[1455/10/2]*[print] [email] [cite] [preceding] [following]
[Act found only in Malcom MS:]†
Item it is statute and ordanit that the actis maid of befor anent the keping and executioun of justice be kepit eftir the tennor of the actis made of befoir tyme tharupoun.
[1455/10/2a]*[print] [email] [cite] [preceding] [following]
Item it is sene spedfull that thar be cost maide at the est passage betuix Roxburgh and Berwik and that it be waukyt at certane furdis the quhilkis gif mystir be sall mak takynnis be balys birnyng and fyre. In the first, a baill to be maide at Hwme be the waukaris of the furdis quhar it may be sene at Hwme. And als at the sammyn waukaris may cum to Hwme in propir persounis ande thar the balys to be maide on this manir: a baile is warnyng of thir cumyng quhat power that evir thai be of; twa balis togiddir thair ar cumming in deide; foure balis ilkane besyde uthir and all at anys as four candilleis salbe suthfast knalege that thai ar of gret power and menys als fer as Hadingtowne, Dunbar, Dalkeithe or tharby. Thir sammyn takynnis to be wachyde and maide at Egrop castell fra thai se the fyre of Hwme that thai fyr rytsa. Ande in lik manir at Soltray ege fra thai see the fyr of Egrope castell ande mak takyn in lik manir. And than may all Lothiane be warnyt ande specialy the castell of Edinburghe. And thar foure fyris to be maide that thai in Fyf, and fra Strevilling est ande the est part of Louthiane and to Dunbar all may se thame and to cum to the defence of the lande. Ande thai will nocht be sleuthfull thar self for to be warnyt thai sall wit thar cumyng our Tweide. Ande than considiring thar fer passage, we sall God willing be alse sone redy as thai, and all pepill drawe that ar on the west half of Edinburghe tharto, and all fra Edinburghe est to Hadingtone, and all merchandis of burowys to persew the hoist quhare it passis, and at Dunperderlawe ande Northberwyk lawe balys to be brynt† for warnyng of the costsyde of the see in forme befor writynge, etc.
[1455/10/3]*[print] [email] [cite] [preceding] [following]
Item gif ony Scottis man dois ony tresone, that is to say warnys of the riding of ane hoist or ony Scottis man to do harme in Inglande or to Inglismen and it may be opinly knawyne apon him, he sall furthwithe haif the common law ande be hangyt and drawyn and his gudis eschet.
[1455/10/4]*[print] [email] [cite] [preceding] [following]
Item gif ony persone or personis be sklandirit or suspect of tresone thai salbe tane and remane in firmance and thar gudis wndir sikkir borowis quhill the tyme that he haif sufferyt law or maide ane assise quyt or foule.†
[1455/10/5]*[print] [email] [cite] [preceding] [following]
Item that na man nor woman pass in Inglande without leif of the king, the wardane or of thame that he giffis powere to in that part in tym to cum† wndir the payne of tresone.
[1455/10/6]*[print] [email] [cite] [preceding] [following]
Item gif ony Inglisman cumis in the kinrik of Scotlande to kirk or merkat or ony wthir place withoutyn conduct or assouerance of the king, the wardane, or thame that powere has, he salbe lauchfully presonar to quhat persone likis to tak him.
[1455/10/7]*[print] [email] [cite] [preceding] [following]
Item gif ony Scottis man bringis in the realme ony Inglismen or metis thame at ony tristys haifande na power, thai salbe tane and put in firmance, thar gudis takin and arestyt to the tyme that thai be punyst as the king will ande the wardanys.
[1455/10/8]*†[print] [email] [cite] [preceding] [following]
Item that na Scottis man set apon ony Inglisman in speciale assouerance but leif of the king or of the wardane, wndir the payne of treson.
[1455/10/9]*[print] [email] [cite] [preceding] [following]
Item that na Scottis man support Bervyk nor Roxburghe with na wittaill, fewell nor nane wthir supportacion wndir the payne of tresone.
[1455/10/10]*[print] [email] [cite] [preceding] [following]
Item quhen the wardan ridis or ony wthir chiftane and with him, gret falloschip or small, that na man gang away with na manir of gudis till it be thriddyt and partyt befor the chiftane as wse and custum is of the merche wndir the payne of tresone to be hangyt and drawin and his gudis eschet.†
[1455/10/11]*[print] [email] [cite] [preceding] [following]
Item that na man reif wythir ony manir of gudis nothir prisonar or wthiris quhilkis thai ar in possessione of in Inglis erde nor Scottis wndir the payne of dede.
[1455/10/12]*[print] [email] [cite] [preceding] [following]
Item gif ony man raisis effray in the hoist in willfull manir without cause he salbe accusit of tresone.
[1455/10/13]*[print] [email] [cite] [preceding] [following]
Item it is ordanyt that quhaso† ony radis ar maide† in Inglande that thir saide statutis be deliviryt to the hedis men and at opinly thai ger thame be maide knawin till all thame that passis with thame that nane of thame excuse or assonye th[rough] necligensse, etc.
[1455/10/14]*[print] [email] [cite] [preceding] [following]
Item quhar the king cumis till ony hede burghe he sall tak ane inquisitiou[ne]† of the cuntre gif thar be ony within that schyre sornouris or oppressouris of the kingis liegis or the pure pepill or disobeyaris of his lettres, and thai personis the king sall punyss as efferis.†
[1455/10/15]*[print] [email] [cite] [preceding] [following]
Item as tuiching the laying of garesonys apone the bordouris, it is awysit ande accordit be oure soverane lorde the king and the thre estatis that thar be laid iij garesonys, that is to say iijC† speris and ijC† bowis apon the est and midill merchis, and apon the west merchys to be lade jC speris and jC bowis. And for the makyn and fyndyn of thar expensis thar salbe furthwithe writyne lettres to all the shreffis to sende in writinge to our soverane lorde the namys of all and sindry lordis, baronys ande frehaldaris, alsueill duellande within the bondin of regaliteis as rialte, ande the waile of ilke manis landis, rentis and possessionis, ande the awail of the movabyll gudis alsone as thai may be extentyt. And thareftir the lordis that sall sit eftir the cumyng of the said writynnis fra the shrefis and sall avyse how mony that ilk lord ande frehaldaris sall fynde quhen and quhar. And thame that ar ner hande the bordouris ar ordanyt to haif gude housis ande weill abeilyeit men as efferis, and to be redy at thar principale placis and to pass with the wardanys quhen and quhar thai salbe chargyt, etc.