Procedure: ordinances
Ordinance of parliament in favoures of the Lady Ridhous and hir sister

The quhilke day the suplicatione givine in to the parliament be Lady Ridhous and hir sister, craveing command to the commisseris of Edinburghe to sit and minister justice in ane proces persewed at ther instances agais Sir James McGill of Cranstounriddell, being red and considerit be the saidis estates, they grant the desyre therof and ordeanes the commisseris of Edinburghe to sit, proceid and minister justice in the foirsaid process at the instance of the saidis supplicantis againes the said Sir James McGill as accordis of the law.

  1. NAS, PA2/22, f.87r. Back
  2. NAS, PA2/22, f.87r. Back
Ordinance to the committie for these in the castle

The quhilk day the estates of parliament grantes power to the committie appoynted for these in the castle to examene the foirnameit persones who are in the castle and to confront if they thinke neidfull.

  1. NAS, PA2/22, f.87r. Back
  2. NAS, PA2/22, f.87r. Back
Ordinance in favoures of Lochtoure

The quhilk day the estates of parliament, haveing red and considerit the supplicatione givine in to them be the Laird of Lochtour craveing delyverie of his signatour, and that the compositione therof, which is in Maister Patrike Brounes handis, may be receeved from him be the thesaurer deput, the saidis estates, eftir report made be the president of the committie for the billis anent the foirsaid supplicatione, ordeanes the foirsaid thesaurer deput to receive the compositione of the signatour of Lochtoures escheit fra Maister Patrike Broun and to grant the reseat therof, and to delyver the foirsaid signator to the supplicant.

  1. NAS, PA2/22, f.87r. Back
  2. NAS, PA2/22, f.87r. Back