[1410/1]*[print] [email] [cite] [preceding] [following]
Robertus dux Albanie, comes de Fyfe et de Menteth, ac gubernator regni Scotie, omnibus probis hominibus tocius regni predicti, clericis et laycis, salutem. Sciatis nos dedisse, concessisse et hac presenti carta nostra confirmasse dilecto nostro Thome de Corsby, filio et heredi Thome de Corsby, omnes et singulas terras baronie de Bowne cum pertinentiis, jacentes infra vicecomitatum Berwici, que quidem terre cum pertinenciis fuerunt Thome de Corsby, patris dicti Thome, et quas idem Thomas, non vi aut metu ductus nec errore lapsus, sed mera et spontanea voluntate sua in manus nostras per fustum et baculum ac per literas suas patentes, apud monasterium Sancte Crucis de Edynburghe tempore consilii generalis ibidem tenti, sursum reddidit pure et simpliciter resignavit, ac totum jus et clameum que in dictis terris habuit vel habere potuit pro se et heredibus suis quittum clamavit imperpetuum. Tenendas et habendas dictas terras dicte baronie cum pertinentiis dicto Thome et heredibus suis de domino nostro rege et heredibus suis in feodo et hereditate imperpetuum, per omnes rectas metas suas antiquas et divisas, in unam integram et liberam baroniam, cum furca et fossa, sok et sak, tholl, theme, infangand thefe et outfangand thefe, cum tenandiis et liberetenentium serviciis, cum curiis eschaetis et curiarum exitibus, bondis, bondagiis, nativis et eorum sequelis, in boscis et planis, moris, marresiis, viis, semitis, aquis, stagnis, pratis, pascuis et pasturis, molendinis, multuris et eorum sequelis, aucupationibus, venationibus et piscacionibus, cum fabrilibus et brasinis, cum lapide et calce, et cum omnibus aliis et singulis libertatibus, commoditatibus, aysiamentis et justis pertinentiis quibuscumque ad dictas terras spectantibus seu quoquo modo spectare valentibus in futurum, adeo libere et quiete, plenarie, integre, honorifice bene et in pace in omnibus et per omnia sicut dictus Thomas, pater dicti Thome, aut aliquis predecessorum suorum dictas terras cum pertinenciis de domino nostro rege ante dictam resignationem suam nobis inde factam liberius tenuit seu possedit tenuerunt seu possiderunt. Reservato tamen dicto Thome pro toto tempore vite sue libero tenemento dictarum terrarum cum pertinentiis. Faciendo inde dictus Thomas et heredes sui domino nostro regi et heredibus servicia debita et consueta, et salvo quod dictus Thomas filius, post decessum dicti Thome, patris sui, in continenti relevium dictarum terrarum cum pertinentiis domino nostro regi et heredibus suis solvere teneatur. In cuius rei testimonium presenti carte nostre sigillum officii nostri apponi precepimus. Testibus Willelmo episcopo Glasguensi, Gilberto episcopo Abirdonensi, cancellario Scotie, Waltero episcopo Brechinensi, Johanne Senescalli, domino Buchanie, filio nostro dilecto, Johanne Senescalli de Lorne, Johanne Forstar de Corstorfyne. Apud Edynburgh, decimo quarto die mensis Marcii anno Domini millesimo quadringentesimo nono, et gubernationis nostre anno quarto.
[1410/2]*[print] [email] [cite] [preceding] [following]
Robertus dux Albanie comes de Fyfe et de Mentethe ac regni Scotie gubernator, omnibus probis hominibus tocius regni predicti, clericis et laicis, salutem. Sciatis nos dedisse, concessisse et hac presenti carta nostra confirmasse dilecto nostro Willelmo Watsone, filio Willelmi Watsone de Cranystone, et Jonete filie Johannis de Caverhille sponse sue, omnes et singulas terras de Trekware et Schelynglaw cum pertinentiis, jacentes infra vicecomitatum de Peblys, que quidem terre cum pertinentiis fuerunt dicti Willelmi Watsone, as ipse Willelmus non vi aut metu ductus nec errore lapsus, sed mera et spontanea voluntate sua in plurium nobilium et testium subscriptorum presencia apud Edynburghe nobis per fustum et baculum sursum reddidit, pure et simpliciter resignavit, ac totum jus et clameum que in dictis terris cum pertinenciis habuit vel habere poterit pro se et heredibus suis omnino quitum clamavit imperpetuum. Tenendas et habendas predictas terras cum pertinentiis predictis Willelmo et Jonete et eorum diucius viventi ac heredibus inter ipsos de eorum corporibus legitime procreandis, quibus deficientibus, Alexandro de Moravia filio quondam Johannis de Moravia de la Blakbaronery et heredibus suis masculis de corpore suo legitime procreatis seu procreandis, quibus fortasse deficientibus, Roberto Watsone fratri dicti Willelmi et heredibus suis masculis de corpore suo legitime procreatis seu procreandis, quibus omnibus, quod absit, deficientibus, Rogero Watsone filio avunculi Willelmi et heredibus suis masculis de corpore suo legitime procreatis seu procreandis, quibus omnibus fortassis deficientibus, legitimis et propinquioribus heredibus dicti Willelmi Watsone quibuscumque, de domino nostro rege et heredibus suis in feodo et hereditate imperpetuum, per omnes rectas metas suas antiquas et divisas, in boscis, planis, moris, marresiis, viis, semitis, aquis, stagnis, pratis, pascuis et pasturis, molendinis, multuris et eorum sequelis, aucupationibus, venationibus et piscacionibus, cum fabrilibus et brasinis, cum curiis escaetis et curiarum exitibus, petariis, turbariis et carbonariis, ac cum omnibus aliis et singulis libertatibus, commoditatibus, ayssiamentis et justis pertinentiis quibuscumque, tam procul quam prope, tam sub terr quam supra terram, tam non nominatis quam nominatis, ad predictas terras spectantibus seu spectare valentibus in futurum, adeo libere et quiete, plenarie, integre, honorifice, bene et in pace in omnibus et per omnia sicut dictus Willelmus aut aliquis predecessorum suorum dictas terras de domino nostro rege et predecessoribus suis ante dictam resignationem nobis inde factam liberius tenuit seu possedit, tenuerunt seu possiderunt. Faciendo inde domino nostro regi et heredibus suis dictus Willelmus et Joneta et heredes sui prenominati, quibus forte deficientibus cetere persone talliate et heredes sui ut predicitur, servicia debita et consueta. Reservato tamen liberotenemento dictarum terrarum dicto Willelmo Watsone patri dicti Willelmi Watsone pro toto tempore vite sue. In cujus rei testimonium presenti carte nostre sigillum officii nostri apponi precepimus. Testibus reverendis in Cristo patribus Willelmo episcopo Glasguensi, Gilberto episcopo Abirdonensi, cancellario Scotie, Waltero episcopo Brechinensi, Archebaldo comite de Douglas, Johanne Senescalli domino de Buchane, filio nostro, Willelmo domino de Grahame, Johanne Senescalli domino de Lorne, militibus, et Andrea de Hawyk, rectore de Lystone, secretario nostro. Apud Edynburghe in consilio nostro generali tento ibidem, decimoquarto die mensis Marcii anno Domini millesimo quadringentesimo nono, et gubernationis nostre anno quarto.