[1436/10/2]*[print] [email] [cite] [preceding] [following]
In the first it is statute ande ordanit be the king ande consent of the thre estatis† that nothir lorde of regalite, sheref na barone sell ony thefe or fyne with hym of thift done na to be done undir the payn to the lordis of regale doing in the contrary of tynsal of regaliteis and to baronis, justicis and shereffis of lyfe and gudis. Sauffing at this statute sal nocht streke to bordouraris duellande on the marchis bot for thift to be done efter the making of this statute. This statute enduring the kingis will.
[1436/10/3]*[print] [email] [cite] [preceding] [following]
Item it is statute and ordanit that al jugis sal ger the assisouris swere in the making of thar ath quhen thai ar chargit to the assise that thai nothir haf tane na sal tak mede† na buddis of ony party. Ande gif ony sic be gevin or hecht or ony prayer made befor the gevin oute of the† determinatioun of the saide assise, the saide assisouris† sal opynly revele the buddis or giftis or prayeris ande the quantite and the maner tharof to the juge in playn courte.
[1436/10/4]*[print] [email] [cite] [preceding] [following]
Item it is statute and ordanit† that al crownaris sal arrest al tym, als wele befor the cryay of the air as eftir, al thaim that sal be gevin hym in portuis be the justice clerk† and nane uthir, etc.
[1436/10/5]*[print] [email] [cite] [preceding] [following]
Item it is ordanit that al maris and seriandis arrest at the shereffis biding, albeide that na party folowar be, al trespassouris. Ande at the said sheray folow the said trespassouris in the kingis name gif na party folowar apperis.
[1436/10/6]*[print] [email] [cite] [preceding] [following]
Item it is ordanit† that na man be assouerit of Inglismen, na tak protectioun of thaim for landis nor gudis, bot alanerly [the wardane]† quhilk sal hafe leif gevin be the king, undir the payn of tresoun, etc.
[1436/10/7]*†[print] [email] [cite] [preceding] [following]
Item it is ordanit for mar stanching of thift and trespass† that supposs a thefe byde twa sonis, thre, foure or ma eftir he be attachit, he† [sal nocht haf fredome till abyd xl dais bot he salbe jugit alse sone as a court may be set tharapone.].
[1436/10/8]*†[print] [email] [cite] [preceding] [following]
Of inbryngyng of bulyeone
Item it is ordanit that of ilk sek of wol that sall pass out of Scotlande, the Scottis marchande gif he sailys tharwith, or the Scottis marchande that sellys it to strangearis, sall fynde souerte to the custumaris of the portis† quhare† the schippis sailys, to bring in Scotlande to the maistir of the kingis mone thre wnce of bulyeon. And of a last of hydis alse mekill as of thre sekkis of woll. And of v hamburghe barellys alse mekill as of a sek of woll. Ande of uthir gudis that aw na custum or that aw custun efter the fraucht of the serplar, that is to say it at payis as a serplar in fraucht sal bring thre wnce of bulyeon hame undir the payne of tynsaill of alse mekill bulyeon as that sulde bring hame to be applyit to the king. And the custumare of ilk burghe sall wryt all manner if gudis that enteris to schipburde for the sersing and knalege hereof.
[1436/10/9]*[print] [email] [cite] [preceding] [following]
The statute of the tavernaris in the nycht
Item the king and the thre estatis has ordanyt that na man in burghe† be fundyn in tavernys at aile, wyne or beir eftir the straik of ix houris and the bell that salbe rongyn in the said burghe. The quhilkis beande fundyn, the alderman ande bailyeis sall put thame in the kingis† presone, the quhilk gif thai do not thai sall pay for ilk tyme at thai be fundyn culpabill befor the chawmerlane l s'.
[1436/10/10]*[print] [email] [cite] [preceding] [following]
The statute of Inglys clath
Item the king and the thre estatis has ordanyt that na man wndir the pane of eschet to by ony Inglis clath or uthir gudis within the kinryk of Scotlande fra Inglis men.† And at na Inglis men haif conductyt to by and to sell or change ony Inglis gudis bot gif thai gudis be specifiit and leif gevyn in his saufconducte, saufande in payment of ransome of Inglis men.
[1436/10/11]*[print] [email] [cite] [preceding] [following]
Tuiching the selling of salmonde till Inglis men and namely beforhand
Item it is statuyt and ordanyt that na Scottis man sell to Inglis man or in Inglande beforhand or uthir wayis ony salmonde, bot at Inglis men by thame in Scotlande for Inglis golde and nane uthir contentatioun. And gif Inglismen will nocht by thame the Scottis marchandis ma sende thame in Flandiris or uthir placis quhar thai thinkis, sa that in na wyse thai nothir sell thame nor sende thame in Inglande undir the payn of eschet. And for the gude of the marchandis the king will grant conduct till all thame that will cum to by salmonde in Scotlande.
[1436/10/12]*[print] [email] [cite] [preceding] [following]
Of bying of wyn fra Flemyngis
Thre† king and the thre estatis has ordanyt that na man of Scotlande by at Flemyngis of the Dame in Scotlande ony kynde of wyne wndir the payne of eschet tharof.
[1436/10/13]*[print] [email] [cite] [preceding] [following]
[Act found only in 1566 Printed Acts]
[Item it is statute and ordanit that for vii yeiris tocum the kingis justice of baith the sydis of the watter of Forth and als the schireffis, for trespas done outwith regalities and burrowis, the said justice and schireffis sall hald the law quhair the trespas was done and nouther defer to burrowis na regalities thairin.]
[1436/10/14]*†[print] [email] [cite] [preceding] [following]
Item that nane haif out of Scotlande golde, silvir na jowalys conyeit nor unconyeit wndir the payne of eschet tharof.