[1645/11/244]*[print] [email] [cite] [preceding] [following]
Anent the supplicatioune given in to the estates of parliament, quherof the tenor followis: Wnto the honorable estates of parliament, the humble desire of Sir Johne Hadden of Glennegies, scheweth that it is not wnknawne to some of your lo[rdships] number with what disadvantages I have witnessed my constant affection to the caus in hand, and that thairfore the rebellis and enemies of this kirk and kingdome have spoyled and undone and waisted my landis, spoyled and undone my tennentis and have left me nather meanes nor estate ather to enable my selfe or my freindis and followers for doeing of that duetie that the publict caus at this tyme requires, and that I wold wish at this tyme to evidence according to my place and charge and that the rwine and destruction of my selfe and my freindis and tennentis is occasioned and holden foreward be these my nightbours who ar in rebellion, and sieing my loisses ar not yitt valued nor can be repaired till the same be tryed and the authors and principall actors aganis me aucht to be lyable for my reparatioune, heirfore my humble desire is to your lordships to give warrand that I nor nane of my freindis nor tennents be troubled be anie action of law for anie sowmes restand to anie actuallie in the rebellion, and that I may reteane the same ay and quhill I get satisfaction of my loisses and the same tryed and qualified, quhilk salbe done with diligence, and your lo[rdships] answer, as the said supplicatioune beiris. Quhilk supplicatioune and desire therof foresaid being hard and considdered be the estates of parliament, they grant the desire thairof abonewrittin and doe heirby give warrand that the supplicant nor nane of his freindis nor tennentis be troubled by anie action of law for anie sowmes restand to anie actuallie in the said rebellion, and that the supplicant may reteane the same ay and quhill he get satisfaction for his loisses and the same tryed and qualified, quhilk the estates ordaned to be done with all diligence, quheranent thir presentis salbe a sufficient warrand.