[1489/7/2]*[print] [email] [cite] [preceding] [following]
Quarto die mensis Julii predictis anno Domini etc lxxxixo et regni supremi domini nostri regis secundo in parliamento immediatis prescriptis presentibus domino rege et tribus regni statubus hec acta que immediate sequuntur facta fuerant et approbata in eodem parliamento per S. D. N. regem et tres status antedictos et proclamatis et publicatis eodem die etc.
[1489/7/3]*[print] [email] [cite] [preceding] [following]
Item, as to the first article, tuiching the keping of the fredoume and privilege of halykirk, it is avisit and thocht spedfull be the lordis of the articlis that it be kepit and observit in tyme to cum, lik as it has bene in the tymmes of oure soverane lordis maist noble progenitouris of before, quham God assolye, and efter the forme of the aulde lawis, actis and statutis maid of fore.
[1489/7/4]*[print] [email] [cite] [preceding] [following]
Item, as to the sending of the ansuere to the king of Ingland apoune the lettrez brocht fra him be Rothissay heralde, the lordis forsaid thinkis expedient and it is concludit that lettrez be writtin in dew forme thareapoune and send to the said king of Inglande withe a heralde, that is to say Snawdoun'.
[1489/7/5]*[print] [email] [cite] [preceding] [following]
Alsa anent the sending to the king of France for the renewing of the confideracioune maid betuix oure soverane lord and the said king of France, it is concludit and ordanit that the said sending to France be supercedit and delayit quhill the cuming of the ambaxiatouris of Espanye, quhilkis ar now in the realme of Inglande, and tharefter to be send certane honorable personis for the renewing of the said confideracioune.
[1489/7/6]*[print] [email] [cite] [preceding] [following]
Item, anent the sending to the king of Denmark for the renewing of the aliancez maid betuix the realmes of Scotland and Denmark, the kingis and liegis of the sammyn, it is avisit and concludit that tharebe thre honorable persounis sende to the said king of Denmark - a knycht, a clerk and a burges - to be chosin at the kingis will and his consale, and that oure soverane lordis lettrez be writtin withe thaim for the performing of the thingis forsaid, withe mensioune to be maid in the sammyn lettrez of reformacioune and restorance to be maid agane to oure soverane lordis liegis and justice to be askit of Luthkin Mere and his complicis, quhilkis has done hevy injuris within oure soverane lordis watter.
[1489/7/7]*[print] [email] [cite] [preceding] [following]
Item, as tuiching the takin of cawpis usit be heddeis of kyn in Galloway, the kingis hienes and estatis forsaid thinkis expedient and concludis that all thai quhilkis clamis to haf sic cawpis be warnit be oppin proclamacioune to compere in the nixt parliament, bringing with thaim sic evidentis as thai will use for the richt of the said cawpis, certifying thaim that and thai do nocht that oure soverane lord, with the avise of his thre estatis, will annull all sic thingis and will ordand that sic cawpis be nocht takin in tyme tocum under gret panis.
[1489/7/8]*[print] [email] [cite] [preceding] [following]
Item, anent the wardane of the West and Middill M[ar]chis and bordouris forganis Inglande, it is avisit and concludit that the kingis hienes cause the erle of Bothuile to tak that office on him, and at he mak gud and sufficient deputis, sic as he will ansuere for, to the punicioune of trespassouris and keping of dais of trewis. And as anent the est bordour, that Alexander Home be wardane thareof and haf siclik deputis as he will ansuer for.
[1489/7/9]*[print] [email] [cite] [preceding] [following]
Item, it is commonit, avisit and concludit be the thre estatis as tuiching the assegeing of the castellis, fortilicez and houssis that ar haldin contrare oure soverane lorde be his rebellis in the west partis of his realme, that for the exaltacioune of his autorite, the commoune wele and profitt of his liegis in thai partis that ar oppressit be the sammyn rebelles, and thocht expedient for the recovering of the said houssis and castellis to his obesance, that his hienes pasis propir persone, gif it plessis him, to the castellis of Crukistoun' and Duchell and be thare the xix day of Julii now instant, and to pass with his gude grace all lordis, baronis, frehaldaris, gentilmen and utheris on south syd the watter of Furthe, as thai sall be chargeit be his patent lettrez, and utheris to be direct thareapoune. And the sammyn day at the kingis hienes cumis to Glasgw, that than incontinent tharefter the chancellare sall pass and conferme the assege at the castell of Dunbartane, and to remane tharat for the space of xx dais efter his cumin, and to be with him the erledome of Ergile, Leuenax, Me[n]teth' and Straithern' fra Tay west, of the quhilk xx dais xix dais beand bipast, than incontinent the said xix day sall entre to the said assege the lordis, baronis and men of Angus', Fiff, Kynros', Clackma[n]nane and the schirrefdoume of P[er]th fra Tay est, the St[er]mont, Athole, Apnadull and Rannach, and to remane for uther xx dais, of the quhilkis xix dais beand bipast than incontinent thareefter sall enter to the said assege the erlis of Huntle, M[ar]schell, Erole, the Lord Forbes and all the men beyonde the Month' with the schirrefdoume of the Mernis'.
[1489/7/10]*[print] [email] [cite] [preceding] [following]
Item, anent the article of the lordis to be chosin and be of consale to oure soverane lord, it is avisit and concludit that thir lordis underwrittin be of consale to his hienes quhill the nixt parliament, that is to say the erle of Crawfurd and the erle of Huntle, quhene thai cum, all prelatis and gret baronis elikwis at thar cuming, and to be contenualy of consale to his hienes thare lordis under writtin, or vj of thaim at the lest, with all the kingis officiaris and thai ay to be withe the kingis hienes to deliver upoune all debatable materis and be of consale to him, that is to say Robert, bischop of Glasgw, William, bischop of Abirden', Johne, prior of Coldinghame and Maister Alexander Inglis, archidene of Sancta[n]dr[ois] as for the clergy; and for the baronis William, erle of Erole, Johne, lorde Gla[m]mis, Andro, lord Gray, Laurence, lorde Olyphant, Johne, lord Drumond, William, lord Borthwik, Patrik Home of Fastcastell and Walter Ogilby; and that nane of the forsaid lordis pass or remove fra the kingis hienes without speciale licence of him or his chancellare and that for schort tyme, and ay vj to remane at the lest but variance, with the officiars forsaid.
[1489/7/11]*[print] [email] [cite] [preceding] [following]
Item, as tuiching the article of the money, it is concludit and ordanit that the act and statut maid thareapoune of before in the last parliament be put to execucioune, and at the kingis hienes, withe the avise of his consale, cheise a lele trew man to be maister cunyeour and elikwise all utheris officiaris effering tharto.
[1489/7/12]*[print] [email] [cite] [preceding] [following]
Item, anent the article tuiching the byaris and sellaris of golde and silver cunyeit, it is avisit and ordanit be the thre estatis that it be a poynt of dittay in tyme tocum, and thai that beis conwickit thareof thare movable gudis sall be eschet to the king and thare persounis to be wardit for a yere at the will of the kingis hienes; and at the kirkmen that othir byis or sellis golde or silver cunyeit as said is, the lordis thinkis expedient that the bischopis ger tak inquesicioun tharof, ilkeane within his diocy, and he that beis conuict thareof that his bischop distrenye his froitis that is beneficiit for xl l., to the reperacioune of the haly kirk, and of thaim that ar nocht beneficiit x merkis and thare persounis to be punist †be thare ordinaris; and as to the prelatis that beis fundin culpable herof, that the kingis hienes ger distrenye there temporaliteis for the double avale of the said soume.
[1489/7/13]*[print] [email] [cite] [preceding] [following]
Item, it is avisit and ordanit be oure soverane lord and his thre estatis that a proclamacioune be maid at the usche of this parliament that nane of his liegis of quhat estate or degre thai be of anherde, consort, help, supple or commoune withe ony of his rebellis now forfalt and denuncit at this tyme, that is to say Johnne, sumtyme erle of Leuenax, Robert, sumtyme lord Lile, William, sumtyme lord Crechtoun' and Mathew Stewart, or withe ony that takkis parte or anherdis to thaim in tymecuming, under the pane of tressoune and forfaltour of lif, lande and gudis; and gif ony persone or persouns will arrest, tak or bring ony of the saidis persounis to oure soverane lorde, that the persone takare or bringare of thaim sall haf for the said Johne, sumtyme erle of Leuenax fourti l. worth of lande, for the said Robert, sumtyme lord Lile xl l. worth of land, for the said Mathew fourti pundis worthe of land, for the said William, sumtyme lord Crechtoun' fourti l. worth of land, or gif it plessis the takare jM merkis of silver, and for ony landit man takand thare parte or being with thaim in tyme tocum the takare of him sall haf the thrid of thare land or ellis the avale thareof in money, and for the takin of ony gentilman unlandit xx l. of silver, and for the takin of ony yeman being and remaning with thaim as said is the takkare sal haf x l.†