[1432/10/1]*[print] [email] [cite] [preceding] [following]
Jacobus Dei gracia rex Scotorum, omnibus probis hominibus suis ad quos presentes littere pervenerint, salutem. Sciatis quod cum questio controversie et litis super limitibus, divisis et metis bundarum et libertatum inter cives civitatis Sanctiandree ex parte una et burgenses burgo de Cupro ex parte altera vertentur et diutius coram nobis et diversis parliamentis nostris indeterminata penderet et indecisa, tandem in nostro parliamento tento apud Perth decimo die mensis Octobris anni subscripti comparentibus coram deputatis per dictum parliamentum ad determinationem et decisionem causarum et litum electis, videlicet venerabilibus in Christo patribus Johanne, Waltero de Balmurinach et Insule Sancti Columbe monasteriorum abbatibus, magistris Johanne de Schiues decretorum doctore, officiale Sanctiandree, Johanne Macgilliauch proposito ecclesie collegiate de Lincloudane, Waltero de Haliburtoun de Driltoun, Roberto Grahame, Alexandro Grahame, Johanne de Sancto Michaele, Johanne de Lumysden, Willelmo de Libbirtoun de Edinburgh, Patricio Chartris de Perth, burgorum propositis, et Thoma de Camera, burgense de Aberden', commissaris dicte civitatis Sanctiandree, videlicet Willelmo de Kynnarde et Thoma Arthuri cum suis prelocutoribus, videlicet Magistro Johanne de Schives, quiquidem magister Johannes quia in hac causa se reddidit parcialem a dictis deputatis se removit et subtraxit, et Johanne de Carmichel ab una parte, ac commissaris burgo de Cupro videlicet Dauid de Balfour, Edwardo Yhaloulok, Johanne de Gardyn et Ricardo de Striklaw parte ab altera cum suis hincinde sufficientibus commissionibus per dictos deputatos admissis approbatis, quia quidem commissarii civitatis Sanctiandree statum coram dictis deputatis diversas cartas regnum super antiqua infeodatione dicte civitatis certas limites, divisas, bundas et libertates in se continentes produxerunt, super quibus alias per parliamenta nostra materia questionis controversie huiusmodi examinata erat ruminata, degesta et plene determinata prout per diversa acta dictorum parliamentorum nostrorum coram dictis deputatis producta datum fuit et ostensum, quequidem acta, judicio et intellectum dictorum deputatorum indebantur justa et juridice facta et quod limites, divise, mete, bunde et libertates huiusmodi servari debebant juxta tenores dictarum cartarum et actorum parliamentorum nostrorum exinde confectorum, que eciam limites, divise, mete, bunde et libertates excipiuntur in carta nove infeodationis dicto burgo de Cupro per nos facta et concessa, quare indetur dictis deputatis quod burgensibus de Cupro super premissis omnibus silencium imponi debeat non decetero civibus civitatis Sanctiandree prestare debeant impedimentum quominus tam infra burgum de Cupro quam extra emant et vendant et suis libertatibus utantur in quantum limites et bunde in suis cartis contente se extendunt, continent et proportant, et quod burgenses de Cupro non indicent nec indictari faciant eos qui transeunt ad forum civitatis Sanctiandree emendo aut vendendo ibidem aliqua bona in quantum limites seu bunde dicte civitatis se extendunt, continent et proportant. Preterea quantum ad controversias et questiones motas inter cives dicte civitatis Sanctiandree ab una parte et burgenses burgi de Carale parte ab altera super suis limitibus, metis, bundis et libertatibus comparuerunt coram dictis deputatis commissarii civitatis Sanctiandree prescripti cum sua sufficienti commissione et pro parte burgi de Carale comparuerunt commissarii subscripti videlicet Thomas Atkinson, Johannes de Craumonde et Alanus de Spens sufficientem etiam habentes commissionem. Quiquidem commissarii civitatis Sanctiandree suas cartas de omnibus suis infeodationibus cum certis bundis et libertatibus produxerunt et monstrav[er]unt predictis etiam commissariis burgi de Carale cartam suam regis Roberti Bruys cum certis bundis et libertatibus producentibus et monstrantibus. Et libertatibus suis huiusmodi hincinde visis et avisatis videbatur dictis deputatis quod cives civitatis Sanctiandree gaudere deberent et possidere suas libertates emendo et vendendo per totas suas bundas in sua carta contentas cum omnibus aliis libertatibus de quibus infeodantur infra suas bundas et quod nullus burgi de Carale eos inducet aut disturbium eis faciat qui foro civitatis Sanctiandree utuntur in quantum bunde civitatis predicte se extendunt; dimittendo libertatem indictamenti burgensibus burgi de Carale ad indictandos omnes alios infra suas bundas de Carale. Dat' sub testimonio magni sigilli nostri apud Perth', decimo die mensis Octobris predicti, anno Domini millesimo quadringentesimo tricesiimo secundo et regni nostri vicesimo septimo.