[A1650/5/20]*[print] [email] [cite] [preceding] [following]
20 Maii 1650
The estaittis of parliament, taking to thair consideratioun the supplicatioune givin in to thame be Mr James Moriesone, distressed minister in Orkney, shewing that forsameikle etc. (heir to insert the supplicatioune), as at mair lenth is contenit in the said supplicatioune. Quhilk being takin in consideratioune be the saidis estaitis of parliament, they have ordained and ordaines [...], messengeris of armes, to summond, warne and charge the foirsaidis persones, viz: the said Mr Walter Stuart and the rest of the ministeris of that presbetrie, to appear befor the saidis estaittis of parliament or thair committee within [...] dayes efter thair citatioune, to heir and sie thameselfis fyned and censured for thair complyance and accessorie to that rebellioune as shall be thocht fitt, and thair fynes and foirfaultouris applied for reparatioune of the supplicantis losses, to be verified and instructed efter probatioun. And to the effects the said loisses may be knowin and constant, the saidis estaittis of parliament hes givin and granted and be thir presentis givis and grantis full power and comissioun to Thomas Buchanan of Sound, David McBlanklan of Woodwick, James Leakie of Tankernes [and] James Mudie [of] Swelsetter to tak particular tryell of the said supplicant, his losses and sufferingis, with power to thame to examine witnesses and to receave all uther legall probatioun requiseit for trying thairoff; and ordaines thame to report thair proceedingis to the parliament or comittie of estaittis with all diligence.