[1648/3/6]*[print] [email] [cite] [preceding] [following]
The estates of parliament, now conveened in this second trienniall parliament, taking to thair consideratioune the fyftie act of the kingis maties second parliament holden at Edinburgh in anno 1641 intitulat 'Act anent the electioune of the president of parliament', togidder with the 42 act of the last sessioune of the first trienniall parliament of the daite at Edinburgh, the 27 Merch 1647 yeeres intitulat 'Act anent the electioune of ane president of parliament for ilk sessioune of parliament', explaineing the former act concerneing the tyme of the indureance of the president of parliament, and according heirunto Johne, erle of Crawfurd Lindsay, president of the last parliament, haveing ministred the oath of parliament to the haill memberis of parliament present and represented to thame the foirsaidis twa actis of parliament abonementioned, whilkis wer red in audience of parliament, the saidis estates of parliament, efter voyceing, did elect and choyse Johne, erle of Loudoun, high chancellour of Scotland, to be president of this sessioun of parliament, and to preceid thairintill as president of parliament during this sessioune of parliament and whill the taking of the oath of parliament and electioun of another president in the nixt sessioune of parliament, quhilk nixt sessioune of parliament is to be appoynted be the last act of this sessioune of parliament when this sessioune sall dissolve, conforme to the foresaid 42 act of the last parliament of the 27 of Merch 1647 yeeres.