Procedure: letters of demission from Mary queen of Scots
A[...] [...]nent the dimissioun of the [...]rowne in favouris of our soverane lor[...] and his ma[...]steis coronat[...]un

Item, it is fundin [...]d declarit be the thrie estatis and haill body of this present [...]liament that the dimissioun and over geving of the crowne and regiment of this realme maid be the quenis grace, our soverane lordis derrest mother, be vertew of hir letteris of commissioun and procuratioun subscrivit with hir hand and under hir previe seill, of the dait the xxiiij day of Julii last bypast, was and is, and in all tymes coming, salbe haldin, repute and estemit lauchfull and perfyte according to the samin comm[...] producit, avysit and admittit be the saidis thre estatis; and als that the coronatioun and inauguratioun of our said soverane lord, sone to his said derrest mother and native prince of this realme, maid and solemnizat conforme to the said commissioun at Striviling, the xxix day of the said moneth of Julii, be the erlis, lordis, prelatis, commissaris of burrowis, barronis and utheris faithfull and trew subiectis, assemblit and convenit for that effect, was dewlie, [...] and ordourlie done and execute, and als lauchfull [...] self in all respectis, and his majestie als [...] investit and possessit in this kingdome as his [...], or ony uther [...] his maist [...] realme wer and [...] (the tyme of [...] of this [...] presence of [..] assemblit in parliament, and maid the said dimissioune, notwithstanding ony maner of tytill, actioun or enteres, or ony uther thing that presentlie may or can heirefter be objectit in the contrare; and als ratifyis, apprevis and confirmis the said dimissioun, coronatioun and inauguratioun of our said soverane lord and all thingis done, or that heirefter sall happin to be done, in his hienes name and authoritie, of the quhilkis letters of dimissioun and constitutioun of procuratioun the tennouris followis:

Marie, be the grace of God, quene of Scottis, to all and sindrie our jugeis and ministeris of law, liegis and subdittis quhome it effeiris, to quhais knawlege thir our letters sall cum, greting. Forsamekle as be lang, irksum and tedious travell takin be us in the governament of this our realme and liegis thairof, we ar sa vexit and weryit that our body, spirite and sencis ar altogidder becum unhabill langer to travell in that rowme, and thairfore we have dimittit and renuncit the office of governement of this our realme and liegis thairof in favouris of our onlie maist deir sone, native prince of this our realme. And because of his tender youth and inhabilitie to use the said governement in his awin persoun during his minoritie, we have constitute our derrest brother James, erle of Murray, lord Abirnethie etc., regent to our said sone, realme and liegis foirsaidis. And in respect that our said derrest brother is actuallie furth of our realme and can not instantlie be present to accept the said office of regentrie upon him and use and exerce the samin during our saidis derresst sonis minoritie, we, quhill his returning within our realme, or in cais of his deceis, have maid, constitute, namit, appointit and ordanit and, be thir our letteris, makis, constitutis, namis, appointis and ordanis our traist cousingis and counsalouris James, duke of Chattellerault, erle of Arrane, lord Hammiltoun, Matho, erle of Levinax, lord Dernley etc., Archibald, erle of Argyle, lord Campbell and Lorne etc., Johne, erle of Athole, James, erle of Mortoun, Alexander, erle of Glencarne and Johne, erle of M[...], regentis to our said derrest sone, realme and li[...]. And in cais our said brother James, erle of Murray [...]n our realme and refusis to accept the said office of regentrie upon his singulare persoune, we mak, constitute, name, appoint and ordeine our traist cousingis and counsallouris foirsaidis, and our said brother, regentis of our said derrest sone, realme and liegis, gevand, grantand and committand to thame, or ony fyve of thame conjunctlie, full powar for our said sone, and in his name to ressave resignatiounis of landis, mak dispositiounis of wairdis, nonentressis, relevis, mariageis, benefices, eshetis, offices and utheris casualiteis and privilegeis quhatsumever, and with als greit libertie as ony regent or governour to us or our predecessouris usit the samin in ony tymes bygane, promittand to hald firme and stabill in the word and faith of ane prince to quhatsumever thingis our saidis traist cousingis dois in the premissis; chargeing, heirfore, yow, all and sindrie our jugeis and ministeris of law, liegis and subjectis foirsaidis, to answer and obey to our saidis traist cousingis, regentis fairsaidis, in all and sindrie thingis concerning the said office of regentrie during our said derrest sonis minoritie, and ay and quhil he be of the age of sevintene yeiris compleit, as ye, and ilk ane of yow, will declair, yow luifing subjectis to our said maist deir sone, your native prince, and under all paine, charge and offence that ye, and ilk ane of you, may commit and inrin aganis his majestie in that pairt. Subscrivit with our hand and gevin under our previe seill at Lochlevin the xxiiij day of Julii and of our regne the twentie fyve yeir.

Marie, be the grace of God, quene of Scottis, to all and sindrie our jugeis and ministeris of law, liegis and subdittis quhome it effeiris, to quhais knawlege thir our letteris sal [...], greting. Forsamekle as sen our arrivall and returning within our realme, we, willing the [...] commoditie, welth, profeit and quyetnes [...]is and subdittis of the samin, have employit our body, spirite, haill sencis and forcis to governe the same in sic sort that our royall and honourabill estait mycht stand and continew with us and our posterite, and our luifing and kynd liegis mycht enjoy the quietnes of trew subjectis. In traveling quhairin, not onlie is our body, spirite and sencis sa vexit, brokin and unquyetit that langer we ar not of habilitie be ony meane to indure sa greit and intollerabill panis and travellis, quhairwith we ar altogidder veryit, bot als greit commotiounis and troublis be sindrie occasiounis in the meintyme hes ensewit thairin, to our greit greif; and seing it hes bene the plesour of the eternall God, of his kyndlie lufe, mercie and gudnes, to grant unto us, of our awin persoun, ane sone, quha, in cais be the hand of God we be veseit, will and of rycht and of equitie man and aucht to succeid to us and to the governement of our realme; and knawing that all creaturis ar subject to that immutabill decreit of the eternall anis to rander and gif up this lyfe temporall (the hour and tyme quhairof is maist uncertane), and in cais be deceis we be takin fra this lyfe during the tyme of his minoritie, it may be dowithit greitlie that resistance and troubill may be maid to our said sone, now native prince of this our realme, in his tender yeiris (being swa destitute of us), to succeid to that rowme and kingdome quhilk maist justlie of all lawis appertenis to him, quhilk inconvenient, be Godis help and gude providence, we mene to prevent in sic maner that it sall not ly in the power of ony unnatural subjectis to resist Godis ordinance in that behalf; and understanding that na thing eirdlie is mair joyous and happy to us nor to se our said derrest sone in our awin lyfetime peciablie placit in that rowme and honourabill estate quhairto he justlie aucht and man succeid to, we, of the motherlie affectioune we beir toward our said onlie sone, have renuncit and dimittit and, be thir our letteris, frelie, of our awin motive, will renuncis and dimittis the governemeut, gyding and governing of this our realme of Scotland, liegis and subjectis thairof, and all intromissioun [...] casualiteis, propertie, benefices, offices and all thingis appertening, or heirtofoir is knawin or heirefter sall happin to appertene thairto, in favouris of our said derrest sone, to that effect that he may be plantit, placit and possessit thairin, use and exerce all thingis belangand thairto as native king and prince of the samin, and siclyke as we, or ony our predecessouris kingis of Scottis hes done in ony tymes bypast. Attoure, that this our dimissioun may tak the mair solempne effect and that nane pretend ignorance thairof, we have gevin, grantit and committit, and, be thir our letters, gevis, grantis and committis our commissioun, full, frie and plane power, generall and speciall command to our traist cousingis Patrick, lord Lindesay of the Byris and Williame, lord Ruthven, and to ilk ane of thame conjunctly and severally, to compeir before sa mony of the nobilitie, clergie, burgessis and uther pepill of our realme as sall happin to be assemblit to that effect in our burgh of Striviling, or ony uther place or placis quhair it salbe thocht maist convenient, at ony day or dayis, and their, publictlie in their presence for us, in our name and upon our behalf, dimit and renunce the governement, gyding and reeling of this our realme, liegis and subjectis thairof, all intromissioun with the propertie, casualitie or utheris thingis appertening to us thairby, and all rycht and tytle that we had, hes or subjectis thairof, all intromissioun with the propertie, casualite or utheris thingis appertening to us thairby, and all rycht and tytle that we had, hes, or may have be ony maner of way thairto, in favouris of our said sone to that effect, that [...] may be inaugurat, placit and rowmit thairin and the crow[...]yall deliverit to him, and be obeyit in all thingis concerning the samin, as we, or our predecessouris, hes bene in tymes bypast. And in lykewise, be thir presentis, gevis, grantis and committis our full, frie and plane power to our rycht traist cousingis James, erle of Mortoun, lord of Dalkeith, Johne, erle of Athole etc., Johne, erle of Mar etc., Alexander, erle of Glencarne, Williame, erle of Menteith, Johne, maister of Grahame, Alexander, lord Home, Adame, bischop of Orknay, the provestis of Dunde, Montrois, or ony of thame, to ressave the said renunciatioun and dimissioun in favouris of our said sone, and thairefter the ressavyng thairof, to plant, place and inaugurat him in the kingdome, and, with all ceremonies requysit, to put the crowne royall upon his heid in signe and takin of the establesing of him t[...]in, and, in his name, to mak and gif to the saidis [...]ie, clergy, burgessis and utheris, our liegis, his princely and kingly aith detfully and lauchfully as effeiris, and to ressave thair aithis for dew and lauchfull homage to be maid be thame to him in all tymes cuming as becumis subjectis to thair native king and prince; and generally all and sindrie uther thingis to do, exerce and use that for sure performance and accomplishment heirof may or can be done, firme and stable haldand and for to hald all and quhatsumever thingis in our name in the premissis leidis to be done, in the word and faithfull promis of ane prince; and ordanis thir our letters (gif neid beis) to be publist at all places neidfull. Subscrivit with our hand and gevin under our previe seil at Lochlevin, the xxiiij day of Julii, and of our regne the xxv yeir.

  1. NAS, PA2/11, pp.3-8. See also differing versions given at 1567/7/29/2. Back
  2. The version of this act in PA2/11 differs considerably from APS. Thomson appears to have used one of the near-contemporary printed editions to fill gaps in the manuscript register. The earliest edition appears to be The Actis of King James the Sext, printed by R. Lekprevik (Edinburgh, 1568), ff.2r-3v. It presents this act as the first one of the December 1567 parliament. The wording and spelling of APS and this edition are almost identical. Copies in the National Library of Scotland are bound along with The Acts and Constitutions of the Realme of Scotland ... anno 1566, printed by R. Lekprevik (Edinburgh, 1566). See NLS, Black Acts, 1566-94, H.33.c.21, Scots Acts of Parliament, H.33.c.23 or Scots Acts, H.33.c.25. Back
  3. Gaps in text due to damage in the manuscript. Back