[1645/7/24/21]*[print] [email] [cite] [preceding] [following]
The estates of parliament, presentlie conveened in the fourth sessione of this first trienniall parliament be vertue of the last act of the last parliament haldine be his majestie and thrie estates in anno 1641, haveing takine to thair consideratione the desyre of the supplicatione given in to them be Johne Adiesone, ane of the baillies of Leith, and James Crawfuird, indueller thair, craveing, in respect of thair great and wrgent necessitie and vehemencie of the plaig of pestilence quhairby all meanes of liveing are debarred from them, that some supplie may be granted to them in such ane exigencie, as the said supplicatione at mair lenth beires. Quhilk supplicatione, being red in audience of parliament and the just merits thairof duelie weighted and considdered be the saides estates, the saides estates of parliament be thir presentes gives full power and warrand to the present magistrates of the toun of Leith to mell and intromet with the nomber and quantitie of fyve hundreth bolles of oat meale and that out of any seller or selleres in Leith quhair they may have it for medling thairwith, quhairof (and, if neid beis, makeing opene doores for that effect) declaires thir presentes to be to the said magistrats, thair servands or commissioners ane sufficient warrand; and the saids estates of parliament hes allowed and be thir presentes grantes full liberty to the saides magistrates of Leith or any haveing warrand to pas throw all the sherreffdomes of this kingdome be south of the water of Tay to crave the helpe and supplie of ane voluntarie contributione for payment of the foirsaid victuell and furnishing of such things as may be wsefull to the said toun of Leith now in such ane extreme exigencie.