[1526/6/46]*[print] [email] [cite] [preceding] [following]
The kingis grace, with avise and consent of the thre estatis of his realme in this present parliament, ratifyis and apprevis the gift of lifrent maid of before be our soverane lord at last decessit, of gud mynde, quhem God assolye, to his lovit Marioune Bonkill, of the landis of Anstreocht, Clonyark, Glenstokane and uther landis within the lordschip of Galloway in all punctis and artiklis efter the forme of the said gift, nochtwithstanding ony actis maid in the contrare.
[1526/6/47]*[print] [email] [cite] [preceding] [following]
The kingis grace ratifyis and apprevis the gift of pensioune of the sowme of xl lib. maid of before to Maister Jhone Chesholme of the gret custumis of the burgh of Edinburgh in all punctis and artikulis efter the forme and tenour of the said gift, nochtwithstanding ony actis or revocatioune maid in the contrare.
[1526/6/48]*[print] [email] [cite] [preceding] [following]
The kingis grace, with avise and consent of his thre estatis forsaid, ratifyis and apprevis the gift of the office of directour of his chancelary maid to his lovit familiare Patrik Houstoune of that Ilk, with all feis and dewiteis pertening tharto, in all punctis and artikulis efter the forme and tenour of the said gift of the dait the xix day of Junii, the yere of God jM vC and xxvj yeris.
[1526/6/49]*[print] [email] [cite] [preceding] [following]
Ratifyis and apprevis the gift maid of before to Archibald, erle of Anguse, of the sowme of xvjC lib. for his guid service maid and done apone the bordouris in all punctis and artikulis efter the forme and tenour of the said gift maid tharupoune.
[1526/6/50]*[print] [email] [cite] [preceding] [following]
Our soverane lord, with avise, consent and auctorite of his thre estatis in this present parliament, ratifyis, apprevis and confermis the gift maid be his hienes of before, with avise of Jhone, duk of Albany, his tutour for the tyme, to George, lord Hume, of all and hail the landis, possessiounes, takkis, stedingis, gudis, movable and unmovablee, pertening to umquhile Alexander, lord Hume, his broder, in all punctis and artikulis efter the tenour of the said gift, and geif neid beis of new gevis him the samyn efter the tenour of the said auld gift and to be extendit in the best forme.
[1526/6/51]*[print] [email] [cite] [preceding] [following]
The kingis grace, with avise and consent of the thre estatis of his realme in this present parliament, has requirit and requyris ane maist reverend fader in God James, archibischop of Sanctandrois, commenditour of Dunfermling, that he ceise fra all proceding aganis oure soverane lordis liegis that has takis of ony part of his landis, be him self or his commisaris be vertu of ony commissioune, utherwayis than conforme to the commoune law and use and consuetude of this realme, and that lettrez be directe heirapoune etc.