[1705/6/32]*[print] [email] [cite] [preceding] [following]
Her majesties' commission to James, duke of Queensberry, to be lord privy seal, read and ordered to be recorded, whereof the tenor follows.
Anna, Dei gratia, Magnae Britanniae, Franciae et Hiberniae, regina, fideique defensor, omnibus probis hominibus ad quos praesentes literae nostrae pervenerint salutem. Quandoquidem nos considerantes antiquam fidelitatem insignesque animi dotes fidelissimi et dilectissimi nostri consanguinei et conciliarii Jacobi, ducis de Queensberry quibus ad munus locum et officium secreti nostri sigilli custodis fideliter obeundum usquequaque est idoneus; noveritis igitur nos fecisse nominasse constituisse et ordinasse sicuti nos per presentes nominamus facimus constituimus et ordinamus eundem Jacobum, ducem de Queensberry, durante nostro beneplacito solummodo,† custodem secreti nostri sigilli antiqui regni nostri Scotiae; dando concedendo et disponendo illi† munus et officium secreti nostri sigilli custodis antedicti, cum loco et ordine praecedentiae proxime et immediate post praesidem secreti nostri concilii dicti regni; una cum universis honoribus dignitatibus privilegiis feodis casualitatibus proficuis et divoriis quibuscunque eo spectantibus per eum fruendis et gaudendis tam plene adeoque libere in quovis respectu et conditione quam eadem per ullos alios ejus praedecessores in dicto munere et officio quovis tempore praeterito possessa et gavisa fuere; cum potestate etiam dicto Jacobo, duci de Queensberry deputatos pro custodiendo dictum secretum sigillum nominandi et constituendi et clericos et dicto sigillo scribas, pro quibus respondebit, creandi; et generaliter omnia et singula alia faciendi utendi et exercendi ad privilegium et libertatem dicti officii perprius spectantia aut quae in posterum quovis modo eo spectare dignoscentur; quae quidem omnia per dictum Jacobum, ducem de Queensberry legittime facienda in dicto munere loco et officio obeundo firma et rata habemus. In cujus rei testimonium praesentibus magnum sigillum nostrum appendi praecepimus. Apud aulam nostram de Windsoir Castle, decimo octavo die mensis Junii, anno Domini millesimo septingentesimo quinto et anno regni nostri quarto. Per signaturam manu S. D. N. reginae suprascriptam.
Written to the great seal and registrat the twenty fourth day of July, 1705. Sic subscribitur, Charles Kerr. Sealed at Edinburgh, the twenty fourth day of July, one thousand, seven hundred and five years. Sic subscribitur, Alexander Ogilvie.
Thereafter, the said duke of Queensberry swore the oath of alleadgeance, subscribed the same with the assureance and swore the oath of parliament.