[1581/10/100]*[print] [email] [cite] [preceding] [following]
†Oure soverane lord, with avise and consent of the thrie estatis of this present parliament, ratefeis, apprevis and confermis the heretable infeftment and chartour maid to Alexander Home of Manderstoun and his airis of all and haill the landis of Quhitsum, with the pertinentis, as becum in our said soverane lordis handis be reasoun of foirfalture led and deduceit aganis umquhile James, sumtyme erll Bothuell, and siclike the presentatioun grantit be our said soverane lord to the said Alexander of all and haill the landis and baronie of Auldhamestokis, with thair pertinentis, haldin of Frances, now Erll Bothuell, be foirfalture of the said umquhile erll, togidder also with the said erllis infeftment of the saidis landis past upoun the said presentatioun, and all utheris rychtis and titillis of the samyn in all pointis, pas, clausis and articles specefeit thairintill efter the forme and tennour thairof, expreslie declaring be thir presentis that the samyn is not, nor salbe, ony wayis comprehendit under our soverane lordis revocatioun presentlie maid at this present parliament, bot that the samyn is, and salbe, exceptit, likas our said soverane lord, with avise foirsaid, be the tennour heirof, exceptis the samyn furth of the said revocatioun and also decernis this present declaraoun and exceptioun is, and salbe, of als greit force and availl as gif the samyn had bene contenit and insert thairin, and siclike declaris the foirsaidis infeftmentis, presentatioun, rychtis and titillis maid, gevin and grantit to the said Alexander in maner abonewrittin to have full strenth, force and effect in all tyme cumming, to the effect that he and his airis may peceablie bruik, joise and use the saidis landis and utheris foirsaidis, conforme to his former titillis thairof, with lettres of publicatioun to pas heirupoun in forme as effeiris.