[C1639/8/1]*[print] [email] [cite] [preceding] [following]
The commissioners general with the haill lords of the articles present.
Sir Williame Elphingstoune, justice generall, protested that the ranking of the officiaris of estate be not prejudiciall to that place and precedencie dew to him as justice generall by the custome of this kingdome and ressounes whiche he shall adduce, and thairupon askit instrumentis.†
The Erle of Argyle and others protested against the precedencie graunted to some officiars of estate, and his majesties advocate protested in the contrair, as the same is sett downe in writt.†
The Laird of Keir, in name of the barones, repeitted the protestatione maid in name of the baronis upon Setterday last and producit ane new protestatioune this day in writt anent the electioune of the articles, and thairupon askit instrumentis.†
Jhone Smith for the borrowes adheirit thairto, and thairupon askit instruments.†
The lord commissioneris general requyrit his majesties advocat to advert to the said protestatioune and mak such ane anser thairto as may secure his majestie of all priviledgis dew to him, and that he presentlie mak ane generall anser, but prejudice to the commissioneris general or his majesties advocat to produce ane particular anser in writt.†
Sir Thomas Hoip, his majesties advocat, protested in his majesties name and in name of the lord commissioneris general against the said protestatioune and ressounes thairof and certificatioune subjoyned thairto as contrair to the lawis and actis of parliament and derogatorie to the inviolable and uncontraverted custome of all preceiding parliaments and liberteis thairof, and thairupon askit instrumentis.†
The Marquis of Huntlie, for himselfe and all these who will adheir unto him heirin, protested that this protestatioune doe not prejudge the noblemen of the ancient priviledge and custome, quhairby the noblemen haif bein constantlie in use to elect the baronis and burgeses, and heirupon askit instrumentis.†
The Erle of Argyle protested in the contrair, and repeitted the protestatiounes maid by him upon Setterday last and adheirit thairunto, and heirupon askit instrumentis.†
[Members present]†
The Erle of Argyle askit instrumentis that the lord commissioner general in his propositioune anent the ratificatioune of the actis of the assemblie, making mentioune of the lordis of the articles now present, had denominated thame articles of parliament and thairby had acknawledgit this for ane lawfull valid parliament, haifing soverane power to ratifie the same and being rightlie constitute of the haill members thairof, and that the same was also acknawledgit by the haill lords of the articles.†