[1703/5/12]*[print] [email] [cite] [preceding] [following]
Her majesties' gift and commission in favors of Mr Roderick Mackenzie of Prestounhall to be lord justice clerk, read and ordered to be recorded, whereof the tenor follows:
Anna, Dei gratia, Magnae Britanniae, Franciae et Hiberniae, regina, fideique defensor, omnibus probis hominibus suis ad quos praesentes literae nostrae pervenerint salutem. Quandoquidem nos abunde satisfacti de integritate et eximiis animi dotibus fidelissimi et dilectissimi nostri magistri Roderici Mackenzie de Prestounhall unde pro munere loco et officio justiciariae nostrae clerici infra praedictum nostrum regnum Scotiae fungendo usquequaque sit idoneus; noveritis igitur nos nominasse constituisse et ordinasse sicuti nos tenore praesentium nominamus constituimus et ordinamus memoratum magistrum Rodericum Mackenzie, durante nostro beneplacito solummodo, nostrum justiciarium clericum dicti regni nostri Scotiae; dando concedendo et disponendo praefato magistro Roderico Mackenzie durante spatio antedicto dictum munus et officium justiciarii clerici cum omnibus honoribus privilegiis feodis proficuis immunitatibus et casualitatibus quibuscunque eo spectantibus per eum tam plenarie et libere in quovis respectu et conditione gaudendis et possidendis ac quivis alii in dicto officio praedecessores eodem potiti sunt aut quovis tempore retroacto potiri potuerant. In cujus rei testimonium praesentibus magnum sigillum nostrum appendi praecepimus. Apud aulam nostram de Saint James's, trigesimo primo die mensis Decembris, anno Domini millesimo septingentesimo secundo et anno regni nostri primo.
Per signaturam manu S. D. N. reginae suprascriptam.
Witten to the great seal and registrat the sixth day of January, 1703. Sic subscribitur, Charles Kerr. Sealed at Edinburgh, the sixth day of January, one thousand, seven hundreth and three years, by special order till the seal be renewed. Sic subscribitur, Alexander Ogilvie.