[A1641/8/122]*[print] [email] [cite] [preceding] [following]
xj Novembris 1641
The barrouns is of the opinion that the commissioneris sall haiff power to go beneth aught chalderis victuell or aucht hundreth merkis in the provyding of the ministeris be vertew of the commissioun to be appoyntit be this parliament quhair they sall haif just, ressonabill and expedient causis to go beneth that extent. And that without the exceptionis conteinit in the first article.
The barronis assentis to the secund article and marginall not maid thairupoun borderit with ane scoir. As lykwayes is of the opinion that prorogatioun of takis may be grantit be the commissioneris for the augmentatioun grantit be vertew of the commissioun 1633 or for the augmentatioun be vertew of the commissioun 1641. Refuisis the fourt article anent the commissioners chairges.
The barrouns approvis oure additioun to the lords second answer, and desyrs that in the last article instead of ministers charges, it be said the charges of ministers or elders or the charges of commissionars to the assemblies.
Item, the barrouns is of opinion that the takismen quha wer burdeinit in making up aucht chalderis victuall or aucht hundreth merks fullie in favours of the ministeris thair provisioun 1633, or sall be burdeinit in maner abonewrittin be vertew of the commissioun 1641, the saids takismen may be prorograt in retributioun thairof.