[1645/7/24/8]*[print] [email] [cite] [preceding] [following]
The estates of parliament, now conveened in the fourt sessione of this first trienniall parliament be vertue of the last act of the last parliament haldine be his majestie and thrie estates in anno 1641, taikeing to thair consideratione that diverse of the subjectes who have now latly conveened heir for prosecutione of the rebelles have now returned to thair owne homes without permissione obteaned for that effect, and thairby so farr as in them lyeth hath weakened the good cause by withdraweing thair helpe thairfra, thairfore they statute and ordeane that no persone of quhatsoevir state or qualitie goe to thair owne homes from the army and quarters wnder the pane to be reputed and haldine as malignants and persones disaffected to the good of religion and the kingdome and to be proceidit aganes, conforme to the certificatione contenit in the act of parliament made at Stirling. And ordeanes thir presentes to be published at the mercate croce of Pearth be sound of trumpett and to be sent be the lieutennent generall to be published be him in the leager and in the quarteres quhair the army lyeth, quhilke the estates declaires to be a sufficient publicatione heirof to put all the transgressours of the premiss in mala fide.