[1646/11/382]*[print] [email] [cite] [preceding] [following]
The estates of parliament, haveing tane in consideration the suplicatioune of James, erle of Buchane anent his service, sufferingis and loisses for the caus and cuntrie, desyring warrand to the kingis advocat or procurators of estate to lybell sumondis against [...] Stewart of Ryland and [...] Mortimer, younger, of Auchinbadie, tua of the vassells of the estate of Buchane and notorious rebells aganis the cuntrie, upon sick information as salbe given aganis them, and that the forfaltor and fyne quherof they salbe fund guiltie may be ordanit to be given to the suplicant, the saidis estates gives heirby warrand to the kingis majesties advocat and procurators of estate to lybell sumondis against the tua rebells abonenamed upon the information to be given be the suplicant for ther appeirance before the parliament or committie of estates to answer to the particularis to be lybellit aganis them, and if it salbe fund that they sall fall within the compas of forfaltor or fyneing, the estates ordanis the suplicant to have the benefite therof payed to him, quhilk they doe heirby declare sall belong to him towardis the reparatioune of his loisses and sufferingis. And inrespect the saidis rebells ar vassells to the hous of Buchane, but prejudice to Waltir Stewart and Peter Stewart, his brother, off ther richtis of wodset and compryissingis of the rebells landis quhilks ar declared to be unprejudged heirby incaice they be fund suche persones as hes behaved themselfis as good patriots and hes had no complyance nor intelligence with the rebells, quheranent thir presentis salbe ane sufficient warrand.