[1704/7/10]*[print] [email] [cite] [preceding] [following]
Patent creating the viscount of Roseberry earl of Roseberry, read and ordered to be recorded, whereof the tenor follows.
Anna, Dei gratia, Magnae Britanniae, Franciae et Hiberniae, regina, fideique defensor, omnibus probis hominibus ad quos praesentes literae nostrae pervenerint salutem. Quandoquidem nos regio nostro animo perpendentes fidelia servitia per fidelissimum et dilectissimum nostrum consanguineum et conciliarium Archibaldum, vicecomitem de Roseberrie nobis praestita atque zelum ejus et affectum erga nostram personam et regimen per eum omnibus occasionibus expressa; ob hasce igitur et perplurimas alias magni momenti rationes quendam regiae nostrae gratiae characterem in eundem Archibaldum, vicecomitem de Roseberrie conferre benigne statuimus ut sibi et suae familiae durabilis fiat additio honoris; noveritis igitur nos fecisse constituisse et creasse sicuti nos tenore praesentium facimus constituimus et creamus dictum Archibaldum, vicecomitem de Roseberry, comitem de Roseberry, vicecomitem de Inuerkeithing et dominum Dumenie et Primrose; dando conferendo et concedendo in memoratum Archibaldum, vicecomitem de Roseberry et heredes masculos sui corporis, quibus deficientibus heredes femellas sui corporis, titulum honorem gradum et dignitatem comitis cum omnibus et singulis praerogativis praeeminentiis praecedentiis privilegiis et immunitatibus quibscunque eo spectantibus; quibuscum nos praefatum Archibaldum, vicecomitem de Roseberry ejusque† predictos omni tempore futuro per praesentes nobilitamus et investimus tenendum et hanbendum praedictum titulum gradum et dignitatem comitis vicecomitis et domini cum omnibus et singulis praerogativis praeeminentiis praecedentiis privilegiisque antedictis per eundem Archibaldum, vicecemitem de Roseberry ejusque praedictos de nobis nostrisque regiis successoribus in omnibus parliamentis ordinum conventibus conciliisque generalibus aliisque congressibus quibuscunque publicis seu privatis in dicto regno nostro tam plenarie et libere in quovis respectu et conditione quam quivis alius comes vicecomes et dominus simili titulo honore et dignitate perprius potitus est seu quovis tempore praeterito praesenti vel futuro potiri poterit. Leoni porro armorum regi ejusque fratribus faecialibus imperamus ut praefato Archibaldo, vicecomiti de Roseberry nunc comiti de Rosberry talia prioribus insigniis ejus gentilitiis additamenta qualia ipsi illisque hac occasione convenientia videbuntur dent et praescribant. Ordinando et declarando hasce nostras patentes literas magno nostro sigillo munitas adeo validas et efficaces fore illi ejusque† eo antedictis pro fruendo antedicto titulo honore dignitate et gradu cum omnibus privilegiis aliisque eo attinentibus ac si ille ejusque praedicti omnibus ritibus et solennitatibus similibus occasionibus perprius usitatis investiti et inaugurati essent; quocirca dispensavimus perque praesentes pro nobis nostrisque successoribus in perpetuum dispensamus. In cujus rei testimonium praesentibus magnum sigillum nostrum appendi praecepimus. Apud aulam nostram de Saint James's, decimo die mensis Aprilis, anno Domino millesimo septingentesimo tertio et anno regni nostri secundo. Per signaturam manu S.D.N. reginae suprascriptam.
Written to the great seal and registrat the twenty fourth day of September, 1703. Sic subscribitur, Charles Kerr. Sealed at Edinburgh, the twenty fourth day of September, jM vijC and three years, by special order till the seal be renewed. Sic subscribitur, Alexander Ogilvie.