[1641/8/494]*[print] [email] [cite] [preceding] [following]
In the parliament haldine at Edinburghe, the sevinteene day of November, the yeere of God jM vjC fourtie ane yeeres, the quhilke day James Cochrane, merchand burges of Edinburghe and commissioner for the said burghe in this present sessioune of parliament, protestit in opine and plaine parliament, in audience of the kingis majestie and estates of parliament, in name of the said burghe of Edinburghe and magistrates therof, aganes the act made in this parliament of the dait heerof in favoures of the hatmakeres within the said burghe, granting power, libertie and priviledge to the saidis hatmakeres of ane overseer and quartermaister yeerlie of ther owne calling to be elected, nominat, chosine and givine to them be the provest, baillies and counsell of the burghe of Edinburgh, as the said act proportes; and that the samene act should nowayes be prejudiciell to the rightes, liberties and priviledges granted to the proveist, baillies and counsell of the burghe of Edinburghe, for making of lawes and seting doune of orderes for governeing of the said burghe, quhilke is only competent to the magistrates thairof, and that no deacone nor quarter maister can be givine to the saidis hatmakeres, not being ane crafte, seing the nomber of craftes of the said burghe and deacones of the samene craftes are allreddie limitt be the decreet arbitrall pronunced be his majesties umquhile darrest father of worthie memorie betuixt the merchandis and craftes in Edinburgh; and heerwpoun the said James Cochrane, commissioner foirsaid, in name and behalfe of the saidis magistrates of Edinburghe and in audience of the kingis majestie and estates of parliament, askit instruments.