[1536/1]*[print] [email] [cite] [preceding] [following]
In parliamento excellentissimi principis domini nostri domini Jacobi quinti, Dei gracia Scotorum regis illustrissimi, tento apud Edinbur', penultimo diem mensis Aprilis, anno Domini millesimo quingentesimo trigesimo sexto, per nobiles et potentes dominos Georgeum, comitem de Huntle, dominum Baidyenach', Archibaldum, comitem de Ergile, dominum Campble et† Lorne, Jacobum Hammiltoun' de Fynnert, Jacobum Colvile de Estwemys, milites, Magistrum Jacobum Foulis de Colintoun', clericum rotulorum, registri ac consilii supremi domini nostri regis et Thomam Scott de Petgormo, clericum justiciarie, commissarios per commissionem supremi domini nostri regiam specialiter deputatos, unacum Willelmo, comitem Mariscallo, Johanne Perduvyne, clavigero, constabulario, Magistro Willelmo Mowbray, vicecomite deputato, et Johanne Andirson', adjudicatore, quo die sectis vocatis, curia affirmata.
[1536/2]*[print] [email] [cite] [preceding] [following]
Quo die Patricio Hepburn' de Wauchtoun', milite, vocato pro certis preditoriis actionibus prout in quandam summonatione ad instanciam supremi domini nostri rege desuper emanati plenius continetur domini commissarii predicti continuarunt huiusmodi summonatione cum suis omnibus dependenciis, punctis et articulis in eadem forma et effectu ut nunc est, usque ad vigessimum secendum diem mensis Maii proxime futurum cum continuatione dierum, absque prejudicio alicuius partis. Alexander Levingstoun' de Dunypace et Patricius Hepburn', filius et heres apparens dicti Patricii Hepburn' de Wauchton', militis, quod† devenerunt cautiones conjunctim et divisim quod dictus Patricius Hepburn' de Wauchtoun', miles, habebit huiusmodi continuationem rata et grata et quod veniat incontrarium sub ypotheca et obligatione omnium bonorum suorum, mobilium et immobilium, presentium et futurorum.