Vigesimo tertio die huius sessionis parliamenti
[1641/8/58]*[print] [email] [cite] [preceding] [following]
Prayer said and rolles callit.
Rege presente.
Anente the supplicatione givine in to the kingis majestie and the parliament be Maister Williame Turnble, minister at McKerstoune, makeand mentione that umquhill Johne Turnble of Mynto, his brother, contracted seiknes in the publicke service in the army at Newcastle where he remaned ane long space and thereftir deceist, wherby the waird and mariage of Johne Turnble, his eldest sone, fallis in his majesties handis, and therfore desyreing his majestie and estates to give order to passe the signatour allreddie signit by the king in the supplicantes name of the foresaid waird and mariage to the behove of the said John Turnble gratis. Quhilke supplicatione being red and considerit be his majestie and parliament, his majestie, with advyce of the parliament, appoyntes the deputie thesaurer and lordis of excheker to pase the gifte abovewrittin gratis; and appoyntes the clerke to give the double of this delyverance wnder his hand for ther warrand.
[1641/8/59]*[print] [email] [cite] [preceding] [following]
The quhilke day the supplicatione givine in to the parliament be Alexander Ramsay, sone laufull to Johne Ramsay and brother to umquhill James Ramsay, sone naturall to the said umquhill Johne, desyreing ane warrand to the thesaurer deput and lordis of exchekker to pas to the supplicant gratis the gifte of bastardie of the said umquhill James Ramsay, quhilke is allreddy granted be his majestie to the supplicant wnder his hienes hand seing the said umquhill James was killed in the publict service in the conflict at Newburne, being ane trouper of the company of Captane Grahame, being red and considered, his majestie and estates of parliament grantes the desyre thairof foirsaid and ordeanes the said gifte to be past and delyvered to the supplicant gratis without any compositione in respect it is notour that the said umquhill James Ramsay was killed at Newburne.