis, quibus deficientibus legitimis et propinquioribus heredibus suis masculis quibuscunque cognomen de Keyth et arma principalis domus et messuagii prefati comitatus de Mershell vulgo vocate Dunnotter gerentibus de nobis et successoribus nostris in feodo et hereditate ac libera albafirma, in perpetuum. Ac etiam omnes et singulas prefatas terras de Dalmalook, Inchevandie, Auchterneid, Drumglust, Wester Fairbarne, Cumrie, Artoun, Auchnacleurauch et piscariam super aqua de Connan predictam, cum omnibus et singulis libertatibus, commoditatibus, servitiis et aliis devoriis rite et legitime prefate piscarie pertinentibus seu juste spectare valentibus usitatis et consuetis unacum omnibus et singulis prefatarum terrarum et aliorum subscriptorum molendinis, multuris silvis, nemoribus, tenentibus, tenandriis et aliis suprascriptis prefato domino Andree Keyth et heredibus suis masculis suprascriptis cognomen de Keyth et arma prefate domus seu messuagii de Dunnotter ut premittitur gerentibus de nobis et successoribus nostris in hereditate feudifirma et in libero dominio et baronia imperpetuum per omnes rectas metas suas antiquas et divisas, prout castrum cum domibus, wardis ac prenominate terre ac terre et piscaria antedicte cum earundem molendinis, silvis, nemoribus et aliis particulariter prescriptis jacent in longitudine et latitudine, in domibus, edificiis, boscis, planis, moris, marresiis, viis, semitis, aquis, stagnis, riuulis, pratis, bondis, campis, pascuis, pasturis, lesuris, molendinis, multuris et eorum sequelis, aucupationibus, venationibus, piscationibus, petariis, turbariis, carbonibus, carbonariis, columbis columbariis cuniculis cuniculariis, fabrilibus, brasinis, brueriis et genestis, silvis, nemoribis et virgultis, lignis, tignis, lapicidiis, lapide et calce cum curiis, querelis, hereyeldis, bludewittis et mulierum merchetis, amerchiamentis, escaetis prefatarum curiarum, cum lie fork, foss, sok, sak, thole, thame, wraik, wair et waith, infangtheif, outfangtheif, pit et gallous, cum communi pastura libero introitu et exitu, ac cum omnibus et singulis aliis libertatibus, commoditatibus, proficuis et asiamentis ac justis suis pertinentiis quibuscunque, tam non nominatis quam nominatis, tam subtus terra quam supra terram, procul et prope, ad predictum castrum, terras, piscariam et alia particulariter suprascripta, cum universis suis pertinentiis spectantibus seu juste spectare valentibus quomodolibet in futurum libere, quiete, plenarie, integre, honorifice, bene et in pace, absque revocatione, contradictione, impedimento aut obstaculo aliquali. Reddendo annuatim prefatus dominus Andreas Keyth de Forssa miles aut eques auratus [et heredes sui mas]† culi suprascripti nobis et successoribus nostris pro prefato castro de Dingwall domibus [edifciis et lie]† wardis eiusdem servitiis commoditatibus et privilegiis ad sustentationem et reparationem [earundem usi]†tatis et consuetis superioritate dicte ville de Dingwall firmis burgalibus eiusdem cum dictis [terris]† dominicalibus vulgo lie manis de Kynnairdie, dictis terris de Clakkis cum tenentibus tenandriis et liberetenentium servitiis et aliis earundem prescriptis, unum denarium argenti usualis monete regni nostri apud prefatum castrum nostrum de Dingwall in festo penthecostes nomine albe firme si petatur tantum, ac etiam soluendo annuatim dictus dominus Andreas Keith heredes sui masculi suprascripti nobis et successoribus nostris nostrisque computorum rotulatoribus camerariis et factoribus pro tempore existentibus pro prefatis terris de Dalmalook summam sex librarum tredecim solidorum et quatuor denariorum monete et pro argento bondagio sexdecim solidos septem gallinas fumosas vulgo reik hennis, pro prefatis terris de Inchevandie quatuor libras monete et pro argento bondagio octo solidos tres gallinas fumosas, pro prefatis terris de Ochterneid sex libras tredecim solidos quatuor denarios quatuor muttones pro argento bondagio sexdecim solidos et novem gallinas predictas, pro prefatis terris de Drumglust sex libras octodecim solidos et octo denarios monete unam celdram duas bollas hordei, unam celdram duas bollas auenarum sex lie mairtis sex muttones pro argento bondagio viginti quatuor solidos et tredecim gallinas predictas, pro prefatis terris de Wester Fairbarne quatuor libras decem solidos monete pro bondagiis octo solidos monete et unam gallinam fumosam predictam, pro prefatis terris de Cumrie quinquaginta tres solidos quatuor denarios monete pro bondagiis octo solidos unam gallinam predictam, pro prefatis terris de Artoun quatuor libras quatuor solidos et quatuor denarios monete duodecim bollas hordei, duodecim bollas farine auenatice, sex bollas avenarum duos lie mairtis duos muttones pro argento bondagio octo solidos octo gallinas predictas duo onera abietum, sexaginta lie girth stingis sexaginta onera glebarum seu cespitum vulgo fewalle, adeo sufficientes sicuti terre de Ardmannoch centum tractus de lie fewall predicta, pro prefatis terris de Auchnaclerauch quinquaginta tres solidos quatuor denarios unam gallinam predictam, et pro bondagiis quatuor solidos, et pro prefata piscaria super aqua de Connan cum libertatibus, privilegiis, commoditatibus, seruitiis et devoriis eiusdem predictis summam centum triginta trium librarum sex solidorum et octo denariorum monete predicte tanquam pro firmis feudifirmariis devoriis et debitis seruitiis pro prefatis terris piscatione et aliis suprascriptis cum suis pertinentiis in nostro rentali contentis annuatim solui debitis et consuetis in terminis solutionis eiusdem usitatis et consuetis una cum summa decem solidorum monete predicte in augmentationem nostri rentalis eiusdem ac etiam heredes masculi dicti domini Andree predicti duplicando dictas feudifirmas et devorias antedictas prefatarum terrarum, piscarie et aliorum suprascriptorum eis in feudifirma ut predicitur concessorum et locatorum primo anno eorum introitus ad easdem prout usus est feudifirme tantum nos pro bonis causis prescriptis volentes ipsum dominum Andream Keyth de Forssa militem aut equitem auratum talibus dignitatibus et honoribus promoveri quibus ipsum dignum judicavimus, ereximus, creavimus, univimus, anneximus et incorporavimus, prout tenore presentis carte unimus erigimus creamus, annectimus et incorporamus, omnes et singulas prefatas castrum, terras, superioritatem, firmas burgales, piscariam et alia particulariter suprascripta cum earundem partibus, pendiculis, molendinis, silvis, tenentibus, tenandriis, liberetenentium servitiis earundem quibuscunque predictis in unum liberum dominium et baroniam dominium de Dingwall omni tempore futuro nuncupandam decernendo et ordinando dictum dominum Andrea Keyth et heredes suos masculos in dicto infeofamento specificatos dominos et barones de Dingwell omni tempore affuturo nuncupandos et intitulandos qui honorem dignitatem locum et preeminentiam unius domini nostri parliamenti in omnibus nostris parliamentis congregationibus et aliis conventionibus cum singulis eisdem congruentibus habebunt et possidebunt, ipsisque concedendo integros honores, dignitates et preeminentias que de jure vel consuetudine ad dominum parliamenti dinoscuntur pertinere absque prejudicio nihilominus devoriarum in hoc nostro presenti infeofamento contentarum nobis debitarum ordinando et constituendo dictum castrum de Dingwall principale messuagium dicti dominii, ac pro caussis predictis volumus et concedimus ac pro nobis et successoribus nostris volumus et ordinamus quod unita sasina apud prefatum castrum de Dingwall eiusque heredes eiusdem nunc et tempore affuturo capienda stabit extendebit et sufficiens erit sasina pro omnibus et singulis prenominatis castro wairdis superioritate firmis burgalibus terris piscaria et omnibus earundem pendiculis et pertinentis, silvis, nemoribus, tenentibus, tenandriis et liberetenentium seruitiis earundem et aliis particulariter supraspecificatis nunc in dominum et baroniam de Dingwall ut predicitur creatis et incorporatis, non obstante quod prefate terre et alia supraspecificata insimul contigue non iacent, penes que tenore presentis carte nostre dispensamus imperpetuum. In cuius rei testimonium huic presenti carte nostre magnum sigillum nostrum apponi precepimus, testibus predilecto nostro consanguineo Colino ergadie Comite, domino Campbell et Lorne etc., cancellario et justiciario nostro generali, reverendissimis ac venerabilibus in christo patribus Patricio Sanctiandree Archiepiscopo, Roberto commendatario monasterii nostri de Dumfermling nostro secretario, Waltoro commendatario prioratus nostri de Blantyir nostri secreti sigilli custode, dilectis nostris familiaribus et consiliariis Alexandro Hay de Eister Kennett nostrorum rotulorum registri ac consilii clerico, Ludovico Ballenden' de Auchnoull milite nostre justiciarie clerico, et Roberto Scott nostre cancellarie directore, apud Halieruidhous decimo octauo die mensis Martii anno Domini millesimo quingentesimo octuagesimo tertio et regni nostri decimo septimo.
[1584/5/55]*[print] [email] [cite] [preceding] [following]
Anent the supplicatioun gevin in be Williame, commendatar of Pettinweme, capitane of his hienes gairdis, for him selff and in nam of capitanis, utheris officiaris, gentlemen and suldeartis quha servit under the regiment and charge in the weris of the Nether Landis, to our soverane lord and lordis of his hienes parliament, makand mentioun that quhair, be our soverane lordis regentis and counsell for the tyme, it being permittit and licentiat to assist the Prince of Orange and estatis of the saidis Netherlandis in thair weiris, the said colonell, with his saidis capitanis and utheris abonewrittin, willing to advance thair caus efter thair power, past to that effect out of his cuntrie to the saidis landis quhair they, for the maist pairt, having servit be the space of ten or twelff yeiris, hes induring the said space omittit na devoris to the advancement of the said caus, proffitt of the saidis landis and contentment of the saidis estatis, as the inhabitantis thairof and estatis pastport gevin to the said colonell will testifie; and trew it is that he doubtis not it is not unknawin, pairtlie to our said soverane lord and lordis foirsaidis, during the said space thair personis hes not bene onlie subject to the hasert of the weris aganis thair inimeis, but likwayis to the intolerable extremitie of povertie and hunger in defalt of thair wageis acquirit and dew unto thame, quhairthrow the skaith sustenit be thame in tynsell of thair awin bluidis, slauchter of thair freindis, with utheris violenceis be thair saidis inimeis, may not be comparit to that quhilk hes followit of thair intolerable povertie proceding of the causis foirsaidis, throw the quhilkis, beside the great numer miserablie dead thairin, without ony moyoun of support, they have bene forceit to employ thair credite at syndrie merchandis and utheris, thair freindis handis, for diversis great sowmis of money to releif thair necessitie, for the quhilk thei ar daylie molestit and cravit, as in likemaner be the wedowis, bairnis and kinismen of syndrie thair freindis and suldeouris for the debt awand to thame for thair service maid to the saidis estatis under thair charge, quhilk they (albeit not ignorant that without help the same will tend to thair wrak) on na wayis ar hable to support nor put remede unto be reasoun of non ressait thairof, nor yit hable to assist thame with ony pairt of the samyn in respect of the great debt awand to the said colonell and his said regiment, quhilk will extend to the sowme of nyne hundreth and thriescoir thowsand merkis Scottis or thairby as thair obligationis and decompt respective maid be thair commissaris deput be thame to that effect particularlie thairupoun will testifie; quhairfoir, in consideratioun of the premisis and that the said colonell this lang tyme bygane in his regiment, alsweill be thame selffis as utheris in thair namis, hes solistit and desirit pament of thair said debt dewlie acquirit be thame be thair and thair freindis bluidis, as likwyis be spending sa lang tyme of thair best yeiris and hes, nor can obtene na contentment, as yit requeisting thairfoir, maist humblie, oure said soverane lord and lordis forsaidis to deput and direct ane comissionair to the saidis estatis, desiring thame to mak the said colonell and his regiment pament of the said debt restand awand as said is, or at the least of ane pairt thairof for releif of thair saidis creditouris, help of the puir wedowis, fatherles bairnis and utheris of the natioun lamit, maid impotent and crippill in thair saidis weiris; and likwyis to gif to thame sufficient assignatioun for pament of the rest at reassounable termis, conforme to thair oblismentis and contract respective maid with the said colonell thairupoun, or ellis that the kingis majestie and lordis foirsaidis will tak sic ordour thairintill that they may be satisfeit and ane numer of his grace trew and faithfull subjectis preservit from utter ruing and perditioun, quhilk they, without his majestie and lordis favorable aid and assistance in the premisis, can not escape, as at mair lenth is contenit in the said supplicatioun. Quhilk being first sene and considerit be the kingis majestie and lordis of his articles foirsaidis, and thairefter be the lordis estatis in parliament, and they thairwith being ryplie advisit, the kingis majestie, with avise of the thrie estatis of parliament, ordinis ane commissioun to be gevin to sic honorable persoun or personis as the kingis majestie, with advise of the lordis of secrete counsell, sall direct according to the instructionis and forme of comissioun that salbe gevin, quhairin it salbe alwayis eschewit that the king be his intercessioun for the debtis contenit in this supplicatioun in favouris of his subjectis sall not afferme that the capitanis and sulderis serving the estaitis wer send be his commandement or allowance.
[1584/5/56]*[print] [email] [cite] [preceding] [following]
†The quhilk day oure soverane lord and his thre estaittis continewis [...]ment, with all actionis and causis dependand thairintill or to be [...] same in the same force and effect as it is now, but prejudice of party [...] the thrid day of August nixtocum and then the same to have proces as accordis.