[1641/8/172]*[print] [email] [cite] [preceding] [following]
The quhilk day, anent the supplicatione givene in to the parliament be Johne Drymmy, brother to umquhill Isobell, spous to Robert Walker in Charletoun within the parochine of Montroise, makeand mentione that upoun the [...] day of Maii lastbypast the said Johne† Walker strangled and wirried the said Isobell Drymmie, his spous, and therefter carried her to the crues of Morphie in maner conteaned in the supplicatione, and therfor desyreing the king and parliament to grant commissione for apprehending of the said Robert Walker and David Grahame and Margaret Grahame, his sister, to be examinat and tortored anent the said murther, and being fund guilty to put them to death, as the supplicatione more fullie proportes. Quhilke supplicatione, being red in audience of the kingis majestie and parliament and the desyre therof tane to consideracion be them, his majestie and estates of parliament grantes commissione to the proveist and baillyies of Montrose for tryeing of the murther of the said umquhill Isobell Drymmie, and for the apprehending of the said Robert Walker, hir husband, and of the saidis David Grahame and Margaret Graham, his sister, and for tryeing and exameneating of the saidis three persones anent the foirsaid murther. And therefter ordeanes the proveist and baillies of Montrose to report to the secret counsell the tryell to be tane be them in the said matter, that the counsell may take suche course theranent as apperteanes.