[A1526/11/1]*[print] [email] [cite] [preceding] [following]
Jacobus Dei gracia rex Scotorum omnibus probis hominibus tocius terre sue clericis et laicis salutem. Sciatis quia nos cum avisamento et consensu dominorum consilii nostri et trium regni nostri in parliamento statuum, perpendens divinum servicium quotidie per nostros oratores devotos priorem et conventum monasterii nostri de Pettinweme alias Insule de Maii celebratum, per nostros nobilissimos progenitores quorum animabus propicietur Deus fundatum et dotatum ac volentes id ulterius continuari et augeri pro devotarum oracionum suffragiis in honorem Dei et omnium sanctorum celi, pro nobis antecessoribus et successoribus nostris imperpetuum celebran', aceciam† pro augmento et incremento policie nostram infra regnum, dedimus et concessimus et hac presenti carta nostra damus et concedimus hereditarie venerabili in Christo patri ac oratori nostro devoto dompno Johanni Rovle, monasterii nostri antedicti priori et conventui eiusdem et eorum successoribus, terras de Pettinweme, Anstruthir ex parte occidentali torrentis earundem, Myltoun' cum molendino earundem, terras de Fawside, Lingo, Grange Mur, Cranriggis, Insule de Maii, crofte de Carrale, Pettotir cum pertinentiis jacentibus infra vicecomitatum nostrum de Fyffe, terras de Ryndis Estir et Westir cum pertinentiis jacentibus infra vicecomitatum nostrum de Perth', terras de Mayscheill et Barro cum pertinentiis jacentibus infra vicecomitatum nostrum de Berwik, croftam de Belhavin jacentibus infra vicecomitatum nostrum de Edinburgh et constabularia de Hadingtoun', et croftam prope villam de Abirbrothok jacentibus infra vicecomitatum nostrum de Forfare, cum omnibus pendiculis, le outsettis, tenentibus, tenandriis ac liberetenentum serviciis earundem quequidam terre suprascripte cum pertinentiis fuerunt dicti prioris et conventus tanquam patrimonium monasterii nostri antedicti perprius, et quas nos creamus unimus annectimus et incorporamus in liberam baroniam baroniam de Pettinweme perprius pro temporibus affuturis nuncupandam, non obstantibus quod eedem non jacent contigue nec infra unum vicecomitatum. Aceciam cum avisamento predicti consilii nostri dominorum et trium regni nostri statuum intelligen' quod dicta villa de Pettinweme per nostrum nobilissimum progenitorem Jacobum tercium Dei gracia Scotorum regem bone memorie cuius anime propicietur Deus in liberum burgum in baronia creata extitit, nos igitur creamus et facimus eandem villam de Pettinweme cum terris et bondis eiusdem in liberum burgum in baronia imperpetuum, conceden' pro nobis et successoribus nostris quod in dicto burgo liberi sint burgenses ad vendendum vinum, ceram et quascunque alias mercancias licitas et necessarias, et ad habendos pistores, brasiatores, panni lati et stricti venditores, carnifices piscium venditores et quoscunque alios artifices necessarios in aliis burgis usitatibus et consuetibus, et quod dicti prior et conventus et eorum successores habeant facultatem et potestatem omni tempore affuturo ballivos, serjandos, clericos, judicatores et quosvis alios officiarios necessarios pro dicti burgi regimine et gubernatione, curiarum burgalium tentione et justicie infra eundem administracione annuatim eligendi, ac cum omnibus aliis privilegiis et libertatibus expressis et specificatis in carta creationis dicte ville de Pettinweme in liberum burgum in baronia desuper prius habita. Aceciam cum privilegio et libertate prefata Johanni priori antedicti et suo conventui eorumque successoribus prioribus et conventibus monasterii nostri suprascripti infeodandi tenentes et inhabitatores dicti burgi de Pettinweme et terrarum eiusdem cum talibus privilegiis, clausulis et restrictionibus prout dicti priori et conventui magis videbitur expedire pro eorum et monasterii nostri antedicti utilitate commodo et bono. Aceciam cum facultatem, potestate et licencia dicto [burgo] et burgensibus eiusdem habendi et possidendi crucem foralem et forum ebdomidatum in diebus Sabbati et Lune et publicas nundinas bis in anno, videlicet in festo Beate Marie Magdalene in estate et per octavas eiusdem et in Festo Sancti Clementis in hieme et per octavas eiusdem imperpetuum. Et si contigerit aliqua persona seu personas inhabitantes seu inhabitantes dictam baronia, partes aut pendiculas eiusdem per nos nostrum ve justiciarium in itinere nostre justiciarie aut aliis curiis nostris de aliquibus crimibus ullo tempore affuturo accusari et convici, hoc casu nos pro nobis et successoribus nostris pro devotarum oracionum suffragiis dicti prioris et conventus et successorum suorum tantum damus et concedimus eiis nostram eschaeta bonorum dicte persone seu personarum [quin] contigerit ullo tempore affuturo. Ac predictis priori et conventui et eorum successoribus facultatem licenciam et liberam potestatem damus et concedimus dicta bona leuandi ac cum eisdem intromittendi et desuper ad eorum libitum voluntatis prout eiis magis videbitur expediens disponendi. Tenendas et habendas prefatas terras de Pettinweme, Anftruthir ex parte occidentali torrentis earundem, Myltoun' cum molendino earundem, Fawsyde lingo Grange Mur, Cranriggis, croftam de Carrale, Insulam de Maii, Petottir, Ryndis, Estir et Westir Mayscheill, Barro, croftam de Belhavin, croftam apud villam de Abirbrothok, cum omnibus suis pendiculis, le outsettis, tenentibus, tenandriis ac liberetenentum serviciis et pertinentiis unita, annexata, creata et incorporata in baronia ut premissum est, aceciam prefata villam de pettinweme cum limitibus, bondis et pertinentiis eiusdem noviter factum et creatum in burgum in baronia cum omnibus suis pertinentiis, libertatibus et privilegiis ad baroniam in burgum in baronia, requisit' dicti priori et conventui et eorum successoribus de nobis et successoribus nostris videlicet dictas terras in libera baronia et prefatam villam in burgo infra baronia in feodo et hereditate imperpetuum per omnes rectas metas suas antiquas et divisas prout jacent in longitudine and latitudine, in domibus, edificiis, muris, mureniis, boscis, planis, moris, maresiis, viis, semitis, aquis, stagnis, rivolis, pratis, pascuis et pasturis, aucupacionibus, venacionibus, piscacionibus, petariis, turbariis, carbonariis, lignis, lapicidiis, lapide et calce fabrilibus, brasinis, brueriis et genestis, cum curiis et earum exitibus, hereyeldis, bludewitis et mulierum marchetis, cum furca, fossa, sok, sak, thole, theme, infangtheif, outfangtheif, pit et gallous', cum communi pastura libero introitu et exitu, ac cum omnibus aliis et singulis libertatibus, commoditatibus, proficuis et asiamentis ac justis pertinentiis suis quibuscunque, tam non nominatis quam nominatis, tam sub terra quam supra terram, procul et prope, ad baroniam et burgum in baronia spectantibus seu juste spectare valentibus quomodolibet in futurum, libere, quiete, plenarie, integre, honorifice, bene et in pace, et adeo libere in omnibus et per omnia sicut alique terre tenetur in libera baronia aut villa in burgo infra baronia infra regnum nostrum, sine aliqua revocatione aut contradictione quacunque. Reddendo annuatim dicta prior et conventus et successores sui nobis et successoribus nostris pro dictis terris et baronia tres sectas ad tria placita capitalia vicecomitati nostri de Fyffe et pro predictis villa et burgo servicium burgi debitum et consuetum tantum. In cuius rei testimonium huic prsenti carte nostre magnum sigillum nostrum apponi precepimus. Testibus [...].† Apud Edinburgh decimotercio die mensis Novembris anno Domini millesimo quingentesimo vicesimosexto et regni nostri decimoquarto.