[C1639/8/73]*[print] [email] [cite] [preceding] [following]
Petitioune for intertaining the pealling about the park of Falkland remitted to the commissioneris general to supplicate his majestie for bigging ane dyke about the park.
Act ordaining guids takin by theivis to be restoired to the owners red, voited and past in articles.
Supplicatione presented be Agnes Jhonestoun against Maistir Alexander Jhonestoune, craving that ane dispositioune allegit cunninglie purchest be him from hir may be produced and restored to hir, and shoe fred thairof. The saidis pairties and David Jhonestoune being hard, ordaines Maistir Alexander Jhonestone to produce the assignatione or dispositioune presentlie, or otherwayis presentlie to enter his persone in waird, or otherwayis to renunce the said writt juri liti et causae, and repone the supplicant in hir awin place. Quhairupon Maistir Alexander Jhonestoune declaired that he will goe to waird. Therefter the said Maistir Alexander Jhonestoune renuncit the said dispositione and translatione juri liti et causa and reponed the said supplicant in hir awin place cum omni clausa, and promeist to produce the same the morne efternoone to be cancellate in presence of the articles.
Act for reuniting sevin kirkis to the shirrefdome of Dumbartane, appointis the Erle of Mar and other noblemen to be advertished by the Laird of Keir that they may attend the morne.
Supplicatione for discharge of the custome of the amunitioune gevin to the kingis advocat to sie whill the morne.
Maistir Alexander Jhonestoune producit the dispositioune abonementionate, quhilk was cancellate in presence of the lordis commissioneris general and articles by publik warrand and redelyvered up againe to the provest of Edinburgh, and the provest produced the bakband, quhilk was also cancelled, and Maistir Alexander Jhonestoune promeist to produce the inhibitione also to be cancelled and redelyvered.
Act against strykers or cursers of parentis red, voited and past in articles.