Sexto die huius sessionis parliamenti
[1641/8/16]*[print] [email] [cite] [preceding] [following]
Rolles callit and prayer said.
Rege presente.
The quhilke day the Lord Loudoune exhibit in presence of his majestie and parliament the treattie subscryved be the commissionaris of England, quhairof the parliament declaires that they will have ane speciall cair that ane competent nomber of there commissioneris may subscryve the samene. And sicklyke produced the said treattie wnder the broad seall of Ingland, quhairof appoyntes ane double to be givine to everie estat that the samene may be registrat in the recordis of parliament and they may thinke wpoun the maner of extracting therof. And sicklyke produced ane act of the parliament of Ingland for securitie of payment of the tuo hundreth and tuentie thousand pund of brotherlie assistance, whilke was red in audience of the parliament. And als produceit the copie of the said treatie which was delyvered to him when he was last sent into Ingland be the parliament of Scotland, and is markit with the hand of the clerke of parliament. And sicklyke produced ane paper beiring that the commissioneris ware not satisfiet with the kingis ansuer anent the placeing of judges and officeris of estate, quhairwnto is subjoyned ane ansuer subscryved be the Erle of Bristo, beiring that he intimat the same to his majestie, quhilke is daitit the 12 August 1641. And wpon the haill premiss the Lord Loudoun askit instrumentes.
[1641/8/17]*[print] [email] [cite] [preceding] [following]
Rege presente.
The quhilke day the instructiones to the generall anent the disbanding and payment of the armie being publictlie red in audience of the king and parliament, and therefter subscryveit be the praeses of parliament in face of parliament at ther command, the kingis majestie and estates of parliament appoyntes the samene instructiones with ane letter from the praeses in there name to the generall to be delyvered to the Erle of Home that he may carie the same with diligence, which he wndertooke, and to be heir againe at the parliament within 12 houres eftir the armie removes from the shereffdome of Berwike.
[1641/8/18]*[print] [email] [cite] [preceding] [following]
The quhilke day the Erle of Galloway being askit be the praeses of the parliament if he had apprehendit Thomas McKie, conforme to his commissione from parliament, the erle declaired that he had Thomas McKie in reddines. Quhairwpoun the estates of parliament commandis the said Thomas Mckie to be imprisoned within the tolbooth of Edinburghe.