[A1641/7/38]*[print] [email] [cite] [preceding] [following]
Decimo Augusti 1641
I, George Aitkine of Underedge, grantis that I disponed the haill cloise, yairdis, housis and workis without exceptioune or reservatioune of any hous or pairt thairof, and that accordinglie I put William Dik and his sone, factor and servands in posessioune of the haill without reservatioune of ony pairt thairof. And I acknowledge that I have done wrong in the intruding my selfe in the posessioune be the deid lybellit and provin aganis me. And I consent that the parliament give warrand to the magistratis of Dumbar or any of thame to reenter William Dik, his sones, factours and servandis to the peaceable posessioune, and obleisis me that I sall nevir trouble nor molest the said William Dik nor his sones and Alexander Drumond, his factour, nor any uthairs his servandis in thair posessioun foirsaid, nor na uthairwayis in thair persons nor meanis directlie nor indirectlie, uthairwayis nor be ordour of law under the pane of perjurie and defamatioune and payment of the sowme of ten thousand merks and alse forfaltour of all richt and reversioune of the haill landis, housis, yairds, cloisis, workis and uthers disponit be me to the said William Dik and tinsell thairof for ever in favours of the said William Dik. In witnes quhairof, I have subscryvit thir presentes at Edinburgh the day abonewrittiin befoir thir witnesis: David, erle of Southesk, William Rig of Eddernie and Maistir Robert Barcley, provest of Irwing.
Decimo Augusti 1641
The estaittes of parliament interponis thair authoritie to the consent abovewritten, and conforme thairto appointis the magistratis of Dumbar to repone William Dik to his posse[ssioune].
Burghly, I[n] p[raesentia] d[ominorum] parl[iamenti]†