[1649/1/360]*[print] [email] [cite] [preceding] [following]
The estates of parliament, taking to their consideratioune ane supplicatioune given in be Marie Drumond, relict of umquhile Williame Bruce of Kincavill, shewing the great losses sustenit be her and her said umquhile husband, first after the conflict at Kilsyth, their landis being totallie waisted and their hous plundered, and therefter the tyme of the armies lying neir Lithgow, there wes destroyed upone their landis twa hundreth fourscoir ane bollis and ane half prysed be honest and sufficient men and not ane horse left upone the ground, there being spuilzied and taken aff the saidis boundis to the worth of sex hundreth twentie thrie pundis, sex schillinges, eight penneis. Whairupone the supplicant haveing meaned herself to the committee of estaites, they granted her precept to the generall commissar for payment of two thousand and fyve hundreth merkis Scottis in pairt of payment of her losses and sufferingis, whilk shee can nowayes get peyed notwithstanding of the said precept, and thairfore supplicating that some effectuall course may be taken for her satisfactioune, and that quhill shee get farder reparatioune shee may be frie of horse and foote outputting and exemed of quarteringis, monethlie mantenance and uther publict burdingis, as at mair lenth is contenit in the said supplicatioune. Whilk being taken in consideratioune be the saidis estates of parliament, they have remitted and recomended to the committee of moneyis that some effectual course may be taken for payment to the supplicant of the foirsaid soume of twa thousand and fyve hundreth merkis contenit in the said precept, and hes remitted and remittis the remanent poyntis of the said supplicatioune anent the exeming of her frome quarteringis, outputting of horse or foote, paying of monethlie mantenance and uther publict dewis to the committee of estaites, that sick course may be taken therin as they sall think fitt.