[1633/6/189]*[print] [email] [cite] [preceding] [following]
Oure soverane lord, for the good, trew and thankfull service done to his majestie be his hienes lovitt Sir James Balfour of Kinnaird, knicht, his hienes lyone king of armes, ratifies, approves and confirmes to the said Sir James the chartor of dispositione and confirmatione grantit to him be his majestie, of the dait at Halyrudhous, the nynt day of Januar, the yeir of God jM vjC threttie ane yeirs, of all and haill the lands of Kinnaird, with all and sundrie the pairts, pendicles and pertinents thairof, lyand within the shirefdome of Fyffe, and all uthers his authors and predicessors infeftments of the saidis lands in sua far as the samyne may corroborat the said Sir James, his richt of the saidis lands allanerlie; and decernes and declairs the saidis chartors and infeftments to be good, valeid and sufficient richts to the said Sir James and his airs provydit to the saidis lands and to Dame Anna Ayttoun, his spous, according to hir richts thairof, quhairthrow they may bruik and joyse the saidis lands according to thair richtes in all tyme coming, in the haill heads, articles, clauses, conditiones, pointes and circumstances thairof.