[1567/12/12]*[print] [email] [cite] [preceding] [following]
[The following draft articles have notes in the margins. Much of it was probably added by the lords of the articles, but other bodies or individuals may also have been involved in the draft process. These notes should be read alongside the articles and have been placed at the end of each draft article.]
[1567/12/13]* [print] [email] [cite] [preceding] [following]
Followis uther articlis concerning the kirk:
6. That ordoure may be takin for all abbacyis, alsweill for the present as for tymes tocum; as als for benefices and kirkis annexat; and dissolutioun tobe maid thairof and ane act to be maid thairupoun.
†Findis separatioun tobe maid, to wit: the teindis to pertenit to the kirk and the temporale landis tobe disponit be avyise of the thre estaitis in parliament
[1567/12/14]* [print] [email] [cite] [preceding] [following]
7. That ordoure may be takin for sik as professe[...] and haif the patrimony of the kirk in thair handis and [...] thair dewitie to thair flokis.
†It is thocht expedient that sik as ar fund qualifiit be the jugement of the kirk sall exerce thair aune office in thair awin kirk, and utheris not qualifiit sall pay the thrid of thair benefice for sustenatioune of the ministerie during thair tymes.
[1567/12/15]* [print] [email] [cite] [preceding] [following]
8. That ordoure may be takin with sik as haif pluralitie of benefices.
†Ane persone beneficit being qualifiit sall preche him self at ane of his kirkis and sall sustene the ministeris of the remanent at the sycht of the generale kirk; and the unqualifiit to pay his thrid of the hale, admittand na pluralitie in tyme cuming.
[1567/12/16]* [print] [email] [cite] [preceding] [following]
9. That provisioune may be maid for instructioune of the yowith, for sustentatioune of the pure and for sum releif to the lauboraris of the ground, especialie for the relief in leiding of thair teindis.
†Ansueris to the first part of this article that the landis of prebendaris of college kirkis in landwart be erectit for sustentatioun of bursaris, and referris the uther tua heidis to the estaitis in parliament.
[1567/12/17]* [print] [email] [cite] [preceding] [following]
10. That ordoure may be takin that nane enter in the functioune of ministerie, nether be retenit within the samyn, bot sik as salbe fund qualifiit and of honest conversatioune.
†Leif this. Referris this to the generale assemble of the kirk.
[1567/12/18]* [print] [email] [cite] [preceding] [following]
11. That superintendentis be appointit quhair neid requiris, and that ordoure be providit how thai salbe obeyit in thair office and how thai salbe hable to serve in the same.
†Referris the nowmer of the superintendentis to the roll maid thairupoun, and the office and jurisdictioune of the superintendent to be autorizat be the estaitis in parliament.
[1567/12/19]* [print] [email] [cite] [preceding] [following]
12. †That ordoure may be takin how that the pure ministeris quha lang hes bene defraudit of thair just stipendis may not onlie be providit heireftir for a sufficient leving, bot also that thai may understand how thai may lift up the same be ordoure of law and quhat redres thai sall haif for the bipast and how thai salbe providit in the present. And becaus all thir heidis require deliberatioun, we offer oure selfis to communicat with youre l[...] as God sall communicat with ws.
†It is thocht neidfull that quhill the kirk be put in full possessioun of the hale patrimony, the hale thriddis be assignit to the ministerie and thai to uptak the samyn be thame selfis and thair collectouris, and all uthers to be dischargeit therfre; [..]. and counsale [...] find sum meane [...] dettis ellis[...].
[1567/12/20]*[print] [email] [cite] [preceding] [following]
[13.] That the act of parliament concerning the manses and gleibis may be maid so sensible that the injust possessouris find na cavillatiounis to defraude the pure ministeris of thair rycht and of the peceable possessioun of that quhilk justlie appertenis thairto.
†It is fund that the best manse sall pertene to the minister with the hale gleib, providing the said gleib exceid not vj aikeris of land; and gif the samyn be mair, the minister salbe content onlie with vj aikeris thairof nixt adjacent to the manse; and gif the samyn be within vj aikeris, he sall lykewyise content him thairwith.
[1567/12/21]* [print] [email] [cite] [preceding] [following]
14. That the act for puneisment of adulterie may be maid sa cleir that the offendaris delude not the law be the ambiguitie thairof.
†Desyris this act tobe clerit be the thre estaitis in parliament.
[1567/12/22]* [print] [email] [cite] [preceding] [following]
14.†That na man beir publict office of jugement within this realme bot sik as professes the puritie of religioun with ws; that nane be permittit to procure tobe admittit in notar or creat in member of court without he lykewyise profess the evangell with ws.
†Aggreit with.
[1567/12/23]*[print] [email] [cite] [preceding] [following]
15. It is thocht gude for stancheing of cummer and trouble within burrowis in tyme cuming that nane of the inhabitantis thairof frathynefurth mak convocatioune within the samyn or put thame selfis in armes without express command eyther of the autoritie, provest or baillies thairof, under sik panis as the thre estaitis in parliament sall think gude.
†Apprevit and referris the pane tobe modifiit be the estaitis in parliament.
[1567/12/24]*[print] [email] [cite] [preceding] [following]
16. Item, that all scoles, alsweill to burgh as land, and colleges be reformit, and that nane be permittit nor admittit to have charge thairof, or to instruct the youth privatlie or publictlie, bot sik as ar, or salbe tryit be the superintendentis and visitatouris of the kirk and admittit be thame to thair charges.
†Apprevit.
[1567/12/25]*[print] [email] [cite] [preceding] [following]
17. Item, that the ordinances maid for keping of the Saboth day, the punisment of fornicatioune, adulterie, incest, swering and bannyng be ratifiit in this present parliament, and jugis appointit for executioun thairof quhair nane is.
†Apprevit.
[1567/12/26]*[print] [email] [cite] [preceding] [following]
18. Item, that the act of parliament maid in King James the [...] tyme towart the ordowring of the pure within thair aune parochin be de novo ratifiit and thaireftir be decernit to be put in executioune.
†Apprevit.
[1567/12/27]*[print] [email] [cite] [preceding] [following]
19. Item, it is fund expedient that the act maid tueching the reparatioun of kirkis be ratifiit and ordanit to be put to executioun [...] is.
†Apprevit.