[1706/10/347]*[print] [email] [cite] [preceding] [following]
Anna, Dei gratia, Magnae Britanniae, Franciae et Hiberniae, regina, fideique defensor, omnibus probis hominibus ad quos praesentes literae nostrae pervenerint salutem. Quandoquidem nos perpendentes permulta magna et fidelissima servitia nobis nostrisque regiis progenitoribus per dominos de Gray aliosque de illa familia facta et prestita qui cum gravissimis hujus regni fidei officiis crediti essent semper se gesserint tanquam bonos et fideles subditos tam domi quam foris ut opportuit; et specialiter considerantes bona et fidelissima servitia nobis et predecessoribus nostris per Joannem Gray de Creichie prestita et qui cum nuptus fuerit nunc defunctae magistrae Marjoriae Gray unicae filiae et natae Patricii, domini Gray et alioqui tam intime relatus sit dictae familiae ut post dictum Patricium, dominum Gray et magistrum Carolum Gray unicum ejus fratrem superstitem et eorum descendentes masculos, ipse propinquior heres masculus sit in quem honores dictae familiae devolvi poterint; et qui quidem honores in manibus nostris modo subscripti resignati sunt; noveritis igitur nos ex nostra libera voluntate proprioque motu dedisse et concessisse tenoreque praesentis literae patentis dare et concedere predicto Joanni Gray de Creichie durantibus omnibus suae vitae diebus; et post ejus decessum Joanni Gray filio legitimo natu maximo inter illum et predictam defunctam magistram Marjoriam Gray procreato et heredibus de corpore dicti Joannis Gray junioris, quibus deficientibus aliis filiis natu maximis et heredibus masculis de dicto maritagio procreatis et heredibus de eorum corporibus, quibus etiam deficientibus heredi femellae natu maximae sine divisione inter predictum Joannem Gray de Creichie et magistram Marjoriam Gray de Creichie procreatae et heredibus de corpore dictae heredis femellae, filia omnimodo natu maxima succedente sine divisione et cum et sub diversis provisionibus conditionibus et irritantiis super dictis filiis et heredes femellas in casu earum successionis in prioria resignationis subtus mentionatae latius contentae; et deficientibus omnibus liberis de predicto maritagio inter predictum Joannem Gray de Creichie et magistram Marjoriam Gray procreatis et heredibus de eorum corporibus propinquiori heredi masculo dicti Patricii, domini Gray et heredibus masculis de corpore dicti heredis, quibus deficientibus heredi masculo de corpore dicti Joannis Gray de Creichie de ullo alio maritagio, quo etiam deficiente aliis ejus heredibus masculis quibuscunque; totum et integrum honorem, titulum et dignitatem domini de Gray baronis et domini parliamenti cum omnibus et singulis dignitatibus privilegiis et praecedentiis praerogativis et immunitatibus eidem spectantibus sicuti idem per predictum Patricium, dominum de Gray vel ullos alios ejus praedecessores dominos de Gray ullo tempore praeterito possessum fuit; qui quidem honos titulus et dignitas domini de Gray baronis et domini parliamenti cum omnibus et singulis dignitatibus privilegiis praecedentiis et praerogativis eidem spectantibus perprius ad predictum Patricium, dominum Gray pertinuerunt; et per eum cum consensu magistri Caroli Gray advocati ejus unici fratris et predicate defunctae magistrae Marjoriae Gray ejus unicae filiae et natae; et per dictum magistrum Carolum Gray et magistram Marjoriam Gray pro seipsis pro illo et omni jure quod illi ad predictos honores habuerunt vel habere potuerunt; et per eos omnes unanimi consensu et assensu saltem per eorum legitimos procuratores eorum nominibus per literam procuratoriae resignationis per eos ultime desuper concessam et subscriptam de data duodecimo decimo octavo et trigesimo primo diebus mensis Decembris, anno Domini millesimo sexcentesimo nonagesimo specaliter constitutam in manibus nostris in debita forma vigesimo die mensis Februarii instantis pro nova securitate et patenti litera ejusdem predicti Joanni Gray de Creichie durantibus omnibus ejus vitae diebus et post ejus decessum predicti Joanni Gray ejus filio natu maximo ejusque heredibus talliae supramentionatis in ordine et cum et sub provisionibus et conditionibus in dicta prioria contentibus dandis et concedendis debite et legitime resignatis fuerunt sicuti authentica instrumenta in manibus Jacobi Irving notarii publici desuper sumpta latius proportant; tenendum et habendum dictum honorem, titulum et dignitatem domini de Gray baronis et domini parliamenti cum omnibus et singulis dignitatibus privilegiis praecedentiis praerogativis et immunitatibus eidem spectantibus per dictum Joannem Gray de Creichie durantibus omnibus suae vitae diebus et post ejus decessum per dictum Joannem Gray juniorem ejus filium et heredes talliae illi succedentes in ordine suprascripto et in terminis predictae resignationis de nobis nostrisque regiis successoribus in omnibus parliamentis statuum conventibus conciliis privatis et publicis congressibus et conventibus cum jure loco et potestate inibi sedendi et suffragia dandi similiter adeoque plene et libere et in eodem statione ordine et modo sicuti ullus dominus de Gray perprius ullo tempore praeterito facere consuetus est; et nos volumus et declaramus quod non obstantes presentis literae patentis quandocunque contigerit dictum honorem titulum et dignitatem domini de Gray per decessum dicti Patricii, domini de Gray et Joannis Gray de Creichie cadere et ad predictum Joannem Gray juniorem ejus filium vel ad ullum alium heredem talliae predicto Patricio, domino de Gray in sanguine propinquiorem devolvere quod dictus Joannes Gray junior dicti heredes talliae antedicti plenam habebunt potestatem et libertatem predictum honorem titulum et dignitatem domini de Gray omnesque et singulas dignitates privilegia praecedentias praerogativa et immunitates eidem spectantes fruendi et possidendi tam jure sanguinis quam jure presentis diplomatis et hoc absque confusione jurium seu jurium extinctione quovis modo. In cujus rei testimonium praesentibus magnum sigillum nostrum appendi mandavimus. Apud Aulam nostram de Saint James's, vigesimo septimo die mensis Februarii, anno Domini millesimo septingentesimo septimo et anno regni nostri quinto. Per Signaturam manu S.D.N. reginae suprascriptam.