[1528/9/50]*[print] [email] [cite] [preceding] [following]
Curia parliamenti excellentissimi principis tenta apud Edinburgh, decimooctavo die mensis Januarii, anno Domini millesimo quingentesimo vicesimo octavo, per dominos commissarios subscriptos videlicet Willelmum Scott de Balwery, militem, Magistrum Adam Ottirburne de Auldhame, Nicholaium Craufurd de Oxingangis, justiciarie clericum, Magistrum Franciscum Boithuell, burgensum de Edinburg', unacum Patricio Baroune, deputato domini comitis Mariscalli, et Petro Ramsay, deputato comitis Constabularii, Andrea Dalmahoy, serjando, et Johanne Andersoune, judicatore. Quo die sectis vocatis et curia affirmata.
[1528/9/51]*[print] [email] [cite] [preceding] [following]
Quo die Johanne Hume de Blakater, Hugone Kennedy de Gervanemanys, Patricio Charteris et Joneta Douglas, domina de Glammys, sepe vocatis per summonationem regiam pro arte et parte, consilii et assistencie, auxilii et favoris, prestitis et exhibitis Archibaldo Douglas, olim comiti Angusie, ad convocandum legeos regios et barones apud burgum nostrum de Edinbur' octo diebus continuis precedentis primum diem mensis Junii ad proditorie invadendam personam regiam et super aliis articulis prout in dicta summonatione latius continetur, domini commissarii predicti continuarunt summonationes in forma et effectu quibus nunc est usque ad vicesimum secundum diem mensis instanti cum continuatione dierum absque prejudicio partium.