[A1578/3/14]*[print] [email] [cite] [preceding] [following]
[...] the voluntary dimissioun of James, erll of Mortoun, lord of Dalkeyth, [...] oure soverane lord, his realme and liegis, of the power and authoritie of the regiment of this realme tobe usit and exerceit be his majesteis self in tyme cuming; his hienes, with avise of his nobilitie and estaittis, hes exonerit, quitclamit and dischargeit him of his office and administratioun of the regiment of this realme sen his acceptatioun thairof, and of all sowmes of money, cunyeit and uncunyeit, all maillis, fermis, proffeitis, rentis, revenues, dewiteis, bayth of propir patrimony and casualitie of this realme and dominionis, and of his majesteis cunye and proffeit thairof, the thridis of benefices and all utheris gudis, geir and thingis quhatsumevir, alsweill unnemyt as nemmyt, pertening or that ony wayis mycht have pertenit to his hienes sen the said erllis intromissione with the said office of regiment intromettit with be him, his ministeris, factouris or servitouris in his name, during the said space, except alwayis his majesteis jowellis and plenissingis of his hienes housis and clething, artaillierie and munitioun pertening to his hienes or his dearest moder intromettit with and recoverit be the said erll, quhilkis his majestie declarit sould not be comprehendit in the said discharge, bot the said erll to stand answerabill to his hienes for the same as he sould be requirit as in his majesteis exoneratioun and discharge at mair lenth is contenit. And now, the said erll being reddy and willing at his hienes command and requisitioun to deliver to his majestie or utheris havand his hienes power the said castell of Edinburgh, with all jowellis, plenissingis of his hienes housis and clething, artaillierie and munitioun pertening to his majestie or his dearest moder, intromettit with be him according to ane inventure maid betuix the said erll on the ane part and Williame, lord Ruthvene, thesaurare of Scotland, and Patrik, lord Lindesay of the Byris, his hienes commissionaris specialie constitute to this effect, on the uther part, subscrivit with thair handis and ordanit interchangeable to be deliverit, the ane to the said erll to be kepit be him for his securitie, and the uther to his majesteis clerk of register to be kepit in his hienes register to his behuif. Thairfoir his majestie, with avise of the saidis nobilitie and estaittis hes exonerit, quitclamit and dischargeit the said erll, his airis, executouris, successouris and assignayis of the said castell of Edinburgh and of all and sindry the saidis jowellis, plenissingis of his majesteis housis and clething, artaillierie and munitioun, alsweill pertening to his hienes as his said dearest moder, intromettit with and recoverit be the said erll, to be contenit in the said inventure as said is and realie and with effect deliverit to his hienes or utheris havand his power to ressave the same as said is; and the said delivery being maid, now as than and than as now, hes grantit and declarit the effect of the said exceptioun contenit in the said exoneratioun and discharge fulfillit, satisfiit and performit be the said erll of samekill as is contenit in the said inventure. And further, his hienes, with avise of his nobilitie and counsale, be this present ordinance, bindis and obleisis him self and his successouris to freith, releif and keip skaythles the said Erll of Mortoun, his airis, executouris and successouris of all and quhatsumevir contenit in the said exoneratioun and discharge at the handis of quhatsumevir persoun or personis havand or that sall pretend rycht, clame or interes thairto, promitting in the fayth and word of a prince, be avise of the saidis nobilitie and estaittis, nevir to revoke the said discharge and obligatioun nor to cum in the contrair thairof in ony tyme heireftir. Quhilk exoneratioun, discharge and promeis, togidder with the commissioun grantit and gevin to the saidis commissionaris, conjunctlie and severalie, for ressait of the said castell, jowellis, plenissingis, artaillierie and munitioun, the kingis majestie, with avise of the saidis nobilitie and estaittis now convenit, ordanis tobe dewlie ratifiit and apprevit in his hienes nixt parliament, tobe haldin betuix the dait heirof and the twenty day of Julii nixtocum, as alsua to be ratifiit of new in his majesteis first parliament at his lauchfull and perfyte aige. And ordanis and commandis the chancellare or his deputtis keparis of the greit seill, to append his hienes greit seill to the said exoneratioun, discharge, promeis and commissioun now subscrivit with his majesteis hand, notwithstanding that the same is not past his hienes signet and prevy seill, for quhilk this present act and ordinance subscrivit be the clerk of his counsale salbe to the said lord chancellare and his deputtis full and sufficient warrand.†