[1581/10/78]*[print] [email] [cite] [preceding] [following]
Oure soverane lord, with avise of the estatis of this present parliament, hes ratefeit, apprevit and confermit and, be the tennour of the said act, ratefeis, apprevis and confermis the charter and infeftment grantit be his hienes darrest mother under his great seall, makand, constituand and confirmand the toun of Portsoy in frie burgh in baronie, off the quhilk chartour the tennour followis:
Maria, Dei gratia, regina Scotorum omnibus probis hominibus totius terre sue clericis et laicis salutem. Sciatis quia cum avisiamento et consensu charissimi nostri consanguinei et tutoris Jacobi ducis de Chattillarault Aranie comitis domini Hammiltoun regni nostri protectoris et gubernatoris pro poletia et edificatione habenda in villa de Portsoy pertinente hereditarie Waltero Ogilvy de Boyne militi jacente prope mare infra vicecomitatum nostrum de Banff, ob receptationem et hospitationem liegiorum nostrorum ad dictam villam sive per mare sive per terram venientium ac pro communi utilitate decore et poletia regni nostri, nec non pro bono fideli et gratuito servicio nobis per dictum Walterum impenso, fecimus, ereximus et creavimus ac facimus erigimus et creamus dictam villam de Portsoy cum pertinentiis jacentem in thanatu de Boyne infra vicecomitatum nostrum predictum in liberum burgum et baroniam imperpetuum cum libera et plenaria potestate facultate et licencia inhabitantibus dicti burgi presentibus et futuris in eodem vina ceram et pannum laneum et lineum latum et arctum et alia omnia et singula genera marcantiarum emendi et vendendi, pistores brasiatores lanios piscium macellarios et alios omnes artifices necessarios ad liberum burgum et baroniam pertinentes tenendi et habendi, ac etiam concessimus quod in dicto burgo sint liberi burgenses qui omni tempore affuturo plenariam habeant potestatem annuatim ballivos dicti burgi et alios omnes officiarios necessarios pro gubernatione eiusdem eligendi, cum potestate insuper burgensibus et inhabitantibus dicti burgi in eodem perpetuo crucem foralem et forum singulis hebdomadibus die marcurii, cum liberis nundinis annuatim die Sancti Michaelis Archangeli et per octavas eiusdem habendi et tenendi ac tolloneos custumas et devorias omnes pertinentes seu quovismodo que dinoscentur liberis nundinis pertinere recipiendi intromittendi ac super eisdem disponendi, nec non libertatibus omnibus facultatibus et prevelegiis pertinentibus seu quovismodo de jure et regni consuetudine libero burgo et baronie pertinere valentibus imperpetuum utendi fruendique; tenendam et habendam dictam villam de Portsoy cum suis pertinentiis dicto Waltero Ogilvy de Boyne militi heredibus suis et assignatis ac ballivis burgensibus et inhabitantibus dicti burgi de nobis et successoribus nostris in liberum burgum et baroniam cum omnibus et singulis privilegiis libertatibus et concessionibus antedictis imperpetuum libere quiete plenarie integre honorifice bene et in pace. In cuius rei testimonium huic presenti carte nostre magnum sigillum nostrum apponi precipimus. Testibus reverendissimo in Christo patre Johanne archiepiscopo Sancti Andree thesaurario nostro, dilectis nostris consanguineis Archibaldo comite Ergadie domino Campbell et Lorne etc. Willielmo domino Ruthuen nostri secreti sigilli dilectis nostris familiaribus Magistris Thoma Marjoribankis de Ratho nostrorum rotulorum registri ac conslii nostri clerico Joanne Bellenden de Auchnoull nostre justiciarie clerico et Alexandro Levingstoun de Donypace nostre cancellarie directore. Apud Edinburgh decimo quinto die mensis Novembris anno Domini millesimo quingentesimo quinquagesimo et regni nostri octavo.