[1571/8/12]* [print] [email] [cite] [preceding] [following]
†Item, oure soverane lord, be avise and consent of his said regent and [...] fundin and declarit that Patrik, lord Lindesay of the Byris hes deliv[...] [...] haill money ressavit and intromettit with be him, quhilk wes send fra France be Johnne Cheisholme to the commoune effairis of this re[...] [...] thairfoir dischargeis the said lord, his airis and executoris of the samyn, for evir [...] present act.
[1571/8/13]*[print] [email] [cite] [preceding] [following]
[...]†
Item, forsamekle as it is perfytelie understand to my lord regentis grace and thre estatis that the quenis majestie of England, having the Erle of Northumberland and diverse utheris, hir rebellis, resset within this realme, incontrair the treateis of peace past betuix the twa realmes, be sic personis as war than inobedient to oure soverane lordis auctoritie and now oppin and manifest conspiratouris aganis the samyn, quhairof ane part ar now forfaltit and declarit tratouris; and seing hir grace culd haif na deliverance of hir saidis rebellis nor justice conforme to the said treateis of peax, and oure soverane lord than, eftir the horrible and shamefull slauchter of umquhile James, erle of Murray, lait regent to his hienes, this his realme and liegis being destitute of tutour or regent culd, nor mycht not, put ordour to the saidis inobedient subjectis of this realme, ressettaris and fortefearis of the saidis Inglis rebellis as said is, in the moneth of Maii, the yeir of God jM vC and lxx yeiris send hir army under the charge and conduct of Sir Williame Drewry, knycht, marschell of Berwik within this realme, to concur and assist the nobilitie and utheris, oure soverane lordis trew and faythfull subjectis thairof, in persewing of the saidis inobedient subjectis of this realme, ressettaris and fortefearis alsua of the saidis Inglishe rebellis, for conservatioune and mantening of the gude peax and amitie betuix the twa realmes; thairfoir oure soverane lord, with avise and consent of the thre estaittis and haill body of this present parliament, hes fundin and declarit that umquhile my lord Levenax, last regent, my lordis the Erle of Mar, now regent, Mortoune, Glencarne [...]† and all noblemen and utheris [...] soverane lordis trew and faythfull subjectis of this realme, alswele to burgh as land, quhilkis adjonit and accump[...] army did gude, trew and thankfull service to oure soverane [...] this his hienes realme, and that the birningis, casting [...] of the castell palice and toun of Hamilton, Kynneill, Law[...] hauch [...]†and utheris slauchteris, mutulationis, hurting or wounding [...] sakking, spoliatioune or destructioune of ony guidis, geir or [...] in the saidis castellis, palice, tounis or places or upoun ony [...] rowmes thairabout be the said army, noble men and utheris, being in cumpany, pertening to quhatsumevir personis; as alsua pledgeis laid and enterit in England be the nobilitie of this [...] befoir the incuming of the said army was [...] in all tymes cuming salbe acknawlegeit, comptit and estemit gude, lauchfull and proffitable service for the kingis majestie, oure soverane lord, and for the commoune weill and quietting of this realme and liegis thairof; decernand and declarand that the noble men abonewryttin and utheris quhatsumevir being in thair cumpany for the tyme, in doing of the premisses and utheris thingis quhatsumevir for furth setting of the kingis auctoritie and resisting and repressing of his inobedient subjectis at the tyme abonewryttin, or at ony tymes of befoir or sensyne, and all thing that hes followit or salhappin to follow or depend thairupoune, sall incur na danger nor skayth in thair personis, landis or guidis nor sall not be callit nor accusit thairfoir, criminalie nor civilie, be ony maner of way in tymes cuming, dischargeing be this present act.
[1571/8/14]*[print] [email] [cite] [preceding] [following]
[...]†
Item, forsamekle as it is cleirlie understand to my lord regentis grace, thre estatis and haill body of this present parliament that James, erle of Mortoune, lord of Dalkeith etc., chancellar and gret admarall of Scotland, accumpaniit with oure soverane lordis men of weir and utheris, his hienes faythfull and trew subjectis, wes ordanit and commandit be my lord regentis grace to remane at his aune place and toune of Dalkeith for keiping and saving of oure soverane lordis trew and faythfull subjectis and cuntre thairabout fra invasioune and incursionis of certane rebellis, conspiratouris and declarit tratouris, convenit with forces within the castell and burgh of Edinburgh; and that the saidis conspiratouris, rebellis and declarit tratouris and utheris, upoune the secund day of Junii or thairby lastbipast, ishit furth of the said castell and burgh of Edinburgh and come to the Schirrefhall Mure neir unto the said place and toune of Dalkeith, for invasioune of the saidis erle, men of weir and uther [...] for thair slauchter and destructioune; like as thai had cumin to the said toun [...] foirsaid gif thai hed nocht bene resistit be the said erle and men of weir [...] him for the tyme; and siclike that the saidis conspiratouris, rebellis and dec[...] [...]paniit with ane greit nowmer of men of weir and utheris to the nowmer of [...] personis or thairby, with displayit baneris and cartit artaillierie upoune the [...] samyn moneth of Junii ishit furth of the said castell and toun [...] gait to the said Erle of Mortoune, Patrik, lord Lindesay of the Byris, [...] soverane lordis trew and faythfull subjectis quhilkis war to depart fu[...] [...] toune of Dalkeith, and betuix the abbay and leith maist cruellie [...] and persewit thame for thair slauchteris, tending be overthrawing [...] thame at that tyme gif it hed lyne in thair power mair easilie to haif [...] tressonable interpryse aganis oure soverane lord and his auctoritie, to haif, bere [...] his croune royall and auctoritie; thairfoir oure soverane lord, with avise and consent [...] said regent, thre estaittis and haill body of this present parliament, hes decernit [...] declarit and, be thir presentis, decernis and declaris that the saidis Erle of Mortoune and Lord Lindesay did gude, trew and maist thankfull service to the kingis majestie for the commoune weill of this realme at the tymes and places respective foirsaidis, and all utheris tymes sen the [...] day of [...] last bi-past, alswele in resisting as persewing of the saidis conspiratouris, rebellis and declarit tratouris foirsaidis, or ony being in thair cumpany for the tyme; and that all slauchteris, mutulationis, hurting, wounding, taking of presonaris, horsis, guidis, money or utheris quhatsumevir committit, done and takin be the saidis erle, lord, men of weir and utheris quhatsumevir, thair partakaris, at the tymes respective foirsaidis, and all that followit or sall follow thairupoune wes gude and lauchfull in all thingis and done be oure soverane lordis auctoritie and in defence of his majestie, his croune royall and trew subjectis; and that, thairfoir, the saidis Erle of Mortoune and Lord Lindesay, the men of weir foirsaidis, nor na utheris, oure soverane lordis liegis being with thame in cumpany, sall on nawise be callit nor accusit thairfoir, criminalie nor civilie, be ony maner of way in tyme cuming.
[1571/8/15]*[print] [email] [cite] [preceding] [following]
†Item, anent the article proponit to my lord regentis grace, the thre estaittis and haill body of this present parliament be Johnne Cunnynghame of Drumquhassill, Matho Dowglas of Manys, Capitanis Thomas Crawfurd of Jordanhill, David Hume, Andro Simpill, for thame selffis and remanent oure soverane lordis liegis, takaris of the castell of Dumbartane upoune the secund day of Aprile last bipast at command of umquhile my lord regentis grace, guidsir to oure soverane lord, the matter being ressavit and deliberatlie avisit upoune, it is fund and declarit be my said lord regentis grace and thre estaitis foirsaidis, that the purpoise and interpryse inventit and takin in hand for wynning and recovering of the said house and castell furth of the handis of Johnne, sumtym lord Fleming, declarit tratour aganis oure soverane lord and his auctoritie, and the said lordis servandis, assistaris and partakaris; as alsua the act of executioune of the wynning and recovery of the said castell, the slauchter, mutulatioune or hurting of ony personis, and the [...] and destructioune of ony guidis and geir being within the said [...], wes, is and in all tyme cuming salbe acknawlegeit and tho[...] gude and proffitable service for the kingis majestie, oure soveran[...], the commoune weill and commoditie of his realme and subjectis [...]; and declarand that the personis abonewryttin and remanent our [...] liegis assistand with thame in the wynning and recovery of [...] for the causis abonewryttin, or ony uther thing following [...] thairupoune, sall incur na skayth or danger in thair personis, [...] guidis, nor sall not be callit nor accusit for the samin, criminalie [...] civilie, be ony maner of way in tyme cuming; dischargeing [...] this present act all jugeis and ministeris of lawis quhatsumevir [...] this realme, present and tocum, of all calling, accusing or in ony wise proceding aganis the personis abonewryttin and utheris, oure soverane lordis liegis assistand thame in the caus, actioune and fact abonewryttin, thair airis and executouris for that deid or thing depending thairupoune, and of thair offices in that part for evir.