[1649/5/189]*[print] [email] [cite] [preceding] [following]
The estates of parliament, taking into thair consideratioun ane suplicatioun givin in to them be the baillies and counsall of the brugh of Anstruther Eister, schewing that quhair it is not unknowin to the saids estaits how that they are at the horne at the instance of Sir James†Murray of Skirling, knyght, for not payment to him of the goodlin money, and how that in respect of thair inhabilitie the saids estaits of parliament hes suspendit all farder executioun aganis thaim thairanent; and sieing they are indevoring to gett moneys to pay him, which they will not gett to borrow sua long as they stand unrelaxit fra the said horning, thairfoir humblie desyring the saidis estaits of parliament that the[y] wold be pleasit not onlie to declair that thair escheits shall not fall be vertew of the said horning, bot also to give warrand to the lordis of session to [pass] thair bill for granting to them letteres for relaxatioun whairby they may be relaxt fra the said horning but cautioun, which the maner of the bussines, being for the publict, thair former and the suplicants indevors to give the said Sir James satisfactioun with all conveniencie calls for from the saidis estaits, as at mair lenth is conteined in the said suplicatioun. Quhilk being takin into consideratioun be the saids estaits of parliament, they have recommendit and recommendis to the commissiouners of the treasaurie and exchequher to grant ane gift of† the baillies and counsall of the brugh of Anstruther Eister the escheit gratis to themselffis which hes fallin throw thair being denuncit to the horne be Sir James Murray of Skirling, knyght, for not payment of thair pairt of the Flemis money; and ordanis the lordis of session to grant suspensioun to the said baillies and counsall of the toune of Anstruther Eister without catioun or consignatioun, the saidis baillies and counsall allwayis satisfieing the debt they are chairgit for in the former act of parliament.